榮華南洋冰室

營業中

休息中

今天天氣和暖最適宜到處走走，行經上環一帶真的改變不少。近這幾年塗鴉牆的魅力吸引不少訪客，還有老字號和新店舖的共融，成就了一個好去處。差館上街不經意發現一間茶餐室，見內裡裝潢不錯，順道來一個午餐吧！點了一個常餐，跟平常茶餐室的有少許不同。大多數的茶餐室是餐蛋麵之類，這𥚃是香芧豬扒，黃薑雞扒.....菜式比較特別。麵類可選的是福麵，金邊粉和米粉。我選擇了福字麵，充滿著我兒時回憶。餡料是黃薑雞扒，調味恰到好處，不過鹹，肉質軟腍。跟餐的還有炒蛋，火腿，香腸和牛油多士。炒蛋炒得嫰滑，中間位置還有蛋漿流出，火喉恰到。餐茶是茶走，茶味香濃，沒有被煉奶的甜膩遮蓋，順滑好飲。

聖誕節來到上環食咩好？全部西餐/coffee shop, 呢間冰室好搶眼！聖誕唔叫雞對唔住自己！Menu 寫係海南雞，但我覺得似係鹽焗雞味，又幾好味喎，唯一係我覺得個汁可以酸少少，開胃啲！有半碟都係雞肉，仲要去左骨，岩晒我呢啲懶雞迷！另外朋友仔點左雞扒飯，雞扒好嫩，同埋醃得好入味，好香，唔駛點任何汁都可以送到飯！2碟份量都好大碟，價錢50幾蚊個餐，抵食！！！琴晚食完劣質聖誕大餐，今日食返高質野，滿足滿足門口仲有得泊車，仲有outdoor seating

今日出去上環買藥材, 當然又要順個靚順搵下有咩好嘢食, 今日搵咗呢間位於差館上街的榮華南洋冰室, 點解揀呢間? 因為佢唔止茶記嘅咁簡單囉。原來呢間茶記都好多明星名人幫襯15:00 又係唔使等位時段, 可以畀我慢慢歎。呢度除咗南洋美食, 仲有泰國及越南食品。好多嘢都想食呀, 可惜今日單拖只可以叫一個set,  呢度最正係咩呀? 就係佢哋嘅套餐可以用好平嘅價錢追加多款小食, 啱曬我呢啲樣樣都想食、想試嘅為食人種。泰式香葉肉碎生菜包 ($68) 剛剛炒好, 肉碎粥冒緊煙, 香氣四溢, 未食午餐嘅我肚子勁打鼓, 香葉好香, 半肥瘦肉碎加埋泰豆角粒、辣椒粒及洋蔥粒, 加上泰式香辣醬炒得香香辣辣 , 惹味十足。用爽脆生菜包住食非常正, 我覺得用嚟撈飯食都會好開胃。泰式鳳爪 ($20加配)鳳爪甜酸度中和, 香茅青檸味突出, 清新怡人, 洋蔥好香, 好喜歡佢哋嘅泰式酸辣汁, 辣味溫純不搶喉, 但食完卻滿口香辣, 出色, 回味。牛油雞翼兩隻 ($15加配) 雞亦蒜香澎湃, 有淡淡嘅蝦醬鹹香, 仲要喺雞翼面加多pat 乾身蒜蓉畀你, 夠曬香, 食完口都臭埋, 哈哈哈~~~炸蝦卷 ($10加配)原隻蝦加幼薯

之前朋友講開發現上環有間榮華南洋冰室，以星馬舊式冰室為主題，供應東南亞美食，所以決定去試下。餐廳位於上環差館上街1A號地下。裝修有傳統茶檔風味，紙皮石地板、木枱凳，裝修簡約，很有南洋懷舊風。餐廳供應東南亞美食，如海南雞飯、串燒及咖央多士等美食。海南雞髀飯，用起骨雞髀，食落啖啖肉，雞髀肉嫩滑肉厚，配以泰式香茅雞油飯及醬汁，配黃薑飯，飯粒分明，香軟，味道香濃。特色豬扒脆豬包，豬扒有焦香感覺，不會太乾身，脆豬包亦非常香脆。咖央西多士，塗上馬六甲知名的咖央醬，入口滿是甜美椰香，甜而不膩，富地道風味。咖央厚厚的，絕不吝嗇。最後加上一杯奶茶同咖啡完美。

星期日同A姐行吓上環，感受一吓老香港嘅生活同景象，令我哋回憶起香港從前嘅美好時光。行吓行吓，行到差館上街見到呢間藍色嘅建築，原來係以南洋風情為主打嘅榮華南洋冰室。餐廳設計用上南洋風情嘅瓦仔地板、木枱木凳，好有去咗旅行嘅感覺。蒜香牛油雞翼小食叫咗蒜香牛油雞翼，一份6隻，炸到金黃色嘅雞翼上面鋪上大量嘅炸蒜，令雞翼更加香口。外皮炸得鬆脆，雞肉又嫩又多汁，仲有淡淡嘅牛油香，好香脆好惹味。炭燒豬頸肉飯原本想食嘅海南雞飯，可惜售罄，退而求其次梗咗炭燒豬頸肉飯，個一啲都無令我失望。加上燒汁嘅豬頸肉燒到微焦，索晒燒汁嘅味道，豬頸肉嫩滑彈牙，肉汁味十足！最後飲埋夠晒解喝嘅青檸梳打。

