楊記麻辣魚館 (長樂街)

營業中

休息中

難得約埋一大班朋友去食飯，有朋友提議去食川菜，我哋就決意去佐敦長樂街嘅「楊記麻辣魚館」，因為我哋喜歡佢夠地道夠正宗。菜館裝修簡單，勝在座位闊落同地方乾淨，牆壁上都貼上食魚，就吃水煮魚的解釋及內容，相當專業同講究。嚟到大家都紛紛點菜，我哋就點了四川涼粉 、青笋臘肉、酸菜魚、大盤花菜及四川扣肉。四川涼粉 - 涼粉煙韌爽口，浸透了麻辣紅油醬汁，十分惹味。青笋臘肉 - 青笋爽脆，臘肉惹味，配上辣椒炒後更增香口。酸菜魚 - 是菜館的招牌菜，大大盤份量十足，魚肉夠滑，麻辣味搶口，入口先感麻後漸漸辣感就出來，辛辣感有好層次。大盤花菜 - 椰菜花及豬肉片炒得好有鍋氣，遠遠都聞到香味，味道夠辣， 辣得嚟都幾過癮。四川扣肉 - 一層肥一層大瘦的豬肉，十分吸引，夠入味而且很香濃，入口油脂滲出，相當香口，配白飯一齊食超正，邪惡指數滿份。

今日去一間川菜館食飯，因為有一班朋友喜歡食辣一齊品嚐美味菜式，為什麼這樣說因為之前食川菜得個辣字，少了食物味道，第一個推介是食尖椒魚頭+米粉，魚頭煮起來好滑脫脫一定要叫少辣，因為如果你們食得辣也要先試了辣程度先，因為大辣是非常非常辣的你們要小心留意，還有一口串羊肉也好軟淋淋，有一個菜是咸肉炒菜是好有鑊氣味道好適中，一定要試吓，有個炆鴨也有個不錯味道，皮蛋也是一定要食，因為好有皮蛋味加少少辣也不錯的選擇。

其實同朋友甚少食川菜，所以即興同朋友去食楊記麻辣魚館，由佐敦地鐵站B1出口步行3分鐘左右就到達。環境光猛企理，雖然餐茶廳格局，但都坐得舒服，冷氣亦夠凍，因為食川菜會食到出晒汗，而且價錢亦唔貴，份量都大大碟～～大盤花菜-入面有椰菜花，豬肉片，用辣椒炒，又香又辣，味道好濃，送飯一流呀手撕包菜-要用手把菜撕成均勻的小塊，不能用刀切，爽脆微酸，口味鲜美。四川扣肉-以個送飯都一流，肉質肥而不膩， 脂油晶瑩剔透

香港川菜，正如麻辣火鍋一樣越滾越愈紅。提起川菜，除了有大家認識的老字號川菜店如三希樓，近年也有不少過名店江龍、新派川味相繼登場，令人着迷的不僅是湯紅油亮的水煮魚或麻辣鍋，還有更多華麗精緻的變奏菜式，將百菜百味重新演繹。（楊記麻辣小館）於佐敦設有分店，乃是典型傳統的川菜館。水煮魚 水煮魚這道菜就可以滿足一眾辣迷，由於魚片完全吸收辣湯湯汁，食起來會食到啖啖辣味和魚肉，而且可以根據個人口味點選辣度。楊記的做法湯汁份量會比較少，故意突出魚肉身的雪白滑嫩。另亦會放入更多的辣椒粒，火紅色襯上白雪色，澎湃的視覺效果讓味蕾胃口全開，形、色、香三者兼備，畫意相當震撼。火爆腰花-火爆腰花是用豬腰制作的一道家常菜，屬於川菜，質地細嫩，咸鮮醇厚。

