梨滿園韓國料理 (已結業)

今日在樂富見客晚上約左家姐食飯，個天好似狗屎未停過，晚飯惟有在樂富廣場尋覓一下！來到三樓有間叫「梨滿園」韓國料理，心裡想上個月去韓國都好像沒有食韓燒就今晚食啦！即刻打電話比個家姐通知地點。店裡環境舒適寬敞乾淨，我早到還有沙化卡位坐真好。一坐下來服務員就捧來韓式小食六小碟，碟碟都清爽可口這味韓式紫菜蛋卷，入口已充滿蛋香咬落嫩滑加上紫菜蘸點醬汁同食非常有特式紅燘牛肋骨牛味香濃細膩，肉汁芳醇，近牛肋骨之牛根入口熔化咬落陣陣軟糯香好有驚喜食過牛肋骨再呷一口蘿蔔湯，一濃一淡剛剛好傳統韓國菜是夾着蒜子、辣椒、麵豉醬汁及生菜同食燒烤中的豬肉、雞肉濃厚飄香，個種誘人的香氣蜂擁而來，我肚子餓壞了！韓式炒粉絲有豬肉同椰菜這道菜最主要醬油，味道剛好不過不失精選烤肉拼盤各適其適不想單點麻煩有精選套餐，這晚我們就點了一個二人套餐及二碟單點菜餚如果怕熱氣不食燒烤還可以選擇特價晚餐，晚餐呢個價錢都算價廉物美。超值！今晚果然沒有去錯地方，食得盡興，坐得舒適，捧腹而歸，還要多謝好有禮貌服務員時刻幫我控制燒爐

行完百貨公司有點迷路，行到响呢間店食的門口，見到門口的餐牌寫咗好多嘢食，覺得好吸引就咁入咗去~雖然話呢間餐廳係有韓式燒烤和套餐可供選擇，但是入到裡面一點都不會覺得好焗促。另外四邊牆都掛上有關韓國人生活的圖畫，就像被韓風包圍。精選二人套餐其實呢個二人餐都係豐富，首先上枱的就係一式 6 碟的前菜，涼涼的很醒胃。接著就是蕃茄薯仔湯，酸酸甜甜，令胃口大增。這個餐的主菜就係牛、豬、雞三款烤肉，三款肉都算係厚切，所以食的時候很有o趙口和啖啖肉，仲有生菜可以伴著不同的肉一齊食，減得油膩感。無論是否以生菜包住食都好，一碗白飯確不可少，爬飯都變得快d。另外，我們還點了兩碟卷物，呢個花卷涼涼的，口感很豐富，而 韓式紫菜蛋卷 的蛋味好香好滑好鬆軟。

自從樂富商場裝修後，已很久沒有去過，今日趁得閒約朋友去逛逛，順便吃晚飯，日式超市已變為UNY, 逛完後見樓上三樓有間韓式料理價錢幾抵，晚飯就揀呢間餐廳環境舒適，通道幾闊落，安坐卡位後，即看看餐牌有散叫及套餐，精打細算的我，見套餐幾抵，就揀二人套餐未食正餐先黎免費韓式六小碟，款款都很醒胃，有莧菜，薯仔，南瓜，泡菜，芽菜及酸蘿蔔例牌一碗清甜蘿蔔湯韓式牛肉炒粉絲，大大碟，粉絲索晒牛肉味，正。三款韓燒肉類，有豬，牛，雞牛肉片厚身得黎夠腍身雞肉是大件，應該是雞扒，醃得很惹味，燒完後濃濃醬汁加上焦香，勁好味豬腩肉，烤到微燶再夾埋附送的蒜頭，生菜，麵豉醬，很有風味強力吸油煙機，食完衫褲完全無油煙味套餐仲包兩碗白飯兩個人吃到勁飽，埋單都唔使三百，確實抵食，下次黎呢個商場一定再幫襯

