影片
港鐵宋皇臺站B3出口, 步行約5分鐘
繼續閱讀
電話號碼
38903100
營業時間
星期一至日
08:00 - 21:00
以上資料只供參考, 請與餐廳確認詳情
座落，長者服務式住宅隔壁，餐廳是同一個集團，本意，是希望長者住戶能以 9 折光顧健康的餐飲，本著，想吃得健康來一試（1）餐廳裝修雅緻簡潔，不過，冷氣開到好凍，完全唔明，究竟係點適合長者來光顧？！（2）服務態度，一如其他評論，都是沒禮貌，我已是較幸運，沒有遭到惡言相向。食物，點了二人套餐 $168（3）最頂隱，竟然唔包飯（白飯 $10 / 紅米飯 $15），咁其實叫咩套餐呢？！（4）揀了蟲草花蒸雞，份量有啲少（5）加 $50 煎封黃立倉，幸好是正常 size（6）加 $60 有燉湯，個燉湯打開得七成滿，唔知以為俾人偷飲（7）加 $35 有上湯素菜，正常份量，整體味道係可以，不過，餐廳標榜健康（8）但，好像有點味精，唔知道是否採購豉油貨源的關係、抑或，其他原因？！將個 $168 餐，左加右加，最後埋單 $333，這個價錢，我覺得完全唔值，住在隔壁的長者，都應該是非富則貴，如果，唔點二人套餐，都可以點晚餐（$78 - $88。包飯、湯 / 飲品），如果份量是正常的話，都 Ok 抵食嘅～ 看它的經營模式，一係唔使 / 好平舖租、一係唔志在賺錢，要不然，再不革新（服務態度、食物價格）、恐怕也難逃結業的厄運。
繼續閱讀
因為取了支付寶 coupon 所以去試試這家餐廳，餐廳環境很不錯，座位舒適，新裝修，略嫌冷氣太凍 (男士可能會覺得剛剛好🤣） 一坐低，等了很久都沒人提供餐牌，後來終於叫到餐牌了，再向店員查詢可否使用 coupon，她的答案竟然：「是但啦！」我和友人都打了個突 😧 唔知比咩反應。 我們叫了兩個下午茶餐，等餐的時間都幾長..... 我們都不敢追 🤣 食物質素都 OK 嘅。最後埋單時本人使用八達通 (已經放棄用 coupon) 佢部八達通機壞壞地的 ... 拍幾次都唔得，因為趕巴士本人小聲說了句... 你部咩機黎㗎.... 店員聽到，好大聲叫：「垃圾機！」真係嚇死我地..... 絕對地趕客，你成功了😅 下次免費都不會再來 😂
繼續閱讀
餐廳的裝修光猛舒適，坐椅潔淨，衛生極佳。食物的價錢都算合理，只是餐牌沒有新鮮感，也算是不過不失。餐廳的服務奇劣，待應和收銀都面黑，非常不禮貌。如果大家可以接受惡言款待，是一個好去處，起碼坐得舒服。
繼續閱讀
好少有機會去間無 IG 的餐廳試食，覺得非常新奇！XDPatina Bistro 位處一個銀髮服務式公寓地下，供應的菜式當然都以健康為主，最近更開始推出素食菜式，樂活都可以吃得好豐盛架！餐廳位於九龍城，宋皇臺地鐵站開通之後就更方便了。裝修簡簡單單，色調都以柔和舒服為主。樂活煮意服務銀髮族和有健康需求的人，所以餐點絕對健康，少油少鹽少油家常美味。晚市唔會太逼夾，我諗樓上住客會直接叫返屋企食。沙發卡位有私密感亦坐得舒服。晚餐有這種二人套餐，入面都有一個南乳粗齋煲可以揀既。餐牌第一版的小食都係蔬菜類，仲可以自由配搭幾好玩。雜莓冰茶 HK$28首先試試夏季新推出的特飲，全部都以水果為主，我就揀左雜莓冰茶，雖然話健康但都甜甜地既，莓果份量頗多，賣相都唔錯。素乾煸四季豆 HK$70細個的時候以為乾煸四季豆係炒菜即係素食，後來先發現要用肉碎炒，這個素乾煸四季豆唔會好辣好鹹，剛好夠味的感覺。素肉用了雀巢Harvest Gourmet 產品，吃肉的朋友表示口感和味道都很好。焗素肉燴意粉 HK$68焗肉醬意粉係無得輸既，肉醬煮得綿密又幾惹味。意粉煮得軟身唔太需要咬那種，份量比較多我就食唔晒勒。雀巢這個素肉品牌 Harvest Gourmet 已經於中國、馬來西亞、新加坡等多地上架，終於到香港都食得到，首先聯乘 Tang's Living Group 多間酒店餐廳推出全新素食菜式，肉醬意粉和乾煸四季豆都係用左佢。上網站查返，素肉碎的主要成分有：Water, Soy Protein (24%), Vegetable Oils, Stabilizer (Methylcellulose), Flavours, Vinegar, Salt, Beetroot Powder, Fruit and Vegetable Concentrates (Red Capsicum, Carrot and Blackcurrant), Malt Extract (Barley), Onion, Garlic, Black Pepper. 每100克有17.3克蛋白質。蟲草花鮮腐竹白菜仔 HK$58除了新素食菜式，另外都叫個蔬菜食下，你可以自己揀上湯蒜子、金銀蛋、白灼、清炒、蒜蓉、薑汁、蟲蟲花鮮腐竹等多種煮法，自由配搭當季蔬菜，我覺得非常好玩！這個白菜仔都幾夠味，係個腐竹煮得唔夠軟身。麻辣小雲耳 HK$28小食我試左黑木耳，個辣油都幾辣個，醒神！朋友食的蒸魚份量唔錯，條魚都好新鮮。越來越多餐廳有素食真係時代進步的證明，方便素食者之餘，最重要係俾肉食者有更多機會接觸素食，間中食一餐半餐都係好事。
繼續閱讀
食暈九龍城還想說有$78的All day breakfast可以來試試沒想到沒做了😞今天不想吃豬扒通粉但選擇困難症出現了..被店員催了幾次 那就點指兵兵吧G 藜麥粟米粥配銀牙炒腸粉$33（星期一至五只售$18）還有飲料要選🤦🏻今天的點早餐過程有點頭痛熱熱的腸粉很快就到好軟綿綿啊😃每一條的味道都好均勻吃下肚子好溫暖藜麥玉米粥就很清淡完全沒有額外的味道難怪餐牌標明「養生之選」只是閒日和假日價錢差一倍..雖然在下個人覺得這做得很好😅餐飲在下亂點了朱古力咖啡☕️ +$3沒想到也有泡苿咖啡的效果除了有點淡之外其實..很不錯耶在在下用餐期間來光臨的客人全都是熟客店員能無誤地稱呼每一位進來的（除了在下）看來也是一家街坊店不過印象中這家店沒幾年？而這種情壞和人情其實能在各地方維繫著真的很不錯呢
繼續閱讀