榮少喇沙

營業中

休息中

天水圍牛表示好少食到喇沙 聽到榮少要開分店 開心咗好耐食咗無數次 都係咁好水準次次都會米粉撈油麵 有位朋友仔同講呢個係正宗嘅食法就算外賣返屋企食 個份額都好足 湯底有好香椰香味 入口好順 唔會覺得椰香搶曬個味 但重口味人表示唔夠辣但如果想堂食嘅朋友要注意 天水圍分店舖面比較細 會比較迫

👨🏻‍🎓最近嘅天氣真係熱到完全唔想出街，就連落街食嘢都唔太想郁，所以勁怕熱嘅P仔就間唔中都會叫下外賣！前排喺外賣Apps就見到有呢間食喇沙嘅黃店，未食過又好似幾吸引咁就叫咗嚟試吓！⁡🥘因為揀咗好耐都唔知要咩餸好，所以就叫咗個珍寶雜錦麵，入面真係勁多餸，麵方面就見佢有2溝嘅米粉同油麵，見幾得意就試試佢，另外就再加咗個小食拼盤！⁡🍜珍寶雜錦麵 HKD 62首先就講呢個喇沙先，佢嘅湯同麵係會分開，湯入面會有啲豆卜，吸哂湯汁！記得倒湯落去之前一定要攪下佢先再倒，因為下面會有啲濃啲嘅料。⁡🍲至於味道方面佢嘅椰汁味都幾香，食落微辣，但係又唔會好嗆，都幾舒服！麵方面米線同油麵各有各嘅優點，米線就好索湯，而油麵就有返啲口感，一次過有哂兩個口感都幾得意幾唔錯。⁡🥠另外係材料方面佢就有8樣咁多，最好食嘅第一樣一定係索滿晒汁嘅豆卜，勁入味勁好食！另外一樣都幾唔錯嘅就係豬軟骨，煮得好軟冧冧又入味，都幾好食；而其他就普普通通正正常常咁！⁡🍤小食拼盤 HKD 37除咗喇沙，P仔仲加多咗個小食拼盤，入面就有炸雞翼、龍蝦丸同越南米粉春卷！幾值得讚嘅係就算外賣都好脆，不過啊紙袋就勁油！⁡🫔首先講吓嗰雞翼，佢炸得好脆，外

次次諗唔到食咩就會買榮少喇沙既外賣，呢度冇堂食，鋪面細細間，我就超中意佢既喇沙米。今次再 encore !肥牛喇沙米，喇沙湯同埋麵會分開上，唔驚外賣番到去 d 麵淋哂，個喇沙麵唔太辣，超香椰味，夠哂濃郁。入面仲有半隻蛋係流心蛋黎架通常我會揀米粉，米粉同 d 豆卜吸哂 d 喇沙湯超好食，肥牛量都好多，牛味好夠。另外仲有其他小食可以買，真係外賣首選雖然睇落個碗唔大，但食落又真係好飽，超滿足聽講屯市都開左門店可以堂食，仲有多 d 選擇，不過仲未有機會去試

一個十點禁堂食令仍然生效的工作晚上, OT過後回家路上, 基本上大部分食肆都打烊了, 只剩眼前的榮少喇沙(外賣店), 二話不說就落單.小食拼盤(泰式春卷, 炸雞翼, 龍蝦丸各×3)炸雞翼, 即叫即炸, 非常香口, 充滿肉汁. 泰式春卷, 味道唔錯, 不過偏乾身龍蝦丸, 普通喇沙, 豬軟骨+油麵(中)豬軟骨非常淋身, 唔錯喇沙非常足料, 夠香, 夠濃味, 食完唔會覺得好口渴, 估計無落味精.推介個人覺得中size都ok, 因為太多麵就飲唔晒個湯.整體上, 相當令人滿意的宵夜💛💛💛

要OT 遲左收工 無得煮飯 諗食乜 諗諗下 都係食返榮少 快得黎有質素 係屋企烚條菜咁就一餐好好味脆炸雞扒飯第一次試佢既雞扒 佢將d雞扒切粒粒 好方便食 佢係酥炸咁既 好味道好香 都係有肉燥汁&咖哩汁揀 我就揀肉燥 依然出色👍🏼 豬軟骨飯炆得好淋好軟滑 好入味好香 一直支持豬軟骨飯 我仲買多個聽日帶飯 小食拼盤(雞翼 龍蝦丸 魚蛋)第一次食小食 雞翼好出色 有d似生炸雞髀既口感 外酥脆內嫩 但d丸就普通 下次淨係order雞翼算喇 一如既往 都好多人等 要早少少order定 去到即攞

