極品靚鍋 (已結業)

行完街好肚餓，5点鐘食 tea 又太遲，怕食唔落晚飯， 時間尷尬🤔🤔行過有人派傳單， 極品靚鍋5点已開始有火鍋放題，食2個鐘，一次過 tea+晚飯早食環境清靜舒服，又唔會人迫人熟食有咖哩豬皮魚蛋....美味豬腳薑、炒飯、炒麵、牛腩、雞翼...., 唔食火鍋都飽肚鴛鴦湯底 - 杏汁豬肺 骨膠原靚雞鍋，顏色差不多，咁大隻🐥肶，一定分別到美國 Prime 肥🐂，色澤亮麗新鮮，秒熟，切記不要 over， 肉質軟綿西班牙穀飼豬梅肉片，完全唔柴口帆立貝、青口 、花膠 、醉雞 、蜆.....各式牛丸、墨魚丸、魚蛋....特長八吋蟹柳，魚皮餃，蔬菜，菇類...款式多多甜品有啫喱、 雪糕...食到飽飽，每人不用200元，抵食

NEWAY旗下火鍋，高質素，今日點了B餐248/位，要加一，優點：任食竹笙，魚雲，韓國生蠔，海蝦。小吃麻辣鴨血好食，拍青瓜夠入味。自選丸類貴精不貴多，質量好。豬肺湯底，湯底好甜好好飲，飯後不頸渴。缺點：好多備選的菜式都沒了，也沒代替品。最失敗是雪柜杯，難食，連小朋友都係吃一口掉了。已約朋友再食

荃灣大鴻輝真係打邊爐集中地每次想食放題都一定會諗起呢度！而今次我哋揀呢間係有朋友極力推薦，話坐位好闊落，湯底好真材實料，野食選擇又夠多，仲好抵食添每位$168，唔駛加一㗎麻辣鍋+椰子雞鍋有半隻雞果然非常真材實料‼️連麻辣湯底嘅材料都比一般嘅多。一滾起一定要先飲碗湯，椰子味好濃麻辣湯底辣味好足，岩哂我～～除咗打邊爐之外，仲有好多熟食嘢賣相都好掂！鮑參扣鴨掌 & 藥膳雞腳好勁好食美國Prime 封門柳牛味好濃，不過略嫌薄左啲要3塊一齊食先岩岩好！西班牙羊肉片呢度嘅羊肉片一啲都唔羶幾好食！不過又係太薄了～～脆鯇骨好肥美新鮮蝦好鮮甜，已經食咗幾輪了花膠、海蜆都係必食！每隻蜆都好肥美飽滿，肉質鮮甜呢度仲有好多蔬菜、丸類有啲丸仲係振興丸啲珍珠荀非常大條，最愛其爽甜口感仲有香港名物 - 陳皮魚蛋B仔雞翼尖味道唔差，只係辣味唔夠，如果可以再辣啲會更好伯爵茶雪糕雪糕質地比較sticky，有啲似土耳其雪糕！驚喜嘅係伯爵茶味好濃呢度嘅draft beer好抵飲

今日同好耐冇見既朋友去打邊佬, 去左大鴻輝商場但其實佢地既客lift真係好難搞，要等好耐先上到樓,不過都冇計，邊個叫佢係食物塔！朋友介紹去左呢個餐廳，一入去覺得樓底超高, 卡位又大，而且感覺幾衛生！坐低叫左個壽喜燒湯底, 之後就開始叫任食嘅嘢喇, 牛肉, 豬肉瘋狂咁叫！十分建議食牛，好食！我哋應該叫做日幾點😋😋最後食埋雪糕打圓場，但想講佢地既雪糕真係好難食😢😢諗住最尾可以好完滿, 4個食最後埋單$1,311我就覺得可以再黎，但朋友覺得就一般🤷🏽‍♂️

