森美餐廳 (已結業)

又有朋友生日， 聚餐就黎咗呢間住置偏僻的餐廳。入到去，燈光昏暗，但setting 同deco 都好有特色。因為太肚餓，叫咗d salad 同main dish spaghetti 頂住肚。質素不錯。叫多兩個牛扒，豬扒定肋骨，都唔錯。最尾完咗，老闆話有cake 送，好似係套餐附送，cake 就話每晚唔同。上到黎一般la, 但免費都可以食嘅。水準黎講，對比大型商場d西餐廳，係我會推薦。但呢個夾zip 位，價錢黎講都唔算掋。大家諗唔到食咩，都建議黎，佢枱都大，適合一班人黎。staff 都好有禮貌，會主動幫我地影相。

某日落大雨, 唯有係商場內流連, 無意中發現這間餐廳, 見到個餐牌無論食物同價錢都好吸引, 又係 lunch 時間, 二話不説就入去食個午餐先。點了個香煎牛 T 骨扒配意粉, 醬汁可以揀黑椒汁, 燒汁或者蒜蓉汁。 先上個餐湯, 係忌廉粟米湯, 個湯好香濃唔醎又 creamy, 粟米粒及火腿粒都算多。主菜出場了, 塊牛扒都好大塊唔薄唔厚, 啱啱好, 我要了九成熟都不覺得靭, 意粉煮得唔會太硬或者太淋, 份量剛剛好, 可惜食落感覺油膩咗少少。餐飲要了杯凍奶茶, 奶茶係港式夠濃, 完全符合港人口味, 而且凍飲不另收費。

女兒逢週日都要到荃灣參加中國語文的補習班，故這數週以來都走到華都中心附近，已數度在「森美餐廳」門前走過，卻從沒想過入內光顧。坦然，走到華都中心內，環境老舊，對食店的存在是拿不起信心來，也相信，在這商場內的食店只會有街坊生意，食物該談不上突出之處。何況走在餐廳門前，門面並沒有耀眼之處吸引眼球，餐廳招牌亦見不到，唯一就是門前那黑版寫道著午餐的價錢很便宜。此次與女兒下課後，便路過門前，女兒謂肚子餓，不如到此一試，看到價錢合理，一試無妨。走進餐廳，我即被兩邊橙色的牆所吸引，橙色是我喜歡的顏色之一，稍對餐廳有一點兒好感了，餐廳內的裝飾就給予了聖誕節的感覺，天花板上掛著一個又一個圓波波，沒有個性呀！至於檯椅的擺位，都頗為擠迫，我數過共提供四十六席，從門口入內方向計的左手邊，一排二人檯，共九張提供十八席，左手邊共四張四人檯，共提供十六席，而檯椅伸延到餐廳外，其三張四人檯共十二席。我們三人各自點叫了午餐，我吃「洋蔥雞扒」，女兒與太座均吃「黑椒汁肉眼牛扒」。餐湯是「周打蜆海鮮湯」，沒有餐包提供，湯的味道非常不討好，清淡而近乎沒味的味道，我吃了一半便放棄。「洋蔥雞扒」跟飯接著上桌，白飯稍乾，不太討好，雞扒

肚仔餓餓，係荃灣啲細商場行下睇下有咩食..聽同事講起呢間餐廳..於是黎試下..今次食下午茶..好平呀$40一個茶餐 仲要凍飲唔洗加錢！抵到！仲要都幾多選擇......呢個$40 好平呀！份量岩岩好..夠飽！雞排好大份...意粉最驚係太淋呀，會無左個口感..而呢個真係岩岩好..非常有口感..不過我略嫌汁太多...下次儲講句少汁...咁就岩岩好喇...店內員工服務態度都好好！Like! 下次要再黎試其他野呀！

同仔仔每人一份午餐，份量適中，跟餐有湯有凍飲～午餐時間經常爆滿要等位，雖然價錢在同場比較貴，但依然受歡迎，食物質素有保證👍🏻👍🏻午餐有七至八個選擇，是日分別點了黑毛豬扒及T骨牛扒，T骨牛扒👍🏻👍🏻😋黑毛豬扒比較乾身😞之前試過跟薯角比較咸🙈所以再試又可以接受喎，都是大大舊的炸薯角，小朋友好鍾意😂因為飲檸樂檸七不用另外收費，所以好多客人都會選擇～～整體感覺良好👍🏻👍🏻👍🏻👍🏻👍🏻

