椰林閣餐廳 (已結業)

今晚同屋企人去左大埔間椰林閣食晚飯。去到唔洗等就可以入。環境ok, 都幾多位, 不過服務生就好少, 等兩個。睇左一陣menu就叫野食, 不過因為得兩個服務生, 等左一陣個服務生先黎落order。我地三個人分別點左兩個美式雜扒+薯菜同一個牛柳山豪+意粉。服務生ge態度一般, 想問佢多一兩句都走唔切...服務生連我地要咩汁(黑椒汁定洋蔥汁)都無問就走左!!!等左5分鐘就上餐包+紅湯。個湯有少少鹹, 不過尚可接受。但係有一個疑問, 紅湯唔係用牛肉整ge咩?點解我個湯度會有塊雞皮?飲完之後再等10分鐘左右就上菜喇!!有d失望!!原本以為會好大碟, 點知好少...個汁都唔夠味, 又少wo...最激氣都係佢無問我地要咩汁!!我地想要黑椒汁, 而唔係洋蔥汁囉....我點ge係牛柳山豪+意粉。值得一讚係舊牛柳好林, 而且係大約6成熟, 所以幾好食!!可惜佢唔應該叫牛柳, 因為實在太細舊!!!舊牛柳比拳頭仲細!!!另外, 隻山豪好香芝蒜味!!都係一樣la, d汁好少, 都唔夠撈意粉。食完之後再問d服務生先知有餐飲。我地本身想叫熱檸蜜, 點知要加$5, 所以無叫到。最後叫左兩杯熱檸茶同一杯熱檸水。杯野飲都

這日的下午，約了朋友相聚，行了一陣街，我們就選擇了這間食一個下午茶。我們分別叫了咖哩牛腩飯跟凍奶茶，友人叫了東菇豬軟骨烏冬加杯凍咖啡。咖哩牛腩飯：來到的時侯有很香很濃的椰汁味，食落口牛腩跟飯都有點硬，只得椰汁香味，還好的是，來到時都是熱的，如果唔係，就好難食落口了。可能是天氣很熱的關係，覺得凍奶茶都可以接受，不過覺得茶餐廳比它還要好。東菇豬軟骨烏冬:友人說幾好，不太差。如果無試過的朋友，可以一試既，或者我叫的不好食，因為這間的下午茶，都提供很多款式的。不過，如果約朋友傾下計，食下tea，這間都可以的，因為環境都唔錯而且價錢都不太貴。

6月9日(三) 睇完醫生經附近原本諗住到大Ｘ樂食個下午茶, 中途經過呢間就睇睇有咩啱食, 見有個雞脾餐都幾平, 同快餐店差唔多價錢, 又可以座得舒服D, 唔駛同D講股C奶爭位, 就入去嘆我嘅下午茶入到去都唔駛諗就叫咗個瑞士汁雞脾配沙律餐, 加熱奶茶1杯, 食物未嚟前侍應先幫我擺枱(餐具及清水), 清水本來想飲啖清清口乾, 埋到咀邊, 依....有生水味, 都係放低先 , 見得閒冇咩野攪, 我就幫侍應執手尾, 將餐具位置放返好D, 佢之前就咁放低左張紙巾係枱, 跟住就求求其其放D餐具係上面, 當然就放到歪歪斜斜啦, 然後就走人, 自己做人食品嘅見到都有D頂唔順, 點知拎起手油淋淋, 拿拿聲放落水度浸浸啦, 點知杯水即時濛晒嘩.....都唔知係洗潔精定係油嚟~到個餐嚟咗喇!唔多唔少有D陰影會望吓隻碟乾唔乾淨, 就咁睇就好似冇咩野咁, 食物味道正正常常, 冇咩特別, 雞脾唔太入味, 沙律係薯仔青瓜甘筍, 面頭裝飾嘅羅馬菜我就唔敢食, 擺到謝晒同發黑, 總言食物同飲品都好一般貨色, 不過如果有得揀, 我都係揀番快餐店就算, 正所謂令俾人知莫俾人見, 見到佢D餐具咁"嗱西"真係冇下次幫襯嘅機會佢