本人在中環返工~ 自然放假免得過都唔會去中環, 今日有朋友約去中環扮偽文青,小清新, 影下相食下TEA, 橫惦無野做咪去下囉~ 行完PMQ個邊, 向上環行, 發現在一間食主打東南亞風味既冰室(榮華南洋凍室), 又行到攰攰地就坐低食佢啦~ 未入去之前已經俾佢既地板同招牌吸引住~ 好星加波FEEL~ 打卡一流~ 打開個MENU, 已經俾一個叫南洋特色常餐吸引住~ $58 有一個粉面+ 炒蛋+火腿+腸仔+牛油多士+飲品, 啱哂大食既朋友~個面仲可以揀福字面~ 真係出咗黎做野之後都好耐冇食過福面~ 好有兒時味道丫~ 另外再叫咗個咖吔西多士, 咖吔哩家野真係有二十年無食過~ 點可以唔收丫~ 西多士入面滿滿都係咖吔, 勁香口~ 我可以話係我食過最好味既西多士~ 可能我仲意食咖吔啦~ 不要插~ 值得推介的優閒冰室

上星期同朋友講起外國遊客都好鍾意去上環行吓啲懷舊嘅地方，例如摩囉街，但其實我都未去過，所以即刻叫朋友今日帶我去行下。原來上環有好多特色食店，行行下見到有一座好sharp的建築物，大大個招牌寫住南洋冰室，有種好懷舊的感覺，就吸引左我地入去。食店裝修懷舊中帶點現代感，好乾淨，店員都好nice，真係冰室的價錢，餐廳嘅服務。食物味道都好好，咖吔多士甜度適中，新鮮整起熱辣辣👍特色豬扒脆豬包個醬汁好味，包皮又脆脆地！泰式香葉肉碎生菜包，唔油膩，碎肉豆角等加埋生菜一齊食感覺清新😋，值得一試。套餐奉送熱飲，咖啡奶茶幼滑，另外$15可以加油菜。

中秋節臨近 公司喺出面book咗地方 教我哋整 月餅 由於時間關係 同事揀咗呢間 佢話好想試 咁啱又係整餅嘅附近 難得行到咁高嘅地方梗係要一試啦 裏面嘅裝修好懷舊 地磚係細細架白色同綠色好傳統嘅格仔 首先 點咗一杯龍眼冰 佢特別用咗泰國嘅梳打水 龍眼冰嘅糖漿 都唔算太甜 加埋梳打水 有清甜嘅感覺 串燒有豬牛雞各兩串 沙嗲醬適中唔太鹹 但係好惹味 仲有花生醬嘅香味再黎一個咖央多士， 唔太甜剛剛好 多士焊得都係剛剛好 整體嚟講 環境好舒服 好似置身 南洋某個地方 食物好野味飲品唔太甜 如果行開行埋 都會再 來幫襯

今日到上環工作，中午時間到處都是人，於是走上一點，一直走到古董街附近，看到有間人氣的西餐廳對面開了一間冰室，單看餐廳名字有南洋風味應該有新加坡菜，正好那刻十分想吃海南雞飯！特色午餐 （11:00-17:00）A. 海南雞脾飯（油飯） $68平身油飯另叫要加$5配酸辣汁和薑蓉感覺這是走地雞，比一般白切雞有咬口，雞味亦比較濃，脂肪少，雞皮又薄，感覺比較健康。黃色的油飯入口有油香而且粒粒有口感。配酸辣汁和薑蓉可以用來蘸雞肉之外，我還喜歡把醬汁加入油飯中，個人認為吃起來天美味。《椰青 $25》椰青很大個，汁甜清潤，椰肉爽口，很適合悶熱的天氣。其實整碟海南雞脾飯份量很足，但因為我的胃口比較大所以還多點了一份多士。《黑白西多士 $30》西多士煎得金黃香脆，碟上不油膩，有煉奶和朱古力漿，所以叫黑白西多士，而西多士中間亦夾有朱古力漿，但整體味道都不會太甜，可能我愛甜品吧！

風雨過後見天晴，於是於午飯時間獨自由中環自動行人扶手電梯直上到荷里活道然後一直行至上環文武廟一帶走走逛逛，再向前行走到了差館里上街。上斜的小巷內有間門面海藍色的冰室，十分旺場熱鬧，決定順便食個午飯。環境：雖然地方不大，但牆位巧妙地用上鏡面，令空間感即時增加，還有電視令獨食的食客有點娛樂。點了一個《南洋特色常餐 $58》黃薑雞扒 配金邊粉 本身配有炒蛋、火腿、腸仔、牛油多士（但我加$5轉做奶油豬）。本身配餐茶，但我加$13轉為《玫瑰梳打》泰國梳打和玫瑰飲料分開上，倒入後呈玫紅色很吸引，清涼解渴很消暑。湯底有炸牛蒡等作香料，所以十分香濃！黃薑雞扒外皮煎得香口微脆，襯熱入口實在惹味，肉質亦嫩。其實肚子已經很撐，但隨餐還有炒蛋、火腿、腸仔和焗得香脆而且塗上了煉奶的奶油豬，最後還是把全部吃下！下次要試試其他冬陰公湯麵。服務：有禮又醒目。

