椰林閣餐廳 (華都商場)

營業中

休息中

聖誕節當日見又未到晚飯時間又想食啲嘢，近近哋就去老牌椰林閣食個tea啦喺門口拎咗飛，真係等了又等明明入面勁多枱，都無職員出嚟叫飛最後到我行入去張吉枱度，先有職員話要拎飛先好聲好氣同佢哋講我喺下張枱，見你哋咁忙我咪自己行入嚟啲樓面好似聽唔明咁，淨係識叫我行返出去要拎飛，點都話前面仲有人等緊（就係得我同一張三人枱等）到叫枱見到係我就扮唔知喺度講「原來下張枱係你」個樓面態度真心差，完全唔聽其他人講嘢，又處理唔到入坐流程，餐廳請到佢係倒米（三人枱同我都無入坐）

<試伏系列>一直聽好多人話呢間好伏咁多年都無進步過等🐥🐥又黎試試佢幾伏先😫椰林閣😫<黑椒牛仔柳意粉>上碟 feel到有design過個擺設但又有幾條意粉碎飛咗出嚟 我真係原碟直影 無幫佢執過個樣😂牛柳都算幾薄比較多根同柴食完攝晒喺牙到🥲最憎意粉都少伏 唔知點解好碎但味道都ok既💰$66<海南雞飯>一上台已經唔熱所以啲雞有啲硬 唔滑 但都未叫好鞋啲雞油都係凝固左而油飯就中規中矩💰$62👎🏻白湯好奇怪 唔係平時飲白湯既味👎🏻兩個餐都偏凍回頭率 :🐥/5

今日同屋企人去咗屯門一間西餐廳椰林閣，呢一間係多年嘅老字號，已經經營咗好多年，都可以屹立不倒，證明呢間餐廳質素不錯，今日去餐廳叫咗個牛扒，塊牛扒足料，而且肉質厚嫩，最緊要係很有牛肉味，同埋唔會好銀，超級好食，而且又有飯或者意粉或者薯菜配料，所以一定會好飽足，而且又有配上菜，所以我覺得好健康，仲可以配埋飲品，有餐湯有餐包，所以我覺得呢一個套餐係好抵食，而且佢餐牌上都有好多選擇，有焗豬扒飯，有炒飯炒麵，簡單嘅飯麵都有，所以我覺得佢可以比好多選擇，唔怕冇嘢食，而且餐廳嘅侍應服務很有笑容，好有親切咁又主動，會主動遞上餐牌同埋茶水，所以我覺得響度被服務有賓至如歸的感覺，下次朋友去到屯門唔知食咩，我一定會推介呢一間，而且坐位好舒服，可以方便傾偈！❤️

童年回憶，15年後，中學到依加再食番有驚喜有誠意，開心牛柳大蝦餐碟上 芝士牛油薯蓉西蘭花酥皮蘿宋湯比起最近食過個人覺市中心附近扒房同茶餐廳好味，性價比高，掛住食 無影相

間唔中都會去這間店食晚餐或下午茶。今次就寫寫食後感吧！要提提的是，這間店的下午茶都算大份，不大食的人，其實也可以當午餐那樣食。今次叫了個鰻魚雞扒配薯菜。因為佢有餐包，西湯，主菜及飲品。基本上都很飽，若果男士覺得唔夠，也可以不選擇薯菜，另揀配飯或意粉。份量都大大碟，雖然比起普通茶餐廳價錢還是偏小貴，但見到內容就不會覺得不值。鰻魚差不多都是全條，雞扒都很大塊，醬汁味道夠濃，薯條是正常的外皮少脆，有少許蔬菜配搭。給的醬汁很多，基本上鰻魚及雞扒本身都夠味，可添醬食或不添也可。主菜前有餐包，脆脆的長條法包可配合西湯一起食。可選忌廉湯或羅宋湯。這次是忌廉湯，湯料不多，普通茶餐廳質素，不要太大期望。最後是茶餐廳類的飲品。整體上很滿足飽肚，味道都OK好食。若果是西餐廳來說，性價比就算是抵食了。

同老公講起中學回憶，就會記得椰林閣餐廳，講起都成十年無食，之後同老公決定去食下。我地都叫咗西冷牛扒食😋味道都唔錯👍🏻坐得都好舒服，不過就唔見好似以前咁多人食😉但都好事黎😛因為就唔洗等位😆

放假諗住据個扒，見椰林閣平平地唔洗100蚊有個餐又冇咩人，於是就入左去食喇。呢到唔算細間，但係2人枱又好細好逼....叫左個西冷牛扒，賣相OK，食落去就知道出事，一D肉味都冇，又好淋，好似落左好多鬆肉粉，食緊個好似肉嘅物體，唔似牛扒，仲衰過茶餐廳D薄薄地嘅扒，但係茶記都係幾十蚊一個扒餐咋之後 仲叫左杯菠蘿七喜，得個甜字，但係仲要加10蚊! 完全唔好飲 ...唔會再黎椰林閣据扒，食其他野都仲有可能。

放假周圍行下，好耐無食椰林閣，經過就同細佬入去食個lunch重拾下中學情懷叫咗2個當日Lunch set，有餐包、餐湯同餐飲，羅宋湯足料，忌廉湯香滑。餐包上枱都係熱嘅，依點值得一讚！意式香草汁煎雞扒 $56細佬食雞扒意粉，雞扒都算大塊，意粉份量都夠男仔食，雞扒雖然唔算太嫩滑，但都唔太乾，大大碟經濟價錢同質素成正比拿破崙三文魚粒帶子意粉 $56我叫咗拿破崙三文魚粒帶子意粉，未上碟前以為係大粒帶子，上枱原來係珍珠帶子。另外雜菜都算多，種類有菇、青椒、蕃茄，整體味道不過不失

