極尚大瀛喜日本料理

營業中

休息中

之前食過對呢間放題嘅印象都唔錯，隔咗咁耐menu又轉咗喇。今日最令我驚喜嘅竟然有凍冰冰嘅鮮榴槤食，好似食緊榴槤雪糕咁樣，軟綿綿，味道又香又甜，今餐我一個人應該食咗十粒以上，好滿足。放題唔少得係刺身嘅環節，新鮮嘅刺身完全冇腥味，鮮甜又彈牙，最鍾意甜蝦。鵝肝有熱同凍兩種，唔同食法，熱嘅煎得外面香脆，營造出外脆內軟嘅效果。 凍嘅配咗藍莓醬，有解滯嘅作用，入口即化，有香濃鵝肝味。豉汁鱔，出色，鱔皮彈牙，肉質爽脆。蒜蓉燒扇貝 蒜頭好惹味， 有粉絲墊底，吸曬扇貝嘅精華，另外仲有同款燒生蠔選擇。羊架肉汁豐富，唔算好騷，怕騷嘅人都食得。炸榴槤波波同香芋波波， 熱辣辣 流心效果冇得彈， 愛皮煙煙靭靭，好似食緊炸嘅湯圓，口感好特別。食物自助區仲有好多選擇提供，頭盤嘅選擇多不勝數，食幾多拎幾多，唔好做大嘥鬼。仲有熟食選擇，炒麵 避風塘瀨尿蝦…，賣相都好吸引，樣樣食是咗啲，整體味道都不錯。仲有點心，燒賣 鳳爪… 選擇多到不能盡錄。最開心嘅係有自助雪糕機，仲有無限量雪糕 雪條同自家製甜品供應，作為今餐嘅收尾，大大大滿足。

旺角「極尚大瀛喜」係人氣放題店，以高性價比的日式放題聞名，主打海鮮任食與多元菜式，位置便利，吸引大量食客，平日晚市時段530pm -730pm人均總數Hk$284，任食兩小時，難怪咁旺場🔥 以QR 下單上菜迅速，重點推介有榴槤任食，適合一大班人拆餐飽😆🍣刺身與海鮮: 刺身拼盤是必點項目，厚切三文魚腩肥美鮮甜，北海道帶子直徑達3cm，口感彈牙；長腳蟹腳提供刺身、火灸及蟹粥三種食法，鮮味十足🦐自助區: 設「海鮮碼頭」，椒鹽瀨尿蝦、麻辣小龍蝦無限供應，熟蝦青口堆積如山，開場已令人食慾大開🍗熟食與特色料理: 除鮑魚花膠，亦有多款燒物菜式，羊鞍肉嫩多汁，牛舌鹹香爽脆；仲有天婦羅、榴槤炸彈等各式炸物🍰甜品: 提供日本版Häagen-Dazs、Movenpick雪糕任食，仲有各式蛋糕、水果等 ，滿足甜胃📍極尚大瀛喜日本料理旺角彌敦道655號胡廈生行5樓

食日式放題最緊要係款式既選擇，我最愛既次序係： 刺身＋壽司及手卷＋熟食＋飲品/甜品刺身併盤(自選，電話落單)蟹腳、帶子、吞拿魚、三文魚、蝦、赤貝迷你刺身併盤好靚，望落好新鮮，全部都係我至愛，放題最好就係每樣都食，可以食晒所有款式！款款刺身都咁新鮮，最好食係蟹腳同蝦蝦、新鮮又鮮甜。魚刺身都係我至愛，入口即溶又唔會有筋～各款受歡迎熟食花膠--花膠軟身，入口即溶既質感～醬汁是比較黏身，好香濃多款熟蝦起碼有3款熟食蝦，大隻又彈牙，無論點整都好食。川燒珍寶鮮蠔燒依款熟食好邪惡，蒜蓉汁為海鮮提鮮； 肉質嫩滑，一口吃一隻！

