棋哥燒鵝 (已結業)

棋哥燒鵝下午係尖沙咀經過聞到燒鵝味挑起食癮，我一於試試上菜時賣相吸引，帶有光澤的燒鵝，皮脆肉嫩，外皮有炭烤味，甘香，師傅切得厚厚的燒鵝，而且唔會有碎骨，鵝脾肉一咬，骨肉分離👍🏻👍🏻咬起來口感十足，鵝肉味香濃，肉質很滑，見好多人外賣，大家不訪一試。燒腩仔夠厚身脆皮，大大份，啖啖肉，先係外層非常脆皮，食落卜卜脆，中間肥肉，底層瘦肉，比列岩岩岩肉質爽口👍🏻👍🏻配埋介辣好味道。下午茶時段，小編配左個瀨粉，感覺沒有咁heavy 粉條爽滑，唔會煮到碎曬👍🏻值得一讚😊郊外油菜是菜心，很新鮮，口感清爽，可解油膩👍🏻

今次叫了2人餐!!首先要講下個湯, 估不到很好飲!! 當晚個湯係花生雞腳湯, 料足, 火喉亦夠, 所以味道夠濃, 好好味! 真係好想飲多一碗跟餐嘅係一份例牌嘅燒鵝佢的燒鵝真係甚邪惡! 佢的肉汁濕潤多汁但係個皮就燒得10分香脆而且充滿荔枝的香味濃郁嘅鵝汁滳返落瀨粉上面所以個粉很香很好味，淋上汁的粉會吸引你不斷食!!! 而於燒鵝的肉質唔錯, 不肥, 肉亦算多, 而且燒得幾香, 好好味!!! 另外碟燒肉都非常之咁出色個皮燒得芝麻香脆而且肉質非常之好食用上了五花腩的部位唔單止有豬油嘅香味仲更加有濃濃嘅肉味Anyway, 個湯就極出免, 而燒鵝亦好好味!

近排出街都唔想去咁多人嘅地方，但係今日要去尖沙咀拎啲嘢，所以就喺附近搵間餐廳食個快飯，廢是去啲咁人多嘅地方😂😂見到呢間門口掛住好靚嘅燒鵝，同埋二人餐都係248，好似幾多嘢食！我哋要咗燒鵝同埋叉燒，仲包兩個湯同埋有菜，兩個人食唔晒。不過燒鵝真係好香好多肉，仲有浸荔枝柴嘅味道，燒鵝肉唔係太肔好多肉超級正！👍🏿另外叉燒好大碟，睇落好似好瘦，不過原來肉質好林好入味好甜！連個湯都好大碗，相當抵食，唔錯！

燒鵝除咗鏞記、深井燒鵝之外，近呢一兩年棋哥燒鵝都彈起咗，分店仲遍布九龍、港島。話說我第一次接觸棋哥燒鵝係因為公司嘅聖誕節聚餐中老細訂咗棋哥燒鵝。就係因為咁我有幸試到棋哥燒鵝，更加令我一試難忘。而令我印象深刻嘅係佢燒鵝表皮層獨有嘅煙燻味，真係好特別。後來上網查過後，發覺原來係用荔枝柴燒出嚟嘅效果。今日同男朋友係尖沙咀The one 睇完戲之後發覺隔離開咗間棋哥燒鵝，所以我就提議晚餐去再食佢個燒鵝😜餐廳廚窗掛上一隻隻燒鵝，見到都流晒口水🤤淨係睇鵝頭嘅數量就知道戰績彪炳😝睇咗陣餐牌就决定叫個二人套餐食唔洗煩，有我想食嘅燒鵝仲可以揀多樣燒味又包油菜、白飯同湯。如果你唔鐘意食白飯仲可以轉瀨粉或者米粉都得。首先上嘅係老火湯—粉葛赤小豆豬骨湯😍清熱去濕岩晒我。佢個例湯一啲都唔馬虎，好足料，味道濃郁！燒鵝保持水準，肉質嫩滑，燒鵝表皮淡淡荔枝柴煙燻嘅香氣。😋平時我食燒鵝好鐘意點酸梅醬一齊食，但棋哥嘅燒鵝我原全唔想點酸梅醬。建議大家都試下唔點酸梅醬食，欣賞下果陣獨特嘅煙燻味❤️第二樣嘅燒味例牌我地嗌咗叉燒。🥩叉燒肥瘦均勻，入口唔肥膩，肉質冧身而且玫瑰露酒味非常出。🥬油菜翠綠，灼得唔會過內，咬落爽脆。

今日約左去尖沙咀行街睇戲，去the one睇戲行到附近見到有間棋哥，諗住近近地就入左去食啦～去到環境都幾大又舒服😌座位又唔會好迫，店員都有禮貌，感覺都唔錯👍🏻👍🏻我地兩個人食飯就叫左個二人餐，有兩個餸、菜、飯和飲品/老火湯，都好夠份量👍🏻老火湯都十分足料，不過重手左有點咸餸就簡左燒鵝和叉燒都好大碟又夠食👍🏻我哋唔想配飯，就選擇左米粉和賴粉😋燒鵝味道一流，肉質美味可口，無諗過兩人餐都有燒鵝脾食😋叉燒好大碟，不過比較瘦，但都好林而且味道好好👍🏻

