榮記粉麵

營業中

休息中

食個趕時間既early lunch選擇不多 因為cwb d食肆十一點幾十二點先開 又唔鐘意食快餐…係op搵到榮記好多好評 點知要等位orz好彩好快就有位兩碗四餸兩支可樂$84 車仔麵黎講偏貴 銅鑼灣係咁腩汁色水好夠 但又唔係濃 味道爭d 咸味就有我叫墨魚頭 變左魷魚鬚 不過有魷魚味又大條 睇黎係新鮮牛肚同牛根好正 入味 豬皮就普通貓仔話羅白林 無渣 但係唔甜牛腩同墨丸一般所以..要等位食就免啦唔想係銅鑼灣食貴野同唔知食咩好hea hea地又唔想食咁heavy既話都係一個選擇

很久都無去榮記了，今天到銅鑼湾一定要去食車仔面，叫左个三餸面朱皮朱红羅白油面、的油面比以前幼左無甘好食，个湯只得深色食落無咩味、比以前味道呈差遠了、有的失望

黎開呢頭揼骨, 想食少少野....知道呢度電視都介紹過一於試下我叫左豬紅, 牛筋幼麵, 另加辣汁, 辣汁盛惠$2第一啖湯好濃牛腩汁味, 但加左辣汁更勝一籌, 屬於沙嗲醬既辣汁, 都算辣, 好辣既朋友可以成碟加哂都ok, 豬紅似我細個食嗰種, 質感似啫喱狀, 正~ 牛筋炆得好入味, 勁深色~ 成個感覺好有懷舊feel, 細細個就係食呢種車仔麵大架喇…另外朋友俾左魷魚蘇我試, 新鮮彈牙, 平時好少叫呢類餸, 又好夾喎唔怪之得排哂隊, 你係得o既!!!!!!!!!!!!!!!!!!!!!!

一路幾年都有幫襯呢間粉麵檔, 因為銅鑼灣入面要找一間較有得色又價錢相宜的粉麵檔真的不易。最吸引我當然是那個黑到飛起既腩汁, 其他評論都講左好多。不過近來去食, 已感覺質素大不如前, 店主可能冇錢交水費, "腩汁湯"現在已濃得不像湯, 用一個"腩汁醬"來形容比較適合。吃除了口乾，就是好咸既感覺, 不知其他食客有冇同感。 粉底亦都比較少, 今日食河粉, "鞋", "碎" 已經可以總括晒。 但今次想寫既, 又唔係講佢食物質素差左喎....是咁的, 今日好大雨, 我去完SOGO買左兩個枕頭, 諗住快靚正食榮記啦, 不用等位, 我坐係入門口右邊第一張枱，最近門口既位置。由於出面好大雨, 我聽到店員不斷叫人要用膠袋入好把遮先可以坐低。咦！我冇入起把遮呢, 但我以為我坐最近門口，本身個地有少少濕, 咁店員又冇理我，我就只係放左把遮係地下。到我走去收銀比錢, 後面傳來一斷說話: X 你老X, D人咁X冇公德心既, 把遮又唔X入起佢，攪到個地下濕X晒我望下邊位人兄X我, 原來係較肥的那位男店員 (有3個男店員，其中兩個男人我估係兩兄弟(一肥一瘦)，另外一個金毛。我望過去，佢就冇再出聲以下係我個人感受:

今次食左碗三餸既車仔麵材料包括: 河粉, 雞翼尖, 牛腩, 魷魚SO 雞翼尖呢度既雞翼尖真係滷到好入味同埋一睇就知滷左好耐仲要D骨同肉真係會好易就分開所以未食過雞翼尖既朋友都可以一試 魷魚SO呢度既魷魚SO同出面既有少少唔同出面平時食開既係就咁灼熟左既魷魚SO但呢度既魷魚SO 好似唔係白灼而係有配料去煮過所以都好好味 最重要既緊係呢度個湯底真係好香好香既牛腩汁 不過男士們食一個麵真係未必飽肚因為個麵既份量真係唔多, 可能要加一加底