地鐵站行1分鐘都唔洗就到🚇 好適合同家人朋友嚟聚會，上菜上得快，服務態度好，絕對值得一試！🍣✨一行入餐廳就見到自助區有勁多嘢食嘢飲😍😍 多款前菜、沙律、生果、湯品、炸物小食、清酒啤酒同甜品，特別係有日本版嘅Häagen-Dazs雪糕，全部任食！🍦🍨刺身拼盤第一時間就order一大盤刺身😍 新鮮嘅魚生色澤鮮艷，勁多選擇 有赤蝦、鮑魚、希靈魚、螺肉等等，口感滑嫩，特別係三文魚同蟹腳，鮮甜好味！🐟壽司手卷有多款創新款式，全部都有水準～最鍾意食🍣醬燒三文魚壽司、醬燒左口魚邊壽司、醬燒蟹棒壽司、蒜香牛油熟帶子壽司、海膽手卷同三文魚籽手卷天婦羅及炸物有好多蔬菜類天婦羅🥬包括紫薯婦羅、秋葵天婦羅，入口好香脆🤤 炸物都好吸引 有雞軟骨同炸鮮奶😆燒物佢哋嘅燒物選擇都好豐富，有羊架、燒扇貝同燒蠔，特別推薦燒乳鴿，肉質鮮嫩，外皮香脆 回味無窮！🍗✨

用餐時間5點半至7點半，可下單時間到7點，可食到7點半。但7點結賬後立即清空枱面，之後來食物都沒有碗筷用。我明白要7點半交枱，但還有半小時，收碗筷就是趕客走，這給客人印象十分差。

極尚大瀛喜日本料理旺角分店係大瀛喜品牌最抵食嘅放題，而且地理位置好方便，難怪每日都吸引好多老中青嘅顧客幫襯，放題食物種類有好多，有刺身、壽司、卷物、燒物、串燒、炸物、創作料理、一品料理同埋煮物等，另外設有自助區域，有熟食、點心、冷盤海鮮、中湯、飲品、清酒、甜品、水果自助區，款式豐富，性價比好高。餐廳用QR code落單，待應好快將美食送到。刺身類刺身種類繁多，有挪威三文魚、油甘魚、劍魚腩、大赤蝦、俄羅斯甜蝦、泰式生蝦、北海道帶子、池魚王、希靈魚、北寄貝、赤貝、bb象拔蚌、花海蜇、原隻粒貝、酒煮榮螺、磯煮鮑魚等。每款刺身都好新鮮，三文魚腩厚切，肉質肥美；大赤蝦大隻新鮮，肉質爽彈；北海道帶子肉質鮮嫩，口感富有彈性，味道甘甜。熟食類法式香草燒羊鞍，羊鞍惹味，肉嫩Juicy有肉汁，沾上芥末醬更惹味；川味珍寶鮮蠔燒，蒜味香濃，蠔肉鮮味肥美，口感滑溜，帶有川味香辣；金牌紅燒乳鴿王，外皮炸至金黃，口感外脆內嫩Juicy；金蒜蓉粉絲蒸扇貝，粉絲吸收咗蒜蓉味道，扇貝惹味鮮甜；鹽燒牛舌，味道鹹香惹味，口感爽脆，牛肉味濃郁；芝麻雞翼，外皮炸至金黃香脆 ，雞肉嫩滑多汁，好惹味；榴槤炸彈，炸至金黃色，內餡充滿口

同一座大廈吃過最少兩家，終於到大灜喜了，人超多的，平日都爆滿。這家晚上8：30後，放題特價$258，可以任食榴槤／長腳蟹，性價比很高。放題點餐基本都是QR Code 下單，這家QR Code 上也會顯示自助區取餐的食物，挺貼心的。自助區美食，包括飲品櫃／冷盤／甜品／炸物／小龍蝦／港色點心，最驚喜竟然有我最喜歡喝的雀巢乳酪飲品🥰。✴️第一輪刺身／長腳蟹是必點的，刺身款式10多種，隨便點了：三文魚／帆立貝／油甘魚／赤蝦／虎蝦／劍魚／bb象拔蚌／長腳蟹，都挺新鮮的，鮮甜爽口各有特色。✴️壽司／燒鰻魚／銀鱈魚西京燒壽司上面的魚生很厚又新鮮，我最喜歡火炙左口魚，入口即溶，壽司飯也比較細，不應影響吃其他美食😋🤪。鰻魚及銀鱈魚也是非常肥美嫩滑，翻點幾次。✴️焗蝦／焗生蠔／粉絲扇貝：焗蝦有沙律醬，酸甜又爽彈。生蠔肥嘟嘟又鮮甜，扇貝就還好。✴️羊架／牛舌串燒：是最意想不到的，好嫩滑，有微微羊騷味，我還可以接受。牛舌爽脆惹味。✴️天婦羅：簡單點了幾款式，味道不算特出。✴️任食榴槤／燒菠蘿：榴槤非常軟滑，跟食雪糕沒分別，好甜好滑。菠蘿也很香甜，不過榴槤還有略勝一籌😋。✴️任食日版雪條／ 日版Haagen-dazs／Mov