話說早两日我一個人上去試下呢間火鍋上到去前台女性員工都好禮貌問我要咩餐同湯底咁我就揀左中位價錢既b餐 當湯底黎到 我就出去攞野食 之後我去攞埋醬料 但係我覺得醬料碟太細所以我就問一位員工(帶眼鏡著便服唔知係咪員工既人)ps:但做緊野 問佢攞两隻碗去裝醬料點知呢位所謂既員工大聲呼喝話:你知醬料碟係邊度 點解要用碗去裝醬料本人覺得好委屈 我比錢消費點解仲要用指定用具去裝醬料 （要求都唔過分 只係攞两隻碗 同埋你哋隻醬料碟真係太細隻）咁我就去前台同嗰位女員工投訴搵經理，點知呢位所講既員工就衝過嚟再大聲呼喝我話呢度有規矩如果唔滿意可以唔消費 我唔知道佢係咪呢間餐廳嘅經理，但係佢態度語氣好有問題令我即時離開 我覺得好失望 令到我唔會再想去呢間餐廳消費 強烈要求正是員工態度問題

去到排輪栗號碼機壞左,有個小姐手寫一張比我,等左15分鐘,前面排隊Ｄ人都叫晒入去就剩下我,我正想去問下,剛有兩個客人來到,個經理又剛行出來直接請果兩個客入座,我馬上說我先來的,個經理就好寸咁講,有位啦轉頭啦.轉頭吾緊要,但要咁既態度嗎,我白痴咁等左十幾分鐘吾叫我,先叫剛來的人,乜野意思,我更加吾知你重有枱,以後免費都吾去.

今次我係第三次黎食我先寫呢個食評，湯底多選擇，肉類款式多，丸選用振興丸，口感超正，而且座得都舒服，果啲前菜選擇多，而且味道都唔錯，飲品都多選擇，基本上係值得食嘅。但係如果選擇最平果個嘅話就另計，因為如果最平果個基本上選擇唔多，所以建議選中間價錢就多食物選擇，整體OK嘅

我哋一行一個大人一個長者叫咗豆魚雞湯湯底B餐， 他們q r code落餐， 肉的種類不多，大概有肥牛、封門柳、雞件、雞子、西班牙豬肉片、羊肉片等， 另有少量海鮮供應， 例如蝦、帆立貝、 蜆、鯇魚片、 蟮片等。 湯底可能因為係豆乳湯底味道比較清淡， 總括嚟講 無論牛肉或豬肉嘅質地都很ok， 吃起來一點都不肥膩有肉味。 相反海鮮嘅味道 一般般不ok肉質較梅， 所以我吃了兩個蝦便放棄吃海鮮了。 其他配料例如魚蛋、貢丸、芝士腸等需要自己出去夾， 相比其他在荃灣嘅打邊爐舖，他們嘅種類相對較少。 不過, 他們蔬菜類嘅種類都不少， 有紹菜、油麥菜、菠菜、冰菜、唐生菜和西洋菜， 但蔬菜有不少瑕疵，還好的是他們的供應較穩定，不會中途便少一兩樣供應。 整體味道和環境亦算不錯，唯獨最要吐糟的是 他們的雪糕味道實在很差， 喜歡吃雪糕的我往往不論任何牌子的雪糕我都吃得下， 唯獨 他們這款Osaka雪糕, 我實在吃不下了，因雪糕味道太怪， 士多啤梨味不像士多啤梨味，抹茶只有非常淡的抹茶味， 芒果味亦很假， 總括嚟講沒有奶味亦沒有甜味的怪味雪糕， 實在不明白為何有食評話覺得很好食。 最後他們的服務ok，收碟又收得很

佢既樓底非常高，似係原本係茶樓，佢啲座位好闊落，唔會好焗好迫咁，但係唔知點解佢比我嘅感覺好大陸？B餐，加一後人均$262「特上USAD Prime牛肉套餐」貪佢呢個餐唔貴又可以任食海鮮喎，佢有封門柳，又有特別啲既食材試，例如松露手打牛肉滑，花雕浸雞子。欣賞佢蝦滑牛肉滑係一粒粒好方便，可以試多啲唔同既野，就無咁曬野，不過味道就普通，無乜特別大驚喜。另外都欣賞佢地好多菜既種類你揀，照顧到啲食肉同埋食菜既人既需要。啲牛肉味道還好，無想回頭既慾望。佢個冬陰公湯底唔算好濃味，感覺還好。佢有自製既冷泡茶，亦有較大路既飲品，又有冷盤小食畀你食住先，味道亦唔差，最鍾意食佢個胡麻醬秋葵，等野熟時食。然後甜品都好多野揀，有啲慕絲，果凍，又有好多味道既雪糕杯，但都幾難食下。整體啲野又唔算好差，價格都幾抵食下，不過佢呢口價我又寧願會去食台式火鍋。

