極尚大瀛喜日本料理

營業中

休息中

再一次要去食既放題 一定係極上大瀛喜!!!餐廳有自助小食吧會有熱食同埋熱湯另外重有海鮮冷盤至於飲品方面 種類真係好多熱飲凍飲、紙包飲品、罐裝飲品、酒精、非酒精 多到唔知飲咩好懶人落人：可以用QR code落單方便快捷 落單之後既上菜都好快介紹下我覺得必食既野先1）金牌紅燒乳鴿王好香 暖暖地既 色香味俱而肉貿都幾嫩唔鞋口 2）金枕頭榴蓮燒香到流晒口水依加諗番都好想食!!!!拎上手係暖暖地既而因為燒香左既關係 入口榴蓮香味感覺更突出綿綿質感，香滑入口 好正3）魚生切得夠厚身有時好怕食放題食到d魚生重未溶晒雪但呢度食左兩次都無 可以好放心4）芝士年糕我好鐘意食d煙煙unun既野呢個芝士年糕真係無得輸熱辣辣 流心芝士 好味

好耐無食放題，收工同朋友行咗陣街就去咗大瀛喜食食食😋😋😋款式都幾多元化，我哋差唔多每樣試一件，已好飽肚😆😆😆埋單連加一，兩個人$616，都算抵食！餐廳有自助小區，分別有凍飲，熱飲，雪糕，甜品，前菜及少量熟食。款式亦都好多元化，可以照顧到不同人士的喜好。整體黎講，餐廳食物質素，上菜速度，環境衛生都對得住個價錢，算係唔錯既選擇。推薦必叫美食金牌紅燒乳鴿皇皮脆肉嫩，又多汁，十分不錯鐵板蒜香蜜汁牛柳粒牛柳粒軟腍，味道適中芝麻雞翼外皮炸到香脆，好香口因為個人唔太好生野，所以主要食熟食多，不過建議每樣點一兩件試下先，因為真係種類頗多，怕試唔晒咁多款菜式，哈哈😆

聽到大瀛喜有榴連放題，我同妹妹就緊係唔會放過啦😋用qr code落單好方便，等緊既時候可以出去自己拎凍盤、涼拌小食同飲品刺身因為妹妹係蝦🦐控，所以都係以🦐為主，今日師傅擺法咁生動既😂刺身類全部都冰冰涼涼，鮮甜有彈性，最愛帶子唔係細細粒既小貝柱💕壽司、手卷類全部都一口一個，岩哂心多既我地，可以多試幾款，海膽手卷細細個但鋪滿哂海膽，而且唔係泥水味😂熟食必叫花膠，大大塊超重膠質，另外比目魚西京燒都烹調得岩岩好，超好脫骨👍🏻榴連經過烤製更加軟糯同甜味更突出👍🏻最尾緊係要去甜品櫃到簡番個甜品啦，仲有可以自己整乳酪雪糕杯，再係糖果櫃到拎糖果當topping😋

大瀛喜放題真係會食過返尋味，鍾意呢度款式多多，不論係刺身、壽司、燒物、炸物、熱食同飲品，而且不時做特色主題，保證有驚喜！呢排佢哋推出榴蓮主題😍身為榴連控見到要即刻去食！原來榴蓮主題之下不同日子去都有不同的驚喜！之前見到有榴連蓉任拎，我同朋友今次去就係做緊極品金枕頭榴蓮燒，大大粒金枕頭燒香咗，拎上手暖暖的，入口榴蓮香味感覺更突出！榴蓮外層口感少硬但內裏都有綿綿質感，食多幾粒感覺已回本啦！其他食物水準都保持得好好，刺身魚生切得夠厚身，啖啖鮮味；壽司款式選擇多，又有不同款式熱食，今次有椰汁燉雪燕好濃郁，果然無令我失望，下次要再去！

又到左食放題嘅時候啦，近排成日都去食放題，我自己都驚有啲厭，好彩今次見餐廳換左D新款，特別係榴槤迷，有福喇。以前食開嘅榴槤波波每次黎都會點，因為一咬落去係滿滿既榴蓮蓉。今次黎，見到出左新款：燒榴蓮，終於有真嘅榴槤食😻超開心🥳。燒榴蓮勁香甜，軟綿綿，忍唔住encore左幾次。另外推介泰式虎蝦，辣辣地好開胃，連平時唔鍾意食生冷嘢既爸爸都話好食。飲品方面，今次揀左淳茶舍嘅茶飲黎消濟，最後食咗甜筒作結。