雖然系黃店多人等，等咗20分鐘都唔緊要，店員態度可以好少少🤔🤔同佢確認單號嘅時候一副唔耐煩嘅樣，然後亦比錯咗食物🤪🤪可以讚嘅只系份量好多，一盒飯都夠我2餐，而且喺街市入面個價錢都唔太貴。不過食物質素都系麻麻地。喇沙唔算太好食，但已經系全店最好🤪🤪凡有肉嘅野都好鞋，例如肉燥飯、肉骨茶，舊肉完全系可以幫條脷磨沙🤪🤪。肉骨茶個味我地一致認為唔夠藥材香，同新加坡正宗真系差得遠🤔🤔（雖然我呢個比較系要求高咗啲）。見佢黃店又多好評先比次機會，完全唔會想叫下一次🤪🤪。

呢間食過十次八次 都推介過唔少朋友食 因為好味道之餘 真材實料 亦唔覺有味精 價錢公道 唔好睇佢淨係做外賣 做外賣轉得黎都好有誠意平時食開肥牛喇沙兩溝 所謂兩溝即係米線+油面 我個陣問過老細 邊樣好食d 佢話兩溝就正宗d 食過一次 就次次都要兩溝了但今次同老公快食 因為趕住出街 叫左兩個豬軟骨飯 聽個名唔吸引 個名就簡單 但實情係 仲有一堆肉碎 似滷肉飯咁 個豬軟骨炆到好淋身 仲有d筋位 佢炆既味好入味 甜甜咸咸咁 好香 膠質都好重 飯又大大兜 佢既滷肉都唔會慳 大大羹 密舖左d飯面 係豬軟骨既底部有d芽菜 我都有食埋架 今次都係無失望 讚👍🏼

星期五晚上去買外賣。諗住食一食喇沙啦員工服務態度已經唔多好 之後等咗半個鐘外賣先同你講冇油面冇河粉 咩都冇安排不足 材料預備唔夠。點解唔係落單之前講要個客等咗半個鐘先講雖然話小店 要支持一下貼錢買難受。仲要用咁多時間嚟等 點解唔落單之前提醒下顧客呢就算佢幾好食都唔值得垃圾 衛生唔見得好 員工喺店內除口罩見佢出面有連豬 黃店有依喲服務質素同安排 真係極度惡劣

今日黎到呢間天盛小店，呢間鋪係係天盛街市既美食巷仔入面，雖然隔離係街市，但店面同環境感覺上都唔會好污糟因為係疫情之下同埋鋪頭都比較細，間鋪主要都係做外賣生意，今次就試左佢既招牌喇沙，揀左肥牛配料，麵底就揀左米粉。喇沙湯底分湯上，可以買到番到屋企先溝埋，唔洗驚會浸到啲麵淋哂。個喇沙湯椰奶味同蝦味都十分之香濃，十分惹味唔好睇佢細細盒咁，入面仲配埋半隻烚蛋同幾塊豆卜，肥牛都唔算少。豆卜同米粉浸住啲喇沙湯再食，味道岩岩好。呢度既喇沙辣味比較輕微，符合大眾口味，中意食重啲辣味既喇沙既人就未必岩啦