上星期去咗同朋友食呢間旺角嘅日式放題😍地點超方便，原來一出旺角E1出口幾步路就到😆我哋食嘅時間係平日夜晚8:30宵夜時段🤣$258任食兩個鐘😍 睇返其他時間，除咗星期五晚黃金時段，都一樣唔使$300就食到放題😍勁抵食‼️放題想食嘅款式都有齊哂❤️例如刺身、壽司🍣炸物、串燒🍢鍋物🍲燒物、卷物、天婦羅🍤一品料理等等! 出邊仲有自助區任飲任食，例如有小龍蝦、凍海鮮、炸物、前菜，甜品櫃都好多款式揀，最緊要竟然有🍦🍨日本版Haagen-Dazs 雪糕同Movenpick任食‼️個人推薦✨🔹榴槤控嘅朋友仔有福🥰仲有榴槤任食!!超開心🥳🔸刺身方面竟然仲有長腳蟹，海膽😍真係唔係間間放題都有!!一定要叫🤣🔹鵝肝、蒸扇貝、燒生蠔、羊架、黃金蝦、紅燒乳鴿、燒菠蘿（勁甜勁多汁）🍍

而家出去食飯咁貴，閒閒哋都二三百，一班friend去食飯最啱就係食放題，個個都開心，呢間連鎖放題旺角店仲係全線最平，平日8:30後入座都唔使$300一位‼️-除咗一般放題都有嘅刺身，仲有好多特色日本嘢食，好似鵝肝壽司超豪華，咬落油脂滿滿好軟滑，配咗少少生菜冇咁油膩👍🏻炸物方面仲有芝麻雞翼、天婦羅蝦等等都好吸引💯-✨等我教你哋回本策略✨強烈建議一人一件爆汁鹹香乳鴿、一人一隻惹味蒜蓉燒扇貝，真係放題先食到咁多元化又高質嘅嘢😂-之前天氣忽冷忽熱，夜晚食返個壽喜燒牛肉鍋都係好好嘅選擇，全枱人一人share一啲就唔怕太飽，可以繼續食壽司刺身🥰-最後當然要食雪糕！ 呢度竟然Movenpick同 Häagen-Dazs都係任食，超級抵 個人覺得朱古力味勁正 食完好解膩❣️

復活節假期一家人去食極尚大瀛喜放題，屋企人對呢度讚不絕口，特別係媽咪腸胃敏感容易肚痛，呢度除咗刺身選擇多種類，仲夠新鮮乾淨，食得放心有肥美嘅三文魚，帶子、蟹腳、象拔蚌、赤背、北寄貝、希靈魚、最重要係有赤蝦，大大隻鮮甜肥美外邊自助吧都有好多食物，今期有避風塘瀨尿蝦，小龍蝦，清酒煮蜆，蟲草花膠雞湯、木瓜雪耳、椰汁雪燕奶等，就係鍾意佢經常有新菜式，唔會悶雖然佢係任食，但係質素非常高，蒜香蒸扇貝，蒜香燒蠔，都係必食，海鮮鮮甜配搭濃郁蒜香，不停encore，燒乳鴿燒得外皮香脆，肉質嫩滑Juice芝麻雞翼，翠玉瓜，壽喜燒，榴槤炸彈，燒榴槤、蟹粥都好好味仲有Häagen-Dazs同movenpick雪糕任食另外仲有甜品櫃同埋軟雪糕，呢個放題真係超滿

平時一杯日本版Häagen-Dazs雪糕都好貴，呢間放題店雖然可以任食？！😱.食放題嚟講，都係一個好重要嘅環節，呢間日式放題店居然可以食日本版Häagen-Dazs雪糕，當日有兩款口味包括番薯同提子Gelato，兩款口味都好特別好好食，雪糕好香滑！🥰.除咗雪糕之外，呢度仲有好多多款唔同嘅食物，例如特級榴槤、刺身、壽司、芝麻雞翼、粉絲燒扇貝、燒蠔等等，食物種類好豐富，而且價錢都幾抵食👍🏻👍🏻👍🏻平日嘅晚市都full晒，人氣超高！.📍極尚大瀛喜（旺角店）

