椰汁大王

營業中

休息中

間中都會光顧椰汁，一如既往咁好飲，但今次實在太失望，只係問一句:「椰汁可以走冰/少冰嗎？」結果遭年輕男店員回應:「走冰？你估呢到街市咩！」收到呢個回應，實在感到無奈兼憤怒，其實得定唔得禮貌講聲咪得，點解要用咁惡劣既態度回應？經過今次咁既服務態度後，我日後未必再幫襯了!

今次嚟到呢間飲品店，一入口就被吸引住喇！店內氣氛輕鬆，飲品擺得又靚又吸引，眼前既椰汁吸晴啲，仲可以選擇加啲咩料，心諗：試吓呢個名為「椰汁大王」嘅店招牌椰汁啦！選咗杯經典純椰汁，無加料，保持原汁原味。喝落去既感覺真係正到爆炸🎆！椰香四溢，幼滑得嚟唔會過於甜膩，清新得黎又夠貼地。夏日炎炎，咁樣一杯涼快椰汁，真係解渴又開心😄！而且份量足，一大杯飲晒個人都覺得舒服滿足。試完呢次，我會再返黎嘅！如果你都係附近，記得要黎一試「椰汁大王」，保證俾你飲得開心，飲得健康，啱晒夏日解渴！🥥🌴

對上一次飲應該係2019年因為越飲越貴，所以好耐都冇幫襯今日路經深水埗睇吓又貴咗幾多又真係貴咗好多喎🤷🏻‍♀️而家係$30一支佢而家貴嘅程度係同嗰啲乜乜茶物物茶差唔多咁應該飲埋呢次唔會再飲喇掛以前都仲有好多人排隊而家小貓三四隻🤷🏻‍♀️係咪應該薄利多銷好啲啊😂雖然佢嘅味道不變但係加價嘅百分比真係好高🫣或者過幾年再飲😂到時唔知會唔會$40好啦，我都好中肯嘅佢係貴，但係都係好飲🤭我仍然都係會比好評不過性價比低囉因為我飲過好平嘅時候🫣人工真係追唔上通脹🫣

33度的天氣，行出街真係好攞命，一出深水埗地鐵站，就見到這一間椰汁大王，好多人排隊。多人排隊，應該都唔差啦，即刻去買支試吓先。而且價錢唔算好貴， $30一大支。真係見到新鮮椰肉，加水加冰放落去攪拌機，現場即製。入口充滿新鮮的椰汁味道，在大熱天時，的而且確非常解渴，而且感覺比較有益，下次經過會再買。

-有時肚仔餓，就會想飲甜野，呢間椰汁🥥幫襯咗好多次，椰汁本身都健康過飲汽水。我鍾意加紅豆，增加口感，紅豆煮得好爛，都夠晒甜起沙。曾經希望叫少甜，但係阿姐唔肯做，話所有配料已經整好。如果可以少甜，少冰就更加好，我就可以多啲幫襯，因為椰汁嘅糖分勁勁勁勁高，飲一次都幾有罪惡感。-

喺附近食完魚蛋，經過見到椰汁大王就買樽椰汁飲下。我好似係第一次幫襯買椰汁，一樽$29。見到店員係加咗冰同花奶落椰汁度，再用攪拌機blend。椰汁加咗冰好解渴，又唔會太甜，夏天飲更加正！

行過經過次次都見到好多人排隊，不論係香港人定係有客都鍾意飲😋 我自己每次經過都會買一杯嚟飲，係掃街必備飲品👍🏻 雖然好多人排隊，但係師傅都好快手好快就可以整到一杯嘢飲俾人，所以其實都唔會等好耐！😚新鮮椰汁加珍珠🥥美味指數：👅👅👅👅 (4/5)鮮榨新鮮真材實料嘅椰汁，飲落去嘅椰子味同埋奶味都好濃，入面仲有粒粒嘅椰絲，唔會好難入口，反而飲落好絲滑而又有口感❣️ 掃街嗰陣時飲實在太解渴啦～～～

鮮榨椰汁🥥yummy很耐很耐冇飲了唔知點解今日好想飲，那就去買左杯細既隔咗咁多年再飲番，味道，水準不變，沒有浪費金錢。基本上不用說走冰小冰，佢都係冷冷的，但又不會過甜，很適中。唔知隔幾耐先可再飲，要減肥呀😂😂😂

行開深水埗，無理由唔去買返個椰汁。椰汁大王店舖好細。只供外賣無堂食。行開黃金商場，必要買返杯原味椰汁。大size開價$24。杯椰汁好重新鮮椰汁。夏天消暑好良方。

Love the drink. Tried it last time after going to the golden computer center. Very yummy and had to come back for some more. However today the guy served it was chewing his lunch with mouth open and I could see food particles come out while he was preparing our drink. We asked him what he was eating but should have just asked him to put on a mask! He merely pointed to his box lunch on the counter and went on with the preparation, while chewing on. Our fault for not being more assertive but I wis

呢到主要賣椰汁 都係算即叫即製造 因為佢有部機係到 而椰青都主要由泰國入口 飲落有濃濃既椰青味道 偏純 應該沒有加其他調味料 唔使點等就好快有杯椰汁飲 鐘意椰青既朋友可以試一試 😂😂

老老實實我同老公由大支裝$18開始飲飲到$22已經覺得好鬼貴然後今日突然好想飲，點估到已經去到$27😱😱😱我同老公都好鍾意飲，但係只限於大支裝因為細杯嗰啲冇冰粒係入邊只有大支裝佢嘅斟法係有啲唔同所以會有啲碎冰粒係入邊混和住好濃郁嘅椰汁，確係正㗎我同老公嫌佢貴得滯，所以曾經有試過飲細杯但細杯係冇冰粒🙄所以我哋每次都係飲大枝裝不過又發現佢又加咗價🙈🙈🙈雖然佢比起啲台灣乜乜茶都仲係平少少不過佢嘅加幅度百分比實在太誇張🙈唔知下次飲又加幾多呢🤦🏻‍♀️

有時唔想成日食台式飲品，間中買下椰汁大王都唔錯，雖然份量唔算大多，如果好口渴，絕對唔夠飲，但勝在佢椰汁真係好濃，仲飲到微粒既椰子肉碎，味道又夠清甜，感覺上都比較健康。

成日飲台式飲品都會飲到厭，間唔中飲下椰汁幾好，價錢唔平，而且冇台式飲品咁大杯，但勝在只有佢賣椰子汁產品，清甜解渴，附近又多食肆，食飽左飯轉個彎就可以黎買返杯，正。

喺附近食完正餐，有些口渴，剛好經過椰汁大王。飲品選擇有兩種，椰汁和蔗汁。我點了蔗汁。有大，中，小size選擇。我點了小杯 ,見到蔗汁係新鮮即榨。味道不錯應該是純蔗汁。入到喉嚨有甘甜嘅感覺。