楓林小館 (已結業)

主角: JAM地點: 楓林小館菜式: 招牌炸乳鴿- 有蝦片伴碟, 乳鴿炸得唔夠熱, 不過配埋D淮鹽一齊吃,味道都唔錯 四川炒中蝦- 不太辣,蝦肉唔夠爽 豆豉肉片炒河- 唔錯喎地方唔算大,夠乾淨,服務員又細心可能今日係假期既關係,食品略為失準,不過會再黎試架

在沙田上班真的沒什麼好食，今天一行五人便決定到大圍食午飯。要五個小菜，包括燒乳鴿、煎封讓豆腐、馬蹄煎(咸)魚餅、上湯豆苗及生炒骨。燒乳鴿都幾好食，不過值唔值咁貴就見仁見智。煎封讓豆腐，外脆內滑，讚！上湯豆苗，有水準。馬蹄煎魚餅，小小偏咸，送飯一流。生炒骨，普通。環境有D古舊，服務都幾好。

朋友黎hk，食乳鴿，據聞楓林好食過龍華，於是試下，叫左以下的:- 招牌菜椒鹽中蝦，我唔鍾意食蝦都食o左兩隻- 乳鴿，真係好食過龍華~- 煎封豆腐，好香口好好味，強烈推介~- 蝦子柚皮，ok啦~- 苦瓜海上鮮，我食o左兩舊苦瓜only，時價魚無惦過…- 咕嚕肉，普通野都好味呀~- 甜品，附圖，勁好味，好多時中菜館d甜品都係求求其其，但楓林o既甜品絕對好食過好多所謂好出名o既甜品舖，粒湯圓真係無得頂~埋單位位三百六，早知食舊魚啦~_~

介紹指這裡是一間具五十年歷史的中菜館, 又一間飲食遺產, 亞妹返港指定要食乳鴿, 楓林一定是頭三位選擇, 唔通食(好)評如潮嘅龍華?燒乳鴿: 10分, 熱辣辣, 大隻但又唔老, 亞妹成隻食, 文迪同我分一隻, 點夠喉!椒鹽焗中蝦: 8分, 未至於一定要試, $18一兩唔平, 椒鹽味大過鮮味金銀蛋上湯浸莧菜: 7分, 點都要一道菜, 中規中舉.其實嚟楓林食, 淨食乳鴿已不枉此行, 其他菜色已不重要, 好似食Lawry's, 唔通去食龍蝦唔食Lawry's Cut?

我唔記得講, 我都有食椒鹽焗中蝦.但係我就唔係好識食囉.又唔係話唔好食,都OK乾身.又唔會太鹹,冇咩椒鹽,不過就淡左少少,又唔係好似食梗椒鹽蝦,而且貴左少少咁囉.仲有就係原來冇甜品送架.

剛剛係星期六同埋一家十七口，浩浩蕩蕩咁去左試吓咁啦．因為啲Comment實在太好喇．一入到去已經知道呢度可能唔係我地呢個Class嘅人嚟食嘅，原因係左右隔離個樣都係非富則貴，個個客人都有住一副富貴樣，更有公司帶四五個外國商人嚟食飯添．講翻我坐o個檯，大大話話十七人迫o係一張十人檯，個感覺真係唔係幾好，不過冇計，已經係佢地最大嘅檯，除非分檯坐．唉，唯有坐得親密一啲啦．當我地打開個菜牌嘅時候，我就更加肯定我呢個想法，我粗略睇過菜牌一遍，最平嘅餸係干抄牛河，你估係要幾多錢?（前前當然唔計啦）一碟干少牛河竟然係要７０．．．再估吓一碟蝦仁抄蛋要幾多錢?你唔會估到一碟蝦仁抄蛋係要９０蚊．．．最後嘅一條問題係．．．你估吓一隻最出名嘅燒乳鴿要幾多錢？（比個Tips你,一隻龍華燒乳鴿係要六十幾蚊)原來係要成八十蚊一隻...有冇貴左少少啊.其他嘅餸都〔一般〕要９０蚊，記住係一般唔係平均．．．o係點完十道菜嘅時候個仕仔仲好串咁問洗唔洗加大喎...本來問要唔要加大係無問題,不過佢用嘅態度比我覺得佢而家係唔妥你呢班死Cheap精... 原因好簡單, 原來o個個仕仔係以前o係雍雅山房度做架, 唔怪得啦, o個度啲

阿J先多謝阿姨&姨丈請我到楓林吃飯,今次試左4款小菜:椒鹽焗中蝦: 蝦非常新鮮,味道岩岩好,果然名不虛傳西芹炒牛肉: 好味,尤其是牛肉,送飯最正潮州炸豆腐: 炸得非常乾身,外皮脆,內裏豆腐滑,正!炒鴿鬆: 炒得好香,又足料,用生菜包住食,再加甜醬,驚喜之作!下次一定會再去試其他野!

