榶意泰式粉麵

營業中

休息中

食泰國菜一定諗起九龍城今次就轉移到油塘!估不到係屋邨內有間隱世小店!午市經常坐無虛席, 笨媽就唔同人迫😂轉食下午茶!點了 "雜燴拼咸肉金邊粉"🍝雜燴, 故名思義甚麼都有😂當中有: 蝦片 魚蛋 豬紅 魚皮份量已經不少!但實在忍不住要食埋此店必食: 咸肉係泰式炸豬肉呀！有d似中式叉燒拎去炸😜堅好味!!😍😍豬紅都好滑身😋都入味!食哂一碗, 非常飽😋價錢亦很實惠👍👍題外話:仲有鴨肉飯 切雞粉 可試😋😋評分: 5⭐最好食物: ⭐⭐⭐⭐環境: ⭐⭐⭐⭐價錢: ⭐⭐⭐⭐服務: ⭐⭐⭐⭐

雜錦泰河，熱騰騰配新鮮材料咸肉泰河，香酥咸肉爽脆可口海南雞河，雞肉厚味道濃郁只可惜湯頭過於複雜味濃有雞豬骨湯料，泰菜常用香草,雜錦蔬菜等味道未能係湯頭中表現出來 。希望能再改良湯頭

雜會泰粉- 湯底鹹香，芽菜爽脆，莞茜添香- 魚蛋、魚片魚味香濃﹔豆卜吸湯但略油膩﹔鹹肉皮腍肉硬﹔蝦卷沒蝦，是染了橙紅色的魚漿，軟甜不討好- 幼河粉吸湯，不飽滯- 辣椒魚露採用新鮮指天椒，鹹香爽辣

跟一眾食家朋友談開泰麵，發現近期這類美食又被炒起一股風潮，鬧市的數家泰麵店也人頭湧湧。對話中朋友提及油塘也有家泰麵小店，不妨一試，那我也趁著天氣沒那麼熱去走一轉。店子位於舊式商場入面，附近是考車試場(我在這裏栽過一次)，跟著地址找也要花一點時間。咸脆肉雜燴泰粉 ($36)餐牌上的配料有不少選擇，例如豬扒、豬頸肉、丸類等等，就像港式車仔麵般。來吃泰麵，當然要選些有泰國風味的配菜，所以便要了咸脆肉和雜燴(魚蛋、魚片、魚皮、豬紅、蝦卷)。上枱時驚覺泰粉的份量很多，加上配料實在難以一人之力完成。先說湯底，沒有怎麼特別的香料味道，也不像船麵湯底般濃，吃起來就是十分普通，要自己不斷加魚露才能吊點味。配料花多眼亂，咸脆肉就像香港的燒肉，但今天吃的真的有點硬；其他配料像魚蛋、魚片那些，也是沒有特色，所以給我的感覺就與吃車仔麵差不多。只是這個價錢份量，的確抵食，還送凍飲。吃畢大半個泰粉已經滿頭大汗，商場沒有冷氣，所以環境是差一點，衛生也不甚佳，決定趕快結帳回公司嘆冷氣。這家隱世泰麵，只能說是不過不失，沒有驚喜，但價錢討好，算是適合附近的朋友來吃個經濟午餐。

呢間泰式粉麵店位置好隱蔽，如果唔識路嘅朋友可能搵路要用多少少時間，但絕對都係值得架😝黎到呢間鋪頭一定要試吓佢個隱藏湯底-番茄湯🤘🏻今次我試呢個🍜「泰式鹹肉雜會茄底金邊粉」（$36）一碗大概有五至六塊香脆嘅鹹肉，雜會包括有兩粒爽口彈牙魚蛋，兩塊魚片，新鮮炸脆卜卜魚皮，三粒大大嘅豬紅同埋一條蝦卷🍤聽落已經好多料👍🏻再加上酸辣番茄湯底，食落零舍開胃，呢度嘅鹹肉係好有水準，食過都會返尋味😚另外呢度出名仲有招牌豬扒，大大塊，啱晒食肉獸嘅你😏如果大家星期一至五下午六點前每碗粉或者飯會送一杯野飲。

今日老公係油塘工作放早，他突然打俾我話剛同同事食完泰國粉麵，他話這粉麵檔好地道、好好食又好便宜，堂食飯就送埋冬瓜湯，食泰國粉麵就送大大杯凍飲，他仲話他頭先飲個杯凍紫貝天葵冰酸甜味好好飲~堂食共29元😄😄，之後他話知道我喜歡食泰國地道粉麵及他問我想不想食，我就叫他幫我選擇一款，之後他買左一碗雜會泰國粉回家俾我食😚😚😋😋，湯及金邊粉係分開放的，我收到時係熱辣辣的（老公仲幫我拿埋放湯的蒜辣醋），湯底好濃又鮮甜（放左醋就有點酸甜味道），碗粉材料有泰國地道蝦卷、豬紅、魚蛋、炸魚皮、芽菜及炸魚片，面頭有蔥花及炸蒜片，同我地係泰國食的湯粉味道係一樣的，係泰國食就細細碗，自行加點醋及魚露，平均一人食到2碗，勁正!但講材料的丰富及粉的份量就香港優勝啦～老公話外賣只係31元😍，真係好大碗，他話下一次收早會買泰國招牌咸肉金邊粉俾我試下，係預先醃咸的肉再炸，現在飽到我今晚都不用食飯啦🙄🙄🙄🙄🙄!

