影片
中午行過好肚餓, 見佢唔係好貴就入去坐 … 入到去, 好迫 … 坐得好辛苦, 四人卡位真係可以坐4個完全唔識的人 嘢食 … 因為實在坐得太辛苦, 已經唔係太想食, 只好是旦叫碗牛腩面同奶茶, 碗面味道都唔算太差, 但亦唔可以話係好嗰隻囉, 填肚都還可以, 如果真係想食得開心就唔好入去啦, 至於杯奶茶 … 我寧願去飲珍珠奶茶好過
繼續閱讀
話說佢地午市開但只提供魚蛋粉, 去食見到牆上的照片好吸引,於是琴日的晚上去食小菜。人都幾多, 不過都有位, 搭檯。 點了:- xo 醬炒鵝腸- 炒聖子- 檸香牛仔骨d餸黎得好快...第 一樣 餸係xo 醬炒鵝腸..一上碟, 我同我朋友第一個反應係........係未黎錯??跟住睇番張圖....wa..都差幾遠..。張圖好有色, 個樣好有wok 氣。 但出黎係好淡色。味道都好淡, 完全食唔出xo 味。 d 鵝腸唔係新鮮, 又係個d "拿"" 過個d. 鵝腸無鵝腸味, 西芹無西芹味, 你話係咪出事!!! 最緊要...係第一口食落口..唔係食到鵝腸....係食到...沙...炒聖子 ----反而聖子本身好新鮮同肥美。真係食得出新鮮。可惜及無奈係依間鋪的通病就係係wok 氣...。雖然係新鮮但整體都係差d份量 ---- 初初叫2個餸因為得2 個人, 驚食唔哂。 但原來份量超少。(以價錢計) 真係有d過份。牛仔骨 ---叫做係最有wok 氣的一道菜...不過都係算把la題外話, 對面點了蠔餅...個賣相似中式吉烈...好明顯係炸唔係煎。仲要炸到硬CAKE CAKE 個隻.......見到都唔想食
繼續閱讀