經過來這裡吃，因為性價比很高，一個飯才40-50元，外邊很小這樣便宜了，而且辣得好岩我，不吃辣的寶寶也有不辣的菜可以點。水煮牛肉🌶️🌶️🌶️一大盆辣椒都在面，味道很香辣，不是死辣的，辣椒其實很合適香港人吃，辣椒能援解壓力，上班後來吃特別有精力💪🏻四川涼粉 🌶️🌶️紅油浸著粉皮非常入味，爽滑的口感麻辣香味，令人忍不住馬上開動， 一瞬間就吃光光了鐵板田雞😍香港很小地方可以吃到田雞，味道醬香的，不吃辣的朋友都覺得很滋味連續吃了幾件

天氣熱辣辣，無咩胃口，最好就係食下麻辣岀身汗，消下暑都唔錯喎。黎到佐敦呢間楊記麻辣魚館，坐底睇下有咩好食先。干鍋肥腸，除左有麻辣既味道，仲食到芫茜既香，肥腸夠爽夠入味，正！夫妻肺片，牛雜夠腍身，切得大大塊又薄，吸收晒麻辣味香。毛血旺，鴨血又滑又嫩，豬血係代替唔到既。亮點係午餐肉，從來冇諗過午餐肉用呢個方式岀現，同麻辣湯係咁夾既。今日食到碟碟四川麻辣風味，仲要清晒，原來大家都好辣得下，夠辣夠正宗，好好味呀！

平日都好少食川菜，今日因為要招呼朋友，就黎到屋企附近呢間餐廳食飯。餐廳環境係一般茶餐廳嘅格局，店員幾有禮貌，上菜速度亦都快手，對佢哋嘅服務係滿意嘅👍🏻以下呢三款食物係我覺得今餐最好食嘅。手撕包菜上枱嘅時候非常之香，令人食指大動。包菜炒得岩岩好，唔會過火，唔會太老，口感爽脆微酸。宮保雞丁有大量花生做配料，食落口感更加豐富，而且啖啖肉。味道辣中有甜，入口既時候先有香辣既味道，然後有少少甜，唔會係令人好辛苦嘅辣味。四川扣肉係比較重口味嘅菜式，味道比較濃、香，肉質香軟，重點係肥而不膩，食完冇飽飽滯滯既感覺，撈飯食相當唔錯！

近排嚐辣意興奇高，同好友工作中間地點係佐敦，於是搵到呢間～ 話明魚館梗係必點水煮魚。 果然係招牌，麻辣融融❣️😆 魚有魚味又夠嫩滑～除左辣嘢，梗係要有拌口小食啦～ 食得最開心嘅係食金銀饅頭，沾上煉奶，甜美可口遳遳脆😆😋🤤🤤 扮埋甜品都仲得～ 好食於是又食左好多個，差啲食埋朋友嗰份😆😂而另一最愛就係鐵板田雞～鐵板田雞炒得香，辣得嚟好惹味，又唔會太辣～ 田雞肉大粒夠嫩滑 😋😋😋 啖啖肉呀～～～～食左勁多道菜，抵食❣️開心❣️

偶然行街經過既一間小店，行街行到攰，就叫左兩款小食當下午茶祭五臟廟。金銀饅頭份量驚人，估唔到有咁多件，而且件件都有半隻手掌咁大。金銀饅頭既「金」同「銀」分別代表兩隻顏色。饅頭炸得剛剛好，外層香脆，內裡鬆軟。饅頭同煉奶絕對係不敗既組合，我由小到大都好鐘意食炸饅頭，炸饅頭脆卜卜，加埋香甜既煉奶真係無敵，而且好岩同朋友一齊 Share ！四川涼粉係四川既人氣小食，涼粉口感香滑，醬汁味道酸辣，開胃醒神，夠曬香口，唔錯呀！

本身我真係唔係好食得麻辣,會係咁流汗個D~今次俾朋友拉左我去呢間..入去之前我都有D淆底架。見到個餐牌都幾多野揀！咁梗係由我個friend決定食咩啦叫左水煮魚...wow! 一黎就去左辣既極限~好難得係佢咁辣都可以食到魚既鮮..但我真係係咁流汗啤酒鴨係另一種辣黎既..冇魚咁濃~中意食肉既我會推薦呢個!麻婆豆腐就係撈飯至尊啦,我地一人食左一碗半飯呀!除左豆腐佢個汁都唔算搶喉幾正,唔知係唔係之前食左好多辣..呢個反而好易入口呢

