棋哥燒鵝 (已結業)

最近想快啲食完晚餐就返屋企，所以揀啲快靚正嘅餐廳，棋哥嘅燒鵝都幾出名！嚟呢度叫咗個二人餐，比起單叫更抵食！包左一碟燒鵝、一碟自選燒味、一碟油菜、兩碗粉面同兩杯飲品，叫咗唔使好耐就已經有得食。例牌燒鵝一碟，而家唔使再特登去深井食因為呢度嘅質素都差唔多，燒鵝肥瘦適中，皮脆肉嫩。自選燒味叫左叉燒，叉燒大大碟，兩個人唔係好食得晒，食落味道鹹咗少少，不過都係半肥瘦，正！仲有兩碗瀨粉，唔好以為跟餐會細碟啲，碗瀨粉都好大碗架！

今日下午食左餐賴嘢嘅，好彩夜晚試左間好嘢補返數。去祺哥就一定要食燒鵝喇，就雙併燒鵝油雞飯餐+凍檸茶試試。燒鵝好香無得頂，諗唔到油雞都好有雞味，飯亦都有飯香，唔係用平價米；凍檸茶有茶香；服務員熱情態度好，整體唔錯會再嚟，希望繼續保持質素。(好鬼肚餓，記得影相時已經食鬼晒)

最近約左好友交收口罩，順便速食個飯～～所以黎左棋哥食燒鵝～我地叫左：燒鵝瀨粉、叉雞飯、奶醬多士。黎到呢度緊係要食燒鵝啦！！燒鵝瀨粉 - 燒鵝賣相非常吸引，帶有光澤，D皮又香又脆，食落肉質肥瘦均稱，入囗仲有煙燻既香味，真係招牌菜~~呢度既可以免費轉瀨粉/米粉/飯，瀨粉唔係成日都有得食, 所以今次揀左瀨粉, 好滑溜, 正！叉雞飯，呢度既叉燒半肥瘦，外皮燒到微焦，而且有蜜汁香味，食落肥瘦均勻，都係必食～～雞肉就嫩滑，唔錯！奶醬多士好食脆口，不太厚身，食落脆卜卜，加埋杯熱杏霜，冇得輸～

深井燒鵝成日都畀人話出名好食，但其實食燒鵝有使乜入到深井喇!肥妹仔我就知道有一間食燒鵝都好好食嘅，尖沙咀就有得食啦，非常方便。燒鵝唔好講笑，上枱時個皮仲係脆嘅!個汁調得好好味，唔會過鹹，點埋個甜酸醬仲更加正佢。啲肉質好嫩滑，肥肉比例剛剛好，咬落去充滿鵝油嘅香味。白灼菜心出街食飯都會叫嘅菜芯，幾新鮮，冇乜渣，清清地唔錯。油雞半隻佢呢一度嘅燒味真係唔錯呀!除咗去燒鵝，佢嘅油雞都值得一讚!肉質好嫩滑，咸味剛剛好，食到雞嘅香味。點埋佢個蔥油仲好食。

向尖沙咀行完街有啲肚餓，肥妹仔就同肥媽去咗呢一間叫棋哥燒鵝嘅茶餐廳度食飯。化皮乳豬瀨粉  $70肥妹仔真係超級鍾意食乳豬，嚟到梗係要試啦!佢呢度嘅乳豬偏肥，肥妹仔覺得肥瘦比例唔算太好。不過佢嘅皮燒到非常之香脆，點埋個甜醬好好食。海蜇燻蹄  $108另外肥妹仔仲嗌咗一個海蜇燻蹄同媽媽一齊食。海蜇係大路貨色，冇咩特別。而佢嘅燻蹄幾彈牙，肉質幾爽口，不過肥妹仔覺得佢凍得啲，如果早啲攞出嚟會解凍比較好。全日常餐  $52肥媽就叫咗個叉燒米粉配香滑炒蛋同火腿，牛油厚多士。 常餐嚟講佢嘅水準都好高，米粉幾好食，個蛋炒得好滑，多士烘得非常香脆，牛油亦都夠多，叉燒唔錯。全日常餐  $52肥媽就叫咗個叉燒米粉配香滑炒蛋同火腿，牛油厚多士。 常餐嚟講佢嘅水準都好高，米粉幾好食，個蛋炒得好滑，多士烘得非常香脆，牛油亦都夠多，叉燒唔錯。