放題竟然有得任食榴槤(# ﾟДﾟ) ﾑｯ!朋友話我知極尚大瀛喜可以任食榴槤！第二日火速book枱 ( ˙꒳​˙ )本身都好中意食佢地既放題 好多款可以簡仲要食物咁多年一直都keep到水平外仲高質左！第一次係極尚大瀛喜食極品金枕頭榴蓮燒好味😋外面少少烤過帶點微微金黃色 好香 內裏軟綿綿 真係叫完再叫👍仲有一提有乳鴿任食 好開心呀～～仲要啖啖肉架 勁幸福˗ˏˋ ♡ ˎˊ˗另外叫左刺身、壽司、花膠、燒物···佢地仲有自助食物區 甜品、飲品區選擇比以往既多 下次再嚟過🫶🫶🫶🫶

好耐冇食放題，好掛住任食刺身。諗唔到除咗日本嘢飲食之外，而家連榴槤都係任食🌟🌟🌟啱晒鍾意食榴槤嘅朋友仔! 極品金枕頭榴槤用火槍輕輕燒過，食嘅時候暖暖地，好香榴槤味內裏軟滑😁基本上我都食咗成10件，平時榴槤咁貴，而家真係回本😎刺身方面款式好多油甘魚、三文魚、甜蝦、虎蝦、赤貝、帶子、吞拿魚、希靈魚，估唔到仲有鮑魚！今次一定好容易食回本，油甘魚一向我都鍾意，油脂充足魚味香。三文魚比想像中好，厚切肥美味道鮮美。鮑魚都幾大隻，幾甜而且有咬口。創作壽司、卷物都好正，特別係雙色刺身花朵(紋甲墨魚拼白蝦)，入面完全冇飯，魷魚新鮮得來好滑，白蝦鮮味十足。仲有鰻魚玉子燒😌鰻魚厚玉子甜。紅酒藍莓鵝肝都係好正，應該出咗冇幾耐，鵝肝幼滑味道濃郁，配上蘋果清清地，食好多都唔膩。西京燒比目魚燒至微焦，入邊魚肉油脂豐富超鍾意食。蒜蓉珍寶扇貝好惹味，入面好多蒜，扇貝都幾大粒有咬口。芥末沙拉蝦球隻蝦大大隻，裏面晶瑩剔透配埋啲醬汁☺️嘢飲方面講得出嘅都會有齊晒，值得一題，就係餐廳非常之趕得上潮流🤓有鴨屎香檸檬茶，佢哋嘅茶只係落咗好少糖，所以完全唔使擔心好肥，同時有鴨屎茶葉獨特香味，飲咗幾支先走。

作為榴槤愛好者，平常買一個榴槤都差不多要１００元以上，但現在可以在餐廳內任吃烤榴槤，還不同特別加錢，那就真的一定要吃吃看了！晚市放題（５：３０ＰＭ—７：３０ＰＭ）（２６８元）一開始先吃刺身，刺身水平不錯，亦是厚切的，吃起來味道鮮甜，特別是甜蝦和三文魚！壽司類也有挺多選擇，特別是卷物都挺吸引的，如芒果龍蝦沙津卷，還有點自創壽司！不過最每我驚喜的是拖羅壽司，吃起來油香十足！然後終於到主角烤榴槤，用的是金枕頭，烤得表面帶點焦香，內裡非常軟滑，榴槤味道濃香！而且出餐很快，叫多少來多少，完全不怕他漏單！另外還有個特色的烤乳鴿，來到熱辣辣，吃起來外焦裡嫩的，我也吃了很多！其他的炸物燒物等質素都挺高的，選擇亦很多！其中有個沙津明蝦卷煮得很不錯，蝦肉大大隻，炸得香脆，醬汁又惹味我們還叫了點煮物，雖然是２人份量，但其實也不算很多，所以可以叫來試試味也不錯！外面還有自助區也有不少食物，甜品和雪糕可以自取！ＰＳ可以自制榴槤麥旋風！其有鴨屎香檸檬茶，挺特別的！

