極上帝王水產

營業中

休息中

員工態度差到無人有，平日下午去食一枱客都冇，個場又殘，枱側邊電掣好恐怖，鬆開晒咁，叫員工黎睇，佢一掂個掣啲膠係粉碎咁，勁痴線！唔係因為預付openrice餐券，我會即起身走人，唯有局住食，去到先知仲要張券有魔鬼細節，要人頭加幾廿蚊附加費，下！仲貴過大瀛* ，真心覺得受騙！有個客喺門口望望下，跟住話都係想睇下先，個員工笑笑口講左句「好呀唔緊要呀，呢度全棟都我地既」嘩，咁巴閉！！果位員工仲叫我地，一次過叫多啲，唔好叫一件一件咁，r晒頭，食放題叫咩份量都要管？刺身全部冇味，唔知自己食緊乜野壽喜燒牛肉鍋，啲牛肉仲衰過佳寶總之食物全部都好垃圾未試過食放題唔夠一個鐘已經要走，食到背脊骨落！