榮少喇沙

營業中

休息中

🍛 今次行過依家有口碑嘅食店，嘗嘗佢嘅招牌豬軟骨飯，嗱嗱聲筷子一夾，依啲豬軟骨炆得啱啱好，咬落去軟滑又有韌性，攪拌落飯裡面咸香甜滋味即刻四溢，搞到隔離桌都嗌快啲送上啦！🐷🍗 小食拼盤我特別鍾意雞翼，外皮炸得金黃又香脆，肉質嫩滑又多汁，一啖一啖真係過癮！龍蝦丸同魚蛋就普通啲，不過都算夠水準，下次我諗我會專攻雞翼👌🏼。🍲 另一份嚟嘅肉燥豬軟骨飯，真係夠哂份量！一大碗嘅豬軟骨同埋滿滿嘅肉燥，實在係一大享受。嗰肉燥甜甜地，同嘅飯一齊食，滋味真係幾正。再加埋啲芽菜，脆口提鮮，成盤飯滿足晒我所有嘅口感同味覺嘅需求。整體嚟講，呢間真係值得嚟搵食一餐，又好味，又實在，大碗滿足又有得揀。下次有機會，一定再嚟。👍🏼

經網上外賣平台叫外賣自取，拿回家打開發現薏米水給錯了菊花茶，繼續食用後發現咖央薄餅中有片尖銳的膠片。一個用紙袋包裝的薄餅竟然有膠片完全不能理解！大家食用它的食物一定要慢慢咀嚼…

唔知係咪換左個肥師傅 餸又比少左 d肥牛質量又差 叫左兩碗兩碗都無比豆卜 D豬軟骨又唔夠林 又酸之前幫襯佢都覺得幾好 又多米粉E家完全縮晒水 不推薦十年都唔評價一次 今次真係唔想大家中坑好心人上

叫咗個喇沙炸雞扒麵 行到返屋企先發現原來佢連湯都冇畀 仲要我親自返去換 服務員仲要黑口黑面好似我唔啱㗎 以後唔會幫襯！！！點解一間鋪會容忍到咁既服務員 希望大家考慮左先食

其實我一直都光顧，覺得味道好味。 但今日初一光顧，係超級難食。 可能新年多人買外賣，佢唔夠貨。 佢個湯底係我食過咁多次黎講，係超難食。 我估個湯底溝左勁多水，多水到我一飲落口，係完全食唔出有喇沙味。 唔講以為係飲緊清水。 真係溝水溝到超誇張。 唔該店員溝水後試下味啦。 咁都賣得俾人嘅。 新年加一元，唔係問題。 但俾返原本質素。 唔。唔好俾溝水湯底呀。 完全係無味，辣味都無囉。 淨係得個顏色呃都人。 你哋要諗下，喇沙湯底係幾濃味。 佢要做到無味，相信真係溝大量嘅水。所以奉勸大家， 新年期間真係唔好光顧。 除非你覺得食無味，水味嘅湯底okay 嘅話。 新年期間真係唔好光顧。。 新年期間真係唔好光顧。。 新年期間真係唔好光顧。。 如果想試佢原本質素，新年後試希望佢係有返質素。

疫情下已經work from home好幾次前後可能有半年以上都留家工作唔出門又唔想煮，更加唔想日日只食樓下茶記好在多得距區團購，經常有不同地區美食可以試，日日轉款都仲得今次試下大西北嘅榮少喇沙啦~~首先一讚好怕呢d團購單多甩漏今次remark轉全米粉&走青都做到晒同埋d湯都無倒瀉，當日架車仲早咗好多到拎到手係凍d，但google form一早remind可以煮返熱個湯，所以都ok豬軟骨非常入味入口即溶，肉同米粉份量都唔少一定夠飽仲有半邊半熟蛋反而湯真係少咗啲，同埋港式咗d，唔係唔好食但心中有落差小食拚盤就比較出事，上面有提及架車早左好多到湯米可以整熱，但炸物真係淋晒……變到一口粉同盒底好多油建議下次可以盒面開個洞透氣，會無淋得咁快

嗰肉骨茶淨係得個鹹如果肉骨茶足料，飲完身體會好暖，而佢哋嘅淨係覺得口乾除左冇配兩舊油炸鬼之外碗肉骨茶入面淨係得肉，我食其他鋪頭嘅肉骨茶係有蘑菇同豆腐卜，第一次食到咁樣嘅肉骨茶。可能係因為叻沙係主打。。。

呢間叻沙我都食過幾次,每一次嘅質素都keep度🙌🏻而小店冇得堂食一定要外賣🥡小店除咗買叻沙外仲有賣其他良心舖頭嘅零食例如膳心小館💛🔸肥牛肉叻沙油麵🐮$45肥牛有好多塊🥩大概有10幾塊😙但牛肉就偏老同有牛味🐄而麵有幾款選擇今次就揀咗油麵🍜油麵較冧,豆卜吸晒啲湯汁好正🤩湯方面一定唔係正宗🤭但好啱香港人食🇭🇰微辣好濃郁😜椰香味好香😙仲有半隻半熟蛋🥚🔸炸雞扒叻沙油麵 $50雞扒其實係雞塊😂有5舊雞塊但每一舊都頗大舊😚可惜拎到返屋企炸雞已經凍咗🥲但都微微脆而且雞扒都好嫩同冧🥰建議配沙律醬食😆湯底同油麵就同上面一樣🙌🏻