元朗任食放題，一定第一時間推介呢間！大梳化坐得舒服，上菜快唔漏單，店員超級nice，不停提醒我地last order快啲落單，食物飲品種類好多！最正仲有梅酒清酒啤酒任飲🍻.🌟任食放題 $288/1位.首先介紹下自助區，令我最驚喜係大蝦同青口新鮮又好食😋仲有好多日式小食螺肉中華沙律等等，熟食區竟然有酸菜魚！章魚小丸子也不錯👍🏻甜品多到眼花撩亂，拎左兩條雪條，最遺憾太飽食唔到軟雪糕🍦.來食放題主角當然係壽司和刺身，完全係高質👍🏻刺身肥美新鮮encore左兩round，壽司種類多到點唔哂，有三文魚子手卷和花之戀超開心🥳卷物都好正大愛京蔥拖羅蓉卷！.燒物都好有驚喜，燒帶子真心好正，多蒜香辣惹味🌶️ 紅酒藍莓鵝肝好好食🤤牛肉粒又係估唔到咁好食超厚身用上燒汁甜甜地，仲有蝦多士！真係多到食唔完🫣仲要全部都好好食😋.幾飽都一定要食甜品，榴槤控必點榴槤炸彈和燒榴槤！香濃榴槤味整得非常出色👍🏻.放題真係好多間，整體來講質素咁高種類又多呢個價錢真係唔係好多間，係值得一再幫襯👍🏻

放題就食得多，估唔到仲做埋榴連主題，可以任食榴連😆 呢間日本放題店無論食物，定飲品都有多款選擇。啱晒選擇困難症嘅大家之餘又可以食到回本😚✨晚市放題 (530pm-730pm $258)食物多達50款可以選擇！除咗榴連炸彈外，仲有埋一件件嘅榴連任食！榴連控最愛🤩 榴彈似係輕輕燒過，食落皮脆內淋，好邪惡❤️除咗手機落單外，餐廳中間提供少量前菜，有蟲草花膠雞湯，足料得黎又暖胃。仲有少量沙律，小食等。啱晒手機落完單等緊黎個陣去拎👍🏻每款刺身都肥美同好新鮮！三文魚忍唔住嗌多幾舊。而壽司都有妹多款，手握到卷物都有。最深刻印象嘅係燒三文魚腩壽司，輕輕地火炙過，好香口😋無論燒物、炸物、熟食都係即叫即整，上枱時都熱辣辣！印象深刻嘅係燒羊鞍同燒菠蘿🍍。前者燒得好香口，入口有啖啖羊肉味，但同時又唔會太羶味。後者菠蘿燒得好香，咬落好多汁，酸酸地好解膩👍🏻飲品都有超多款，一排雪櫃任揀，連酒精飲品都任飲！除咗凍野飲外仲有暖飲同室溫區，啱晒養生人士🤣最後仲有好多款嘅雪糕同甜品任揀，款式種類多，食完滿足感大大提升😍————————————————————————💰加一：✔️⏰限時：120分鐘

住大西北嘅我今日黎到元朗yoho食好西🤣 呢間極尚大瀛喜款式選擇夠多元化，而且座位都夠闊落❤️一開始梗係食刺身先啦😛 最推介食三文魚同帶子，夠晒新鮮肥美😳😳 最正係燒乳鴿，有時食得太多刺身，攪到個胃好凍，呢個時候食乳鴿就岩晒！佢地d 乳鴿係熱辣辣咁上枱ga!外皮微脆，肉質夠嫰！ 除咗QR code落單可以叫到壽司、刺身、手卷、一品料理、串燒等之外，出面嘅自助區都千祈唔好錯過啊😳 自助區有燉湯、角色甜品、雪糕、雪條、開胃小食等等，真係應有盡有！

今日同朋友黎左元朗勁食放題 , 之前已經食過一次 . 高質又抵食 , 所以今次再帶多次朋友黎 encore 首先嗌個刺身拼盆 , 可以自己組合 , 黎到仲有乾冰令到個擺盆勁打卡 able . 中意食三文魚同甜蝦既我地嗌左大量 , 食材用料都好新鮮 , 完全唔洗擔心 . 三文魚好肥美 , 帶子新鮮夠嫩滑 , 赤貝夠爽口 , 甜蝦蝦肉好鮮甜 另外連鵝肝壽司都有 , 真係回哂本 , 不過驚飯類太飽唔敢叫太多牛肉壽喜燒 , 非常值得一試 , 好鮮甜重點佢既燒榴槤 , 榴槤波波都好高質 , encore 左勁多次 . 榴槤波波好爆汁 , 外皮脆卜卜 , 入面既榴槤餡超香濃 , 仲要熱辣辣 , 估唔到日式放題都包埋任食榴槤 , 完全回哂本 , 中意食榴槤既人一定唔可以錯過最驚喜係佢連酸菜魚都有 , 食日本菜食到厭可以轉下中菜 , 魚肉夠嫩滑 , 唔太辣岩哂食唔到辣既人牛舌燒 , 好香牛味好軟腍.連甜品種類都超多 . 其中揀左幾款試 , 每款都好高質 . 最中意佢既 tiramisu , 甜而不膩

