影片
電話號碼
96800127
營業時間
今日營業
07:30 - 21:00
星期一至日
07:30 - 21:00
以上資料只供參考, 請與餐廳確認詳情
今日星期六去食早餐唔洗等雞粥+5粒燒賣餐，凍飲+$5雞粥ok,普普通通。有d酸瓜粒都算開胃。雞肉都滑 唔會太腥但燒賣真係好難食，面粉味最後5粒只係食咗1粒半。 有d浪費
繼續閱讀
超水準飯堂！星期五晚放工唔想煮飯，去咗科學園搵嘢食見到呢間餐廳好多人，堂食同外賣都有人等緊等咗一陣就有位我哋就入咗去諗住求其食啲嘢冇諗過咁好食😧呢碟菜心炒牛肉一定係我食過最好味嘅一次牛肉好好食，唔係平時茶餐廳醃到梅晒嘅牛肉！菜心都好新鮮好嫩！另外叫咗個燒味飯，特別推介燒腩仔👍🏻個皮脆卜卜好正瑤柱螺片淮山燉雞湯好好飲，跟餐加$58 價錢都ok單點$88 就貴少少但味道非常好，非常足料隻雞都好好食好滑。
繼續閱讀
楠天kitchen位於科學園，呢度有大量泊車位，同男女朋友或者一家大細想遊吓車河食個lunch，或者玩完滑水想食啲嘢，呢度就係一流嘅選擇～楠天kitchen 出名燒味同各款中菜，今次就試咗佢哋嘅叉燒同埋燒腩仔外賣，果然有驚喜！叉燒非常鬆軟彈牙，用蜜汁去燒甜而不膩，配合肉嘅香味用嚟送飯一流！燒腩仔外賣返屋企仲係非常之脆，晚餐加餸就最合適不過～最後講吓個金湯酸菜魚，本身跟埋飯超抵食，酸菜魚有好多舊，裝到差唔多滿瀉，最緊要就係本身魚肉嫩滑，吸收咗金湯嘅精華非常入味，個湯底亦都調得恰到好處，唔會太鹹之餘亦都將酸菜嘅精華發揮到淋漓盡致😋總括而言，呢間餐廳無論外賣加餸定係揸車過嚟堂食都係一流之選，價錢公道份量十足，住喺科學園嘅住客有口福了😍
繼續閱讀
我又黎介紹下白石角嘅野食啦大家都知白石角啲野都好貴今次係性價比好高嘅楠天kitchen呢間真心好抵 一入到去 問姨姨員工邊樣係餐廳必叫佢介紹叉燒 話好多人叫叉燒個味剛剛好 唔會太甜太膩太油 肥瘦剛好 個豉油汁配個飯 一口飯一口叉燒 正👍👍再叫多個秘製吉列魚柳咖喱飯 略嫌嗰兩嚿魚柳有少少細嚿 但係鬆脆嘅外層 唔會太厚炸皮 同鮮嫩嘅魚柳 再加日式咖喱 少少甜嘅微辣咖喱好香 仲有少量肉粒仔個醬汁剛剛好撈哂所有白飯 我同工人姐姐兩個女人仔居然全部食得晒😂本來想食個普通嘅西多士做飯後甜品點綴一下點知行到去姨姨度點餐 俾隔籬個餐牌吸引咗係Oreo西多士🤩 抱住興奮嘅心態一試好。可。以！平時啲cream我就會撥走佢但我發現佢食要連埋cream食先冇咁漏 會無咁甜我同工人姐姐share剛剛好！自助形式嘅茶餐廳 方便for响附近番工嘅上班族加上性價比高 菜式好簡單，但款式較多👍👍又有水準 大家不防一試
繼續閱讀
科學園依家乜都有得食飲茶 韓國嘢日本嘢 泰國嘢越南嘢你講得出嘅，佢都有不過價錢就真係偏貴如果晚餐 都要預二至$300一個人落樓如果喺科學園想食平少少但又唔想間快餐店的話楠天真係一個好好嘅選擇呢間嘢我都嚟咗幾次真係幾好味嘅茶餐廳今次都係嗌咗二人餐有燒味 解咗叉燒，同埋切雞有跟到一個青瓜幾清新同埋個汁校到幾好👍🏻👍🏻🤭仲有個菜心炒牛肉 牛肉唔韌菜心唔老好好！加$58就可以要個燉湯超級足料 有成隻雞髀呢個燉湯真係必點？*總括而言，呢間真係科學園嘅必食茶餐廳
繼續閱讀
您可能會有興趣的...