椰林莊餐廳小廚

營業中

休息中

好耐冇黎呢到食早餐今日黎呢到食個早餐先起程返學叫左個火腿奄列餐+凍檸茶上檯後發覺極度唔抵食先講價錢...要$21本來$18...因為呢個餐跟多士烘底要加$1...凍飲加$2....所以total加左$3火腿奄列好細份烘底多士都好細件...牛油都好少....食緊o個時心諗「呢個餐同腿蛋治有咩分別?」除左火腿切絲呢個分別外諗唔到仲有咩唔同叫個腿蛋治都只係$17..烘埋底都係$18...點都平過食火腿奄列...起碼腿蛋治塊麵包都大塊d先啦....下次都係食三文治餐化算d~

今早起身黎呢到食早餐>雪菜肉絲米+煎蛋+煙肉+蘿蔔糕+熱檸水 米粉份量夠多~ 煎蛋煙肉同蘿蔔糕都唔錯 但係油太多 放o係個碟上面..成灘油浸住隻蛋 食落口成口油....埋單寫$19$23!?!?!?!??!不嬲係呢到長客o既我明明記得係$18!!於是搵落單位阿姐黎問...佢先笑笑口咁改返$18雖然話5蚊都呃黎冇乜用但係下次都係小心d好

好煲!!冬至間間酒樓都full哂冇預早訂位o既我地唯有轉戰黎呢到o係門口等左一陣就有位叫左腐竹白灼蝦煲+鹹魚肉餅飯個煲真係十分好料又多~又夠火氣~烚烚下~傾下計~唔錯!個飯都唔錯~料多~熱熱的!鹹魚的味道入左落d飯到啖啖飯都有鹹魚的香味~加上肉餅肥瘦適中~唔會太鞋or食到成口油埋單都係差唔多$100~抵到爛啦~~~~3個人食個個都話飽!~good!~

冬天唔食過「煲」唔似樣~呢到做開街坊生意推出一系列o既「煲」勢同美x死過!!!每煲都跟一碟菜同一個煲仔飯~$105~抵食之餘又多料~食完之後曖哂~好滿足!!~以後有交易~~~掂呀~!果然冇令人失望!~

考試日子朝早想食多d野先上戰場~今日唔要烘底..選左蘿蔔糕~比想像中好~真係有一條條蘿蔔絲~唔似出面o個d成舊粉~不過煎得比較燶...但係味道真係唔錯~幾好~食完上戰場~fighting!!!

早餐係一日最重要o既一餐~全日o既energy都係睇呢餐~所以食得豐富d都冇所謂~抵讚o既第一就係上菜快~趕時間o既話都可以黎呢到食~唔駛捱麵包三文治!!雪菜肉絲米粉+腸仔+蛋+熱檸水=$18米粉大大碗~隻蛋煎得o岩o岩好~腸仔一般貨色~食完之後有飽肚感覺~加多杯檸水清清腸胃~嗯~美好o既一日開始!!!

呢間都係泰國菜? 哈哈.....呢間係成條街較為好食架啦, 又抵,不論午餐, 下午茶定晚飯^^

食晚飯唔錯!夠鑊氣又平!五,六個人食飯二百幾元可落樓!但環境就.......唔係好掂!,下午O的餐都幾扺.