樂廚 (已結業)

今日一個人嚟到新蒲崗，唔熟呢頭，隨意揾餐廳食。見呢間喺Mikiki對面，門面又有啲休閒feel，就你啦！入面有木紋枱，都係休閒feel嘅，不過午飯時間無可避免係多人，喺香港，"多人=嘈"是常識吧。叫咗個芝士漢堡飯，菌汁，熱柚子蜜。跟餐湯，今日餐湯係洋蔥湯，好味，仲有個香草包，勁香及鬆軟。至於個飯就一般，菌汁唔夠濃，塊漢堡比較乾，飯就正常偏腍。嘢飲無咩特別，特別在個貓貓杯，好似浸緊浴咁，夠萌！服務態度就好好嘅！抵讚👍

放假想揾個地方慢慢嘆早餐，11點來到仲有就叫左個set加杯咖啡，野食好食，配撘得好好，我同友人都好鍾意杯咖啡，唔太苦又有奶香，食完心情都好好，地方雖然唔大但環境都幾舒服，室外都有小小位置，狗狗friendly既cafe,支持

今天同女朋友去新蒲崗，去左一間叫「Happy Kitchen-樂㕑」，見到個店舖名已經好開心，入面有一幅得意貓貓畫，還有一幅狗狗畫，非常有特色，見到都令人好開心。我叫左「豬骨濃湯雞扒日式拉麵」，拉麵真的非常彈牙，超正，配一杯熱檸蜜。另外叫左「樂廚公司三文治」，配一杯特色橙汁，三文治好香脆，又多料，真的好好味。這裡上載相上facebook like & share ，便可以獲得一球雪糕，真的好開心。而且這間食店的侍應真的非常有禮貌，食完真係令人好開心，果然係「Happy Kitchen」。

我地係住喺新蒲崗, 餐廳實在好多, 有一日LUNCH唻樂廚試左一次, 發覺係家庭式小店, 鋪入面環境比想像中大, 都好光猛舒服。我同老公分別叫左ALL DAY BREAKFAST同一個牛肉漢堡芝士汁飯, 因為一週年仲有沙律或者湯送。兩份主菜的分量都唔細, 同埋有心機。好似份早餐的炒蛋, 係好滑唔求其。個飯的芝士汁亦同漢堡好夾, 幾特別, 自己落左D黑椒感覺更正~果日食完先見到有心太軟, 但太飽食唔落。於是早幾日再去試, 主菜叫左一飯一海鮮意粉, 個海鮮意粉有幾隻蟶子肉~~好驚喜!!同埋蝦都唔係雪, 有鮮味。心太軟連埋雪糕，好濃好好食, 老公都讚不絕口。而服務係親切但唔會令你煩果隻。加油呀, 有心的小店!

我非常鐘意新蒲崗呢個區分，看似好難去，但其實識得去係好易去的很多食店價錢便宜，不論是食店還是買日用品，都比其他地區平，真的很好！其實現在的新蒲崗已經跟10年前不同，因為多咗大型屋苑及商場之後，亦多咗好多食店，今次這間也是第一次試，想找一間坐得舒適的舖，這間價錢也不貴，仲要有一週年優惠，一於試下！叫咗一份丹麥豬扒配芝士汁飯，豬扒超好味，有汁入味！芝士汁就淡咗少少。另一個係墨魚汁意粉，墨魚汁係 lim 住晒d意粉，出面食過都係好「希」的！真係真才實料！之前也有湯及飽，也不錯！只是那杯餐飲，真是有點遜色！咖啡及朱古力好淡，其實可以唔洗沖咁大杯會好點，但那隻貓貓杯好靚呢！這些小店一定要多多支持！

服務態度很好有禮，環境又好坐得舒服，最緊要食材新鮮好味，看得出用心製作！我會介紹比身邊的朋友和會再去試其他菜色，無諗看似平凡的店面，食物品質咁好！大家都去試吓！

平日放假schedule排到密麻麻，食個"早晨全餐"叉足電先。 第一眼望呢間既陳設比人感覺令好放鬆同埋近巴士站（方便）。呢間即叫即做，呢D製作值得等。重有杯中貓咪浸著紅棗茶好Hea咁等。~ 正叫左: 鮮奶炒滑蛋，洋蔥炒什菌，牛油栗米，田園沙律，魚柳洋蔥（好甜，軟身，好食）鮮奶炒滑蛋（堅滑）炸魚柳（好脆，唔油）飲品: 紅棗茶 （甜度剛剛好，唔太甜，重點唔使額外加錢都有得揀）

餐廳在譽港灣對面，鋪面不太大，但坐得也不算太挤。週日两點到，不用等位。服務員見到有小朋友，便主動問是否要小朋友餐具。上菜時也會迁就小朋友的位置，以防萬一，這一點很貼心。收拾吃完的碗碟也很快，不是為趕客，而是令桌面可以有更多空間，证明服務及時到位。點了炸魚薯角，溫泉蛋天使麵和煎雞扒飯。炸魚外脆內嫩，薯角是用原条薯仔，而不是薯粉。天使麵賣相不算驚艳，但味道剛好，只是我個人覺得麵質太軟。雞扒肉嫩多汁，飯则是用了日本米，只是肉的份量不多。埋單357元，不算太貴。

今早，有啲嘢要去新浦崗搞，因利乘便，梗係要去樂廚歎個午餐啦！全日早餐，大大份，78蚊，有半個蕃茄、松露炒滑蛋、長香腸（真係成呎長）、煙三文魚沙律、粟米粒、麵包，用料不錯，好飽；太太要咗個咖哩吉列豬排蛋飯，豬排大大件，炸得好靚、又唔油，咖哩好味，兩隻蛋，仲係用珍珠米，唔使70蚊，正！店鋪不太大，但干淨企理，坐得舒服，員工有禮，食物有水準，中午前用餐，清清靜靜，仲可以同店員、店主打吓牙骹！因為掛住傾偈、食嘢，都忘記影相添！