仲記得好耐之前第一次食覺得只係好一般既車仔麵，不過當之後再番去食多幾次時，就會發現原來榮記既車仔麵係愈食愈好味的每次都女朋友去食都一定係叫三餸！大家可以見到湯底極深色，飲落去有重重既牛腩味。係難得我係唔洗加辣既情況下，都已經好鍾意飲既湯底，very good:我的必叫有牛腩同牛筋，加埋佢既牛腩湯底真係prefect match！另外，每次我都會睇心情去試下唔同既餸，今次就咁岩叫左墨魚頭。依個墨魚頭我覺得只係一般，可能因為本身不是本人至愛，所以只係過得去吧。下次會再叫過第二樣女朋友的必叫有豬紅，蘿白，雞翼尖。無錯，已經係三餸，每次都係依三樣，大家都可以想像到係幾好味，佢係幾咁鍾意食的。雖然榮記加過好多次價，由之前既$26加到依家既$28。不過以銅鑼灣黎講，佢都仲係好味，抵食之選。可能好多人會覺得食得唔舒服，因座位問題，不過其實佢係搬新店後已改善很多，再加上不錯的服務，我相信我會繼續支持榮記，食我喜愛的超入味車仔麵

lunch首選in銅鑼灣當然就是這間榮記了！入去order左個三送面，牛肺，豬紅，墨魚頭米線碗野d腩汁味道無以前咁濃好啦，首先講下個牛肺，同平時係街食d牛雜差唔多不過就無左個種係d腩汁度煮左好耐既感覺！食落比較彈牙爽口，味道唔錯之後講下墨魚頭，我每次去都會叫依種送，因為好味，彈牙之餘d腩汁既味亦都入曬去所以依個係必然之選唯一要彈既係d豬紅，我記得以前食個陣個感覺無咁散但而家食落好水汪汪，有d核突食落去近乎係液體咁，所以我一定唔會再叫依種送p.s.榮記d份量其實幾少，所以如果男士黎食既話最好叫加底

行行吓想食車仔麵，就去榮記食。豬肉丸浸到淡妙妙，墨魚丸１樣浸到冇味道，Ｄ牛肚唔想講啦，湯底黑色旦係冇味道。豬大腸好淋不過冇味道，豬皮唔夠淋，豬紅食落口成泡水ｌ個字....淡，羅白淋冇味。

10月1日同朋友去左銅鑼灣行街,之後朋友介紹嚟呢間舖頭食車仔麵,店子雖小但係有兩層的,我地坐在樓下近門口住置,車仔麵的配撘都好多選擇,可以三餸,四餸,五餸,可以淨食餸,又可以加麻辣或咖喱,我叫左四餸+米粉,朋友也是一樣,另一個則叫三餸+米粉,另外每人都飲忌廉.碗車仔麵好滿,顏色好深,味道好濃,朋友話就係鍾意呢度湯底夠味,我本來想叫牛腩,但係賣晒,於是叫左牛肚,蘿白,雲吞及豬紅,份量都好多,味道都好好,蘿白好入味好淋,豬紅都唔會有異味,牛肚又係好淋身及入味,雲吞入面係韮菜好香好味.米粉吸晒d湯汁好正!! 還有一些通菜都好清綠的.個湯底真的好重味,加埋d辣椒油一齊食好刺激,原來d辣椒油都好辣的呀!!忌廉係傳統的支裝,好懷舊!

銅鑼灣有兩大車仔麵店值得大家朝拜 -「榮記」與「新記」，這集先談位於糖街的「榮記」。經常聽到朋友及雜誌說「榮記」的服務態度很寸。若有真本事的話，寸又有甚麼問題？事實上「榮記」是一間做得很成功及有口皆碑的車仔麵店，好吃得門口經常人山人海在排隊；雖然年年脹價，食客粉絲們還是甘心命抵地等位。以下是去「榮記」吃麵前的一些溫馨提示：1. 排隊等位，繁忙時間閒閒地排 15 分鐘2. 例必搭檯，不能有異議3. 企枱大佬樣貌頗兇神惡煞，點餸請不要猶豫，否則會被怒啤4. 食客要練習在非常窄的空間內吃麵，難度分達 9.9是日下午茶時段路過糖街兼車仔麵癮起，見難得不用排隊，加上禁不住雞翼尖的誘惑呼喚，唯有再次乖乖入內朝拜。小雜麵 ($27) - 有豬紅、豬皮、牛肚、牛丸、魚旦、通菜、油麵一見到碗麵，本少爺已經立即想過對面 CEO 唱周杰倫的「黑色幽默」，皆因湯底是黑黑濃濃的牛腩滷水汁！豬皮吸盡腩汁，牛肚用柱侯花椒八角炆得腍，連通菜都有超濃滷水香，全部都好吃。重點是把湯喝後也不會太口渴，湯的甜味應該不是來自味精吧，是否來自羅漢果或牛骨?!雞翼尖 ($17)這個真的要頒個「魅力非凡大獎」給它，每次來到本少爺必可