樂富，一個並不陌生的地區，但很少踏足，這次因為朋友帶領算是人生第二次來這個樂富出名的大商場，記得上次來已經係差不多十年前了，這次完全令我改觀，這個商場又大又多商鋪，無論衣食住行都完全可以滿足，在這里行街食飯購物足足可以用上一天時間也樂而不返。還有免費泊車，不過提一提，優惠只做到晚上10點。行到肚餓，朋友提議食韓國料理，入門口後略略打量了一下，發現左右兩邊是卡位，配上疏發式座椅，有格板分隔開，適合二至六人，可以自成一角，如果人多，十人八人的話適合坐中間的大圓枱，大家圍住中間坐特別有氣氛。中間通道感覺很寬敞舒適，不會有壓逼感。每個爐都配有一個獨立的抽油煙機。油煙機上也就是吊燈，抽煙機用時拉下來，不用就放上去，美觀得來又實用，很聰明的設計。傳統的韓國料理，少不了的韓國泡菜，還有豆芽，南瓜，土豆絲等，特別是那碟酸蘿白絲，令人胃口大開。還未點菜已經呈上這六款前菜，直接開啓了味蕾…侍應細心地把肉剪細塊些，這樣方便燒烤，可容易入口。把抽油煙機拉下來，對住爐面，一邊燒一邊吸走油煙味，保持空氣清新，在等烤熟的過程中，可以一邊聊天，蝦和帶子很鮮甜，根本不用點醬油已經很入味，肉類是沒有經過醃制的，所以味道較

昨日颱風襲港，大風大雨下，沒有到街市買些餸菜，家中沒什麼好食，唯有出街食飯。家中各人提議，我地都好耐沒食過燒烤啦！好想食，見到雜誌上的廣告，睇到那些韓牛，五花腩，睇到都流口水，未食先肚餓。離港鐵不遠的商場內，完全在有蓋遮頭情況下，我地去左樂富找食。早前，大仔在附近的大學唸書，都唔發覺有間韓式菜館，加上我地又想食燒烤，就這選擇這間餐廳。一貫的韓式格局佈置，夠寬闊，可能我地早到，還未見到人客。過左不久，開始人多了。我地點左四人套餐，以為唔夠食，點知，最後上的韓式薯仔雞鍋，大大煲，一定夠飽。前菜泡菜，都有六款，有辣唔辣，酸酸甜甜，好開胃，增加食慾。先來一個食物拼盤，五花腩、雞肉、牛舌、牛肉。五花腩肥瘦適中，烤的金黃，小小油脂爆出，香口彈牙、用上生菜包上生蒜、醬汁，爽脆香煎的口味，混在口裏，回味無窮。泡菜煎餅，即做熱辣辣，香煎得鬆化，食落有點香辣，是停不了口。鹽燒鯖魚，燒得好脆口，唔乾身，有肉汁，淋上檸檬汁，提鮮、有魚味。最後，還有一鍋韓式薯仔雞鍋，份量都幾大，大量香菜配料，加上香辣醬汁，薯仔炆煮得軟硬適中，雞肉有點嚡，用上佐飯的好拍檔。

香港傳統韓國料理,離不開韓式烤肉。梨滿園韓國料理走傳統路線,當然不能少了燒烤部份。 樂富的梨滿園韓國料理並不是全新品牌,早在旺角已有分店,在樂富就大約開了半年。 食物款式花多眼亂,最後還是因為怕熱氣,選擇不吃韓式燒烤了。 所有韓國料理,也有一個共同特點,就是無論吃什麼東西也會送上配菜。情形就好像吃南歐料理一樣,無論有沒有點湯,也必定會奉上麵包。 這次所吃到的韓式配菜包括添加了色香味泡菜、菠菜、蘿蔔絲、南瓜、土豆絲和大豆芽菜。 大家只要一提起韓國,自然就會想起他們的韓式泡菜。大白菜只是他們各式泡菜中最多人選擇的一款。有很多人還誤會了大白菜就是唯一一款韓式泡菜。 南瓜用上湯煮得又軟又淋,鮮甜好味。 炒大豆芽菜夠爽口。 燙菠菜就不能缺少白芝麻,為菠菜添加了色香味。 腌得酸酸甜甜的蘿蔔絲,惹味開胃。 炒土豆絲比較吃炸薯條更加吸引。 這店位於商場內,環境整潔衛生,客人也不算很多,可以清靜地進食。 第一次喝傳說中的韓式大醬湯,感覺像是用大豆發酵的麵豉醬作湯底所造成的一道菜。 除了豆腐和金菇之外,還有蘿蔔、冬菇粒、花甲和肉碎。擁有香濃甘甜的大大豆味,難怪韓國人這麼喜歡大醬

