樂園素食

營業中

休息中

呢間餐廳位於銅鑼灣總統戲院對面，位置非常方便之餘，價錢又實惠，絕對推介俾想食素菜自助餐既朋友仔。適逢星期一同初一，當日開鋪5分鐘左右，入坐率已達三分之一，好快已經全場爆滿。所以如果大家真係想食，記得預先打電話訂枱。雖然人好多，但係食物refill得好快，職員都好爽手收碟執枱。午市自助餐食物非常之豐富，除咗經典嘅齋菜同飯麵之外，亦都有較具特色嘅壽司同天婦羅炸物，亦有非常新鮮既沙律吧。 飲品方面，除咗熱茶及豆漿外，亦都有羅漢果甘草水同洛神花檸檬水呢啲特色飲品，仲有即磨咖啡機☕。冷熱甜品亦都有四至五款，絕對可以滿足唔同朋友仔。係座位方面比較迫，同隔離枱既距離較近，亦唔係枱枱中間都有膠板阻隔。餐廳應該都有待本地旅行團，幾團幾團嘅人入嚟分開坐，又會用大聲公，所以有時都會幾嘈。但以呢一個價錢， 午市$88 75分鐘再加一，喺銅鑼灣鬧市嚟講，絕對CP值高。

星期六 午餐 $98 加一壽司味道好像真，而且冇左魚生嘅腥味同魚油的油膩感覺，所有壽司都好好味，全場最好食中華沙律比其他餐廳更入味，更好食豆漿味道好濃，感覺好高蛋白質，又不太甜，非常好飲，飲左3杯，搞到冇胃口食太多野，有小小失策🤣其他菜式都係正常餐廳水準

銅鑼灣有間素食自助餐好多選擇仲要食物質素好，坐下就各人有燉湯再有咕嚕肉好吸引，出面選擇由前菜到甜品至飲品都不少。試咗之後真心幾好食 @ 素朋友推介燉湯勁足料好鮮甜濃郁可能因加了腰果，一盆咕嚕肉好靚，食落好脆口素刺身好耐沒有食過而且在素自助餐都沒有見過。素壽司有驚喜，飯不會太硬身，配上刺身好味，豉油就偏咸咗少少。仲有前菜辣芽菜，中華沙律，木耳有素羹和素湯，我就要了後者，味道有點似清保涼感豆味十足好濃味，最後都飲了2碗。炸物小食差不多有10款多，吉列豬扒口感好似，素鵝和薄餅味道正常炒麵和飯我就覺炒麵好食仲可加辣椒醬仲惹味。餃子新鮮勁大粒。煎釀三寶好味，如豆豉再多點更惹味。素冬蔭公唔好似為淡淡的，沒想到幾辣同香，入面有素丸幾入味沒想到這裡有串燒仲要即整，我就要了燒菠蘿和羊肉，醬汁在前面選擇多，當然加了沙嗲醬加羊肉一齊食更好甜品 : 炸香蕉好特別口感有點似香蕉糕，中式糕點，泡芙，朱古力布朗尼我推介夠濃味又不甜。綠豆沙足料不太甜幾清，木瓜雪耳幾清甜。出面仲可取菜沙律和生果哈蜜瓜飲品好似都有6款左右，我飲了洛神花不甜好濃味，咖啡可選黑咖啡同鮮奶咖啡。價錢$178加一坐得舒服，食90岩岩好

好少食齋 見有自助餐好抵咁就嚟試下真係好新奇 好多款式出面都無食過質素都非常唔錯 有幾樣都encore例如素鵝 pizza 煎釀三寶 叉燒仲要每人有隻鮑魚同燉湯 可以一試！！

近年茹素嘅朋友仔越來越多😙佢哋都不約而同提過出邊食肆嘅選擇唔多😌所以今日就嚟介紹下呢間素食者「樂園」，位處銅鑼灣核心地帶👍🏻素食自助餐水準口碑兼具🥺主打明爐素叉燒、厚切刺身，加上種類繁多嘅主題熱盤，多達70款多國菜式，梗有一款吸引到你☺️入到餐廳感覺光猛闊落😗用餐環境清雅舒適。放置食物嘅區域通道容許三個人平排而過，成個用餐體驗俐落大方😜傳統素食嘅選擇必不可少，以下想特別推介吓我哋試過覺得唔錯嘅新派素食🤩🤩🥢蠔皇素鮑魚鮑魚以前菜方式送上☺️選擇好自己鍾意嘅主菜之後，埋位就可以享受到成枱美食😝鮑魚口感同菇菌類相似，比較爽口😙芡汁濃稠容易做到掛汁效果😋🥢明爐素叉燒、酥炸豬扒餐廳致力將素食材料，雕琢成唔同精美菜式😎好似明爐素叉燒，外皮真係經過火炙😚焦脆外皮、蜜味豉油汁嘅素肉😌味道媲美港式傳統叉燒，真係令人喜出望外🤩日式豬扒以沙律醬點綴，素肉口感煙韌，仲食到滲出嘅肉汁。大改我對素食嘅印象🥳🥢壽司、魚生卷物以蒟蒻作為主要材料😙模擬出鮑片、三文魚、吞拿魚等雜錦刺身☺️其中鮑片魚生壽司煙韌彈牙，口感出色😗😝👍🏻👍🏻

