極上帝王水產

營業中

休息中

呢排同朋友去食左呢間日式放題，好抵食，又多選擇，幾有驚喜😍 裡面有刺身、燒物、炸物、火鍋、泰式料理等等，勁多野食揀😍性價比好高👍🏻💯//火鍋//一入座就有得揀火鍋，本身我無諗過有埋火鍋食😍 我地揀左鱈場松葉海鮮鍋，入面好足料，有唔同海鮮，有青口、蜆、蝦等等，仲可以額外點火鍋料，例如肥牛個啲👍🏻我地點完一輪之後，隔左陣啲侍應就逐枱逐枱咁同我地講叫我地一次過點多啲，如果唔係之後多左人入黎，啲野食就會上得慢左～的確去到8點到見到全場full晒咁制，好彩有早啲叫多啲野食🥹我地叫左好多野食，精選一部分出黎先：//刺身類//🥢 刺身拼盤有好多刺身揀，我記得嘅有三文魚、三文魚腩、帶子、赤貝、赤蝦、虎蝦、希靈魚、螺肉等等多種選擇，全部都夠新鮮，享受到到刺身嘅鮮味同肥美🤤 特別鐘意三文魚腩👍🏻//壽司類//🍣 火灸沙律燒三文魚腩壽司三文魚腩香滑，火灸後帶有微微嘅焦香👍🏻🍣 火灸左口魚邊壽司左口魚邊脂香濃郁😋🦀 極上帝王花之戀出面食花之戀好貴，呢到可以任嗌😋蟹籽豐富，配埋三文魚係絕配🤤//爐端燒//🍤 鹽燒活海蝦海蝦好鮮甜，鹽燒令到成隻蝦由內到外都入味🤤🍢 汁燒雞肉串鐘意食串燒嘅我好鐘意😍雞肉嫩滑，燒汁唔

食放題黎旺角，由大學食到宜家都係咁出色。位於旺角西洋菜南街，非常適合朋友聚餐。鱈場松葉海鮮鍋 🦀🍲（+肥牛 🥩❄️）一入到去就2選1試咗鱈場松葉海鮮鍋，蟹棒鮮嫩，奶白色湯底味道好好！有蜆、青口、日式魚肉豆腐、娃娃菜（三文魚腩刺身加入去味道好配🤣🤣🤪）肥牛肉質嫩滑，配海鮮鍋異常鮮味魚生拼盤🐟🦐🐚🐌推：螺肉🐚、三文魚腩🐟、泰式蝦🦐、象拔蚌🦪、蟹棒🍢鹽燒牛舌 🐮🔥接住試咗鹽燒牛舌，好厚肉，熱食外脆內嫩，鹹味適中鹽燒活海蝦 🍤🌊蝦肉鮮甜，燒得香噴噴，調味讓個殼都好香巨海老天婦羅 🍤🍂巨海老天婦羅炸得剛好，肉質彈牙👍避風塘雞軟骨粒 🍗🌶️雖然唔算好避風塘，但雞軟骨俾得好足，炸物裡係必推！鹽燒鯖魚 🐟✨鹽燒得好好，皮脆肉嫰多汁，鮮香魚味味搭配少少檸檬汁，味道清新鐵板鮮蝦滑 🍤🔥雖然鐵板得呢個，但必推！！！！ 口感滑順，裡面蝦肉口感味道的不同令佢升左個層次，好過癮！火灸沙律燒三文魚腩壽司 🍣🥗三文魚腩燒得啱啱好，入口就化，油脂味幾夠火灸左口魚邊壽司 🍣🔥鮮嫩，入口就化極上帝王花之戀（蟹籽） 🦀💖size唔大可多叫，色澤靚，蟹籽味道突出，壽司配搭上花之戀無得錯日本蟹肉味增 🍜🦀味道算濃郁（主要係我唔飲凍飲

