樂農 (已結業)

喺度嘅用餐體驗係100分，我哋總共三位，我早左黎，想搵定位等我朋友。入到鋪頭就見到setting其實係自己搵位，但有個侍應好熱情問我幾多位（用肢體語言同口型），仲幫我搵咗個卡位坐低。到我朋友嚟咗，佢又走過來提我地要出去落單，真係好熱心好helpful。一般素食店都係好似個餐牌咁套餐六選三嘅家常菜。我揀咗145。炆南乳齋口味較淡，蓮藕爽口，好多粟米仔，有啲腐竹豆卜雲耳。香脆薯仔餅超好食，新鮮炸起嘅薯餅入面有粟米粒，脆卜卜，薯仔又好香。豉汁南瓜份量好多，南瓜好入味。加埋糙米飯簡直係洗滌心靈嘅一餐素食。最重要係蓮藕雜豆湯，100%清澈，雖然冇肉冇油但係好香，食得出佢用咗好多料

今日第一次來食素，愛上它午餐都做埋樣板出來給大家選擇價錢合理自助購票及提餐自由選位置，大家都好合作好吸引啊，食得健康開餐啦，好開胃的一餐，三餸一湯粗米飯任食，食完可以返家學整素

食晏有時真係諗唔到食咩好，間唔中食下素食清清腸胃係唔錯選擇👍朋友介紹下，黎左呢間樂農食午飯🍚地點都易搵，係修頓球場對面大廈，需要上1/F，一開門就會見到佢擺放好今日精選既6款菜式，可以選擇3️⃣款！$53有三款菜式，白飯同湯，都幾豐富！地方齊闊落多枱，靜靜地食素，令人都幾放鬆既感覺！點餐需要自己係餐紙上圈出想點既菜式就可以！唔好以為素食必定淡而無味，有味道之餘又唔會偏咸，味道唔錯！份量亦唔少，每款餸都塞到滿滿，配埋糙米飯，亦更有營養！鍾意甜品既朋友，亦可以試下佢地既芝麻糕/蕃薯糕！😋😋樂農係一間社會企業，可見員工係年長及患有聽障人士，不過佢地工作效率係極高，排隊點餐到取餐5分鐘都唔洗！喜歡素食既朋友不妨一試😋

天氣開始熱了， 吃肉不如吃素， 一到灣仔首選樂農～好耐無嚟啦， 比起兩年前加左$5金算是加了通漲吧依舊是六選三樣餸，有湯有紅米飯任食！我加了錢要杯柚子蜂蜜～雖然背面滿是客，但坐在bar 枱的我，望著街景吃得甚為寫意我選了以下三餸：南乳炆齋 - 南乳味香濃好味XO醬炒旺菜粉絲 - 菜很爽脆但味道只有少少辣味，加番D鹽會好點西芹炒雜綿 - 似有落味精、西芹老老地、雜菇好好味（可能味精關係）飲品係另加$10叫的，凍熱同價。 味道就是一罐罐開出來的一樣樣吧整體來說， 在繁忙的灣仔，可以食素的地方不多，覺得這樣的價錢質素，我還是會再來的

周不时都会周围试下素食午餐，今天经过湾仔search 下OpenRice 见到几高分就去试下。location 直头在修顿球场对面，几方便。午饭三送一汤53蚊，价钱不算平但还可以。地方像快餐饭堂，也很容易找到位。有六个送，选三。我选了茄子，云耳豆干和南乳斋。未吃时见到三个送都已经非常油，结果我完全没有吃到茄子。吃完后觉得非常口渴，喉咙不舒服，有味精。食物也一点也不精致，是快餐。比他好的斋饭店多的是，只不过他地点方便而已，一定不会再有下次。

今日午餐好想食得健康啲，咁就上網搵下灣仔有啲咩素食就見到啲人介紹這間舖，望下啲食評都好似幾好咁，咁就搵埋個朋友去試一試呢度每日都有6款餸揀，每個餐㨂3款餸，我地兩個人就㨂左其中5款，重覆左其中一款，啲餸我都覺得味道幾好，份量都適中，我與朋友全部都清晒，呢度仲可以免費添飯，所以一定夠飽可以加錢加甜品，我與朋友都覺得芝麻糕好食過薑味蕃薯糕，至少有芝麻味，而蕃薯糕就食唔出蕃薯味，得少少薑味，但都可以試下

成日都話要食得健康💁🏻‍♀️今次介紹灣仔既素食餐廳👉🏻樂農👈🏻 俾大家..😌係香港要搵間有水準既素食餐廳真係有唔容易，呢間既齋菜夠清淡🥦 少油• 少鹽• 無味精👍🏻而且份量非常多⬆️絕對夠飽✔️

今日想食清清地，便去了座落灣仔軒尼斯道的樂農。樂農午市素餐連湯$50（六選三餸跟湯+糙米飯🍚）我點了南乳炆斎、陳皮麵醬蘿蔔及翠玉瓜雲耳秀珍菇$50。朋友點了陳皮麵醬蘿蔔、酥炸黃金餅及翠玉瓜雲耳秀珍$50，另加了一杯熱柚子蜂蜜$10。清清淡淡唔錯。