棋哥的燒味出名有水準已經不用多說，今日發現原來於The One都開設了分店，那晚餐就吃棋哥吧！餐有二人餐 （$248）不設加一，但我們還是選擇了散點。點了一個《雙拼瀨粉$65》，自選了脆皮燒腩仔和佛山燻蹄。分開送上，瀨粉中碗又夠熱，燒腩仔皮果然夠脆口又不油膩，肉之間有脂肪，令燒肉入口爽彈。《棋哥叉燒飯 $60》叉燒分量多，而且醃得十分入味。叉燒偏瘦，有咬口。《玫瑰豉油雞（例牌） $88》十分讚！雞肉極嫩滑，又入味但不會偏咸，下次要吃半隻！另+$8 一碗老火湯 再加+20 碟油菜 每杯飲品+$3，凍飲不加錢。

棋哥燒鵝 — 也許這品牌您未有聽過，但其燒鵝是我飲食生涯中遇過最優質美味，而且獨特，更勝那些家傳戶曉的品牌。其荔枝柴燒鵝絕能為您帶來不一樣的體驗。以前在銅鑼灣上班時，每個月都會去棋哥吃單拼燒鵝飯，同事、朋友吃過無一不讚好。一般套餐包括燒鵝、燒味、油菜、白飯/瀨粉，以及老火湯/飲品，價錢較單點平得多。但若一人可選單拼燒鵝飯配飲品，也只是$63元，本人認為，燒鵝質素好比大品牌。棋哥燒鵝 (例牌): 燒鵝最獨特之處是其經過以荔枝柴煙燻處理，因此散發極香和獨特的煙燻味道，極為美味，好味指數超越五粒星，別家絕對吃不到；而燒鵝採用肥美幼嫩的黑棕母鵝，香脆的鵝皮下普遍也有一層脂肪，雖然油膩，但油香極重，非常滋味，而肉質也相當細膩。燒腩仔 (例牌): 份量頗多，燒腩仔的皮十分香脆，而腩肉半肥半瘦。是日老火湯為眉豆花生雞腳湯，湯料充足，蠻鮮甜濃郁，雖然一定不及自家老火湯般足料，但絕不是普通例湯質素！

今天在尖沙咀The One附近逛街，經過看到這一間光猛的燒味店，剛好肚餓了，便入內一試，發覺這間燒味店不是普通燒味店的那樣周圍都油淋淋，相反，是非常乾淨明亮，而且內裏寬躺，座位與座位之間也有適當的距離，坐得很舒適。事不宜遲馬上食評！這味的燒鵝有炭香調味, 不是燶味, 燒鵝皮不但薄和香，而且沒有碎骨，而且份量多，超級讚！另一味燒味選了脆皮燒腩仔，皮脆肉香， 點自製的芥辣醬食，令味道更突出,  完全可以媲美一線酒家質素！而且還不用加一服務費。我們還點了一味菠蘿油，這個菠蘿油比想像中大很多！是巨型菠蘿油，份量大，而且牛油🧈半溶在菠蘿包中，非常香口好味！$13超抵！還有每人叫了一碗自家製的足料靚湯，真的很足料，而且學完之後幾個鐘也不會特別口乾，所以應該不是坊間的味精湯。凍檸茶都好好飲，茶味同檸檬味剛剛好！總結，呢隻食物好食，環境唔錯，價錢又平，係性價比高的食店！

My parents and I went shopping at TST the other day. We shopped till about 19:00 and decided to have dinner near by. I was craving for BBQ goose and remember this tasty restaurant that services really good smoke BBQ gooses, so decided to bring my parents to try their food.We arrived at the restaurant at 19:30 and there available table for us right away. The restaurant is quite clean with nice and bright lights which i like. The restaurant can serve about 40 customers.Overall, I’ll rate the re

放工後出有事要尖沙咀, 順便同朋友們食埋晚餐。呢段時間，人人都好怕出街食，就算出街食都好講求衛生。行經棋哥燒鵝，見店内員工都有帶哂口罩，有做清潔，就入去食。花生眉豆雞腳豬骨湯, 非常足料，勁多湯渣，好濃郁，而且註明不加味精，真係想飲多碗！主打燒鵝，也名不虛傳。原隻燒鵝髀，肉質鬆軟，適量肥膏，燒鵝皮又香又脆，有好香嘅煙燻味。同時保留到肉汁同鵝油嘅油脂香。層次比一般燒鵝多，用心制作。燒腩仔，超級脆皮，好似新鮮出爐嘅感覺。味道適中唔會有死咸嘅感覺，唔單止皮燒得非常香脆, 肉質都都十分嫩。半肥瘦叉燒最好食，雖然唔知佢用咩部位做叉燒，但入口感覺像梅頭，好林好鬆軟，帶一點點肥。燒得剛剛好，又夠蜜汁。呢個餐真係好抵食，仲有油菜, 飯/瀨粉/米粉,仲送老火湯或飲品。

