椰林閣餐廳 (已結業)

平時多數在兩點後食下午茶，都覺得Ｄ野ＯＫ，廿幾蚊一個下午茶餐都唔係貴，只係Ｄ服務差Ｄ．．．．．．點知早兩日我同家人去食午餐，覺得午市Ｄ食物真係好差，四十幾蚊個餐，以午市都唔算好貴，但唔好食，我叫豬排珍寶腸沙律，塊豬排好似柴皮咁，我朋友叫咗個意粉，難食到佢食咗一半唔夠已經唔食．．．．．．最離譜係Ｄ侍應態度好有問題，問佢野唔答人，再問就晦晦氣氣，咁我都只係唔想寫錯單嚟錯野啫，仲要無禮貌到佢自己覆單時講錯咗我地要咩湯，我糾正他後，他一句野都唔講就轉身走，但係就一邊走一邊大大聲，又晦氣咁講“一白一紅呀！”．．．．．．有無攪錯呀，我真係唔知我去食野做咩要受氣囉．．．．．．仲有，之後Ｄ野嚟到，我杯凍奶茶走甜無走甜，我個豬排珍寶腸沙律就變咗飯，之後梗係要佢換過啦，但係我真係好懷疑落單嗰個侍應做緊咩，又晦氣又落錯晒Ｄ單．．．．．．

件事係今晚大約9:30, 我同女朋友去食飯, 之後我叫了一個50元的餐, 佢地嚟錯咗, (之前落單佢地同我講話10:30 最後orders), 我叫佢地換比我, 因為當時我已經等咗30分鍾, 大約十點倒, 點知個肥肥地大約23-4years 的好似經理的人同我講, 什麼都冇啦, 我最多唔計你飲緊的飲品, 我當時真係好suprise, 係你地的錯點你都比一個飯我食啦, 我連飯都末食好餓tim, 都唔緊要, 我只係好唔開心講咗一"what is the F" 因為真係好肚饑, 之後個肥肥地大約23-4years 的好似經理的人同等佢的朋友一齊過嚟想打我, 我當時真係想報警, 因為想教訓吓d小朋友, 但因為知道一報又攪到12點, 嘢又末食, 都係去第二到食嘢啦, 但又覺得如果呢間餐廳有些咁的"STAFF"真係好大影響, 吓吓好似黑社會咁打人, 邊有人幫襯呀, 係呢度, 如果餐廳高層睇到, 或者高層的朋友睇到, 一定要轉告給餐廳高層知道, 最底比些內容署分佢, 如果唔係......最後, 將軍澳中心"棷林閣餐廳" 一定要正視問題, 如果唔係好快生意一定好差!!!

好認同下面峰1224所反映0既問題呢間野d態度真係好唔得今日我一行四人去果邊食lunch因為都幾滿所以開頭有幾次遞手遞左好耐都冇人理都算了之後我朋友叫waiter加水個waiter好奇怪的，就只加了我朋友一個（其餘三人有人飲晒成杯，有人飲左一半，但佢都冇理...）好啦之後我地點菜點完之後同行的三人個餐都上晒我初頭以為我果個有焗所以耐d都正常0既但到佢地食得七七八八我果個都未上我就再去追啦之後個著住老西，貌似高層的先生同我講我果份因為冇晒料所以做唔到，不如你點過其他啦！嘩！真係火都黎埋落左咁耐單，野都就黎食晒，唔係我追都唔同我講我應佢：「你而家先同我講冇料呀？」佢答我：「咁我都係０岩０岩先知冇咋喎，而家咪叫你點過囉！」好明顯佢地做事和態度都好有問題跟住一位又似係高層的小姐來埋過黎同個男0既細細聲：「頭先咪同你講左冇囉，唔係架講左好耐啦你miss左！」朋友加把口落去鬧兩個侍應就係咁叫我再點過即刻做我想講呢度0既服務真係好有問題好趕客囉希望佢地地可以好好檢討同改善同埋注意下員工0既挑選同訓練服務我真係想畀負分！

小弟一向有幫襯開椰林閣及其下的各餐廳，並覺得收費跟食物質素、服務態度相稱，每次食完都很滿足。直至有一次...以下為某椰林閣侍應說話的節錄:「你飲咗先講嘢啦」我好好聲氣問佢杯嘢飲是否弄錯，我做服務性行業，連睇醫生d姑娘都話我好有禮貌，佢咁講，我只好苦笑一下>.<"「你去投訴我啦」我叫埋單，佢突然咁講，我即時啞咗，即係佢都知錯?明知錯又要咁嘅態度?我對食並沒有太特別要求，因廚子一時失手、侍應手忙腳亂都是可以接受的，人總會犯錯，一天到晚忙過不停，也無可厚非。可是服務態度是不同的，這不是一時不小心的問題，而是個人職業操守的問題。雖然這是個別事件，少了我一個客人也絕對不會影響椰林閣的生意分毫。但眾所周知椰林閣樓面的服務態度一向口碑不好，如今變本加厲又不加以竭止，實在今小弟痛心(我支持了椰林閣多年...但如今...唉)(服務我想比負分)

已經有一陣子沒有幫襯, 發現餐牌改變了, 確實的說是少了選擇而且凍飲要加二元, 以前不需要加錢的。我們選擇了以下兩款天婦羅煎蝦拼黑椒牛柳–蝦是新鮮的, 而且是新鮮整的, 只是略嫌麵包糠的外皮不夠鬆化, 牛柳(要了五成熟)很嫩, 黑椒汁很辣, 要了薯菜–薯蓉及小量紅蘿蔔及白豆。牛肝雜菌汁西冷牛扒–要了五成熟的牛扒, 但肯定不夠五成, 因為從未吃過如此生的五成熟牛扒, 汁醬沒有特別, 要了薯菜。套餐包括餐湯/ 餐飽及餐茶, 我們都發覺連餐湯都差了, 變得少了湯渣, 只剩幾片紅蘿蔔, 而且味道也差了, 不過餐飽不會凍冰冰的, 是微溫的。整體上是差了, 但價格不算太貴, 所以可能都會再幫襯, 希望下次會有改善吧!!!

款式多元化不過永世都唔轉下款law下午茶炒飯類就係得飯拉面類就好d,多湯,明顯有d送,不過比較油沙律類就幾好炸石班魚有時好似隻碟咁大好味又唔油不過坐係入面d冷氣就好似殮房咁凍到d人一食完就走~~~wakakakakakaka

同集團上次係新都城就好難食, 今次返將中食無期望下又覺得幾唔錯黑椒雞肉炒意粉- 個意粉除左雞肉外仲加埋蘿蔔絲, 蔥, 西芹, 芽菜等一齊炒, 黑椒味好香濃, 仲越食越辣, 唔錯紅酒汁芝士牛尾焗飯- 有四五舊牛尾, 肉幾腍同入味, 而個芝士係半溶下加埋個汁撈埋D飯一齊食幾好味