永遠都好爆場，我食過佢嘅lunch，其實同一般餐記嘅所謂西餐煎塊急凍牛/雞/豬扒再配個黑椒/蒜蓉/洋蔥汁無咩分別，荃灣友咁追捧，或者都係食回憶。下午茶餐2:00pm供應到5:00pm, 選擇都幾多，有迷你焗飯或意粉、豬扒包、西多士、酥皮餡角，炸雞翼......，$34~$38不等，最正嘅點係凍飲唔使加錢。叫了碎蛋沙律薯皮，$38，蛋沙律濕潤度不足，醬嘅比例多啲會好啲，而且調味也不夠，食味單調，或許加唔洋蔥粒會更好。蛋沙律輕輕放在來貨的炸薯皮上，兩者沒有融合，如果加這芝士一起焗一焗可能會比較好。旁邊的蔬菜沙律醬汁過多過濃，其實簡單配油醋汁已夠好。不過姐姐很親切很有禮貌。

森美已食過好多次，可以因為食過太多次，menu一直都無變過，已經食到好厭⋯⋯而且這次再去，呢樣又無，果樣又無⋯⋯晚飯時間都得好少人，為何變得這樣呢以前熱熱鬧鬧的小西餐店，今日已經不同了

忌廉湯、沙律、蒜茸包三者都有，沙律不錯，菜葉新鮮，醋極多，味道還可。羊膝薯角羊膝看來體積龐大，也弄得很易離骨，旁邊大條粗喉插入綠菜是甚麼意思？但其實羊膝肉，有些炆得林，也不太入味，只像是一團林的肉；而炆得不林的部分，更乾身鞋口、如柴。比較出色的是旋轉式薯角，大件厚切，賣相吸引，炸得夠熱而不覺多油，至為美味。西班牙海鮮燴飯以港式西餐/意式/法式盤子盛著西班牙燴飯？即只有中間才能盛著東西，外圍凌空那種器皿！與西班牙的大鑊子差天共地。燴飯非常濕，當年旅行都沒吃過這麼濕的燴飯。三隻蝦連殻，在這個外圍連殼的碟子，怎樣脫殻呢？威靈頓牛柳配火腿芝士想不到這件牛柳體積那麼少，細小得好像早餐吃麵包。酥皮一吃就知道是雪藏酥皮，有點兒黏在一起，那麼早起就沒有意義，只像麵包一半，又或是農夫包一樣。牛柳沒有半熟，像全熟牛柳，沒太多肉汁，幸好沒太乾涸。中間所謂的火腿跟芝士少得可憐，只有少許夾在酥皮與牛之間。盤子上還有茄子、翠肉瓜、椰菜等在點綴。少許擠迫，不太多人，小商場人流極少的二樓，舖租應不貴，收費卻像大商場連鎖餐廳的價錢。

今次嚟到森美餐廳搵食～其實已經第N次嚟食森美～因為佢係平靚正之選跟餐沙律有點淡～如果多點醋可能好味D同埋芝士唔夠濃湯同蒜蓉包冇影到相同平時一樣好味道！威靈頓牛柳第一次喺森美食呢個dish外面酥皮夠脆入面牛肉夠嫰！yummy！鵝肝黑松露燴飯至愛嘅鵝肝！已經好耐冇食過了！今次再食依然係冇失望的不過可能係鵝肝出油～食到底就比較油了餐飲仲可以叫凍檸樂凍檸賓唔使加＄！正！

為慶祝拍拖5000日, 放工近近地響荃灣食飯, 一路都知森美好多人讚, 所以特別黎試下, 但有D失望.酥皮湯 ~ 個皮夠鬆脆, 湯唔係好咸, 正正常常.龍利柳 ~ 煎得唔夠香, 汁唔夠, 好普通.羊架 ~ 7成熟, 肉唔UN, 不過羊唔夠so味, 味道正常.木康布甸 ~ 無咩特別, 甜品一個.

百物騰貴下，大窩口區的西餐廳亦水漲船高。好像以往出名抵食的森美，近日也頻頻加價。$50 的午市套餐由一個不過不失的周打海鮮湯開始。這款周打海鮮湯入口有少許像漿糊般的黏稠，但幸好放了蝦仁、蜆仔等多款配料成功地將味道提升，整體上大致中規中矩。森美的意粉向來不差，因此主菜選了她的燒汁豬柳炒意粉。意粉炒得的確不錯，入口充滿着嚼勁，但燒汁的鹹味較重，令菜式的味道偏了鹹，吃落也要多喝點水來中和一下。另一點不太滿意的是豬柳較為奇怪的味道。這些被剪成一絲絲的豬柳，無論味道和口感都跟漢堡扒 (甚至魚崧) 極度相似，是否真的是豬柳實在頗成疑問。