🐳來大瀛喜吃日式自助放題已經成為我們的習慣。每隔幾個月就要食返餐勁嘅，因為有時真係好想食三文魚，甜蝦等等……🐳而邊度可以食倒又平又靚又正嘅刺身和三文魚？我覺得大瀛喜真係唔輸得，款式勁多，食物又夠新鮮，熟食仲要好有質素添😍🐳今次我地選擇了最後嘅時段，因為有長達兩小時任食，而且價錢相當實惠！每人只需💰288，真係好抵！而家普普通通出街食個晚餐，都要成一百蚊一個人啦！所以💰288可以任食日本野，真係抵！🐳總結：絕對會再黎呀！希望佢地再開多啲分店啦！😂📣 極尚大瀛喜日本料理 (元朗)🔍元朗朗日路9號形點 I L2樓2001a號舖

好耐無食過刺身，好想任食刺身呀😍 所以今晚同屋企人去了極尚大瀛喜到食放題。餐廳用電話落單，又有好多熟食放在自助吧，很多選擇呀😍 我緊係不停食刺身啦，太想食了🤣三文魚刺身係我必食嘅，餐廳是厚切三文魚，所以一塊都可以填滿口腔，三文魚鮮味直達腦部，爽呀👍🏻元貝刺身都勁厚肉，非常鮮甜。甜蝦刺身勁大隻，啖啖肉，勁正👍🏻食咗兩輪刺身，就食吓熟食。高湯花膠 - 勁大塊花膠，加上香濃嘅醬汁，勁好味。男士女士都要食多啲，保充骨膠原😊海鮮粥 - 必食推介，粥吸收晒海鮮嘅鮮味，非常鮮甜。燒牛舌 - 牛舌一啲都唔韌，以為食緊牛舌心👍🏻太多太多美食，數之不盡，真係要親身去試吓先會知😂最後緊係要食甜品啦，佢哋有乳酪雪糕，各式雪條及糕點，要全部都試晒佢👍🏻 胃品係唔同胃嫁，可以食好多🤣任飲任食，咁就過咗一個完美嘅晚餐，屋企人都好滿意😊

勁開心🥳一個移咗民好耐冇見嘅朋友返咗嚟香港呢晚同佢撐枱腳😻我問朋友想食咩佢話冇咩所謂 叫我發辦 我諗諗吓不如食大灜喜啦!鍾意食咩就食咩 最開心架喇我約佢5:30pm食到7:30pm因為呢個時段食好抵 每人都係港幣2百幾蚊我同朋友講每人2百幾 佢都嚇一嚇 話咁抵佢同我講 今轉返嚟 覺得hk食野貴咗好多估唔到hk仲有咁抵嘅放題食而且質素都有返咁上下難怪5點半已經坐滿晒人喇！壽司好好食 😋今次叫個鵝肝壽司塊鵝肝好大嚿🤤🤤🤤又可以就咁叫鵝肝 鵝肝下面仲有塊蘋果好清新😻👍🏽好夾呀!!呢個價錢有鵝肝任食會唔會太誇張😂最最最最正最驚喜係今次嚟竟然有榴槤食!!!!!!真係估唔到!!!!!第一次見有榴槤😻😻😻我同朋友都好開心😀因為我哋勁鍾意食榴槤平時食放題如果有榴槤嘅話係好貴㗎所以我哋係咁叫完又叫 叫完又叫😂榴槤質素好高好新鮮 極品金枕頭榴蓮燒我同朋友對榴槤都幾揀擇㗎😆我哋都一致認為個榴槤真係好好食😋另外仲有榴槤炸彈又係食完又叫😆😆😆炸得特別好味😋熱辣辣 次次嚟都一定會叫😻另外仲有黑松露薄切鯛魚刺身都好好味好新鮮叫咗好多😋😆呢間放題真係好抵食我成日都推薦比身邊好朋友😋😸個個食完都好鍾意❤️最後去雪糕機整返