樂園素食

營業中

休息中

正值八月十五中秋，同媽媽想試呢間好口碑的新派齋，我都知時間太趕十五訂位難，我前一日打去問，佢話6點果輪已full叫我8點後去應該不用點等位……結果，7點半去到，話要等多陣，我照攞了飛，D人出出入入，店員就叫晒訂咗位嘅入去先，即係有第2輪可訂位，但同我講吾駛訂，得我攞飛等（全晚冇人walk in🤔 ）……我等到八點十分左右入座……可能疫情過去，座位似坐番100%，座位同座位間好密……我地坐入面的路口位，食物集中放在餐廳一角落，款式都多，REFILL都算快，每個客人送一客鮑魚及燉湯....我食了3轉左右，食物味道都OK，鮑魚、刺身都造得幾似真，因為我地都算係第2輪，吾知係咪鋪頭趕收檔，食到21:15就催人埋單，根本吾足90分鐘，話收21:30，其實在8點幾時，我出去攞嘢食時都已見D阿姐好勤力在清潔，奇怪係用到清潔劑及布抹枱上裝住食的盤邊,,,,仍然有食物架喎，D清潔劑有冇彈到D食品真係吾敢肯定...呢度服務都OK，都企理乾淨，不過人太多感覺有點迫，樣樣搶咁...試過就算了,,,,

素食自助餐真係好吸引，可以揀自己鍾意食嘅，呢間已經食過幾次，環境幾靚，坐得舒服，座位都多。是日平日預先訂了座位，19:30，七位。平日人流唔算多。當齊人後，會送上冰鎮咕嚕肉及原盅燉湯，兩樣都好正。🌀頭盤見到有沙律區，什錦刺身，壽司，雞絲粉皮，炸物等等，好多款選擇，無論味道或者賣相像真度都好高。🌀熱食有炒飯，炒麵，燒賣，雲吞，水煮牛，關東煮🍢，薄餅🍕，菜蔬，薑醋蛋等等，不能盡錄。所有食物都保持水準。🌀甜品有糕點，蛋糕，中式糖水。🌀飲品羅漢果茶，絡神花茶，豆漿，咖啡，亦有中式老火湯。款式多而且晚餐無限時值得加分，可以無限時下，可以慢慢食，慢慢傾，我哋係傾到最後一刻先去結帳。

媽子鍾意食素 上網搵到附近一間睇落唔錯就試下一入門口媽子扭扭擰擰揀位坐🫠好在有位侍應先生不厭其煩推薦距離拎嘢食較近既位俾我地 服務即時加分🫶坐低之後即刻上個蟲草湯俾你飲 味道正常食物款項好多日式壽司又有 中式菜餚熱食 港式蜜汁叉燒 麻辣丸類等等 意外地連薑醋蛋都有圖中有三文魚刺身（似係蒟蒻做）素軟殼蟹（呢個好食，用菇做但又有軟殼蟹味）素炸蟹箝 餃子 炸香蕉糕 炸雲吞 海葡萄嘢飲都有4 5款揀我揀左洛神花檸茶媽子就揀豆漿糖水有南瓜雪耳 我試左芝麻糊超穊芝麻糊 入口又唔會好溜 不過一碗就夠環境方面，任食放題黎講算中上。小總結：每位唔洗200蚊，90分鐘任食好抵食物質素中上 CP值5星星😆