餓JJ獨自晚餐是常識，要安慰自己嘅最好方法就係食好野，仲要係哩埋咁食，孤獨嘅樂趣於事餓JJ黎到油塘搵呢間小店食碗泰粉！幾年冇去過泰國，對正宗泰菜有幾分思念，但一支公點可以去九龍城食丫...呢碗泰粉就岩哂啦！紮肉超厚身，仲有黑椒味，好香口，大大啖好滿足呀聽講咸肉係必食，開頭都唔知咩係咸肉，原來係炸過嘅腩肉，脆卜卜，好正呀，加上香濃嘅湯底，令咸肉唔會太硬，又吸左d湯底，真係食過番尋味睇到menu仲有其他泰式小食，希望下次有人陪餓JJ食多d野啦

星期六難得無雨想去鯉魚門行下，識食既米飯班主推介哩間小店食泰國野，未行到就話要食海南雞飯，睇黎真係好好食我就決定食麵架喇，咁多款都要簡左一陣我叫左個香茅豬扒+蝦卷金邊粉，豬扒好味，好lum，但本身浸左落湯，要快手食左先夠香口。蝦卷有啲似魚旦，我以為係炸（諗多左），有啲後悔無叫招牌咸肉米飯班主好夠運，叫海南雞飯，老闆整隻雞脾畀佢嘆，跟埋幾件豬紅，堅好食，雞滑飯香，$41蚊超值最後叫多個龍眼冰，足足有8粒龍眼，加9蚊叫足料特飲，一啲都唔貴。去開鯉魚門，順手去下哩間隱世小店支持下

每次去開東九龍都一定要來報到，係充滿童年回憶嘅地方。雖然呢間食店開業只係幾年，但住開藍田嘅朋友對佢一定唔陌生。佢嘅前身係响藍田地鐵站口嘅一間泰國菜館，我由小學食到中學，經歷咗佢幾次因租金太高而結業，更難忘嘅係每次結業前會約返一大班朋友去食，仲有街坊們都會排長龍去買招牌咸肉，然後會失落，然後再靜候佢再開業嘅消息。今次再回歸開咗响油塘一個小屋苑商場，初次嚟就唔算易搵。店面細咗，食物種類就改為主打粉麵，但都夠晒殺食啦呢次用餐時間係周末既下午，人唔算多， 坐响室內位， 大部份嚟嘅食客同我地一樣唔駛睇餐牌都識落單。平時我嘅必點之選係咸肉豬紅泰粉，咸肉出色唔駛介紹，反而佢嘅豬紅特別夠味好食就少啲人知喎！不過由於近期要戒口，所以就點左咸肉魚蛋泰喇，後來再望返餐牌先知原來魚蛋都係隱藏食品嚟有餸有粉有芽菜，有啲滷水汁要搞吓先好食。湯頭一定夠熱，咸肉如常極品，就算點咗湯都勁脆口，魚蛋又夠彈牙，基本上每次水準都好穩定泰國菜博大精深，以往係泰國食過好多都唔係呢啲料，湯頭又大多有內臟，反正我對最正宗嘅泰粉係冇咩概念，所以全球最好食我會揀呢間而且長大後仲能夠把最原始嘅童年味道分享俾喜歡嘅人，我食出嘅仲有一份感激嘅

或者之前既網友都介紹過呢間小店既由來，小妹都唔再長氣介紹！小妹於藍田讀書，從小喜歡呢度既泰粉，無論搬過幾多次我都不離不棄....雖然隔左一排先再搵返佢既蹤影，仲要不在藍田重開，而選擇於油塘低調改名營業，可見店主只想做好美食，名氣只是浮雲～塔塔子一坐底menu都唔洗望就識同店員落單必食招牌咸肉！外脆內香！配埋充滿黑椒味既厚身紮肉...睇返張相都想再食...再自行加上辣辣粉，實在滿足大大塊紮肉，好多片咸肉，好足料

在openrice見到呢間泰式店，睇相覺得幾ok，去郊遊前，特登黎呢度食個早餐。叫左一碗招牌咸肉，滷水鴨金邊粉，同一杯泰式咖啡。先講金邊粉，好食，咸肉好入味，價錢公道，份量好足。個皮都爽架。滷水鴨就嫌佢太多骨，無乜肉，但都有成五件，都好食～金邊粉爽口，唔錯泰式咖啡既咖啡味好濃，好味，不過我覺得太甜啦，如果少啲糖水會好飲好多。早餐時間都估唔到幾多人黎食😅我同樓面阿姐講，我專登過黎食架，佢聽到之後勁開心，話都幾多人特登黎食佢地既咸肉👍🏻