非常抵食＠梨滿園 早陣子和學生見面，小朋友好叻仔啦，考到心儀的學校，姐姐當然要好好獎勵一下 樂富附近實在沒有很多地方食好野，小朋友喜歡食韓燒， openrice search下找到這間梨滿園，價錢頗超值的，便入去試試看 晚上六點左右，人不太多，冷氣強勁，空間感高， 食完不會有一陣油煙味 免費的前菜也有好多種 很喜歡這裡的泡菜，味道不會太辣，口感爽脆非常醒胃 可點餐也可以散叫 餐很抵食，一個人平均大約一百元左右已經食飽飽，有飯有湯有飲料 散點也不貴，一份肉才幾十元 小朋友喜歡韓燒，就點上一份特級什錦海鮮拼盤＄４２０， 入面包括了牛肋骨，牛舌，五花腩，帶子，尤魚和大蝦，其實足夠三人去食 飲料頗抵飲＄１２一瓶汽水 先來帶子， 燒好也不改其大小，非常大粒 食落鮮甜爽口 大蝦足足一只碟般大，食起來很彈牙，感覺頗新鮮的海蝦＼ 五花腩薄薄的 ，我不太喜歡，厚的才夠份量嗎，不過燒起的味道頗甘香 牛肋骨非常好食，來不及拍照小朋友已經把它剪開了， 牛肋骨燒成７成熟的狀態最好食，食起來很腍，當然不能和高級肉去比較，但這個價位還要求些什麼 我們還點了一份水冷麵 非常好

是日同朋友去咗樂富行街，經過見到呢間個店名好似好熟悉，店面又幾企理及幾有韓國風，恰巧有啲餓就入咗去食嘢。坐低咗發現啱啱到下午茶時間，so good! 當然要叫下午茶餐。同朋友一人叫咗一個share食。落完單就送咗兩份配菜過嚟，每份有兩款。豚肉炒飯 $39豚肉炒飯原來有隻太陽蛋喺熱呼呼的炒飯面，蛋白滑滑又有蛋香。豚肉應該用咗五花腩又香又嫩。炒飯炒得夠乾身，味道亦好香。辣牛肉粉絲煲(跟飯) $43辣牛肉粉絲煲有好多配菜，包括蛋花、冬菇、青蔥、洋蔥、金菇。煲嘅主角牛肉和粉絲連埋配菜浸咗喺微辣嘅湯中，湯瀰漫着牛肉的鮮味。用匙羹連白飯放入湯當湯飯食，效果更好。蜂蜜生薑茶凍奶茶少甜店內環境都好有韓國風情，不用半百就食到份韓式套餐，不失為想食韓國菜的好選擇。

一陣黃雨，一陣又黑雨，令到媽媽沒有去 街市買餸， 趁機會陪她先去樂富商場行街再去搵食。那晚商場寧靜, shopping得好舒服, 行過梨滿園， 新裝修， 環境大， 座位之間相隔遠， 坐得舒服 。望望餐牌，食物都係大路款式，不同部位的烤牛肉，豬肉和石鍋飯等料理。先烤五花腩，無醃，烤到香脆可口， 用生菜加蒜片包住， 只需要醮少許韓式豆瓣醬，或鹽醬味和芝麻醬， 食到肉的原味，的確好味 烤牛脷， 薄片，好容易熟又唔肥， 熟了 一點也不靭。炒牛肉粉絲，粉絲好入味，有鑊氣蛋拌生牛肉絲，肉質好嫩，加入生雞蛋令牛肉更滑及蘿蔔絲和生薑絲， 口感豐富。侍應多次來為我們換烤板，服務好！

韓式燒肉店一直在韓國菜中扮演中流砥柱的角色！今日與"食肉獸"友人逛樂富廣場，到醫肚時間，二話不説便走入這間韓燒店……幸好有二人燒肉套餐，抵食兼不用左揀右搭咁麻煩……有齊五花腩、牛肉、雞肉……前菜六小碟、老火湯、生菜、白飯、糖水，想再豐富點，再加個招牌牛肋骨，滋滋作響的韓燒爐，看著鮮肉由生變熟，肉味腌得剛剛好，雞肉尤其嫩滑出色，牛肋骨有嚼勁，唔韌，生菜好新鮮，仲有免費茶任斟，識歎梗係叫埋韓國啤……傾下食下，過了愉快的一晚！

這晚剛在樂富見客食飯，在這久違了的商場搵食，被這間韓燒店的香味所吸引。由於時間尚早所以不用等位; 餐廳地方寬敞舒適有空間感。甫坐下店員即上數碟開胃前菜，雖然餐牌上有雞，豬及羊，但還是牛肉較吸引，今晚一於來個全牛宴吧: 蛋拌生牛肉絲$120 ~ 嗜牛者必點！涼涼的生牛肉鮮味嫩滑，攪拌蛋槳後更覺入口即溶！炒牛肉粉絲$75 ~ 粉絲軟腍又不失煙韌，牛肉芳香惹味，整體豐潤但不油膩。烤牛肉$85 ~ 肉腍入味, 嫩滑無比，將牛肉，蒜頭及青椒沾上特色惹味醬，以新鮮爽脆的生莱包裹著, 平衡油脂之外又增加口感！無骨肩背肉$160 ~ 份量十足， 油脂均勻而肉質香滑，令人難以抗拒 甜品雖然是普通的紅豆沙，但水準媲美大酒樓, 美味可口，吃了太多肉類, 不失為一股清泉，為味蕾帶來清新感覺！能以街坊價錢食到有水準的韓燒，令人驚喜！

