森美奧廚房 (已結業)

呢個禮拜黎過兩次，兩次叫午餐西餐A，兩次都等左超過半個鐘先上到菜。上菜順序非常混亂，有好多遲過我地黎既人都會早過我地上菜，可能係叫既款式唔同。唔明點解就咁叫個普通午餐可以等咁耐，同我一齊黎既朋友普遍都等左半個鐘，如果趕時間絕對唔建議食呢間。我朋友另外叫外賣都係等左半個鐘，黎到仲要變左堂食再另外裝番入外賣盒。食物味道不過不失，但上菜方面有非常大既進步空間，用餐體驗感覺非常一般，等半年後先再黎睇下有冇改善。食物味道唔差，肉質軟熟不過唔夠熱，羅宋湯唔太杰身算正常水平，野飲叫左熱檸茶冇咩可以評論

原來懷著美好心情帶著BB一家去吃餐好。到餐廳第一時間太太拿了bb櫈放在餐桌沒人多走動的地方放下B仔安顿好再点餐，誰知道服務员話左住條路要我們換個其他位置。好了，我們換了位置，到点餐原來我想点凍柚子，我說錯了凍檸密，说錯了一句個服務員大大声問我点呀？確定了嗎？這是什麼服務態度呀？服務太差。加上收銀黑口黑面，找完錢也不会聽到多謝光臨之类，估計這班服務員都是臨時拉夫没陪訓过，非常差!至於食物方面是挺好的，特別雞扒意粉，厨房是可以的。但遇著甘既情況再好食都不会再去了，免得吃了又受气!

一直以來我都好鍾意食西式早餐 , 粉嶺最近開咗一間新嘅茶餐廳 , 餐廳設計格局有啲似外國嘅感覺 , 呢間新開餐廳燈光方面都好猛, 位置亦都好充足, 今日同朋友約咗食早餐 , 不如就試下佢哋嘅西式早餐 , 我叫咗牛扒, 上碟嘅時候份量都唔少 , 特別係雜菜方面 , 價錢方面亦都好有競爭力 , 加埋個熱飲都只係約40蚊左右 , 如果食番同一個份量嘅早餐 , 我估喺市區需要大約一百蚊左右 , 不過始終係街坊嘅茶餐廳 , 收費方面都唔會太進取 , 下次都會試下佢哋嘅下午茶同晚餐 。

粉嶺祥華邨新開歐洲式森美奧茶餐廳，裝修不錯，空間大，地方闊落，冷氣有點太冷，朋友點了鮮茄牛肉通，湯太甜，羅宋湯太鹹，多士烤太久，黑了還拿出來給人吃；我試過點芝士奄列，但那只是很少份量的火腿炒蛋，完全跟照片不相符，因為整個早餐只有那個蛋跟多士，旦份量太少，很是失望。今次再次捧場點了$44牛扒全餐，其他配菜本來挺好的，但牛扒乾過牛肉乾，希望他老細改進一下，因為這真是一間不錯的餐廳，不知是否管理層有問題.

呢間係新開嘅餐廳裹面嘅格局寬敞餐牌裏面有中有西有大量座位 小朋友大人都坐得舒服不要記住早啲嚟因為都好多人我哋叫咗個青口大蝦西餐同豬頸肉炒烏冬 都非常好食 下次可以再試

這間餐廳新開張，試業中，地方幾大，但人手嚴重不足，導致好多問題出現，又漏單又入多咗單、無人落單、櫃無哂餐具無人加等各方面問題，見佢外賣幾抵食咁，三十幾四十幾有交易，包埋湯，所以見幾多人外賣，食物方面，份量也大，但我叫果個滑蛋蝦仁飯，個賣相同張相差好遠，味道也好淡，無咩味，我們加了$6，要中湯，面層比較多油同比較細碗，餐廳仲有好多進步空間，下次可能試吓叫外賣或者等遲啲餐廳上咗軌道先再試下，依家比較亂.