Openrice食評有好有壞，見平平地有coupon，星期日下午同友人一齊去食下。入到去環境唔錯，有日本居酒屋feel, 坐位唔算好闊落但夠坐。首先要讚下職員態度勁友善，好多溫馨提示。佢係手機落單，唔係手寫，好環保。無miss order，同上菜都唔算慢，係啲熱炒同炸野要等一等，始終佢即刻整，但成程個口keep住食緊野。最欣賞係魚生,三文魚同帶子都勁好食，淨係叫魚生都可以叫到回本。佢有得叫壽喜燒，個價錢咁平都唔好預佢比啲咩靚牛你，佢不過不失，係肥左小小，都重牛味。仲有得加配料，我加左菜，金菇仲有小小丸。炸物推薦有炸鮮奶同芝士年糕。仲有個泰式飛天通菜都好香口好食。佢啲熱食都唔細份，建議一開始叫一份先，唔夠再叫，唔好浪費食物。佢仲有勁多雪條選擇！任食！總結：二百零蚊星期日下午，性價比算唔錯👍🏻

員工態度差到無人有，平日下午去食一枱客都冇，個場又殘，枱側邊電掣好恐怖，鬆開晒咁，叫員工黎睇，佢一掂個掣啲膠係粉碎咁，勁痴線！唔係因為預付openrice餐券，我會即起身走人，唯有局住食，去到先知仲要張券有魔鬼細節，要人頭加幾廿蚊附加費，下！仲貴過大瀛* ，真心覺得受騙！有個客喺門口望望下，跟住話都係想睇下先，個員工笑笑口講左句「好呀唔緊要呀，呢度全棟都我地既」嘩，咁巴閉！！果位員工仲叫我地，一次過叫多啲，唔好叫一件一件咁，r晒頭，食放題叫咩份量都要管？刺身全部冇味，唔知自己食緊乜野壽喜燒牛肉鍋，啲牛肉仲衰過佳寶總之食物全部都好垃圾未試過食放題唔夠一個鐘已經要走，食到背脊骨落！

一开始喺ig睇到宣传仲覺得有几好得，食完仲叫我哋畀好评三百蚊式食啲垃圾，係ig揾佢book位，一入到去好细，食嘢又唔夠空间一开始服务都几好，叫我哋叫多少少，啲野都幾快但系上啲三文鱼又細，去到之后，系咁系咁流晒啲單，叫咗40三文鱼净系想上10都唔尔系咪特之后，服务态度就觉得一上菜都系揼過嚟，我friend门口拿雪糕，以后听到啲服务员话我friend系咪想唔俾钱就走,心谂去就唔好摆个位啦，总结而言千祈唔好去食

旺角人來人往嘅西洋菜南街行到家樂坊附近 不妨再走上兆萬中心9樓食個 性價比超高既 日式放題主打築地直送嘅刺身狂食刺身都已經可以回本仲要有超多食物款式選擇由日式壽司、軟殼蟹，去到泰式生蝦、冬陰功由日式豚王拉麵、水蟹粥，去到黑松露炒飯、炒蛋菜式有西式、日式、泰式⋯入座先 二選一 鍋雪場松葉海鮮鍋/日式和牛壽喜燒鍋-肥牛、豚肉、蘿蔔、娃娃菜、紅蘿蔔可以玩 自落自打邊爐 再 加選任落不同配料唐揚炸物類：日本蟹肉味噌湯： 簡單有海帶溫室南瓜天婦羅🍤：脆口、外脆內軟日本番薯仔：特別甜日本芝麻雞翼：煎得非常脆築地直送刺身系列：挪威厚切三文魚🍣厚切 紋理分明迷你北寄貝刺身即席手切八爪魚刺身大赤貝刺身北海道帶子刺身： 五星好評鮑魚片刺身希靈魚刺身松葉蟹棒刺身熟悉系列：迷你軟殼蟹手卷日本水蟹粥：幾好黑松露炒蛋：超重黑松露味、好香雪花牛肉手打拉麵🍜小辣已經好辣豚王手打烏冬：有落麻油嘅湯底甜品：Movenpick雪糕：有朱古力和咖啡味朱古力有很多朱古力碎碎