行完街隨心入左黎食晚飯，有意外收穫，哩間燒味真係好食！燒鵝雙拼飯 $70揀左燒鵝拼燒腩仔，落左單野食好快到，見到哩碟飯太吸引，燒鵝同腩仔份量都多，而且定價唔貴。首先，燒鵝皮冇咩肥膏，好甘香，鵝肉好林，食到炭爐燒既香味，好意外。腩仔塊皮超脆，好新鮮，肥瘦平均，高水準。全日常餐-叉燒意粉 $52哩個常餐看似同出面其他茶餐相似，但個叉燒絕對係100分，好值得食。叉燒爽口，有蜜汁味，好好味，意粉略林。個炒滑蛋好多蛋汁，炒得金黃色，冇得輸，連兩塊厚多士都好味。跟餐加$8，係花生未豆雞腳豬骨湯，冇味精低鹽，好清甜，覺得哩$8太值回票價。海蜇燻蹄 例牌 $108哩個涼拌小菜食完開胃，點少少酸甜白醋係最正，燻蹄肉爽口，海蜇有麻油香味，好食！哩間好味，會再黎食嫁。

尖沙咀人多餐廳多，日本、台灣、西餐、選擇多多，是日到尖沙咀一遊是為了逛逛就打算食平民一點，大商場旁邊的燒味舖帶點反差之餘，又多了一分貼地。遊客想試地道香港味就即有了~~😆 正題~選擇困難症朋友之選燒味5寶飯（燒鵝、叉燒、切雞、紅腸，半隻咸蛋)首先份量好足，每款都有四件，在這繁忙地區, cp值很高~燒鵝 - 嫩及肉汁豐富, 剛巧是啖啖肉, 讚👍叉燒 - 蜜汁多, 甜度適中，熱到有點焦焦的邊, 好香跟餐仲可以揀飯/米粉/ 瀨粉~~岩哂我唔意食飯朋友的雙併 叉燒熏蹄飯熏蹄 - 皮脆脆的, 爽口, 不膩整體來說, 地道的味道, 質素很好不錯~

今次第二次食發覺水準下降，唔知係唔係甘啱我呢一碟燒鵝同叉燒都好鹹，可能員工不夠的關係，我等了很耐先有人下單，終於見到個短頭髮員工，佢仲要我掉另外一台位坐去就另外啲顧客，其實只有50%人，以為佢會幫我落單點知佢又要我再等又要再等，不過我覺得已經冇以前嘅水準，比呢一個價錢可以試其他。我叫咗燒鵝平叉燒飯我胸要加$10，但我覺得細碟咗好多重要啲叉燒以前好好食而家好似拿到好林咁樣冇乜味。我旁邊嗰幾台都是遊客大部份是國內有一台日本人。反而我覺得佢杯奶茶最好飲😞

提起燒鵝，好多人都只會諗起深井，或者鏞記。平時好少燒臘店有燒鵝食，就算有都麻麻地，一係皮唔夠脆，一係隻鵝太瘦，一係肉質又實又鞋，好食又唔天價的燒鵝真係無乜得揀。如果無車，我諗我唔會特登入深井，而鏞記又貴而又不是次次好食。有一次公司老細請食飯，有同事叫左棋哥燒鵝返來。一試便念念不忘，今次放工就同女朋友早少少五點幾便去試下堂食。😋睇完個menu 都係覺得二人套餐最啱，有湯飲又有飯有菜。我地除左燒鵝外，燒味就試下佢個叉燒。個老火湯好足料，係粉葛湯，啱晒成日夜訓的我地。主角燒鵝真係好正，燒鵝脾肉質嫩口，皮脆而肉滑，入口有一種淡淡的煙燻香味。加上梅子醬，本來以為兩個人怕食唔晒會浪費，一人一口，好快就俾我地KO晒。叉燒就失色小小，肉質好腍，雖然不是半肥瘦亦好易入口。如果燒多一陣，燶一點點，有蜜汁焦香味就完美多了。下次我就想試埋佢地的豉油雞同燒腩仔，一個人來食碟頭飯都好過去其他連鎖餐廳。

