樂園魚旦專家 (好運中心)

營業中

休息中

好運中心翻新後，多咗好多餐廳，靚仔咗好多。今日放工經過就去咗食樂園，係幾高質。豬手麵- 豬手超淋，超入味，仲有2大舊，好夠食- 個湯好濃，一啲都唔淡，係落足料煲嘅味道- 辣椒油本身落少少都已經好夠辣，而且佢好香口，自家製自家炒嘅味道。牛丸河- 一碗有4粒，一咬就好香牛味，仲有少少牛嘅汁，牛香味好濃。- 牛丸都好彈牙，一啲都唔淋唔梅，好好咬口。樂園仲有出手工餃，仲可以喺超市買，現場都買咗幾隻返屋企慢慢淥嚟食！

由細到大都聽過，食過樂園 。唔係係唔係同一間 。今日行去好運中心見開咗好多新食肆，見到樂園，食牛腩牛雜的 。餐牌同旺角阿旨老街那間一樣，咁應該唔會太差 。點了個牛雜米加個$18的炸魚皮 。牛雜很香有牛味，份量都不少 。炸魚皮很大片，有五至六片的 。整體牛雜味道不錯，米粉份量足 。加埋炸魚真的飽到上心口 。食的中途聽到有食客點了崩砂腩，下次一定要試 。在新城市中心周邊，很難找到不用$40的一碗麵，相信這間樂園將會成為我的飯堂了 。

沙田真係好多配套，平時都好喜歡去行街，周圍又多野食，吾同嘅食物都有，今日想食下粉麵，呢間樂園魚旦專家係好運中心，好方便，經過就入去啦。嗌左双拼牛腩河加墨魚丸，同我朋友就牛雜河加牛丸，凍檸茶。吾洗好耐就上碟啦，大大碗，熱辣辣，牛腩半肥瘦好食，墨魚丸同牛丸都好彈牙，而且新鮮有鮮味，牛雜都很乾淨，牛肚爽口，牛腸又嫩淋，好食丫，間吾中食下真係好滋味，加埋辣汁更加惹味。整體都覺得幾好，地方整潔，店員服務好，價錢合理，食物美味，推介。

近日工作繁忙， 下班時 太過疲累，於是去到位於沙田好運中心的樂園魚旦專家，簡單吃碗粉麵作晚餐。沙田好運中心仍在裝修之中，不過商場已有不少新店進駐，樂園魚旦專家為其中一間新店。除了粉麵餐廳，還提供飯食，適合不同需要。這一碗是墨魚丸河粉加紫菜。 墨魚丸口感彈牙，而且帶著墨魚香氣，非常吸引，值得推介。河粉份量適中， 加配紫菜，豐富口感以及營養。飲品是凍檸樂，可樂是罐裝，質量有保證。家人就選了水餃麵。水餃有三隻，味道香而有口感，荀與黑木耳脆口，十分可口。麵質彈牙而且不覺鹼水味。家人飲品選了熱鴛鴦奶茶，奶茶味香濃，咖啡味滲透其中成為絕配，真的是醒神之選。

樂園魚旦終於開到嚟沙田啦！之前喺其他區食過都覺得好好味，但沙田一直冇分店，而家開咗就可以成日去 👏🏻 當晚去到已經好多街坊幫襯，所以我哋買咗外賣🌟金牌牛三寶河粉 $63牛三寶果魚係招牌，牛肚彈牙得來軟綿綿、牛腩肉質淋又重肉味、牛筋都煮到好淋好有膠質，三樣餸吸收左牛骨湯底既味道更鮮甜🌟崩沙牛腩幼麵 $63食牛腩識食一定係崩沙腩，係牛既橫隔膜位，肉質軟淋又香牛味，$63冇諗過竟然份量咁多，真係要多多幫襯支持🌟豆漿 $8/枝枝裝豆漿跟餐$8/枝幾抵，唔會太甜好香豆味

好運呢邊翻新左多左好多餐廳，沙田友真係好開心，而且終於有間平平地既魚旦粉麵。呢間樂園魚旦專家幾時經過都咁多人，最平$36有一碗單餸的粉麵！講真可以30幾蚊食碗粉快快手醫肚的地方真係無乜。呢晚唔想煮就落左黎買外賣返去食，要左一碗金牌牛三寶幼麵、一碗樂園四寶丸米線。牛三寶有牛腩牛肚牛筋，份量好多，夾夾埋埋都有十幾舊，好足料！炆得幾入味，牛肚好淋，牛腩又唔會韌。幼麵幾爽口，外賣返上黎都唔會淋晒。樂園四寶丸就有墨魚丸、魚蛋、黃金片頭、魚餃，啲丸都好大粒，魚蛋好彈牙，應該都係新鮮整，一啲雪味都無。跟麵可以加$8加埋野飲，價錢咁抵，真係會成日黎食。樂園魚旦專家沙田橫壆街1-15號好運中心3樓3114號舖

今日出咗沙田，同朋友去咗好運中心新開張嘅樂園魚旦專家食午餐。下午1:45去到，店舖已經坐滿人，裡面主要有圓枱同四人枱，大概有十幾張枱，可以容納唔少人。樂園魚旦專家有粉麵同飯可以點，而最出名係魚旦同牛腩，我地點咗一碗金牌牛三寶、一碗樂園四寶丸同2杯凍檸茶。金牌牛三寶 米線牛三寶有牛腩、牛筋同牛肚。牛腩同牛筋煮得夠腍，牛筋一夾就斷，食落好腍，牛肚食落有嚼勁。整碗米線仲加咗牛腩汁，夠入味，好食。樂園四寶丸 河粉四寶丸有魚蛋、魚餃、黃金片頭同肉丸。魚蛋好彈牙，河粉份量都好多，食得夠飽肚。每張枱都有醋同辣椒醬，食粉麵必加辣椒醬，好惹味。整體黎講，樂園魚旦專家性格比高，推薦魚旦同牛腩。

樂園魚旦係其他分店都食過幾次，印象都唔錯嘅，見佢係好運中心開咗新分店都幾期待😚當然要一試啦今次叫咗牛腩飯同雲吞粗，再加咗份魚皮牛腩無論賣相、肉質定味道都非常好👍🏻美中不足嘅係腩汁唔夠濃，所以撈飯稍嫌差啲啲，唔知係咪呢啲腩汁都係要儲一段時間先夠味嘅呢，可能新店未夠日子哈哈跟飯送嘅紫菜湯，夠香紫菜夠滑唔味精，都幾好不過碗雲吞粗就真係有啲失望喇，雲吞正常冇特別，但係粗麵同湯底都好大陣梘水味，食咗一半就唔想食喇🥲希望之後有進步啦