好友是日放假，約了朋友夜晚往鑽石山睇戲，路經這裏約我TEA 一TEA佢打俾我時，話已經坐左在餐廳了也好，反正我也未試過這家餐廳牆身放了 貓 狗 圖案的POSTER，甚有生氣點了一份TEA SET 及一份炸薯角 兩個女生SHARE 剛剛好!炸薯角薯角炸得稍為油了一點，不夠脆口，可能油溫差少少調味做得不錯，微鹹即可窩夫配雪糕球窩夫以簡單的焦糖漿調味，上面灑了糖霜雪糕球可自選口味，我們選了比較日系的綠茶味 及較少見的 柚子味窩夫是薄身款，質地較實淨乾身蛋香味比較薄弱吃時沾上雪糕 入口會較為濕潤綠茶雪糕 欠缺了綠茶獨有的甘苦，不過不失最為驚喜的是柚子雪糕一入口便感受到柚子的清新香味，與奶香比例得宜中間也混和了不少蜜漬柚子皮，甚有咬口店員好像說是自家製我也確信，因為坊間甚少有其他食店有這麼足料的雪糕由於LIKE了店舖的專頁可多獲贈一球雪糕所以ENCORE了柚子雪糕我就是這樣，好味的東西是不會食厭的最驚喜的不單是柚子雪糕還有這杯的小貓，讓人會心微笑不過攪拌時好擔心會整爛隻貓囉~~~哈哈

之前這間店要約11時才開店，今天9時看見已開鋪，所以便進來吃個早餐。平時行開也沒什麼人，但原來早餐時段很多客人。早餐選了一個魚柳+雞扒+公仔麵+餐飲。公仔麵標明用日本公仔麵，餐飲的杯有特色店鋪以cat & dog為主題。杯子也有Q版的貓圖案，家人的杯更有立體貓貓在杯底。很多地方也能見到店主花了心機，＄38的早餐有魚柳、有雞扒，雖然份量不多，但有兩種扒可選擇，也很抵食。家人唯一的不滿是餐飲不包括咖啡覺得有點奇怪如果要飲咖啡要另加＄12

清明節&兒童節那天, 漫無目的只為醫肚, 找到一間這間小店, 店員很有禮貌, 入到去已經是下午茶時間,  選擇款式十分多, 而價錢都吸引, 叫左2個SET下午茶來吃, 其中"公司三文治+薯角+沙律+COFFEE", 發現沙律汁好特別, 另外一款"窩夫+雪糕+COFFEE", 而雪糕味道都好有驚喜於是問店員這兩款是什麼來的? 原來是自家製作, 怪不得跟出邊吃不一樣吧!老闆說這店開了只有幾個月, 人流不多, 不過都做了很多不同款式給客人選擇!只可以說這餐感受是用心經營的小店, 努力呀!!

今天抱著漫目無的心情去行譽港灣，差不多落車時係小巴上見到商場對面有間好寫意嘅餐廳，咁不妨一試啦！餐廳兩點後已經有下午茶餐供應，，有小食配田園沙律系列，有豬骨拉麵系列和有小食供應，見有少少肚餓，叫咗個炸雞扒日式拉麵醫肚，其實客人不多，但等食時間比較耐，可能肚餓啦！餐廳會將炸雞扒同拉麵分開上，雞扒炸得都幾脆囗，湯底幾口，不會太油，麵底又不會太淋，我反而最欣賞係湯底內的粟米粒，好甜！餐廳個環境真的好舒服，好有放假feel!

上次同契女來過佢話要Encore。 同上次一樣點左家姐話好味嘅咖哩豬扒飯（D豬扒炸到外脆內軟，用嘅又系珍珠米😋），卡邦尼意粉，雞肉三明治（阿妹嘅👶🏻）。店主好細心，先送左杯喱哩比小朋友，等佢地可以坐定定等主菜👍。 最後Order左杯士多啤梨特飲，意外地好飲（來到時買相不錯，所以小朋友急不及待搶了來飲，來不及相機食先....哈哈

隨著不少工廈改建成商廈，與及mikiki及樓上的譽港灣的落成，新蒲崗變天了。附近慢慢開了（也「摺」了😅）不少西餐小舖及cafe。今次試新～Happy Kitchen 樂廚。餐廳舖位前身也是cafe/restaurant ~ Delights 與其隔壁的Noble （現變了地產鋪！）， 皆是「摺了」的代表。樂廚最有趣的地方，是它店面沒有招牌，連店內甚至餐牌也沒有，很神祕啊～他們的午餐價錢大概為$60+至＄70+ 一份 （只包熱飲，其他要upgrade），是同區cafe午餐的「通常」價。但加湯及麵包，要多加$15，一加起來，便比同區的貴了 15-25% 。是次午餐點選了三色椒蜆肉意粉及芝士牛肉茄汁蛋飯。以西餐cafe標準來說，他們的意粉做得太淋了，完全沒有al dente 的感覺，就連附近得成H冰室也做得比他們好，是完全不合格的！三色椒蜆肉配搭出來味道清淡，無甚特別。芝士牛肉茄汁蛋飯的牛肉，是最普通最平的那款肥牛，很韌非常不好吃，而且沒有肉味，而茄汁則做得過酸。他們的裝修以簡約綠色為主，座位尚算舒服，如無記錯，應是沿用上手cafe大部分的裝修。餐飲可以包括檸檬蜜糖的選擇，算是整個餐最可取的