兆萬放題の清泉~食過好多次啦!!今日係男朋友媽咪生日，想抵食又食餐勁就諗起放題啦～～雖然好多人話兆萬好伏，除左呢間!!因為真係食過好多次🫢不過食升級plan都係第一次!!見男朋友媽咪生日就食盡佢!!好驚喜放題竟然有生蠔，仲要堅大隻!! 仲要幾鮮甜，呢個真係幾加分好估唔到！！叫刺身食緊係基本啦🥳🥳我自己唔食希靈魚，不過男友媽咪話好爽口，起碼叫左20幾舊🤣🤣我就狂食帶子，因為呢間係原粒架!!(有d放題係半粒咁上.....)男朋友就做完gym緊係三文魚😌熟食方面推介蝦多士同香芋丸，好香口，仲有青口都大大隻仲勁掛汁！！打邊爐就揀左壽喜燒~（另有海鮮湯底揀）幾鐘意佢地d野夠熱，勁快就滾起最後就係甜品啦！！！呢間d雪條雪糕真係好多選擇竟然有韓國芒果雪條呀😍😍😍之前起超市到已經勁想買黎試好好食，好似食緊原隻芒果咁，勁想食多條因為仲有好多雪糕揀但已經飽到頂唔緊🤣🤣下次再戰😎😎😎有個位真係想讚下，兆萬一直有種mk感覺ge不過今次黎到覺得d staff好體貼同幾有禮貌會主動比濕紙巾我地，收碟收得好快又會問我地有冇野食未到，如有可以即刻同佢講呢個價錢有服務又有質素～想平平地食餐勁呢間真的不錯

openrice訂座，去到畀 openrice apps QR code 店員掃，店員沒有理會，入座後再三要求店員掃 code， 店員話會幫我確認入座，真係古惑！裝修殘舊！環境清潔差！座位擠迫！！！！ 飲品款式少！得 雪糕雪條！沒有甜品！餐單上顯示食物……好多都冇！食物質素差！人均消費＄356 完全唔值呢個價錢！簡直搵笨！唔會再去！

小紅書成日都刷到旺角呢間放題今日去開行街 一於試試佢環境方面 食過兆萬餐廳嘅朋友們都知道地方係偏窄嘅 所以要有心理準備一入座侍應已經主動介紹每枱會送蟹鍋或日式和牛壽喜燒鍋壽喜燒係DIY 首先用牛油起鑊 之後可以落肥牛 加少少秘製醬汁煮熟就食得有得食 又有得玩🤣刺身船上枱果下真係好澎湃 好啱打卡種類好多 整體都非常新鮮三文魚好厚切！帶子赤蝦入口都好鮮甜~本身玻璃肚本人都冇肚痛👍🏻海膽軍艦超高質入口鮮甜無腥味 紫菜仲好脆睇得出係即點即做 為左呢個值得升級炸物都正常放題質素 全部熱辣辣炸牛奶、日本芝士年糕必點吉烈蠔都都好正 除左日本野 仲有多國料理可以揀 例如忌廉青口 冬陰功湯 泰式蝦餅 卡邦尼意粉等等 甜品有多款雪條、糯米糍 仲有回本之選Movenpick👏🏻

所有食物都平平無奇,雖然算唔上喺劣食,但係都食唔到啲咩好食嘅嘢,總之就係呢個價錢可以食到更好嘅,冇必要過嚟呢度食,仲有服務態度係一般,好多嘢食都會冇或者漏,真係唔好以為所見即所得🗿

💖旺角好多親民價放題，今次黎食極上帝王水產，$200左右可以食到多款刺身CP值唔錯👍🏻。1️⃣2小時任飲任食🍽️ $209💖多達200款食物飲品可任食，仲可以加錢升級食海膽、生蠔、鵝肝等，下面係我嘅推薦👇🏻：🔸海鮮💖入座會上刺身拼盤，包括挪威厚切三文魚、帶子、松葉蟹棒、榮螺片、虎蝦、赤蝦、甜蝦等，推薦encore✅帶子、✅珍寶赤蝦同✅甜蝦，口感肥厚軟嫩、味道鮮甜🥰，刺身有成16款，升級仲可以食生蠔🦪同海膽！壽司包括手握、火炙同黑松露系列，仲有軍艦、天婦羅同手卷等，推薦✅海膽手卷、✅黑松露油甘魚壽司、✅牛油果軟殼蟹卷同✅火炙海膽玻璃蝦壽司，食多啲海膽回本！🔸肉類、小食💖入座每人可自選海鮮鍋🍲或者日式和牛壽喜燒，壽喜燒鍋包括和牛、豬肉、金針菇、冬菇、娃娃菜、胡蘿蔔、豆腐、蒟蒻絲等，先用牛油🧈燒香個鍋食和牛，食完倒入香甜濃郁嘅壽喜燒醬汁煮菜同豬肉，湯底混合牛肉嘅油脂更香口🤤。肉類仲有好多款串燒、佐酒料理等。小食推薦✅日本芝麻雞翼，雞皮酥脆咬落有肉汁；✅榴槤炸彈，濃郁香滑榴槤餡；✅炸牛奶，外脆內軟嫩；✅焦糖燒菠蘿，香甜嘅焦糖配上多汁菠蘿嘅果酸甜得黎又開胃。🔸甜品、飲品💖甜品有各種小蛋糕、泡芙等，另外