竟然連外國回港的朋友也說到糖街的榮記車仔麵！一提到，我車仔麵癮又起，抽個人比較少既時間去頂吓癮，畢竟我是喜歡車仔麵比現時開得成巷成市的米線多一些。叫個三餸麵，湯底仍然是附幾濃的腩汁，是這裡的特色。蘿蔔看起來粗糙，但吃時卻是稔身，清甜無渣，幾好的；豬皮吸收了濃郁湯底的精華，自然吸引；牛腩是稍為韌了少許，不過都屬可接受程度。汽水是枝裝，夠汽，我喜歡。麵是好食，但就比市面上的車仔麵檔份量要細一截，很多人可能會不夠喉。

榮記的車仔面真好食......等位都值得的2個人去每人一碗3餸面....+ 油菜+ 2支汽水 + 淨餸......好大食AR..因為食到停唔到口....3餸係: 豬大腸, 豬紅及通菜.....豬大腸...超正...清得乾淨及去淨肥膏 (激讚)豬紅...好入味...通菜..好味...淨餸.....可以叫2 款....叫了豬紅和雞翼尖......(食到唔停口)加加埋埋.....都唔平GA WO.....HAHAHA另一次去..走腩汁....味度完全唔同晒...仲差好遠TIM.....

銅鑼灣食店將會來個大洗牌繼連鎖壽司店, 瘋薯店等相繼結後, 未知什麼財團方有足夠財力 。承租這些黃金地段, 這些還是未知之素但有些默默耕耘的店鋪能夠生存到今時, 必定有其中的吸引力。榮記亦是其中一間做得成功的車仔麵店, 由十七蚊雙併到今日的廿二蚊,通漲威力確實可怕。話雖如此, 以廿二蚊一碗雙併麵食已經叫抵,雖然份量比一般正宗麵店略細, 但質素還是搭夠的。牛根蘿蔔河 先呷一口腩汁湯力証還是多年不變的咸湯底 而菜圃,通菜等增強了整體的豐富度 雖然牛根夠腍而入味, 但每件也濕濕碎碎, 有點像賣餘的餸尾無渣清甜靚蘿蔔就是必點, 從未失手之作 。啜埋幾柱滑滑河粉滿足地離開。

銅鑼灣有三間「榮記」：分別係糖街；渣甸街；天樂里，三間味道最好味我覺是糖街，其次是渣甸街，後者是天樂里，但講到坐得舒服就一定是天樂里，每次去都不用排隊，又有卡位，2：30後去加$2仲有豆漿，好抵，每次去都係食我至愛既「細雜米」 「淨豬紅蘿白菜」，腩汁味好濃,豬紅滑過豆腐,蘿白夠入味,辣椒酒超辣,半匙已如足夠,每次吃完都好滿足，正，正，正

港島人帶我去榮記食粉麵, 本人蠻愛粉麵, 感覺light d無咁易肥叫了4 個餸包括: 墨魚丸、牛筋、蘿白、豬腸, 仲送了少少菜$31 4個餸在銅區不算貴啦, 新界區都要墨魚丸正常味, 牛筋不算太林但不會硬, 蘿白入味無渣, 豬腸肥肥地用米粉做底很不錯,和腩汁湯底融為一體整體算是幾好食湯底好好味,差不多飲晒,而且飲完不太口渴,應該不多味精如果在銅鑼灣想不到吃什麼,這間可以再encore