難得出到黎銅鑼灣緊係要搵吓有乜好食啦～見呢間素食好評咁多，就去左試吓一入到去，燈光光猛，成個環境好舒適乾淨～雖然係下午茶時段，客人都非常多，差唔多滿座！野食種類好豐富，多到好似酒店自助餐咁！第一眼已經比d齋壽司吸引住，個樣真係好真，特別係三文魚同魷魚！食落口感好似啫喱，味道偏淡呢度嘅炸物有好多款，例如有炸香蕉，南瓜餅，春卷，煎堆仔，炸茄子，款款都好香脆，好食！小食方面，我最鍾意咖哩魚蛋，因為口感好彈牙，好似真魚蛋～而薑醋蛋睇隻色都知夠哂入味！同埋呢度竟然有手抓餅，日式烏冬，同綠茶煎餅，呢 d喺其他素食任食餐廳都好少見～其他小食例如蒸餃，腸粉都好好食嫁～食完仲唔夠飽都唔緊要，呢度仲有主食比你食，例如炒飯，炒麵，韓式粉絲～最令我驚訝係呢度連甜品都有！款式、味道都完全唔 hea，布朗尼，椰汁糕味道夠哂濃，冇偷工減料，想食中式就有超足料嘅雪耳糖水～飲品選擇都好多，有羅漢果茶，豆漿，檸檬洛神花茶，咖啡～

銅鑼灣有間好大嘅素食餐廳，夜晚仲會提供自助餐🤩餐廳喺市中心，位置方便，空間好大，座位又多又寬躺，自助餐區，有沙律、炸物、熱盤、湯品、甜品、仲有即燒即食串燒🍢😍😍另外每枱都會有燉湯及冰鎮咕嚕肉🤩，按人頭定份量，呢個絕對要食，咕嚕肉外層脆卜卜，入口冰涼🧊，裡面肉質軟嫩，醬汁酸酸甜甜，激刺味蕾💥燉湯材料滿滿，飲完好暖胃😌首先試即燒即食串燒，有燒燈籠椒🫑素牛肉、燒素雞肉、菠蘿🍍、仲有日式章魚燒🐙 ， 熱辣辣🔥好香口冷盤有素日式什綿刺身、壽司卷物、中華沙律、蔬果沙律🥗、素雞絲粉皮、阿婆皮蛋等炸物有南瓜餅、炸香蕉🍌、綠豆餅、燈影紅菜頭、秋葵天婦羅等～～好多都係我第一次食😋熱盤有蟹肉冬茸羹、沙嗲金菇卷、南乳花生蓮藕、梅花茄子肉絲🍆、七彩火龍炒牛肉、仲有泰式🇹🇭海鮮冬蔭功、明爐素叉燒、泰式酸辣XO醬野菜pizza 😍😍😍😍😍😍來來回回食好多轉都唔膩🥰

其實大胃已經好耐冇食一般嘅自助餐同放題，次次食完都飽到充滿對身體嘅罪惡感，但近來食咗幾次素自助餐，普遍質素穩陣過一般自助餐銅鑼灣有間素食餐廳，空間闊落，只係位置比其他餐廳較入，唔多人發現幫襯佢地嘅晚市任食，有送冰鎮咕嚕肉同原盅燉湯神還原肉味不突止，仲要冇咁油膩，口感更脆𠻹一嚟就比佢地嘅冷盤吸引到，好多靚仔刺身，質感比真魚肉更彈牙壽司都好出色，唔會覺得掗胃，醋飯好開胃小食都好多選擇，有好多炸物同熱食，雞翼、叉燒通通都整到好傳神。炸雲吞、炸紅菜頭片、南瓜餅味道好好，炸得又脆Pizza口感好豐富，而且冇坊間pizza咁膩有兩行都係放置林林總總嘅中菜，麵、飯、蔬菜、仿肉樣樣都有刁鑽到肥肉都扮到出嚟，太神奇喇！蔬菜常綠，新鮮夠爽脆湯水都有幾款，有糖水、湯羹，就連薑醋都有，雖然冇豬腳，但木耳同雞蛋都夠晒補飲品有好多款自製款式，有豆漿，亦有一啲涼茶、檸檬水等等，好過飲現成包裝飲品甜品都有幾款，中式糕點、炸香蕉、泡芙、brownie等等，品質都ok，食完會要encore

