榶意泰式粉麵

營業中

休息中

Tried to go here a few days ago but it was closed.Luckily there was a good noodle shop nearby and I had the $99 afternoon tea set at Spade by Lassana so I didn't waste my journey.Went again and luckily it was open.The staff here were really nice.It was quite hot eating there because I sat outside.Anyway, I ordered the Thai noodles with marinated duck and crispy pork.It was nice that they give you blood curds.The pork was crispy and deliciouis without being too fat or salty.The duck was disappoin

油塘唔係一個食肆林立之地，但隱世食店絕對係存在，榶意未算隱世，但出品卻絕對一流，而且價錢仲好公道。今日同柑太二人做完家務，便雙雙來到榶意幫襯，因為它的泰式咸肉實在非常美味紫貝天葵冰及椰汁冰($18)紫貝天葵冰加了一點點鹽，喝下有點咸，但無損它的美味，在這種悶熱的天氣下，喝些帶咸的飲品更能解暑，而椰汁冰就非常重椰汁味，冰凍的椰汁更是消暑佳品。泰式咸肉泰粉($28)榶意的咸肉是自家出品，入口香味濃郁，皮脆得像燒腩仔一般，肉底非常有咬口，咸肉的味道刺激著味蕾，又不像一般中式燒腩那樣咸，反而是自然地帶一份乾肉的咸味，即使是單點來吃也是一道絕佳的菜色。湯底帶有甜甜的蝦香，多喝幾口，讓口內充滿著那份香，絕對開胃兼滿足。豬頸肉泰粉($28)豬頸肉入口嫩滑，有咬口，分量不及咸肉多，而湯底亦一樣是帶蝦香的湯底，泰粉有像幼身的河粉，食落有咬口，如果是撈粉的話，應該會更好吃。泰式炸蝦餅($39)蝦餅是即叫即炸，上碟時一咬，差點被它辣到，內裡將蝦肉打得很有膠質，入口細嚼可以充分感受到那份蝦膠，價錢相比出面泰式蝦餅絕對勝不只一級。雖然叫了不少東西，但價錢仍然不到二百元，這份價錢，卻得到這種質素的食物，實在是非常

平時放假有時專登去食，今日要喺附近做野，點都抽時間來食。來到梗係食由細食到大既茄汁泰粉啦～星期一至五28蚊仲包野飲，真係邊度揾！茄泰有d鋪頭叫彩虹湯河，我食過好多間泰國鋪，甚至去到泰國，都食唔到咁好味，料又多大大碗，豬紅好好味，至於杯泰啡，唔係度度都有得飲，雖然好甜，但好好飲。

是日去油塘吃飯，睇左好耐發現油塘中心有間泰菜，感覺幾好食，就黎試下啦舖頭都幾多位，坐埋出外面，不過太熱啦，所以我同男友都係坐商場。泰式咖啡，夠啡味，不過有啲甜，可能係泰式啡style豬頸肉泰粉食左一半先記得影相哈哈，其實都足料嘅，有五至六塊肉，$28嘅價錢算係咁啦。湯底清甜，豬肉爽口，泰粉不錯，值8/10海南雞豬扒飯 $50飯量好多好多，應該有兩大碗飯，絕對夠一個大男人食XD雞肉都算滑身，加埋個甜酸汁一流，豬扒係吉列style, 有少少乾但都叫好咬口坐左半個鐘都一路有新客人入黎，呢間應該會係油塘連鎖餐廳外嘅好選擇

曾經藍田的排隊皇，戰勝不過業主的加租，喺結業前的一個月，晚晚排長龍；喺藍田讀書嘅你，唔會唔識………三、四年前，終於喺一站之隔的油塘重新開店了鹹肉泰河 鹹肉夠入味，又唔會over，豬皮扑扑脆，厚度剛好，容易咬。記得加上泰色湯河必落的酸辣汁，令你想再encore多一碗。海南雞飯 雞油飯的香、海南雞的滑，再加上秘制的雞醬(每次一定要求添醬)，食過一定唔會忘記。仲有，陪伴雞飯的最佳綠葉-豬紅(有口感，又入味)！！

油塘她少有呢啲細細間嘅泰式粉麵店，假期中午懶得煮，就系屋企附近搵食啦。無意中系油塘中心見到呢間泰式粉麵店，都幾多人食，於是就試下啦~點了個泰粉，加了扎肉、豬扒。泰粉比米粉軟好多，有點似面，但又冇面咁淋所以軟硬度系好適中！配菜分量也相當足料，滿滿的鋪滿成碗粉。扎肉好爽，唔系果D淋之之嘅肉片，仲有幾濃嘅胡椒味，好好味。豬扒系炸過的，外皮仲好脆，但由於浸住湯，都好快淋，一定要揸緊時間食咗個豬扒先。肉質也幾嫩，不會好老，少少彈牙，不錯！至於湯汁，更加不得不讚！味道啱啱好，仲有好幾樽調味，有酸醋辣椒，辣椒粉，醬油醋，個人認為酸醋辣椒非常好味，撈入碗粉系加分好多！呢間泰式粉麵店價錢都好親民，味道也不錯，分量更加不得不讚，非常足料！正！

男友帶我到油塘隱蔽小店覓食，位置油塘中心角落位的「榶意泰式粉麵」。店面小小，卻食出最地道的泰粉風味！ 我們點了一碗扎肉泰粉及香矛豬頸肉泰粉，泰粉的湯就如在泰國當地食的一樣，酸甜適中，易入口！個人覺得扎肉比豬頸肉好吃，扎肉大大一片，有咬感。另外，男友教我沾泰式辣椒魚露來吃，它令到泰粉昇華到更鮮味、香口的層次。 除此之外，我們還點了一杯龍眼冰及子葵冰。子葵冰的味道是類似洛神花和利賓立，都蠻易入口，女生會喜歡的飲料。小店賣本土、人情、美食，很值得抽空一來，唯獨地理位置一點也不便利，沒有熟人帶路也很難懂得來耶！扎肉泰粉；香矛豬頸肉泰粉。泰式辣椒魚露。店名：榶意泰式粉麵地址：油塘嘉榮街2-4號油塘中心嘉發廣場6-7號舖