今日專登來吃一個素食晚餐，平日午餐迫爆，所以今日揀放工來，這裏也是可以坐得耐一點，可以和朋友傾吓計嘅地方，菜牌早一日已經上網睇左，所以去到就叫咗煎蓮藕餅及羅漢齋煲，另外叫了一碗白飯兩份分和兩個例湯。

同事腸胃有些少不適，所以今天想食清淡啲，所以决定食素。這間是社企運作，午市快餐店形式，購票自取食物。每天都有6款餸菜，可選3预，湯和紅米飯。今天是我選擇了南乳齋，茄子和松草花蒸豆乾。另外還有其他，味道中規中短，但地方比軟舒適和乾淨。下星期可以再次 green Monday。

前幾日約大學同學和老師食飯，諗唔到食啲乜嘢有同學建議話不如去幫襯呢間社企素食餐廳，或之前食過都唔錯，而且佢聘請嘅大部份都係聾啞人士，提供就業機會俾佢哋，值得支持！地點在灣仔，喺修頓球場對面都算就腳方便，上到去見到空間都幾大，但係就唔多人幫襯，當時係食飯時間七點幾，大概得幾張枱，而且仲有不少外國人，睇黎外國人想食素都會慕名上嚟幫襯，應該有佢嘅吸引之處。打開Menu有好多野都好似好正好想食，朋友話有幾個菜上次食過都不錯，最後我地點左咕嚕肉，沙嗲鮮竹煲，紫菜荔芋卷，樂農豆漿鍋，魚香茄子粉皮同埋清炒菜心係咁多。咕嚕肉（$85）我覺得真係扮得好似肉，而且食落又唔會覺得好油膩，加上大量菠蘿青紅椒一齊炒，感覺清新。沙嗲鮮竹煲（$78）係我嗌嘅，因為我真係好鍾意食啲豆類製品，好似豆腐鮮腐竹等，加上我又重口味，呢個煲啱晒我。佢先將鮮腐竹切件，夠嫩滑又有咬口，索晒啲沙嗲汁，原理似粉絲索晒啲汁一樣超惹味！👍😝紫菜荔芋卷($70)，用腐皮紫菜包住芋泥卷，再切成一件件再拎去炸，因為油炸嘅關係食一件已經有飽足感，都幾香口同埋熱氣㗎。樂農豆漿鍋($92)走清新路線，即係用豆漿打邊爐，落啲水餃同埋冬菇同菜等等，都幾特

平日返工午餐都係肉多菜少，間唔中都想食餐素，食得健康啲養下生咁。係同事嘅介紹下黎到呢間，食素嘅，但唔係果種用味精色素扮肉嘅素菜，係真係食齋嘅，叫餐係先攞張點餐紙選好款，先付錢，再攞餐，同大家樂大快活一樣。每日有6款菜，我揀左蕃茄薯仔，沙哆汁茄子&南乳齋，配糙米飯。仲有兩款甜品揀，芝麻糕&姜汁蕃薯糕，我就選擇試下姜汁蕃薯糕。佢出餐好快，大概2分鐘就齊哂。三款餸都好足分量，唔似飯堂丫姨隻手抽筋冇左大半碗，加上會送例湯，可以唔洗叫飲品，湯頭好好飲，應該去過油，望落好清冇乜油係面，飲落清甜冇味精味👍🏻 三樣餸都好好食，當處中最推南乳齋菜，入味又多料，唔會鹹。蕃茄薯仔亦煮得夠淋。中午想食健康，我會推薦呢間，服務同食物都係上流，但價錢實惠。另外好欣賞佢地會請聾啞人士做樓面，好有愛心嘅一間餐廳，其他員工都識手語溝通，要俾個like👍🏻

經過灣仔突然之間好想食素食， 幾次時間都唔夾去唔到落樂農，今日就可以試下， 三餸飯連湯，午餐50元 ， 南乳齋， 山根炆芋頭 西檸千層， 西檸千層， 好食！因為層層疊腐竹， 咬落去好有質感 ， 西檸汁， 不會太酸 反而突出咗千層 。 午市樂農是自助快餐形式 。 食嘅時候，好好食，但係之後喉嚨好多痰湧上喉嚨，呢隻味精自己受唔到 。

難得與友人兩頭食肉獸一齊想吃素食，於是到了社企樂農晉膳是也。事緣兩個人皆不是十分肚餓，我們只輕取一道小食以及一籠蒸飯。取名千與千層的小食，事實上乃炸腐竹。很多時齋舖的素食都很油膩，但這個卻不會，沒有一股令人反感的油益味；反之很是酥脆而且鬆化，更吃到腐竹的甜味，兩個人分真不錯。用荷葉包著來蒸的蟲草花雜菌糙米飯，雖說是糙米，一點也不鞋口，軟硬適中，每粒飯更充斥著滿滿的荷香。大量的菇菌亦透出清香，增加豐富的層次感；反而蟲草花純粹是點綴，沒多少味道。省卻肉食的肥膩感，很療愈的感覺。

樂農是灣仔社企協辦的素食餐廳，價錢相宜，營養充足，而且位置方便。是日蓮藕羅漢齋，清炒時蔬，魚香茄子，糙米飯配黑豆茶，薑汁蕃薯糕。蓮藕羅漢齋：蓮藕爽甜，麵筋入味。清炒時蔬：清甜不油膩。魚香茄子：鹹香味濃。薑汁蕃薯糕：薑味十足，口感一流。