日日食咁多肉，間中都想食下素食😌 今日帶咗爸爸嚟呢間主打素食自助餐嘅樂園素食，呢度地方好大好闊落，食物選擇好多，而且味道都非常唔錯👍值得一試🫶🏻 爸爸食到捧住個肚走🤣 呢日係初一，所以全場爆滿，提提大家如果要食記得提早訂位啦🙂 💁🏻‍♀️晚市每位$178 （90mins)🌟冰鎮咕嚕肉一入坐喺職員就會每枱送上一大盆冰鎮咕嚕肉😎賣相一流味道都仲好好添🤩 因為冰鎮，所以食落係脆皮嘅，素咕嚕肉無論味道口感定係賣相都同真嘅肉有八九分相似，好正🫶🏻🌟素菇粟米燉湯🌽呢個又係每人限定一客，好清甜🤩🤩 有菇同粟米嘅甜味，原來好味嘅湯唔使一定要加肉去煲，用素嘅材料一樣可以做出一煲靚嘅湯🫶🏻🌟自助區自助區嘅食物款式勁多🤩 有各款粉麵飯🍜炸物；串燒吧；各款炒菜🥬🥦🥕特色素菜、壽司🍣，素刺身，咖喱🍛； 甜品🍮 等等，真係中、西、日、印咩款式都有🤩 飲品🥤素湯🥣 都有好多款👏👏 其中我最鍾意嘅係素pizza🍕同埋炸紅菜頭薄片😍 素pizza口感一流，好有誠意🫶🏻 炸紅菜頭片甜甜地又香又薄又脆，好似食緊薯片咁，不知不覺食咗好多😆

父母年紀開始大，又想帶佢地食buffet。素食自🥗🥗助餐可以話係一個好嘅選擇。睇左幾間決定帶佢地嚟試下呢間樂園素食。相當有驚喜。首先食物種類選擇可以話勁多🥦🥬🥒🌽🥕。熱食呢啲基本野當然一定有啦。我自己最驚喜嘅係佢竟然有刺身食🍣🍣。而且以味道同質感嚟講可以話係同真嘅刺身一樣。壽司種類🍣🍣都好多。按人頭會上冰鎮咕嚕肉🧊🧊，而且按人頭一人一盅湯🍲🍲。湯非常清甜。好岩夏天飲☀️☀️。咕嚕肉甚至比真正嘅咕嚕肉更香脆可口。我自己覺得呢間餐廳環境非常舒適。而且乾淨夠光猛✨✨。亦都見唔少人一個人嚟食。可見佢嘅吸引之處。

唔嚟過都唔知道，原來而家嘅素食選擇真係花多眼亂😍😍，而且可以以假亂真🤔，唔講唔會知道自己原來係食緊素食🥗而唔係肉食🍗🍗。餐廳選擇勁多，熱食類🥘，刺身類，壽司類🍣，串燒類🍢，沙律吧🥗。淨係每樣食物試一舊，都足以令你捧住個肚埋單🧾。我自己好欣賞佢刺身類。自助吧企理乾淨✨✨。就算人多都唔會迫。咖啡機☕️☕️更有多種咖啡選擇。岩晒我呢個咖啡控😍最驚喜係pizza🍕。佢用料勁豐富，而且味道亦不比其他pizza🍕🍕失色。晚市嚟講。呢個地段，食物種類嘅選擇。真心可以再試。

呢間隱世素食店係銅鑼灣區既美食遺珠，因為係Tower 535地庫，所以曝光率唔高📸都係之前屋企人趁佢做緊85折優惠果陣試過之後大讚，樂園素食係一間素食自助餐😉裝修偏西式cafe淡雅風，以白色為主調，加上牆身大自然風既壁畫令人感覺舒適晚市每位唔洗$200就有得食哂幾多款式既素食料理😚仲會送冰鎮咕嚕肉同埋原盅燉湯，返到位已經見到送既咕嚕肉🧊食落酸甜恰到好處幾開胃，外層香脆。原盅燉湯有一股清甜，好多菇菌同粟米令味道更順喉😝出面自助區勁多野食😍有日式既素壽司刺身，炸物方面有素雞脾同炸豬扒，都係唔太油同幾香脆，Pizza既餅底夠薄脆，上面素芝士仲係由素食達人出品，食落好香🧀熟食方面都有十幾款，飽肚既有咖哩炒飯、炒麵同炒烏冬🍝味道幾惹味，忍唔住夾咗半碟。其他仲有炒素牛肉同素魚片，不過金菇肥牛卷就一般最欣賞係一個即燒串燒吧係度🔥聞住火香好誘人，有燒菠蘿、青椒素牛肉、素芝士腸同埋素章魚燒，誠意十足飲品有3款熱飲好似羅漢果水同洛神花茶🥛凍飲有豆漿，湯品同糖水都有火喉入味