👯食素嘅朋友仔, 總會有三幾間素食店係可作回頭之選嘅😉🛍️今日銅鑼灣血拼後, 就帶咗我嚟呢間素食店, 吃放題晚餐🥰✨裝修雅緻配合柔和嘅燈光, 座位寬敞舒適, 有如繁忙鬧市中嘅清泉, 好有洗滌心靈嘅感覺🥰✨70多款多國菜任食 $178/位淨係喺門口睇到個食物海報, 非常吸睛, 已經被佢吸引咗, 以呢個價錢, 食一個放題晚餐, 都可算係貼地價🤩✨自助放題區, 食物擺放清晰整潔, 設有多款調味醬料, 沙律吧, 各式韓日式食品, 刺身,串燒, 熱盤, 甜品及飲品, 種類繁多, 各款美食, 仿真度超高😍✨冰鎮咕嚕肉, 外脆口, 包着內軟嘅軟滑雞髀菇, 酸甜醬汁味道恰到好處, 非常開胃😋✨是日原盅燉湯熱辣辣上枱已經聞到香氣, 湯料豐富, 圓肉、杞子、粟米、蟲草花, 菇菌, 香甜順喉🥰✨蠔皇素鮑魚擺盤上枱吸睛, 以蠔皇燜煮嘅素鮑魚口感軟腍夠惹味😋🥗沙律吧嘅蔬菜種類選擇超多, 蕃茄仔,紅菜頭,豆類及藜麥, 食材新鮮🤩✨前菜選擇, 我最喜歡係呢個“泰式鳳爪“, 像真度高之餘, 仲有Q彈口感👍🍗素雞腿, 全件係腐皮製, 外皮香脆, 裏面係軟腐皮, 好睇又好食💕✨最後梗係要食埋甜品作呢餐嘅完美句號啦！🥣熱食糖

越來越多人知道素食對於健康的好處，作為一個 食肉獸，素食對於我來說無疑是一道清泉， 絕對可以洗滌我的身和心。今晚靚女同事帶我去食素，令我認識到素食原來都可以那樣多元化和精彩，令我覺得原來唔食肉都可以好正。餐廳環境寬敞，乾淨整齊， 清雅脫俗， 店員服務態度良好， 令人身心放鬆。樂園素食90分鐘任食放題$170/位，包70款多國菜任食， 前菜每人奉送蠔皇素鮑魚，冰鎮咕嚕肉和原盅燉湯，好抵食呀!冰鎮咕嚕肉~外脆內軟，表面的脆漿炸得又薄又脆口，內面是軟滑的雞脾菇，酸甜汁做得十分出色， 酸酸甜甜好開胃， 無論味道和口感和真的冰鎮咕嚕肉相差無幾，很驚喜的一道前菜。蠔皇素鮑魚~ 仿真度十分高， 口感軟腍中帶彈性，以蠔油炆煮，很惹味。原盅燉湯~ 材料有羊肚菌，粟米，圓肉，蟲草花和杞子， 清甜滋潤，好舒服。放題區整齊有序，有Salad 吧, 刺身，日式食品，串燒吧，麻辣盪， 熱盤，飲品和甜品等， 種類相當豐富，無論賣相和味道也相當吸引。Salad bar~有沙律菜， 粟米，鷹嘴豆， 西瓜，火龍果，車厘茄 和菠蘿等，配以各式沙律醬，清新滋味。冷盤~有酸薑皮蛋， 麻醬粉皮，雜錦刺身(鮑片，魷魚，三文魚)，海

一直都想試呢間好耐，終於有機會食一開頭會送每人一個湯同咕嚕肉 呢兩個就冇得refill 但質素幾好 如果多人嘅話個冰鎮咕嚕肉仲會係一個大碟呈現出嚟，又會冒煙好打卡able跟住就到我哋自己出去拎嘢食嘅環節，好搞笑，佢有麻辣燙同蕃茄燙 個人比較鍾意蕃茄燙比較特別另外仲有壽司、炸物、甜品同嘢飲。嘢飲係自家製嘅茶。好鍾意佢嘅甜品係和果子 然後有時都會refill 啲pizza新鮮滾熱辣出爐如果鍾意食新式素食嘅朋友一定要嚟試下