最近搬到油塘，查看openrice得悉有間泰式粉麵店，好奇下去睇睇！它位於油塘中心公園旁，店內盡是街坊光顧，聽他們講，呢間餐廳開左好耐好耐，好多搬走的老街坊都專門抽時間過來懷念懷念，我好喜歡小店，它們總有存在價值！價錢由$27起，一餸一粉任你叫，如果加多1餸加多$7，在平日6點前會送飲品，星期六日或平日6點後叫飲唔需半價，呢個街坊價都唔錯！在小店內，侍應同食客都好似識左好耐，沒說得上親切，但大家都有傾有講，似家的感覺！呢度佔有2間店，唔驚會冇位的。。。不過提一提，隨時需要搭檯架我地叫左招牌咸肉泰粉同泰式豬頸肉。。招牌咸肉泰粉：果然是招牌，咸肉炸得非常乾脆，浸係湯度唔會「淋」，咸咸地非常開胃，一碗仲有好多件添！粉量好足，泰粉幼細順滑，再配濃濃地湯底係夾的，如果是女生的話，一餸一粉已經好飽！泰式豬頸肉：非常驚喜的份量，五十多元大大份，見到都嚇親！豬頸肉燒到剛剛好，我地兩個都話好味！今次再來光顧這間小店，6點後明顯人流減少，可以坐耐d, 同朋友傾耐d，真好！

行完山到油塘，發現依間小店頗多人，便抱著試下心態。點知一試便愛上！我食的是雞腿（+$4）米線。雞腿又滑又不會太肥，仲有芽菜和豬紅。食到有脆脆的，相信是豬油渣。食得出湯底有雞湯和豬油。太好味，連湯都飲埋，之後無口渇喎！老公叫的咸肉鴨肉泰河，炸過的咸肉太太太好味！我會短時間再嚟幫襯！好掛住噢！下次再試其他食物，咸肉必食！P.s 食完先發現無影相

港式車仔麵相信大家都由細食到大架啦😂泰式車仔麵 吃貨你又食過未先😱 偽文青又周圍貢 搵野食🙆🏼去左油塘既 榶意泰式粉麵 食泰粉😍.今日偽文青大胃D上身 一個人點了三個菜：招牌咸肉 雞肉 雜薈 加泰式金邊粉 （$40）本身一個茶加粉麵送熱飲$28 （每加個菜加$6）都幾抵食👅咸肉 即係燒肉 脆卜卜 咸咸地 幾入味 而雞肉都有4大件 肥美 有肉 最正係雜薈 咩都有 有魚蛋 魚片 蝦卷 豆卜 魚皮 份量絕對吾少 食得飽👍🏻每碗都會附送荳菜同豬紅😊值得一讚 店舖姐姐知我第一次食 主動推介食咩菜 及教我可以加醬汁（自家製酸辣汁及魚露） 令泰麵更惹味 服務態度一流😄👍🏻👏🏻三個.店舖雖小 但都有好多熟客光顧😁 住油塘/喜歡食泰國菜的朋友 可以一試😜.原店 是藍田珍寶棧 藍田人回憶 快去回味💓

成日黎食嘅小店, 記得有次一瞓醒就搭地鐵過黎食其實如果要比較的話, 呢度嘅泰粉又唔係非常出色不過一講記泰粉, 就第一時間諗起 - 珍記珍記就係中學時期位於藍田舊區大排檔嘅泰國食店後期要重新規劃, 而搬到啟田道又名 - 珍味盞 (小菜粉麵乜都有)近幾年, 又移遷到油塘 - 現店。可惜而家只有簡單湯粉麵飯同幾款小食今日黎到, 心郁郁想食海南雞飯, 經過一輪爭扎, 都係食番泰粉我自己叫左鴨扎肉泰, 朋友叫左咸肉豬扒泰先上杯龍眼冰, 微甜, 好清新 (跟粉加$9)鴨扎肉泰一黎到見到得4件鴨肉, 有1件仲要係骨..有點失望因為之前黎食都有好幾件, 食得好滿足,但今次雖然數量少, 不過味道的確好有鴨味, 肉質實淨扎肉都係有4塊, 好重胡椒味,好鍾意豬紅都好入味 又唔鬆散湯底較清, 可以自行配上酸汁,辣椒碎, 魚露, 糖去調味泰粉就是金邊粉, 煮得剛剛好, 份量算多朋友嘅咸肉豬扒泰豬扒炸得唔夠乾身,又或者已經炸起放左一段時間豬扒被湯浸住, 一入口只食到炸粉, 口感一 pat pat, 香茅味完全消失咸肉今黎做得好乾好脆, 一定要浸湯一陣先可以食, 如果唔係會入口即碎蝦餅(小, $39/3件1開2)新