平時多數都唔寫評語，但係今次真係差到一定要寫！去過好多唔同嘅日式放題，諗住試吓去一間未食過嘅，中晒招瀨晒嘢，人生以來去多過最少50間唔同嘅日式放題，呢間係我人生之中最差嘅一間，買嗰啲餐券$199仲要在場比多每位現金$79服務費，呢個價錢仲要係咁嘅質素，咁嘅環境成個地下好油又跣，好多嘢餐牌有嘅嘢都冇，要乜冇乜，溜單好多次，仲要最弊嘅係成間餐廳坐咗都冇三份一人，有啲嘢成個鐘先上枱，都唔明點解可以咁慢㗎！咁多好評，真係呃人㗎，千祈唔好信！好多其他放題，梅酒燒酒名牌雪糕都包埋，呢度係乜鬼嘢都要加錢！魚生壽司款式又唔夠其他放題多，同出邊嗰啲都係咁嘅價錢，真係超級超級唔值！我返嚟香港幾日得一餐係可以去食日式放題，竟然食咗間人生最差嘅真係覺得比OpenRice啲評語呃咗，真係好激氣！我仲要請我3位屋企人一齊去食，連佢哋都話差，睇吓我幾唔好意思呀！

好耐冇食過放題，喺OpenRice度睇咗一啲評價之後見到呢間極上帝王水產評價十分之高，今日就同朋友嚟試吓！我哋預先咗位咋，職員安排咗梳化位俾我哋坐，我哋兩個人坐得都好舒服，呢間放題採用QR code落單，唔使驚唔記得咗叫咗啲咩😊我鍾意呢度可以叫一個壽喜燒或者火鍋，除咗食刺身壽司仲可以打邊爐！呢度嘅刺身非常高質，擺位又靚，大家睇吓我隻刺身船😍😍😍我仲好鍾意呢度嘅炸物，新鮮熱辣炸起，正😉😉極上帝王水產 (旺角)旺角西洋菜南街1N號兆萬中心9樓

位於旺角兆萬中心的這間日式放題餐廳,絕對是尋找高質素海鮮和日式美饌的好選擇。價錢更是包括了飲品,雪糕可謂物超所值。當然,最吸引人的還是他們的海鮮佳餚。餐廳的刺身可謂是大顯身手,新鮮程度堪稱頂級,其中以三文魚最為出色 - 肥美鮮甜,簡直是頂級享受。除此之外,泰式生蝦也別具特色,與一般日式放題大不相同在壽司方面,我最推薦的油甘魚壽司餐桌上還貼心地附送了一個小火鍋,可以選擇海鮮或和牛,無論選哪一種,都絕對是肉質鮮美、入口即化。想來點配菜的話,不妨試試甜甜的烏冬湯底,與肉類和蔬菜搭配更能引發味蕾的驚喜。當然,炸物和天婦羅也是必點項目，個人比較推介牛舌和燒蝦總的來說,如果你想在繁忙的都市生活中,尋找一處專享美食與悠閒時光的好去處,那這裡絕對是不二之選。

🎏⛩️餐廳的裝修佈置很有日式居酒屋的感覺🥢海鮮鍋🥘一入座即送海鮮鍋或者日式和牛壽喜燒鍋，海鮮鍋里面有青口大蝦🦐蟹柳日式蜂巢豆腐等🥢刺身大大盤刺身擺盤賞心悅目，刺身厚薄適中，種類非常之多，入口鮮甜🍣壽司種類繁多有各類手握壽司和特色火灸壽司，最特別的還有名貴黑松露壽司🍱炸物有海老天婦羅、南瓜天婦羅、炸牛奶、日本芝士年糕等🍖爐端燒鹽燒牛舌、羊肉串鰻魚串牛肉串、鹽燒活海蝦等等🍮甜品有木糠布甸、提拉米蘇蛋糕、芒果布甸、日式泡芙等等