很久沒有吃韓燒，喜愛燒肉的我今晚終於按捺不住了，於是我們來到家附近的韓燒餐廳吃晚飯，因為地點夠方便。這裡的dinner set其實很抵吃，只是50-60元左右，可惜沒有燒肉類，所以我們最後都是散叫。我們點了一個烤牛肋骨肉，烤無骨雞脾肉，烤鮮大蝦，韓國生菜跟麵豉醬，和高麗人參雞湯。前菜我們一坐下，店員即刻送上六小碟前菜，包括泡菜，芽菜，醃白蘿蔔，南瓜等等。當中最美味的是泡菜，酸度適中，又不會太辣。烤牛肋骨肉牛肉的脂肪分佈相當平均，切得很薄，只要燒一燒就能吃了。肉醃得很入味，入口香噴噴，肉夠滑，而且油而不膩。烤無骨雞脾肉我們一向很少燒雞肉，因為怕醃得不好，但這裡的雞肉完全沒有這個問題，也是醃得很入味，而且燒完的雞肉十分彈牙，入口嫩滑。烤鮮大蝦哇！好大隻蝦呀！店員叮嚀我們把蝦放在鐵板旁邊燒，直至蝦完全變色就完成了。啖啖肉，十分滿足，醃過的蝦肉夠咸香。韓國生菜跟麵豉醬吃韓燒不能少的配菜，生菜很新鮮爽口，麵豉醬咸咸甜甜的，和燒肉很配合。高麗人參雞湯男朋友一看到就嚷著想要吃，湯很清淡，有一點雞肉的甜味，不過參味略嫌淡了點。雞肉煲完湯仍然KEEP到嫩滑，不錯！

好久沒有寫食評。。。早2日遊樂富見有新餐廳， 平時食普通早餐太悶啦！ 今日決定試韓式早餐， 點了早餐B豬肉蕃茄撈。門外己嗅到韓燒味...晨早9點喎?!菠菜蛋卷：較清淡，提議在食麵前KO蛋卷先.奶茶：普通, 奶味重不需落哂全包糖，但一樣要食麵後飲水才再飲奶茶, 否則咩味都唔覺.豬肉蕃茄撈麵：堅有蕃茄蓉但茄味唔濃, 酸味多點， 由於撈麵， 所以汁醬較稠。豬肉少了點， 但食落十足韓燒味， 早上居然都食到韓燒味服務就麻麻， 舉手幾次都見唔到平時早上食得太悶， 不妨一試。

抱住滿心歡喜，樂富終於有韓國野食，之前食過旺角個間，覺得都唔錯。點知，我地叫左4樣野，都令我失望。1. 首先，最中意既泡菜煎餅，無泡菜味，得pat 面粉味，仲好厚既面粉....2. 黑豚肉炒飯，同食楊州炒飯無分別！無韓國風味，只有茶餐廳味。3. 拉麵，個午餐肉明顯係次貨，無午餐肉味，都唔知有無用韓國牌午餐肉。4. 牛肉拌飯，呢個較為正常少少，不過一樣都係茶記level總括而言，同旺角個間差幾個level，唔會想回頭，一次夠晒。

同去咗依間新過一排嘅韓燒餐廳食晚飯。例牌有啲一碟碟嘅小食。個泡菜唔錯。唔太辣。叫咗個二人餐。有齊豬牛雞。份量都還可以。個汁幾香啲肉淹得幾入味。但切得比較薄。食落唔靭同唔會成口油。不錯用生菜包住唔點汁其實都ok。夠juicy。另外有個炒粉絲。韓式粉絲特別煙靭。依個都係。唔會炒到油淋淋~嚇死朕仲有無影到相嘅白飯。所以唔使驚唔夠。食完燒肉飲返碗中式湯潤一潤。但點解係中式總結食物質素算係不錯。雖然無泡菜蛋呀芝士粟米呀。但有時食返傳統啲嘅韓燒都唔錯嘅。起碼唔會比啲芝士搞到漏晒食唔倒其他嘢嘅真髓。環境比較逼。張枱太細差啲要用頭頂住隻碟嚟食