戒掉左好多肉十幾年，而家只係食豬同某啲海鮮🦞，朋友知我生日唔想殺生，就帶左我黎試下呢間素食樂園自助餐試下。入到去裝修幾好，有啲飯堂返學既感覺🎒。一坐低職員比左人頭份量既湯，鮑魚我地，湯好香粟米🌽味，鮑魚口感好似。出到去自助吧，估唔到都好多野食，我個朋友攞左牛肉比我食，一食落去又真係有當年食牛肉既口感 🐄。最估唔到既係有刺身食🐠🐟🍣🍱，以為會好假啦，點知係超級好食，勁真，個鮑片定象拔蚌整到勁似😋差啲想問職員係點樣整出黎🤭本人大愛紅菜頭片，個燈影紅菜頭有小小似拔絲紅菜頭，脆脆地，我食左成碟😜四季豆，麻辣西瓜🍉，酸蘿蔔，燒菠蘿🍍，XO醬蘿蔔糕，呢啲都係我大愛 🫀。仲有d甜品都勁正 好高質❤️作為一個冇食好多肉既人黎講，呢餐係可以令到自己回味返食肉既感覺，建議想開始素食既朋友，可以試下多啲黎呢類餐廳，習慣下冇肉到肚既生理反應，但同時唔需要食大量菜覺得好辛苦🧘🏻

樂園素食 大人細路都岩食最近食得咁多肉，有晚同朋友晚飯時間係銅鑼灣洗流連，突然發現到間素食自助餐廳，見到都幾多人食就決定試下～一入座店家就送上左一個素鮑魚同燉湯，素鮑魚味道同口感驚喜地都同真鮑魚好似，燉湯十分足料！自助區食物選擇包羅萬有，有壽司，串燒，沙律，熟食同甜品，而我最驚喜嘅係竟然有素刺身，無論外表口感味道都好似！熟食方面我最中意素吉列豬扒同明爐素叉燒，朋友同我都覺得好似食緊肉咁！飲品方面都有好多選擇，豆腐豆香濃郁，唔會太甜，洛神花檸檬水熱飲酸酸甜甜好開胃！甜品方面最出色我覺得係桃膠雪耳木瓜糖水同海帶綠豆沙，桃膠雪耳木瓜糖水誠意滿分，超多桃膠，貪靚嘅我真係要食多兩碗！綠豆沙煮得夠沙，唔會太甜，食多兩碗都唔會有罪惡感！另外都有啲特別嘅創意小食，例如燈影紅菜頭同辣汁西瓜，兩款都各有特色，可以食得出師傅嘅用心。樂園素食係間無論係素食者定食肉獸都可以大快朵頤嘅自助餐廳，推薦大家點都要去試吓！

朋友初一、十五都食素，佢話最近發現咗一個有素菜自助餐提供嘅地方，要帶我去試吓。素菜自助餐？真係第一次聽！我充滿好奇咁同朋友一齊去食。「樂園素食」喺銅鑼灣SOGO後面，世貿中心旁邊，地點方便。餐廳裝修簡潔明亮，座位闊落，出出入入去攞食物都唔會碰到旁邊嘅客人。坐低之後，店員首先送上一盅滋補嘅「猴頭菇蟲草花粟米腰果湯」俾我哋。跟住就有一大盤「冰鎮咕嚕肉」。「冰鎮咕嚕肉」嘅賣相同真係豬肉整嘅咕嚕肉一模一樣。醬汁酸酸甜甜，外皮冰鎮住，脆卜卜，入面係鮮甜嘅雞髀菇，我覺得仲好食過有肉嘅咕嚕肉！食物種類繁多，差唔多有70款，令我完全意想不到！魚生、壽司、沙律、串燒、章魚燒、熱熏、湯、甜品同飲料，包羅萬有！魚生區有比較少見嘅沖繩特產，海葡萄。壽司當中，我最鍾意食一款「芝士加州卷」。卷入面有青瓜、蟹柳同醃蘿蔔，上面鋪咗一片溶芝士，口感豐富。串燒及章魚燒係有師傅即場燒烤，夠晒新鮮惹味。醬汁嘅種類應有盡有，可以自行調配出個人喜好嘅味道。必食嘅係「明爐素叉燒」，外表同燒味舖嘅叉燒一樣，仲有焦香嘅燶邊，食落腐皮軟滑，美味可口。Pizza 亦餡料十足，有蕃茄、西蘭花、彩椒、素食牛肉及芝士，極佳口感。另一特別嘅菜式係