之前朋友在另一區食過這間叫棋哥燒鵝話十分好味又抵食，見到尖沙咀都有今次就和先生一起來吃，七點多都有不少人食晚餐，以燒味為主但都有麵包常餐之類，我們二人當然就吃一個二人套餐。首先來的是棋哥燒鵝例牌，勁大份量十分香，皮帶脆不太油身，仲有點煙燻味十分特別，肉十分嫩滑比較少見。單拼燒味有六款我就要了豉油雞例牌，咸度剛好雞肉嫩又滑。今日油菜是菜心好新鮮又冇渣好味道，蠔油都幾鮮味。有粉和飯我們就要了二個白飯勁大碗，最後我仲要吃不完已十分飽肚。可以飲湯和冰熱飲品，最後一款一個，湯好大碗又多料，好清甜十分好味道，飲品凍檸檬茶茶底都不錯又夠酸不太甜幾好。

情人節一個人過, 又有咩好怕喎, 因為女朋友返夜關係, 今日就一於一個人去TST 食飯, 食棋哥, 呢間餐廳個環境都幾乾淨 , 空間感都幾大, 燒搭餐廳嚟講, 個裝修都幾新潮, 我就食咗個一人套餐, 就有雙拼燒味, 再加個油菜, 另外再配碗飯, 再加嘢飲, 都係128蚊, 個性價比都幾高配咗化皮乳豬, 同埋油雞, 化皮乳豬一嚟到, 就一定要食咗先, 咬落去真係脆卜卜, 再加埋肉嘅鹹香, 口感非常之豐富, 另外油雞非常之厚切, 肉啖啖, 口感軟嫩, 配埋薑蓉嚟食, 味道更加出菜心都算大碟, 鮮綠色嘅菜心, 咬落去爽脆, 不錯不錯

今日去尖沙咀美麗華買完野, 向The One 方向行時見到呢間棋哥燒鵝餐廳,有馳名的燒鵝, 所以試下, 先叫一個燒鵝例牌$158, 話晒招牌菜, 果然好驚喜, 熱辣辣, 而且有好濃郁的煙燻香味, 外皮油香十足, 鵝肉肉質結實, 肉味相當濃, 真心推介, 好食過好多大酒樓。另外見餐牌, 還有多個下午茶餐,  我選了個燒腩仔飯餐$40,價錢真係好超值,  燒腩仔夠厚身脆皮, 中層有一點點肥膏加肉, 好香, 好稔, 完全唔鞋口, 餐飲係即磨咖啡, 夠香濃。再點了個棋哥常餐$52，叉燒意粉，叉燒半肥瘦，好香甜的蜜汁味，配有甜味的炒蛋，火腿，而多士我喜歡加埋砂糖食，好正, 配了茶走,好滑, 茶味香醇。

已經好耐無出街食飯，好想食燒味，所以去左尖沙咀食，因為好多朋友食過都話好食wor! 門口掛住既燒鵝都真係幾靚仔，我地一行4人，叫左1個2人餐，再加左一款例牌。點知，原來個2人餐既份量其實已經夠4個人食，超多肉超大份！仲有碟油菜，2個湯又係好大碗！燒鵝皮脆肉滑，超juicy，好多肉汁，仲有好香荔枝柴味，好少可有荔枝柴味燒鵝，非常用心之作！！另外燒腩仔都好脆皮，一層層，唔會太肥，好正呀！！！叉燒都好味，因為夠甜，少少燶邊就最好食！

每次經過餐廳門口，都比燒鵝頭吸引住，一直都好想黎食，今晚終於有機會一家人嚟食晚飯。裝修簡潔光猛，牆上放滿介紹燒鵝及其他名菜的佈置，更了解佢哋嘅燒鵝有咩特色。單拼燒味飯有$60起配一杯飲品，晚市這個價格真係性價比高。棋哥燒鵝片瀨粉，有大約9片燒鵝片，鵝很有木炭香味，皮脆肉淋，唔會太肥，加上特製燒鵝醬，冇平時嘅燒鵝醬咁甜，更襯托出燒鵝本身嘅肉及皮香，唔會俾個醬汁搶咗鵝本身嘅味道，好配搭，清湯瀨粉質素亦高。燒鵝五寶飯有齊燒鵝、叉燒、油雞、紅腸及鹹蛋等，一次過食齊幾樣燒味名菜，叉燒好淋，唔會好重叉燒醬味及唔會太甜，肥瘦適中。油雞好滑好嫩；五寶飯女仔食份量有機會太多，兩個女仔食1份都可以。全日常餐-棋哥叉燒意粉加火腿滑蛋多士，亦有水準，多士鬆脆。呢度奶茶亦都有水準，茶奶比例均勻又滑溜。