🍣 **旺角放題激抵之選！全線最平** 🔥 **必食亮點** ✅ **雙雪糕天堂任食** Häagen-Dazs + Movenpick 兩大品牌齊發！最新增設瑞士Movenpick雲呢拿/士多啤梨/咖啡味，雪糕控一次過滿足兩個願望～ ✅ **刺身船無限追加** 三文魚厚切、甜蝦爆膏、赤貝爽脆，鮮甜度直逼高級壽司店！ ✅ **即炸熱食驚喜** 天婦羅海蝦即炸即上枱、榴槤炸彈流心爆漿，熱辣辣出爐最邪惡～ 💰 **全線最平秘密** ✔️ 旺角分店晚市成人$288呢間分店唔止平，食物種類仲多過其他分店！放題控記得mark實～ 😎🍱

今日約咗朋友喺旺角食放題，貪佢唔使諗咩都有得食，於是我哋就嚟到極尚大瀛喜夜晚8:30入座，都好多人，坐滿晒一嚟到我哋例牌嗌返啲刺身壽司先，佢嘅刺身質素都係幾好，今日好想食火炙，就叫咗三文魚同埋左口魚，入口即溶嘅感覺好正另外有前菜，我每次都一定要食魚皮，食完一碟又一碟真係好正，另外我覺得呢度必叫就係嗰個藍莓鵝肝同埋鵝肝多士😆 encore完一次又一次另外叫咗啲燒蠔燒翠玉瓜燒羊架牛舌等等，又叫咗天婦羅乳鴿炸鮮奶嗰啲，質素都係中上最後我哋仲拎咗Häagen-Dazs同埋Movenpick, Häagen-Dazs係特別味道彩虹，呢個好食我哋一人食咗一個另外Movenpick 我哋都拎咗個雲呢拿味,佢king嗰支榴槤味雪條都好好味😆嘢食任食，飲品任飲真係食得好滿足，而且呢個價錢性價比都非常之高

講到香港日式放題界嘅中流砥柱，極尚大瀛喜絕對榜上有名！多年來一直用心經營，除咗保持高質素，仲不斷帶嚟潮流菜式，絕對唔會畀你悶😋。由榴槤肉到酸菜魚，甚至花椒煮蜆，時有更新！👏最近仲推出咗CP值超高嘅新亮點——任食日本版 Häagen-Dazs 同 Movenpick 雪糕！🍦呢兩款高級雪糕響外面食都係貴價嘢，但喺度可以無限量享用，真係抵到爆！如果你鍾意食雪條，仲有 Nescafé Cappuccino 同 KitKat PINK 等你挑戰味蕾～🍫☕炸物方面必食當然係榴槤炸彈，每一啖都係幸福感爆棚！而鍾意刺身嘅朋友，必試佢哋嘅三文魚、帶子、甜蝦同埋海蜇頭，全部鮮甜又厚切！🐟🦑至於自助區方面，不停refill 凍熟蝦同青口，糖水，沙律區，甜品同埋唔同既熱葷，每一款都係用心製作，保證你食到停唔到口！🔥🍲

舊同事聚餐，呢兩個舊同事就好鍾意食放題。之前已打過幾次邊爐，今次就轉日式。自選時段兩個鐘，19:00入席已經好多人。出面啲熱食同埋凍食都已經俾人搶咗一半。咁我啲舊同事都係主力嚟食刺身，所以就冇乜𨦸食過出邊嗰啲小食。app落order其實都有漏單，不過都叫做嚟咗三份二，係可以接受。溝下野食先⋯⋯刺身都新鮮嘅，不過第一盤就細啲，放喺後面啲油甘魚，劍魚腩，好似一片正常size再開二。不過後來追加嗰啲魚生就大番晒少少。個昆布汁鮑魚好食，浸得夠入味。當中最鍾意係佢個乳鴿，夠嫰又夠入味，但係唔會太鹹，整得好食過出邊好多酒樓。乾炒蜆係惹味，濃左少少，不過送啤酒一流。羊架都唔錯有肉唔係得肥膏，同埋唔騷咬落去都Juicy。另外仲有日本版嘅雪糕，提子味就甜咗啲，另外開心果就幾好食，呢個絕對係回本嘅選擇。