講吓最近家人聚餐軼事，就是在母親節和家人吃午飯慶祝，一同吃素，是我哥挑的餐廳。自問不是素食達人，也沒有特別喜歡或討厭吃，間中來一餐，家人想吃就好了。現在素食餐廳開得如雨後春筍，素食自助餐比比皆是。我平時和家人吃飯，不論是任何菜式，點都要嗌兩碟菜。今次就可以毫無負擔，盡情吃個夠。母親節正日，午餐才 $108 加一，抵過飲茶，難怪很快就全場爆滿。入場的母親們，都可得到一個餐廳送上的福袋記念品呢！這餐廳有標示各項食物是否含蔥蒜 / 奶類 / 蛋類，方便茹素人士選擇：中午整體共有約 30-40 款食物，我當然沒辦法每樣都有吃，盡力分享啦！冷盤冷盤的沙律 bar，有各款新鮮蔬菜，個人推介「芥末蜜糖汁」dressing，作為前菜醒胃：冷盤當中有以日式系列作為主打，眼見都受食客歡迎，味道偏清、不油膩，也較健康。最受歡迎有「和風芝麻醬豆腐」，豆腐嫩，灑上芝麻醬，味道也沒有失手的理由：「昆布冷烏冬」，配類似天婦羅汁的湯汁沾來吃：「素手握壽司」有相當多選擇。我現在戒緊澱粉質，也沒多大興趣；為免造成浪費，全部都沒吃；就交給我的家人吃吧！「三文魚壽司」「吞拿魚壽司」「墨魚壽司」另外還有沒有上鏡的「西式蔬菜條」

8點前入座即刻便去攞嘢食，食品大部份都剩一半或三份一咁，而且選擇少，熱食都一兩款材料近似重覆……期間看見被蜂擁嘅糖水位。以為攞住一圈食下先，第二三次去見啲嘢食係沒更新過、最受歡迎嘅糖水亦沒見refill；果時先知其實成餐由頭到尾都係緊果啲；諗住食啲飯或麵算啦 但見到烘到乾無晒食欲。糖水個煲一早清光……一早就不再供應甜品 問個職員話已出咗2煲，我地客人唔知你出幾多煲第幾煲，同埋一係每個菜放個牌響到表示‘’完即止‘’囉…你自助餐做到咁一係企喺門口果2個職員 就理應提示番呢個鐘數入座嘅客人，一係就分多一個時段係供應缺乏同食餸尾咁，就會 生意好！！

今日下午與朋友去食Tea。 大概三點鐘左右, 啲嘢食都已經唔係好多 而且食物碟亦唔係每個位置到有 refill。 我朋友啱啱想食一道菜，佢就攞下面個碟。佢大概見到下面有 蝶形嘅嘢，佢就伸手落去攞。點知一攞就發覺隻碟反轉咗。佢輕輕提起個碟，原來嗰啲下面又冚住咗一啲食物。啲食物可能係職員特登收埋。咁我朋友咪咁返埋囉。點知有個 職員見到就喺度講 ：「有冇搞錯，點解有咁嘅人，明明隻碟反轉咗都去搞！！？」 我朋友當然好唔高興。其實當場仲有 一個著西裝嘅人喺度，佢應該係嗰邊嘅老闆或者主管一句聲都冇出過。其實，佢哋下面擺碟嗰個架好深，朋友真係睇唔到。同埋 如果係唔搞得嘅，就唔好擺嗰度！仲要當住咁多人面前笑我朋友。以後以後都唔會去！！！

相信即使未入場觀看 毒舌大狀 A Guilty Conscience 的朋友，都會對子華神在預告片中七情上面的“Everything is wrong”一句印象深刻。還好的是，在Everything is wrong的時候，生活中尚有一些值得我們說聲right的小確幸🥰， 樂園素食 Paradise Veggie 的美食😋便是其中之一。已經有一段時間未有在晚巿時段光顧，樂園推出了不少新食品🆕️。原本燒烤吧🔥位置變成了麻辣燙🌶和蕃茄關東煮🍅，兩者均味道濃郁。有幾濃？版主站在近廚房出餸位置影食物時，離遠都隱隱聞到麻辣味道🤤。把一眾食物在麻辣和蕃茄湯中浸一會，更為美味。如果要選較吸引的，版主覺得麻辣燙略勝一籌，辣味極吸引。此外，迷你荷葉飯☘️也是新食品，原隻荷葉飯放在盤中待大家挑選。待進食一刻才翻開荷葉，盡量保留荷葉清香。素燒賣也值得encore✖️2️⃣，燒賣足料，有冬菇粒，木耳絲，蘿蔔絲，喜歡味道清淡的可就咁吃，想惹味些的可添加醬汁。至於原有“骨幹”食品，如素叉燒，當然亦保持一貫水準。最後，提提大家🔈，現時至2月15日（暫定），4位或以上訂位光顧，可獲贈“毒舌大狀”戲票乙張。詳情請參考店方f