本來我之前，是想光顧馬來西亞「喇沙米線」食品店「榮少喇沙」，在「何文田廣場」地下街市裡面的分店。可惜我當時千里迢迢來到「何文田廣場」，卻發現「榮少喇沙」「何文田」分店已經宣告關門結業。我被迫改到星期日下午，從「西貢」再「千里迢迢」多一次，不斷轉車才能夠來到位於「天水圍港鐵站」對出的「天盛商場」，光顧「天水圍」分店的「榮少喇沙」。但是我來到「天盛商場」裡面的分店「榮少喇沙」，發現「天水圍」分店「榮少喇沙」根本連堂食檯櫈也找不到，想在「天水圍」「榮少喇沙」裡面享用堂食「喇沙」食品，根本就沒有可能做到。結果我惟有硬着頭皮，外賣自取購買一碗最小份量「輕食」版本「頂級魚蛋魚片麵」，然後在附近公園休憩處找長櫈坐下，即時享用完「頂級魚蛋魚片麵」，當是第一次享用馬來西亞喇沙麵的香味和辣味吧。幸好「天水圍」「榮少喇沙」製造「頂級魚蛋魚片麵」速度頗快，很快製作完成。我最後成功在「天水圍港鐵站」天橋底下，找到休憩長櫈，才能夠趁「喇沙麵」湯底香味辣味還未流失之前，及時享用到「頂級魚蛋魚片麵」。「榮少喇沙」製造的「頂級魚蛋魚片麵」，「頂級魚蛋魚片麵」裡面的「喇沙」湯底辣味跟香味感覺都非常濃厚，「喇沙」湯底辣味辣

我由細到大都好鍾意食馬拉嘢，尤其是係喇沙。屋企附近呢間喇沙我成日都幫襯，一諗唔到宵夜食乜就會去幫襯佢。佢個喇沙係好味嘅，但個焦糖薄餅有啲搵笨，得一塊超級市場買到嘅印度薄餅加糖漿就收我十幾蚊。食過一次之後唔會再食。

星期日不經意地行過天盛街市見到榮少喇沙，未食過，所以買返屋企試吓，豬軟骨喇沙連湯飲晒都唔口喝，正明珍材實料無味精好好味脆炸雞扒喇沙連湯飲晒都唔口喝，正明珍材實料無味精，好好味，豬軟骨喇沙連湯飲晒都唔口喝，正明珍材實料無味精，好好味，2分鐘炸豬扒喇沙連湯飲晒都唔口喝，正明珍材實料無味精，好好味，日本横濱叉燒麵喇沙連湯飲晒都唔口喝，正明珍材實料無味精，好好味，仲有雜錦小食，炸雞翼，好好味，會多多幫襯，會多多幫襯，會介紹街坊幫襯。

用網上外賣平台外賣自取滿$80有7折喇沙豬軟骨滲滲$57（折實後$39.9）喇沙湯底椰汁味香、辣辣地、惹味，豬軟骨大大件，好淋好淋，好入味，老少平安版豬軟骨，仲有豆卜及半隻雞蛋，粉麵係油麵溝米粉，配買香辣喇沙湯底，絕配呀馬來西亞藥材肉骨茶配米線及檸檬薏米水$60（折實後$42）肉骨茶嘅肉都係用豬軟骨，湯頭及肉都夠香濃，美味，仲有半隻雞蛋及芽菜，今次選咗米線。自家制檸檬薏米水，有益健康之選，必飲

在天水圍西鐵站旁邊的天盛街市,門口就有一間小小的黃色以喇沙為主打,香港要吃到一間正宗的喇沙確實不容易,今次總算吃到頗有星馬水準的喇沙啦。小店的選擇較多,當遇上客人同時點選不同產品的時候就要等得較耐,請各位耐心等待。魚蛋魚片喇沙 (輕量)    30元  4.5/5分湯底我認為有7-8成星馬的味道,微辣有香料味,我很喜歡。面底當然選滲滲,有2粒魚蛋,2小片魚片,半粒腐皮球X2,半隻蛋。30元的話便宜抵食~炸雞翼  18元/3隻   4/5分炸物都是此店的另一大賣點,通常會點炸雞扒,我就選了炸雞翼,即叫即炸,香脆夠熱好味道,妙哉。值得大家一試的喇沙地道小黃店,加油!

如果唔係行山，應該都冇咩幾可會入到去天水圍😂。今次去咗幫襯天盛街市嘅榮少喇沙，叫咗碗頂級魚蛋魚片麵，摻摻（即係油麵溝米粉）底，呢度嘅喇沙分三個 size，我唔肚餓，揀咗最細嗰種，上枱時發覺份量都唔算少，細食嘅女仔肯定夠食。一碗喇沙最重要嘅肯定係個湯底，呢度嘅湯底幾出色，味夠濃，微辣，充滿椰香。配料方面，除咗魚蛋魚片之外，仲有芽菜，豆卜同糖心蛋，份量恰當，味道正常，以三十蚊嚟講，性價比可算非常高👍。