知道佢由藍田搬到油塘，就第一次去食！坐底先叫一個海南雞飯食。可惜去得太夜，唔係油飯底，味道已打左折扣，而且雞肉多骨。海南雞飯發揮普通，醬汁更太濃味，只輕嚐，驚喜既係豬紅，非常之入味。仲叫左一個雜會泰粉，不過就真係贏在夠多料，但配合起來無化學作用。飲品方面叫左咸檸冰及椰汁冰（左）。咸檸冰勁酸！至於椰汁冰就有點水準，唔會太甜。

細細間冇咩位 所以一行三人搭枱食正風位 又有細路放學周圍跑、尖叫 因為工作關係 我食左兩次豬頸肉泰面豬扒豬紅蝦卷米粉炸蝦餅感想：湯底似某市場買既泰式米粉湯底 豬扒即所以夠脆炸 而且醃得好入味 香茅味幾正豬頸肉 不值一提蝦卷 份量少而且唔係特別好味蝦餅即炸好彈牙 好似屋企食咁足料 飲品都係偏甜 落太多糖價錢唔算抵死 唔會吸引再去食

見到食評這小店原來係以前在藍田經營廿年的"珍味盞"! 之前因為被加租，而被迫結業！聽到重開非常興奮！因為我好鐘意食佢嘅豬扒！👍第一次去到，跟住地圖行，唔係好清楚，行錯路，原來店舖開喺公園內一角落！去到唔知係咪因為中秋收早D，8:30pm左右已經收咗工。今次都係差不多時間去到，好采未收，未夠9pm聽到有其他客人落單，好多都已經賣光啦，伙記都話差不多要淸廚房收工啦！而家店面較以前細，只賣粉麪&碟頭飯、小食，無做小菜，座位只有10個左右，所以門口開咗枱，多加座位！坐底急不及待點咗豬扒豬紅泰粉，什錦泰米粉加鷄，真係味道依然，豬扒依舊入味鬆化，湯底濃郁。😋😋（心急食到，連相都唔記得影）什錦+鷄泰米粉好多餸呀，有炸魚皮、豆卜、魚蛋、蝦卷、芽菜等！以後可以多D去食啦！希望老闆可以回覆以前嘅店鋪啦！

一間餐廳好唔好食，除咗係睇食物質素、環境之外，仲可能關回憶事。我喺中學嘅時候，已經成日幫襯呢一間泰國餐廳，不過因為租金嘅問題而搬過兩次，最近終於喺油塘落腳啦！餐廳雖然好細，環境亦都唔係雅緻舒服，但價錢合理，食物水準中上，例如：帶口感嘅豬紅，絕無半點血腥味；茄汁泰粉酸酸甜甜，非常開胃，配料十足，唔駛擔心唔夠飽；仲有即叫即炸嘅蝦餅，脆口彈牙，食到停唔到口呀！其實，每一次喺度食飯，都會令我諗返起中學無憂無慮嘅日子，既然無辦法回到過去，得閒嚟食飯回憶下都幾好呀！😏😏

今日上open rice時無意中發現當年中學時我好鍾意食的泰粉(即珍味盞)結業後原來搬左去油塘, 咁岩當時我mtr轉車就係油塘站, 所以決定出閘去食。地鐵站行過去10-15分鐘, 間店開係一個好up dup的舊式商場, 係正商場門口, 好易見。間店面積好細, 放左兩張枱+牆邊枱, 門口再有4張摺枱。6:10pm去到, 一個人都冇。菜單比起以前, 簡單了冇咁多選擇, 而家淨係做粉麵飯和蝦餅小食。我叫左什會泰粉 $25 不連飲品, 另叫凍檸茶就半價加多$7。粉份量和以前一樣, 不過餸方面就和以前唔同左 (記得以前有扎肉 尤魚, 而家冇左衣d, 變左豆卜 豬紅 炸魚皮, 另外魚蛋 魚片 橙色蝦卷 都係仍然有既。不過我講梗既以前已經係$20一碗連樽裝汽水既時代, 都有十年, 哈哈)食泰粉必落佢枱面果樽酸辣汁, 我會加勁多匙, 好好味。當年中學lunch日日幫襯, 離開左藍田之後都冇乜機會返去食, 隔左N年而家食返, 真係好有回憶好感動。可能閑日/地方不算太旺/未係晚飯時間? 我見都係坐得2-3個客。希望衣度可以keep住營業, 有機會我一定再返來光顧！    

可能因為舖唔大,主要得泰式粉同埋海南雞飯。果日同女友去食，原本佢收工，因為新開張話好攰同埋好多野都賣晒，但係認得我女友(由細見到大)，就得登開番爐再煮。女友食鹹肉粉, 啲鹹肉鹹得剛剛好,啲粉都煮到剛好,只可以話幾好味，同有次去曼谷食既好味湯粉差唔多,但唔識形容......至於我就食海南雞飯, 果幾舊豬紅真係好入味好好食,啲雞肉就奀少少,但雞味都唔錯,而個飯係真係用雞湯煮既,整體可以話都係好味道另外叫左兩杯龍眼冰,唔太甜,剛好，老闆大酬賓唔收錢水準原本己不錯,再加幾為人情味,一定會經常去的!!!!