番工經過見到呢間小店藍漆既外牆覺得好靚好特別～一直都好想搵機會試下今日終於去左啦!😼雖然間冰室係小巷但係估唔到平日Lunch hour 都幾full下好彩我同朋友早左黎所以先唔洗排隊🍴我同佢一人叫左一個set lunch我既係”炭燒豬頸肉飯”配熱coffee👇炭燒豬頸肉整得非常之出色😄lam lam脷程度爆曬分👍連平時最怕食肥膩野既我都覺得佢既豬頸肉肥瘦適中而且一d都唔覺得油燒得好香好爽口😚送飯一流佢會俾埋甜醋點 不過即使唔點都夠曬入味伴碟既酸青瓜都好好食至於我fd叫既南洋常餐就好抵食黃薑雞扒米粉 配炒蛋腸仔火腿多士味道如何我就唔知啦😂😂👇總結: 性價比高 係絕對會令人回頭既特色小店😜

閒遊上環，原來差館上街開左一家都幾有南洋風味的餐廳，位置都幾隱蔽，唔講唔知開左喺嗰個位。熱狗薯角熱狗飽好濃，不過夠熱。薯角又好膿不過不失。冬蔭公湯金邊粉配燒豬頸肉湯金邊粉用左熱鍋上碟，幾特別。湯底酸酸的好開胃，而且加左索味的豆卜，好多舊呀好滿足！失望是豬頸肉好黑，又完全不熱，沒有燒的感覺，好似食像筋一樣。雞扒可能會較好！牛油雞翼午餐加十五蚊的小食，雞翼新鮮炸起，牛油味淡淡地。雞翼好厚肉，幾香口！食物勝在夠經濟，是區內少有的星泰餐廳。不過食物好膿，d色好黑唔知係咪無換油，加上店員不太友善，如果呢兩點可以改善就好了。

中上環有好多小店，一有時間我就會在附近覓食，今日經過門面帶有南洋風情的小店，就一於入去覓食。店內環境設計除了帶有南洋風情外，亦有香港八九十年代的設計，有懷舊的感覺。而食物方面，有晚餐、常餐，特色南洋推介小食、廚師精選及單點美食。冬蔭功鐵鍋肥牛札肉湯金邊粉晚餐半熟肥牛及札肉切得厚身，配上少許清新的沙律菜，好有誠意。而食物以原個鐵鍋盛載，出來仍是熱辣辣，夠滋味。香茅豬扒福麵常餐香茅豬扒醃得入味，配上少許清新的沙律菜，唔錯。常餐配上炒得滑溜的炒蛋，賣相美麗的雙腸及滿滿牛油的脆多士，唔錯。套餐加配的蒜香牛油雞翼我們每個套餐都加配了兩隻蒜香牛油雞翼，雞翼炸得香脆而且有蒜香牛油味，唔錯的小食。咖吔西多士超邪惡的美食，西多沾上的蛋漿香濃，炸得香脆，內裏塗上滿滿的咖吔醬，而外面有超多的煉奶和牛油，超豐富的甜品，超鐘意。餐飲凍檸茶凍檸茶的茶味濃厚。

揀一個地方同女朋友拍拖，我鐘意去中上環，今日難得放假出面又咁好天🌤🌤，梗係出去行下，唔好成日留係屋企啦！ 終於有機會去最近網上見好多人打卡的大館，好多打卡位可以慢慢影。當然唔少得周圍搵好野食啦，由中環慢慢行到去上環，下午茶時間黎去到呢間南洋冰室嘆下茶，涼下冷氣，成個人舒服晒！老闆介紹我地點左 咖央多士，好似係呢到最出名都幾多人點的，多士焗得夠脆，唔會好燶，配埋咖央醬幾有風味，如果有埋鮮牛油就更好。野飲叫左杯凍朱古力，可可粉夠濃，略嫌奶味不足，總括而言，食物不過不失，店員服務態度和藹，地方夠舒服

今日中午同同事8個人黎食。分左兩張枱叫左4個冬陰公連串燒餐 78咖哩豬扒飯 豬扒豬 牛柳粒茄紅飯 豬頸肉飯首先 豬扒同豬頸肉燒到比較黑 睇落同平時茶記既唔一樣個牛柳粒配汁好食但係三款配既汁連埋飯食就唔好食 同飯唔夾 太濃另外個茄紅飯味道適中 可以白食 唔建議配汁食我地飯食曬 個冬陰公先黎。如果趕時間就唔好叫呢個餐凍0餐 正路味道餐廳個環境唔錯 光亮度唔會話太暗 感覺幾舒服不過人比較多 有機會要排隊