今日咁岩去佐敦開會老細就話不如近近地去樓下間餐廳入到去見到有好多午餐都好扺食都係40 50蚊到 真係夠晒經濟實惠不過有老細喺度梗係叫啲特別啲㗎啦所以唯有下次先試我哋就叫咗水煮魚成碟勁多魚 而且啲魚都好滑夠晒辣 而且啲魚都好新鮮一啲都唔腥 仲好彈牙好有魚味之後我哋仲叫咗個大盤花菜入面有椰菜花 而且再用辣椒炒夠晒辣 送飯真係一流而且我哋仲叫咗個青笋臘肉青笋同臘肉出奇地夾一個淡一個濃 而啲臘肉都好夠味而且都好夠辣味鍾意食辣嘅人一定要試吓

好辣既我其實好少食川菜. 前排朋友介紹左間餐廳話呢間夠辣夠地道，所以去試下定價都幾reasonable，連飯大部分都係$40/$50夫妻肺片，由唔同牛肉部分薄切而成. 店員話有牛心、牛舌、牛肚、牛肉等. 每片入口粑糯，而且因為薄切就更加入味，麻辣香味濃郁。啤酒鴨原本以為會好重酒味，但可能經烹煮大部分酒味都揮發左. 不過鴨都嫩而入味，唔錯干鍋肥腸，朋友話呢道唔錯. 滿滿辣椒片同芫荽，其實食落無想像中咁辣，都幾惹味. 平時唔點食肥腸既我都食左幾舊

今日同啲同學仔去gathering就去咗位於佐敦嘅楊記麻辣魚館當然我哋見咗呢排最Hit嘅酸菜魚啦個酸味同埋啲魚好夾 唔會太酸 又唔會蓋過咗魚嘅鮮味啲魚又好滑而且好彈牙好新鮮 完全冇腥味而且入面都有好多魚所以都好抵食之後我哋叫咗個泡椒田雞田雞肉好彈牙 而且配埋個辣味超級好食 送飯一流我哋叫咗個火爆腰花腰花切得好有紋理真係好似一朵花咁而且都炒得好香 口感都好好而且同朋友gathering 一定要啤啤佢啦今晚大家都飲得好開心食得好開心所以我一定會再嚟

Yo! 今日老闆心情靚請食飯！ 佢帶我黎佐敦食正宗川菜。地點唔難搵，地鐵站出口，五分鐘內到！ -老闆拍板叫餸食飯，樣樣都好味夏日炎炎先黎一道較清新的前菜：手拍青瓜。青瓜條嫩綠新鮮，口感香辣又爽脆，令人開胃。-再黎水煮牛肉這個菜餚正正表現出川菜麻、辣、鮮、香的特色。 紅通通的湯底初時以為會十級辣，但又不是呢。麻香味比較突出；辣出帶麻，吃得過癮。而且牛肉片份量都多，牛肉無筋，還挺嫩口。-最後是夫妻肺片，同樣是四川經典名菜。同樣以牛肉為主料，片片厚度均一，爽脆有咬口，再配合麻油及芝麻香，令人回味。

最鍾意食辣野；今日同同事出外傾project後， 行過見到依間川菜餐廳，見環境乾淨整潔，同埋極爆滿人，直覺一定好好食先咁多棒場客，所以決定試下。-我地叫左三樣菜式，質素都唔錯❤️水煮牛肉水煮牛肉，係一道傳統川菜；用花椒和乾辣椒來煮出川菜麻和辣的獨特風味。香氣濃郁之餘，牛肉嫩滑醇厚，讓人一吃就愛上。-❤️串燒羊肉份量既多又好味！羊肉串新鮮熱辣出爐，粒粒厚切，肉嫰彈牙；惹味不羶。-❤️大盤花菜 吃了那麼多肉，最後來一盤炒菜中和一下。花菜新鮮爽口，酸酸辣辣又是幾惹味！-整體來說，餐廳食物幾有水準又抵食