成班朋友玩完搵地方食飯~是但走入榔林閣..一坐低..冷氣機滴水,我成手都係..同個waiter講~佢就問個女經理,個女經理好唔願意咁轉位俾我地..叫野食啦~正想點既時候,又話餐褲上有d野係冇..又話你如果一定要食咪叫囉,不過會冇呢樣咩咩咩囉,講到好似兇我地既語氣..叫左另一d餐啦,我地叫薯菜,估唔到原來係3舊冇味既薯仔..呆晒~牛柳都叫做ok~但態度2係好唔得~我朋友叫個豬手...我地8個人...7個人食晒d野先黎,非常慢..咁多間椰林閣,可以話係呢間態度最差...埋單之前我地見到話用hsbc信用card有9折..我朋友打算簽card啦~又話要"正餐褲"果d先有得折喎..咁就唔好寫話有9折啦=.=

見好耐無食椰林閣,咪去食下午茶~呢間分店之前未試過~但就好差......去到等左一陣先有位~不過入面係有位,但waiter非常小.......點左野食好耐都未上,而且成日有waiter放錯野食係我地枱~野食都唔好好~叫左兩個下茶,豬扒意粉同日式餃子烏冬~豬扒意粉就普通啦~日式餃子烏冬就差啦,賣相幾吸引,一食就..................烏冬又唔夠熟,好硬,好似食緊糕咁既口感!仲有凍飲加$2....正常!只不過飲汽水就一定要加$5囉~因為佢地無杯裝~加$5就比罐裝!夏天梗係想飲汽水啦~要飲咪比佢食$5啦~仲衰過d茶餐廳呀~見其他網友評服務差~的確無錯!因為你係咁叫d waiter都好耐先有人應你囉~只係是但食一餐都咁難食~真係唔知呢間野點做生意架~

星期日下午一時半到達,大約等了五張枱,後來被安排卡位對正冷氣風口位,一坐下鼻敏感即發作,本要求調枱,侍應說可關掉冷氣.我點了一客蒜汁牛柳午餐,可配飯,意粉或沙律,我選了配意粉, 意粉過淋,牛柳不太熱;午餐包餐湯, 牛油餐包及餐飲,總括來說食物水準一般, 收費$34算合理, 離開時發覺原來二時開始下午茶時段, 這款餐只收$27,早知遲半小時才來.

食過一次下午茶, 印象都唔太好,今次嚟食多次晚飯, 算吧, 下次我都係當睇唔到啦...餐湯: 羅宋湯, 太酸啦, 只係一碗蕃茄湯燒羊排焗蟹蓋跟意粉: 羊, 是凍的; 蟹蓋, 係釀蟹肉, 感覺係蟹丸;意粉嘛, 跟茶餐廳的感覺一樣...西冷牛排: 無問幾多成熟, 完全係一塊全部一式一樣既牛排.餐飲: 明明本餐牌寫奶茶, 檸茶, 檸水, 朱古力, 檸蜜散叫都同價,但我叫檸蜜時就話要額外加錢,如果當晚本小姐心情唔好, 一定同佢理論,但係都算, 因為佢杯朱古力, 仲難飲過麥噹勞!(菜式名稱跟餐牌可能有所出入)

星期日同男友去食晚餐，當日怕晚膳多人，所以就早少少去。我地好少去呢間，不過諗住試下羅。未入去之前見到話有九折添，咁咪入去試下我同男友叫了原個菠蘿焗海鮮飯加$26焗田螺+湯有酥皮加另有杯特飲，紐西蘭牛扒六成熟。原來餐係無九折架自己無睇清楚添。個扒幾好，唔同珊瑚堡果d淋Pat Pat，生熟剛剛好，而且個黑椒汁幾好，不太辣。湯：無酥皮果個就唔夠熱，如果熱d會好d，話晒天氣轉涼咗ma，不過個餐包就夠熱、又軟ok呀原個菠蘿焗海鮮飯都唔錯，不過可能佢原個黎焗，所以都係唔夠熱呀。所以呢度要改善一下。食物總括黎講都ok，至於服務就不過不失啦！地方都坐得舒服，因為我地坐卡位