之前聽朋友提過森美餐廳的扒是高級的水平，剛巧我最近較少食肉 ，所以心思思想到森美餐廳一試，餐廳內的部置好有聖誕氣氛，哈哈～夏天來，感覺應該會怪怪地。我們沒有book位，來到餐廳見已有不少座位被reserved，空位太多是二人座位。竟然為了扒來，當然要試下不同的扒餐，我和男友都叫了超值套餐，主菜有香煎法國鵝肝牛柳和香煎紐西蘭羊架(三支骨),套餐包括了1前菜，湯和甜品。龍蝦湯頗鮮味，連平時不喜歡龍蝦湯的男友都說滿意。蒜蓉包好脆，夠牛油味，但蒜蓉味可以重一點。焗釀蟹蓋有蟹肉鮮味而且有彈性，但份量好少，焗得不夠香口。翡翠螺Size夠大，淡淡的海水味，螺肉爽甜，比起平時buffet，這個才夠誠意。羊扒不太so,但有少少難咬，雖然羊扒還是嫩嫩的，而意粉煮得剛剛好，有彈性又不太林，面上灑了香草，但食不出有香草味。牛柳我覺得是最好食的，好香的牛味，好厚身的牛柳，太約4Cm厚，切下去好嫩好滑，一點也不費用，裹面肉是粉紅色的，看得出時間掌握的好好。甜品方面叫了木糠布甸和芝士餅木糠布甸的餅乾碎好香牛油味,還可以吧～芝士餅不是紐約芝士餅，這個好重麵粉味，不好食。Sammy cafe 環境還可以，坐得也舒適，希

問：一間餐廳甚麼最重要？答：大厨。再答：……。這一期標準答案係老闆。因為無論是一個國家，一間企業，還是小商戶，領導的心態才是最重要的。當一個老闆能夠用心打理，公司亦自然而然的變好。二月九日提早和太太慶祝情人節。（的確是早了一點！）到森美用餐。當時六點，比一般晚飯時間要早，餐廳內除了服務員和老闆，沒有其他客人。服務員不是問我們幾多位，而是說「隨便坐」，就是坐在角落，正在與人交談的老闆娘，也即時發聲：「隨便坐！」這下反而令到我們有點不好意思，不知坐那裏才好，終於選了一張靠近玻璃，自成一國的兩人桌坐下。點菜時與服務員談起這麼早吃飯云云，服務員說：「早點吃健康點，超過八時便不應吃東西，這有助減肚腩。」但又補充一句：「我可減不了，到了十一時仍未睡，還要吃蛋糕哩！」這位服務員已上了年紀，應有五、六十歲，但卻是「新人」，不太懂寫單。太太點了芝士菠菜焗鱈魚，但她不太知如何寫，即時問厨房，厨房回話「魚」。我和太太相視微笑。這位服務員為我們下單後，便下班了，她臨離開時，還跟我們說再見。其後另一名服務員，也是差不多年紀的女士，也下班了，她經過我們桌子時，也說了一聲「慢用。」之後店內便只有老闆娘和另一名男侍應

男朋友生日, 朋友本來計劃去食Euro Star食pizza, 不過太遠, 而且已經有少少晏, 所以最後去了森美餐廳,依度用膳的人唔多, 可能已經好過左晚飯時間....點了4款不同的類型, 首先鮮茄蝦仁配天使麵, 蝦仁好彈牙, 不過茄汁配天使麵唔係好夾....另外就有大蝦配牛扒及牛扒配鵝肝, 牛扒好淋, 鵝肝煎得好香, 大蝦就唔夠爽同冇咩味, 最好味就係拌菜, 因為吸收晒d汁~至於最後一款...因為係羊架冇試, 所以唔知好唔好味.仲有一個跟餐小食, 蟹肉薯蓉, 個樣好精緻, 有個蟹殼仔係面, 不過食落都係得薯蓉味,唔太特別.

訂左位7個大人1個小朋友, 當晚準時去到, 人不多唔洗等位, 約7成滿, 再上次食既時候見到有個lasagna賣相好好, 想order番, 但menu上沒有 (det dinner+大 menu都冇), 就問一個黑框眼鏡的waiter 佢帶點challenge地話個dinner set日日唔同, 上面冇就冇,(咁大menu呢?都是日日轉嗎?)  咁算啦, 冇都冇辦法, 叫第2樣囉, total 點了: 一個特價晚餐 ($198) 特式威靈頓牛扒 ($148/158) 澳洲和牛 ($168) 羊鞍伴羊肉批 ($158) 輕煎3文魚 and 龍利柳, 以上全部是set , 再加多個焗豬扒飯 ($58) 同 田園salad set ($68) (本身想叫caesar salad, 但冇) 好快就上左湯同蒜容多士, 正常, 沒有特別, (湯一向較淡) 之後呆坐左起碼20分鐘, 佢應該係想等全部野一齊上, 所以就連salad都唔比我先, 齋等. 都唔緊要, 好過一個食完另一個都未黎, 但竟然到所有main course都上左台, 個salad都未到, 我一問果個黑框waiter, 佢就帶點串地指