椰林閣餐廳 (已結業)

昨晚去咗大埔嗰間椰林閣食飯. 嗰度啲服務質素認真唔掂. 我哋叫咗兩杯嘢飲. 一杯係熱咖啡, 另一杯係石榴水蜜桃冰茶. 等咗十五分鐘都仲未嚟, 於是我就叫waiter幫我追吓. 再等多五分鐘, 嗰waiter先送杯冰茶嚟. 因為當時我唔係好確定佢俾我嗰杯係咪我點嗰杯, 於是我就問嗰waiter. 佢開頭仲好肯定係啱, 但後來佢都走咗去問其他waiter. 最後確定嗰杯真係我點既嗰杯, 佢就放低喺枱面, 而且仲講咗句: "都話我啱喇" 就走開咗. 而最後等咗三十分鐘嗰杯咖啡先送到嚟. 我覺得今時今日咁既服務態度認真唔掂. 雖然唔係話顧客永遠是對的, 但係都唔使俾說話嗰客聽囉. 而且催咗咁多次都仲要等半個鐘先送到杯咖啡嚟, follow up 真係麻麻. 我諗我都唔會再去第二次, 費事俾錢食飯仲要受氣.