昨晚去咗大埔嗰間椰林閣食飯. 嗰度啲服務質素認真唔掂. 我哋叫咗兩杯嘢飲. 一杯係熱咖啡, 另一杯係石榴水蜜桃冰茶. 等咗十五分鐘都仲未嚟, 於是我就叫waiter幫我追吓. 再等多五分鐘, 嗰waiter先送杯冰茶嚟. 因為當時我唔係好確定佢俾我嗰杯係咪我點嗰杯, 於是我就問嗰waiter. 佢開頭仲好肯定係啱, 但後來佢都走咗去問其他waiter. 最後確定嗰杯真係我點既嗰杯, 佢就放低喺枱面, 而且仲講咗句: "都話我啱喇" 就走開咗. 而最後等咗三十分鐘嗰杯咖啡先送到嚟. 我覺得今時今日咁既服務態度認真唔掂. 雖然唔係話顧客永遠是對的, 但係都唔使俾說話嗰客聽囉. 而且催咗咁多次都仲要等半個鐘先送到杯咖啡嚟, follow up 真係麻麻. 我諗我都唔會再去第二次, 費事俾錢食飯仲要受氣.

琴晚去左椰林閣dinner..order 了一個雞排帆立貝意粉...個羅宋湯幾正...但幾位友人的忌廉湯中有類似固體的忌廉粉...應是烹調時間不足雞排帆立貝意粉:醬汁方面...不知名醬汁...賣相以為會咸...但食落ok..帆立貝只是丁屎咁大粒..真的吃不出什麼味道...雞排也幾大份量...overall 也okay...最後一讚..今次服務有進步...at least 服務員沒像之前黑口黑面...

３１－１２－０７今日係度食左個大頭蝦羔鮑魚粒雞粒炒飯份量超級大，兩個人食有餘，我食到一半就飽了侍應送上來帶來陣陣蝦羔香，但食落其實較淡。配料ＧＥ雞粒同鮑魚粒都好多下，味道一般總括來說味道沒有什麼特別。我媽炒飯都好食過佢值得一讚係佢個白湯非常好飲有ＤＥＥ磨菇係度，飲落就知不是只有死實的忌廉味，而係仲有陣阡菇香，好飲過同區同類型餐廳！

今日同媽,姐去左LEE度食LUNCH 叫了個卡邦尼汁魚柳配意份,份量十足 賣相幾吸引KA,有大大塊魚柳,同埋一些蟹柳雜菜伴碟 卡邦尼汁味道好好,唔會太濃味,配意粉就好正! 至於魚塊就係炸GE,炸得有點兒過火!整體上都OK GE!不過魚塊唔炸應該會更美味!唯一一提,就係上菜同飲品都較慢,等到有DEE不耐煩不過DEE職員態度比以前好左好多,食都食得HAPPY~DEEH

椰林閣我不只去過這間，不過就只有這一間是很污糟的，而且員工是沒有禮貌的。不知道是什麼原因，員工都沒有生氣的，而且每個人都木無表情，初級員工就算數了，但連高級的經理都是木無表情，記得那天我和媽媽還帶著一歲大的姪女去吃tea，姪女一不小心就把水打瀉，職員們看見都沒理會，於是我自行去取抬布沬，waiter明明站在旁邊，眼看著我拿走抬布都沒理會。這種待遇我還是第一次碰到。而且那天還是星期三的非繁忙時間，入坐率不到3份之一。另一件要提的是，刀叉用具好污糟，起積。食物一般啦，這種價錢也不能苛求吧！

之前O係度食晚餐老婆仔叫西冷牛扒我叫左蒜茸青口加春雞我覺得最好食既係餐包..D牛扒好咸好多味精好似用左好多梳打粉咁唔掂!!蒜茸青口又細隻又咸隻雞仲衰細到好似乳鴿咁,比D鹽你點本身隻野已經好咸..咸到喊!!依家裝修左已經算幾好坐,不過都仲係好迫不過D服務真係好差D人好似唔想做咁..態度好差..最大問題係收成60蚊一個餐!!大埔大把平野食啦!! 洗幫襯你!!呢間野同紅樹林同一集團點知D野食質素同服務都係咁貫徹始終!我以後都唔會再去呢兩間野!!

表姐話椰林閣D FOOD幾好味,所以一試.叫左芝士南瓜海鮮焗飯+朱古力奶茶.飯底炒過幾乾身,唔太油膩,OK.南瓜同海鮮唔太MATCH,怪怪地=.=但個芝士汁份量&味道都適中,整體可以啦.反而杯朱古力奶茶太重朱古力味,唔多似奶茶......P.S. 個侍應初初拎錯左杯朱古力黎,之後先換返=.=服務有待改善.