森記食堂

營業中

休息中

估唔到佢哋餐廳咁唔憂做餐廳門口貼出告示話收10點，9點截單點知我哋一行三人8:40去到，一入門口已經有位中年女職員話已經截咗單，我哋都好愕然之前幫襯過一次，試咗好多唔同嘅餸菜都覺得好有鑊氣好食，例如炒蟶子，炒粉麵同雞粥等但職員態度真係有啲趕客🥲

街邊廣告菜單先會無意之中發現呢間隱世小店，起初係因為廣告菜單上有肉骨茶，點知老闆話停左吾再整，有啲可惜，後尾老闆再傾談下，講對於胃脹既人嚟講飲完有舒緩作用，不過好可惜因某啲原因就停左，係大埔好似比較小新加坡肉骨茶。🤟-講返正題，第一次幫襯，人流方面我今次平日六點去開鋪無耐，就入坐吾洗等。食物方面，味道香又正，有鑊氣，食物吾洗等好耐，嗌咗四樣食物都無伏，純粹個人私心推介胡椒蝦粉絲煲👍🤤（買返個頭盔先食物味道好主觀，平民不專業分享）價錢$400有找（純粹兩個人食叫得比較多）對揸車人士友好，泊車方便。

住開大埔多年的我，與朋友說開大埔有什麼中式食店未幫襯過？朋友說了這間叫（森記食堂）的中式菜及其他特色亞洲菜（如：新加坡及川湘菜），味道非常不錯！👍🏻👍🏻👍🏻於是與朋友一起到食店試食小菜， 果然開心❤️大發現😋。他們小菜款式還多。所用食材質素也非常新鮮，廚師森師父認真的用心制作烹調美食，小菜極有水準而且價錢相宜，食店環境雖然平凡是一間隱世小店。與朋友非常開心食了一頓豐富又美味晚餐。👍👍👍我個人極力推介給住大埔區的街坊及朋友們去試試！😋😋😋

平時好難會諗起特登嚟呢邊食嘢，這次因為約了有工程在附近，然之後就從太平工業村那邊步行來到這邊的公園附近，突然醒起有這間餐廳，會一直見到有些菜式想試，於是這天終於來到嚐嚐午餐。本身我叫廈門炒米，但是店方卻說沒有了，據稱只有公司炒米粉，但是我覺得通常公司炒米粉都是將有多的配料放落去米粉度炒，於是又轉了個叻沙配五穀粉。五穀粉的份量不算太多，其實都是一款米線配另外帶點顏色，質地比較硬身的麵條，麵條煮得大少許咬口，挺特別，叻沙湯底本身除了椰汁以及辣味之外，這個喇沙湯底帶輕微酸辣味，和平日街上其他餐廳的叻沙味道有所不同，酸辣得來又不像中式酸辣湯那般。配料就比較適合妻子吃，因為配料你都見到幾隻蜆、青口、魷魚鬚、蟹柳以及蝦，一碗喇沙來說，配料算是相當足料。另外叫的馬拉盞豬扒炒公仔麵，本身鑊氣十足，即叫即炒，夠熱，公仔麵份量亦都不少，肯定多過一個公仔麵，另外馬拉盞份量都不少，味道不算太鹹，微辣，味道相當好；豬扒亦都不是又乾又瘦，那些柴皮瘦豬扒，反是帶少許脂肪，肥瘦均勻，食落口感非常之好。不過奶茶照片都冇乜特別，杯子都不太保溫，另外茶味都不算太濃郁，沒有很濃厚茶味的感覺。

多月前在附近賽馬會診所打流感針，才發現了這隱蔽小店，吃過兩次午餐，相當不錯。小炒晚飯要下午6點後待大㕑回來才供應，昨晚特意前往試吓，小炒多是粵式家常小菜，並有幾款新加波及閩南菜式，兩個人點了豉汁炒蟶子，露荀炒鮮蝦，土蚘蒸肉餅；食材新鮮，味道一流，份量足四人吃，並送上足料例湯，加兩個靚仔，唔駛$330，性價比高，非常滿意。大㕑是肥韜師兄弟，工夫十足，兩個助㕑，一個樓面；環境簡單乾淨，非常適合家庭晚飯；小店值得支持！

係大埔生活咁耐都唔知依個位有餐廳😆朋友食過話好食，帶埋我黎食，估唔到都幾有驚喜👍🏻大鱔豆腐煲-鱔肉夠爽梅菜蒸肉餅-食落有屋企既味道，清清地川味魚香茄子-味道同平時啲魚香茄子有啲唔同可能加左川味食落比平時食開更惹味，配白飯一流👍🏻依個酸菜魚，味道唔會太酸，食落唔會好油，啲魚都幾滑，份量算多😆剁椒蒸魚-食少少辣食落唔會咸，魚肉好滑可以自己揀配料-沙鍋粥，唔知係咪揀左蠔同蜆食落幾鮮，同埋佢個油炸鬼食落有少少柚子檸檬味幾得意，啲粥食落有口感得黎又唔會好爛👍🏻本身唔鍾意食粥既我，諗住試兩啖就算，點知食左兩碗🤣粉絲蝦煲-蝦有少少牛油香味，底煲有層雞蛋加埋粉絲都幾惹味👍🏻椒鹽鮮魷-炸粉夠薄，食落勁脆口蠔餅-啲蠔都算幾大隻，炸粉唔會厚食落幾鬆脆👍🏻因為小店關係夜左有啲菜式都會未必有，同埋見到廚房得一個人煮。所以可能上菜時間都需要等😆整體黎講食物質素幾好👍🏻環境簡單唔會坐得好迫👍🏻👍🏻👍🏻

好多人介紹過佢哋藥饍雞麵，的確唔錯，唔特別多講。反而，我想講下其實佢哋小菜炒野係非常值得推介，今日晚飯嗌左兩個小菜，一個椒絲腐乳通菜炒牛肉 (~$80), 雖然冇通菜換左其他菜，但係一樣好食，調味調得非常好，一嚟到太肚餓，所以冇影相就食左一個韭黃叉燒炒蛋(~$75), 蛋炒得又滑又綿，非常不吝嗇材料，俾好多叉燒，兩碗白飯($11/1碗), 奉送例湯，小菜份量非常多，兩個人食唔晒，的確好食，唔想浪費食物，打包返去第二日食。環境方面，比較低分，唔算好舒適，不過都唔逼夾既。侍應得一個阿姐，佢雖然好快手，但係都多客，所以唔算服務好週到，不過衡量完價錢同埋食物質素，平平地過嚟食下小菜OK嘅

一日午餐經過呢間唔太起眼的食堂，見到餐牌上有呢款藥膳五谷粉就叫黎試一試，等了大約10分鐘左右就有得食，估唔到咁足料，一黎到就聞到好香藥材味，有紅棗，杞子，雞，呢個價錢估唔到咁足料，值得再encore一次

藥膳雞五谷粉😍呢個藥膳湯底真係一流，超足料，有當歸紅棗，湯底仲要非常之好飲,女仔食嘅話更加補身🤣😋啲雞肉非常嫩😍一碗價錢都係$52真係抵到爛再加包一杯嘢熱飲，選擇都幾多最鍾意就係茉莉茶蜜糖