因為看openrice的食評不錯．便上去光顧．食物種類不算多．而且品質也不算高．只是一般貨色．一路食時已有點後悔．不過見每人2．3百蚊就算．埋單時碌 card. 因現在不用簽名．服務員給了簽單 receipt便走．點知對月結單時發現呢間野竟碌了我張 card 兩次並沒有出聲．幸好 card center 可幫忙 dispute. 去的食客請小心留意．

首先佢真係坐得舒服😂尤其係啲卡位都隔得好闊去到先揀湯底，每次都一定要食麻辣❤️唔油又夠辣🌶另外之前就試過骨膠原雞，不過有點兒淡如喜歡清淡都可以一試最近推出左胡椒酸菜魚湯底 +$68升級都不錯，鍋中真係有舊大豬骨🤣佢依度好嘅地方係，追加湯會放枱上如叫左麻辣竟然係比多壺麻辣湯😱平時好多都係加清湯或水已多次光顧，服務同食物質素都keep得到💪🏻今次仲有埋罐裝啤酒任飲👍🏻鐘意火鍋放題真係可以試下

由開業到依家光顧不下十次，差唔多每幾個星期就會去幫襯一次。起初十分欣賞佢間隔寬敞，食物質素不俗，上餐快等等優點。最近一次光顧，發現食物質素大不如前，8.5吋蟹柳變成8.5吋仿蟹柳，牛肉亦散開一截截，海鮮不新鮮。換左雪櫃之後通道狹窄，飲品數量及種量少左。上餐速度更加慢上加慢，等左好耐都見唔到有食物上。有人話，做耐左，做大左，質素就會變差，依間餐廳正正就係一個好例子。但公道講句，如果係原來既質素，價錢絕對物超所值。

去完迪士尼玩完肚仔餓天氣又凍緊係要去打個邊爐暖暖身呢間舖環境係好ok位夠闊落 場大樓底高坐得都好思服湯底揀左椰子雞 好香椰子味啊飲落都清甜野食選擇個人認為冇其他邊爐店咁多尤其個餃子不是非一般既一般好奇怪既皮 味道麻麻小食就有4 5款 推介雞腳同炸雲吞前者入味後者香口🤗

有時間出荃灣覓食，去到火鍋店林立嘅大鴻輝中心，緊係要打個邊爐啦。位於6樓極品靚鍋， 裝修新淨，環境乾淨，座位大多以卡位為主，坐得幾舒適。湯底揀咗酸菜胡椒豬骨鍋， 好大個豬骨，佔左1/4個窩， 胡椒味好重，味道還可。飲品選擇唔錯，都幾多。有啲前菜小食嘅，包括豬耳仔，麻醬雞翼尖，炸雲吞，但味道一般，如果唔係太肚餓，都可以唔食嘅。雪櫃內嘅菜都ok新鮮， 仲有少見啲嘅羽衣甘藍。火鍋配料方面:封門柳: 牛味勁濃， 唔會太老，超正特級肥牛: 較肥，無咩牛味，唔得牛脷芯:之前食過牛脷芯，又硬又老，原本都唔抱有希望，但呢個好好食，有咬口又有牛味，推介響鈴:太散，唔脆蜆:太細隻，肉都唔見埋手打墨魚滑: 幾爽口，唔錯手打牛肉滑: 肉質太散，麻麻地食物都好豐富， 食到好飽，去到最後衝刺嘅時候就係試佢嘅雪糕。雪糕牌子比較少見，入口都幾滑，仲有好多種口味，一次過試咗八種口味，yummy。

這間座落於荃灣大鴻輝火鍋林立既火鍋店，一入到去，第一印象是好闊落，樓底特高，所以感覺好開揚。而環境好乾淨，整齋。在櫃位先選A,B,C餐，主要分別是牛的級數。有多款湯底任選，雞湯也有幾款可揀，食落無味精，用料足。火鍋料要用手機經qr code落單，我比較欣賞係任食蠔，蜆等等，又有小食可點。B餐的牛靚好多，而且對得住個價錢。飲品同茶都要自己出去攞，最特別係有自家既泡茶，凍烏龍，酸梅湯都好正，各式汽水選擇都好多。另外有多款雪糕，比較特別有伯爵茶口味。值得推介，可以一試，性價比高於中等。