變左專做外賣 唯有買返屋企食豬扒喇沙米線 $50豬肉三塊  半隻蛋  豆卜 湯底係同麵分開上 防止d麵淋哂 都幾貼心如果d麵又脹曬 係勁難食喇沙湯底幾正宗  有勁香既椰奶味同蝦味 有少少辣辣地好多香料豬扒煎到好香口豆卜索曬湯流心蛋幾正份量都好足 食完都飽

中午時份，去咗天盛立食街度買嘢食，就食多次榮少喇沙啦，今次就叫咗個肥牛喇沙，配米粉。雖然冇要求，但係都有自己分湯，冇將啲湯倒落啲米粉度浸住，抵讚！牛嘅份量真係好多，鋪滿成個面。肥牛口感好，應該唔係事但俾啲質素差嘅牛。牛下面都有半隻蛋，蛋唔係全熟嘅，唔錯。個湯好味，好香，飲完唔會口乾，入三面嚿豆卜真係超級加分位，吸滿汁，一啖咬落去，簡係一流享受。湯倒埋落去啲啲米粉度食，米粉索咗少少汁，每一啖都有喇沙香，正！榮少喇沙高質，好食。

天水圍天盛商場地下有條立食街，有各式各樣嘅食肆，見有良心嘅榮少都有，梗係去買個外賣。叫咗個肉燥汁豬軟骨飯。佢係預先煮好，再畢落飯上面，但係就一啲都唔頹㗎喎。肉燥量同汁糧之多，一圖睇清楚曬。肉燥味道係偏甜少少嘅，唔會好鹹，而且唔會好肥，食到入面都有粒粒嘅肉粒入面豬軟骨份量都好多，而且食落都入味，豬軟骨口感軟糯，送飯確實係一流。飲品係菊花茶。完全唔會太甜，都幾好飲，配埋飯啱啱好。成個飯夠份量，味道好，價錢都合理，唔錯！

想係天水圍搵啲特色野食，榮少喇沙岩你啦！呢間鋪係有疫情之後就變左專做外賣，所以大家要買番屋企食啦！2分鐘豬扒喇沙米線🐷 $50豬肉有三大塊，雖然睇落好似煎得唔夠燶，但食落好淋，好夠味，同炸雞一樣，豬扒都有驚喜👍🏻，食完覺得三舊都唔夠食🤫每碗喇沙麵都配有半隻蛋同大約三舊既豆卜，同埋湯底係同麵分開既，所以唔洗怕耐左啲麵會淋哂👍🏻餐廳內重有好多其他made in Hong Kong既產品買，行過不坊幫襯下💛

榮少喇沙開係我屋苑附近街市既食街，咁近屋企就自然成為我的外賣之選啦🌟😂呢度外賣，湯同麵會分開碗既，咁就唔驚浸到麵又脹曬，餸又淋曬👍🏻👍🏻今次叫左魚蛋魚片喇沙兩溝（即油麵溝米粉）,配料方面有幾舊豆卜，流心蛋同芽菜。喇沙湯底真係好正😋好濃椰奶味同蝦味👍🏻飲得出無味精，唔太咸✨食落帶點辣，好開胃消，豆卜索曬湯，一放落口簡直正👍🏻油麵溝米粉，煮得軟硬適中, 油麵Q彈，米粉又索曬湯汁，食落口感豐富💯

今日行過天盛街市，一入玻璃門就見到間榮少喇沙，就買左個肉骨茶飯外賣返去食。首先肉骨茶肉多腍嫩，相對來講都少油，藥材味唔會太重，可以加入飯中，當泡飯食。蛋就係小小半熟蛋。杯餐飲系檸檬薏米水，幾足料，薏米都多，青青地甜甜地，值得推薦

香港搵到好食嘅喇沙唔係咁容易，屯門竟然有間咁好食嘅喇沙，真係非常好，大家有機會嘅話一定要嚟試呀！燒雞喇沙湯油麵😋😋😋😋😋呢度嘅喇沙湯真係好香好濃，食得出係落咗好多香料，但係又唔會太咸，撈埋啲面好好食，食完一啖完全停唔到口，唔知係咪太好食，好似食幾啖就食晒，唔係好夠。燒雞好香雞肉好滑，仲好多件添。中間有啲蒜蓉，可以配嚟食，就更加香。燒雞係貴啲嘅餸，但係我覺得同豬扒比起黎，燒雞會抵啲，因為多啲，豬扒得一塊，所以我都建議大家食燒雞🤣🤣🤣豬扒芫荽濃湯米線😋😋😋😋今次嚟嗰時，見佢出咗新湯底，係芫荽濃湯，我同朋友本身都好鍾意食芫荽，所以就叫咗過嚟試吓，嚟到嘅時候我哋都非常驚喜，因為我哋本來以為芫荽湯底係平時出邊食嗰啲清清地嘅湯，點知一上嚟成碗湯都係青色嘅，果然係芫荽濃湯，味道亦都完全冇令人失望，我覺得芫荽味好濃，朋友就覺得可以再濃啲，但係我哋都好滿意，芫荽控都值得一試呢個咁特別嘅芫荽湯底。豬扒就冇乜特別，都係平時食咁樣。蝦多士😋😋😋🦐🦐呢度仲有好多小食，都好吸引，我哋叫咗個蝦多士食，點知原來好細件，不過都幾好食嘅，下次會試其他小食。