今日我同屋企人嚟呢度食,本身諗住自助餐應該好食,點知食完真係對呢間餐廳非常失望😩,啲主食全部都係麻麻,嘢食全部都好乾食落去分量都唔係好多,我啲屋企人食完個個都話呢間餐廳啲嘢食好差,我哋一世都唔會再嚟呢間餐廳度食❗😓

銅鑼灣這間素食自助餐原來好受歡迎，平日晚市都好熱鬧，第一次來吃晚市自助餐，食物選擇好多元化，每人有燉湯和素咕嚕肉送，每次行出去拎野食都揀得好開心呢！平日晚市HK$178+10%，銅鑼灣價錢應該差唔多。入面好大間，環境舒服座位亦闊落。仲有間大房可以搞聚會。食物選擇有七十幾款，壽司小菜之外有湯有翅有糖水，食極都食唔完。這個好像是新的麻辣燙，辣度一般般。壽司是店內很受歡迎的名物，我就鍾意食叉燒和薑醋蛋。晚市送前菜冰鎮咕嚕肉，盡快食到較吃到脆皮。另外每人有一盅燉湯，香濃好好飲。出去每個熱盤都拿一點，吃兩盤就開始飽了，這間有很多款綠色蔬菜很合我心意，有個砂鍋雲吞雞我也覺得蠻好吃。木瓜雪耳糖水清潤亦無太甜。

年初一好多餐廳都加價或者要加二服務費，呢間價錢公道，環境舒適，啱晒想食齋既人呀！ 食物款式非常多，有齋燒賣、一口蘿蔔糕、炸天婦羅、壽司、木瓜雪耳糖水、豆漿、花多眼亂既熟食，真係好吸引！ 佢地啲素餃子🥟都蒸得唔錯，皮薄饀靚好鍾意佢啲齋燒賣，入面有啲粉絲木耳之類，好爽口！仲試左地瓜芋圓球，唔太甜，芋頭味濃，正！春卷都好脆好好味呀😆 之後仲試左炒麵、煎年糕、炸香蕉等等，不過唔記得影相🤣炸香蕉好香！推薦👍🏻👍🏻 煎炸區食物款式非常多👍🏻👍🏻👍🏻

好耐無嚟食，難得經過，又想食Buffet 慶功，點知差到唔會再有下次。20:00 入座，唔提你21:00 Last Order 都算，就當我無問，但已經唔再Refill, 入到去壽司得返幾件，素刺身又無，只係得返熱食，而仲有大部分都係素肉炒菜，毫無特色朋友拎咗個類似咸水角嘅炸物，超難食，咬落去係香口膠味。仲有少少糖水，木瓜雪耳桃膠糖水明顯浸洗桃膠嘅功夫都做唔足，成兜都係桃膠黑色一點點。素翅基本上係食粉茨，同送嚟嘅素鮑魚一樣都係食咸茨，唔知食緊咩。Pizza 直程係燶到苦。收碟只係收咗一次，咁就收咗我$198 仲要加一，仲要唔Refill, 人地有咕嚕肉我地就咩都無，真心唔會再有下次。

今日系陪長輩👵們一天團，其實舖頭環境吾錯既，但放食飯位置太迫啦，的人👨‍👩‍👧‍👧一窩蜂湧出去拎嘢食，完全轉吾倒身，勁怕倒瀉🫗食物其實所有食物都好有水準，特別系的炸芋圓、春卷，芋泥餅等等有沙律🥗🥙菜，好新鮮，醬汁都有幾款有咖啡☕️不過就吾好抱太大期望😅， 仲有豆漿仲有甜品泡芙，中式糖水，我飲左碗木瓜雪耳😋起晒膠，正😄👍🙏但成個過程我只系不停地諗緊我要食肉肉🤣食完就系覺得好吾滿足甘囉