每年都會黎一次, 就係因為去大圍拜車公爺爺囉!!! 每次來都必叫係呢度既椒鹽中蝦, 用正海中蝦, 真是殼都食埋... 又咸香又鮮, 完全無第二度可以做到個種火侯。今日賣$18一兩。好似好多年都係呢個價錢。燒乳鴿, 真係唔同食法, 新鮮鴿... 骨軟肉嫩, 仲有一小副鴿珍, $78一隻。跟住仲有個鼎湖上素, 裏面有好幾種耳裏, 須然我唔肯定係唔係齊哂6耳, 不過三菇就及其他材料都十分足。其他的炒鴿鬆, 百花豆腐, 豉椒蟹... 味味都咁和味, 每次去到都想食多幾樣。可惜我家住九龍, 去大圍食飯就唔係咁方便。我覺得楓林小館的風味和新兜記相似, 可惜新兜記已經結業, 希望每年都可以到楓林小館吃到美味的一餐.... 拜得神多定有神秘祐。

是肥佬同事的主意, 於是5個人來到, 點了椒鹽蝦, 蝦子柚皮, 乳鴒, 炒球(原先是點炆頭腩的, 可惜已售罄), 芋茸鴨, 一碟菜及例湯~椒鹽蝦與坊間的不同, 沒有惹味的椒鹽及乾蒜粒, 外表似是用油泡過的, 有點精瑩通透; 味道方面, 外殼有淡淡的椒鹽味, 蝦肉是爽甜的, 好有咬口, 我縱然是一個蝦癡, 但也很久沒有吃到肉質這麼鮮甜的蝦了~蝦子柚皮是第一次吃, 好香蝦子味, 柚皮是稔稔的, 因為未吃過出面的, 不知怎樣才算好…乳鴒真的是外脆內滑, 加點淮鹽, 又是一道出色的菜~芋茸鴨排得好美觀, 芋茸又多, 鴨皮應該是煎香了, 十分香口~ 又不油膩~忘了例湯是甚麼了, 但又是真材實料的, 像在家內飲湯一樣^^甜品要了合桃糊, 是送的~ 侍應叔叔說是即叫即做, 所以絕對新鮮, 賣相似是合桃露多過糊, 但濃郁的合桃味搭夠^^這裡的菜色不俗, 如大家不嫌遠的話, 下次OR聚可考慮考慮~~(9.9.05)

見到楓林呢個名，硬係諗係當年mark哥去的楓林閣。呢D老餅野，80s的小朋友都未必會知。味道，柚皮：粉粉地，無喇纖維，覺得可能係乾貨浸水。蝦子勁鮮甜，但食完蝦子要換碗，因為好腥。響螺個殼好熱，係奇怪的咖哩味？好有當年合和的感覺。豆豉雞，好味，雖然個獻好杰，但無蓋過雞味。幾好，因為今次食的都係平時小會叫的菜，所以覺得幾好。

e 間大家有機會要試下...因為好似唔係開多好耐..佢有好多菜都係整得幾特別..佢既椒鹽蝦..係用海基圍蝦.好新鮮..而且個味較得好好..同出面唔同...另外要試下佢個涼瓜炆老虎班...唔好以為會浪費左條魚...個汁較得好..條魚既味都仲係度.必食^^..袖皮同豆腐都可以試試.

小時候，老爸還是有車階級，曾帶我們來這裡吃過幾次燒乳鴿。差不多二十年沒光顧，去年底有朋友從外國回港，特地帶他嚐一下馳名的燒乳鴿，他也覺得頗滿意。所以，早幾天特地訂了座，打算今晚跟家人提早慶祝母親節。點了兩隻燒乳鴿，水準依舊，皮脆肉嫩，上桌時熱騰騰的，赤手空拳撕著吃才過癮。其他還點了豆豉炆雞（半隻）、豉汁炒涼瓜、菠蘿咕嚕蝦球、蝦子柚皮、金銀蛋上湯浸莧菜。此店的豆豉頗有名，吃罷沒口乾的感覺，雞炆得頗嫩滑，一大碟，絕對有半隻之量。涼瓜炒得爽口、翠綠，這是母親大人指定要吃的菜式。柚皮做得軟，但好像有點「霉」的感覺，不過絕對沒有變壞，而且蝦子芡汁做得很可口。咕嚕蝦球也算炒得爽脆，上湯浸莧菜則沒什麼特別。店的修潢比較古式古香，打掃衛生。食物水準不錯，但服務就不太好了。我們訂了七點鐘，但早到了，六點九入座，七點半就吃完，其中一名一看便知道「經驗老到」的服務員問了句：「菜都吃完吧？」便馬上把桌上的碗筷收拾精光。我知道那是晚飯的黃金時間，也知道我們只吃了785元，不算什麼大主顧，但這樣的服務態度實在不行。

上星期打完羽毛球和仔仔去食燒乳鴿，除了燒乳鴿還叫了幾個小菜。乳鴿賣每隻８０元。乳鴿皮脆肉滑，肉汁多，油香而不膩，手撕來吃，回味無窮！龍華以前也可做出如此水平，但每況愈下，現在僅楓林還能保全好味的港式燒乳鴿。

7月17日,因為爸爸生日,但佢唔舒服,果日睇了醫生,醫生話要食清淡的,所以近近地係屋企附近食,lee間野都開了起碼都四五十年,但環境都好清潔,果日我地叫了乳鴿-正(好味過龍華好多,一d都唔肥好大隻),豆豉雞-好味,蒸清老虎斑-真係好好味,蝦子抽皮-唔錯,金銀蛋菜-ok啦,果條魚真係蒸得剛剛好,加了d豉油好好味,爸爸唔舒服都食了唔少,佢地d野大至上都好好味,都唔覺有味精,d服務都ok,起碼都會同你斟茶,4個人食了$980,唔錯都好值.

呢度D生炒糯米飯出晒名啦,的確係好好好好食,但就份量大0左D(叫親一定係八人份,少D都唔得),食唔晒都几0徒仲有呢度D椒鹽蝦,好入味夠鑊氣,殼都食埋.唔好忽略呢度一切用豆豉煮0既送,唔知點解呢度D豆豉好正,勁香豆味,唔太咸唔太淡,配咩都好食,尤其是一味苦瓜豆豉炆星班,必試!