我和朋友一心去椰林閣搵番童年回憶 當日是星期日14:25到達 門口已經有人排隊 諗住撳票等位 門口職員就用好不客氣又唔耐煩的語氣說：下午茶排隊 當時我說不是下午茶 佢沒有理會我…我們只可跟隊去排 到了下午茶的時間 職員就替排隊的客人撳票 撳完票原來要去另一邊再排隊 當時我朋友就同他說 我不是食下午茶 職員還用不禮貌語氣話我朋友不是 我當時睇緊衫就即刻出來 我都即時同職員講 先頭同你講你又唔理我的說話 佢應該認到我 就同我講當時冇位 我就即刻同佢講 當時不知有幾多空位 即時篤爆佢的假說話至帶我們入坐…食物有點失望 但咁嘅價錢可以接受對客人的服務就太不對 不可接受那位不禮貌的職員係餐廳的經理 真沒想到怎樣帶領一班員工

午餐時間，食乜好，中午 12:00 路過椰林閣餐廳，要拎個籌，稍等一會兒，到我啦餐廳環境普普通通啦😀小小雅坐，夠一個人坐看看午市套餐，奉送餐湯、餐包、熱飲雞扒、牛扒、飯、意粉…加 $13 有營時菜點了 A餐 .. 牛肝雜菌汁燒牛扒 $64 跟薯菜厚切牛扒，啖啖肉碎碎雜菌粒粒 … 汁配菜有翠肉瓜、紅蘿蔔🥕、粟米🌽薯片 擺放有啲 😀 四散餐包搽上牛油，特別好吃😋羅宋湯 🤗料多多：西芹、紅蘿蔔、洋蔥🧅⋯⋯熱奶茶 味道，略為失水準😀☕️

在屯市唔知食咩好，想起呢間細細個就去的餐廳，晚市唔係好多人，坐得好舒服。餐湯我通常都飲羅宋湯，有塊面包跟餐，仲可以揀一杯飲品，咁當然係凍檸茶少甜少冰。叫左個燒特級西冷牛扒西冷的質素唔係話超級好，但整體勝價比高，又大件厚身。記得初出社會冇咩錢，但呢間平平地都可以鋸個扒，當時的呢種浪漫已經好滿足，唉，始終回憶的味道，幾錢都買唔返。伴碟有扭紋薯條、西蘭花同車厘茄，簡簡單單，我就係幾鍾意呢度。

椰林閣餐廳12:30 客人多多，嘈吵，冷氣凍凍😭小小卡位，坐下來午市套餐，分別有牛、豬、貴刁⋯⋯等奉送餐湯、餐包及熱飲F. 餐 ： 香茅雞中翼肉燥飯 $56羅宋湯：洋蔥、紅蘿蔔、西芹、肉、香葉， 酸甜開胃好喝餐包 少少甜味、軟熟... 查牛油😋 大大碗飯，材料豐富半隻鹵水蛋，深色、夠入味紅蘿蔔切成細細件，容易食粟米粒、翠肉瓜、西蘭花🥦香茅雞中翼2隻，賣相不錯，炸得皮脆脆肉嫩嫩，肉燥撈飯，滋味飯太多，只食咗一半，浪費呀香濃熱奶茶 🤗

今天午餐，去那裏吃呀！路過華都商場，逛逛 看看，椰林閣餐廳餐廳環境都幾好，坐得舒服，職員安排了小小雅座午市套餐，意粉、飯、沙律奉送餐湯、餐包、熱飲D. 拿破崙三文魚粒帶子 $56大大碟，意粉份量挺多，肯定吃不完😀材料豐富，紅椒、青椒細細三文魚🍣粒、帶子粒粒洋蔥🧅、番茄🍅片、白菇片、菠蘿🍍粒再加啲芝士粉，更加滋味羅宋湯洋蔥、肉、椰菜、紅蘿蔔🥕番茄🍅，酸甜味道軟綿綿餐包，搽上牛油，特別好吃😋奶茶、茶味夠濃

本來想食另一間CAFE，點知太多人，所以唯有轉到椰琳閣食晚飯⋯⋯⋯⋯一人叫一個扒餐，加錢叫一個凱撒沙律，慢慢傾，慢慢講。點知邊食邊傾計，食食下沙律，個嘴莫名奇妙有好多一粒粒嘅粒狀物體，仲要好多粒⋯⋯⋯咬極都咬唔爛⋯⋯⋯然後即吐出嚟⋯⋯⋯⋯⋯原來一堆發泡膠囉火都嚟下次唔會再去🖐🏻🖐🏻🖐🏻🖐🏻🖐🏻

兩點幾，又未食午餐，行過「椰林閣」見到茶餐都有飯，就揀咗佢！入到去就即刻叫咗兩個餐，分別係黑椒雞扒飯同椰林閣咖喱雞扒飯，每個茶餐都跟飲品！等咗10分鐘左右就嚟齊啲嘢食，先食咗我嘅黑椒雞扒飯，入口有啲辛辣，但呢種辣係香辣。黑椒味重，飯亦唔少，雞扒無乜雪味又夠大塊，正！我叫埋待應俾多啲黑椒汁送飯，夠惹味！而另一個椰林閣咖喱雞扒飯亦都好香，呢一個咖喱味帶啲椰香，唔會有辣味，我平時食咖喱會胃酸倒流，但呢個咖喱汁夠温和，真係喺椰林閣先至食到，少年的回憶🤣🤣🤣薯仔好腍，亦都入味。兩個餐加埋又唔使$100，以而家no pay無工返嘅我算係經濟之選！