與好友做完運動，又系時候找尋美食醫肚。我們行到尖沙咀加拿分道見到先前雜誌介紹過的 棋哥燒鵝 。老闆你店門外大大個招牌好搶眼。玻璃櫥窗吊著各式燒臘非常的超眼讓我垂涎。店內環境滿大的，裝潢簡潔滿乾淨，桌椅擺設整整齊齊。員服務態度好，價錢合理大眾化，食物味道很好。由於我好多心，所以選擇了乳豬五寶賴粉（有附贈飲料）再加燒鵝油雞雙拼，咁樣就可以吃到比較多樣的燒臘🤤，來到份量滿夠多。兩個人食到好飽。燒鵝油雞雙拼燒鵝：大大只新鮮燒鵝燒得好均勻，皮香酥脆，食到有麥芽糖甜。肉質鮮嫩多汁肥美嫩滑。（推介必食）油雞：皮Q肉嫩乳豬五寶賴粉叉燒：叉燒切到薄薄的肉質扎實鮮香。乳豬：烤外皮極為香酥脆，一啖咬落去卡滋聲，肥而不膩，入口奇香（推介大家）白切雞：皮爽肉滑紅腸：口味濃郁不膩咸蛋：咸中帶香瀨粉：入口清香爽滑，清清淡淡

難得放假去揾男朋友食lunch，就叫我帶佢去平時同同事食飯嘅食堂試下啦！呢間棋哥燒鵝地點都幾就腳，一入去感覺比平時嘅燒味舖形象年輕...d poster都幾有趣🤣🤣首先叫咗一份我地最鍾意嘅化皮乳豬例牌($168)。烤乳豬排列整齊，乳豬望落去色澤均勻，豬皮皮光油亮，金黃酥脆，可見師傅控制火喉功夫到家。在喺側邊望一望，一層肥肉夾住一層瘦肉咁樣，肥瘦適中，叫人口水直流。咬落豬皮入口酥化，最重要嘅係肉質滑嫩可口，而且乳豬嘅醃料啱啱好，唔會遮掩左豬肉味，係我是日嘅最愛。另外我哋仲叫咗一份白切雞同燒腩仔雙拼($108)，雖然呢度嘅燒味係凍住上，但一樣好好味。白切雞口感嫩滑，雞皮好香好滑溜，脂肪比例啱啱好，雞嘅鮮味配上蔥油，好味！脆皮燒腩仔有明顯分隔，由頂層脆皮、肥膏、嫩肉、到最底層的瘦肉，層層分明。每塊燒腩既外表都烤得金黃酥脆，味道鹹香入味。

為何facial前總是餓？又要搵左野食先可以開始做facial喺美容店附近食左間茶餐廳呢間係燒鵝燒味專賣店見到啲一隻隻嘅出爐燒鵝就忍唔住喇🤤揀左個燒味雙拼一人餐要食燒鵝同燒腩仔😍😍😍呢個一人餐好多野食一份例牌燒味雙拼一份油菜一個老火湯另加米/瀨/飯我都自知唔會食到咁多所以都叫佢食碗米算點知食食下，發覺連油菜都要取消埋😅所以呢個餐，其實兩個人share都得燒味雙拼份量好多！燒鵝好柴香，皮脆肉滑最正係本身已經有醬汁味好多時燒鵝都係無乜味得肉味而家唔沾燒鵝醬都已經夠好味！燒腩仔一層肥一層瘦所以食落去唔會鞋口面層焦脆，唔會比燒鵝比下去👍老火湯同米粉好大碗食埋已經飽到上心口！

做完gym好晏所以係附近搵野食，見到間燒鵝2人餐都只係$248，即刻坐低食。燒鵝之外仲可以揀一款燒味例牌，我地要左叉燒，除左飯仲可以要瀨粉同米粉，燒鵝梗係配瀨粉啦👍🏿燒鵝好脆皮，有d肥，好香荔枝柴既味，真係幾好食！叉燒好大碟，半肥瘦，好淋，少少燶邊，好香口，甜甜地，都好出色！例湯係花生雞腳湯，睇得出煲左好耐，好入味，仲好足料！呢個2人餐好抵食，3個人都夠食，燒鵝果然做得出色，可以encore！

尋日去完the one睇戲之後，近近地lunchtime去咗食棋哥燒鵝！因為見地點方便就係the one隔離，又多人，味道應該唔錯🤪我哋嗌左招牌燒鵝髀飯（$118）同燒鵝叉燒飯（$70），配凍檸茶同凍奶茶。一上枱就好surprise竟然咁大碟，就算好大食都未必可以食得哂全碟飯，另外隻鵝髀都非常巨大！唔知係咪因為新鮮整出嚟嘅關係，皮仲有啲脆，仲有少少煙熏味🤓又唔會話太油淋淋，不錯不錯👍🏻我個燒鵝飯係用咗燒鵝胸，所以好多肉而且唔會韌，叉燒肉質幾好。另外我哋仲叫咗蔥油撈飯添😋

留意了這家餐廳一段時間，見之前很多遊客排隊，現在沒有人排隊便試一下。很可惜燒鵝好韌，不熱。服務態度亦強差人意。味道跟其他燒味店差不多。不值得排長龍去試。First time trying this restaurant, which is famous for roasted duck. However the quality was quite disappointing and the poor service. Many other roasted ducks restaurants in HK are better. Not recommending this restaurant and not worth queuing.