樂農 (已結業)

好擔心食齋唔飽無乜味，但新派齋原來已經進化到好好味了，粟米湯，好香甜，仲有粟米粒同紅蘿蔔青豆做配襯，如果可以結身多dd更理想。羅漢齋煲乜都有，茄子雜菇全部好入部，最鐘意蓮藕好爽脆，好好味，但油左少少同食完好口渴。賣相真係100分似咕嚕肉，咬落無豬肉咁實但其實都有d似，至少個味係一樣，酸酸甜甜好開胃。芋頭餅勁好食，炸粉少好薄身好脆，入面芋頭又香點反d喼汁，我一個都可以KO半碟。炒面煎到係脆身，好正！可惜太多汁，攪到個面好快淋曬，但好足料，東菇好爽滑，配埋其他菜，好多重口感，味道亦都非常好。

人大了, 更注重健康, 今日就約朋友食素.入到”樂農”, 佈置簡潔, 綠色椅子, 帶來清新感覺.以快餐形式運作, 先自行買票, 再取餐. 六選三餸+白紅米+湯+甜品只$45. 我要炆南乳齌, 酥炸春卷,木耳炒豆干及芝麻糕.份量不多, 但足夠一人食. 是日湯: 黃爪什豆湯. 沒有湯渣, 味道淡淡, 清甜, 合今時今日潮濕的天氣.春卷脆脆, 內有紅蘿白絲, 雲耳, 點上喼汁, 唔錯.炆南乳齌有生根, 菌, 雲耳, 菜, 配上南乳的香味, 是三款最濃味.但不油膩, 在這裡好有住家飯的感覺.芝麻糕有質感, 濃厚芝麻味, 甜度適中.原來素食好受男士歡迎, 見到餐廳有一半男士. 茹素可以為地球出一分力!

臨近聖誕，難得約到成班happy友飯聚，一行16人，叫咗12人套餐外加散叫小菜甜品。餐廳俾咗張大枱我哋，都唔算迫。服務真係非常好，又幫我哋影相，very good呀！食咗好多嘢，介紹幾個推介菜式：樂農翡翠羹：呢碗碧綠色嘅翡翠羹係由菠菜製造而成，帶有陣陣椰香，口感軟棉而唔漿口，唔錯！五福臨門：冷盤，有涼拌青瓜丶西芹丶粉絲丶茄子，全部用料都好新鮮，亦好入味，尤其茄子帶香草味幾得意，值得一讚。素叉燒：必食！唔止賣相得，呢個蜜味素叉燒隨時好食過「真．叉燒」，咬落「肉」質酥軟，個個都讚好。黑松露蘭花扒百靈菇：黑松露香味唔算突出，但百靈菇幾有咬口好似食緊「真．象拔蚌」一樣，西蘭花爽身，獻汁味道適中，不太咸，也唔太杰身。欖菜蛋白炒飯：米粒分明，粒粒企身，唔油膩，欖菜增添米飯咸香，蛋白平衡欖菜咸味，絕不欺場。黃金蕃薯膏：好濃薑汁味而不辣口，用大菜膏做，加入細細粒軟「糯」蕃薯，同埋爽口馬蹄絲，幾清甜。芝麻膏：其實我平時好憎食芝麻做嘅甜品，見大家講到咁正，勉為其難食一件囉！不過，估唔到呢件嘢幾神級喎，甜度適中，外層爽韌，內𥚃creamy，好像食緊啖啖芝麻露咁，但膏黎㗎喎，正！

六點開始晚市，早左十分鐘去到，好彩可以入去坐底等，我地研究食d mei, 於是叫左翡翠羹，粟米蓮藕餅，餃子窩，蕃茄薯仔紅糙米飯翡翠羹: 顏色好特別ge 綠色，好少見，綠色菜打成蓉覺得好新奇，金菇又足料，味道唔錯粟米蓮藕餅: 一碟8塊，味道唔會太濃，咬落好脆，配埋黑醋味道酸酸地減低熱氣餃子窩: 入面有蕃茄，薯仔，金菇，四隻餃子，餃子入面蕃茄蓉，小心睇熱，好得意諗唔到會係蕃茄蓉做成流沙效果，第一次食個窩，每樣配料味道唔錯，不過唔建議飲湯底，因為好似係糖水加醋蕃茄薯仔紅糙米飯: 紅糙米好足料，令整體爽口，不過份量好勁，可以4,5 人食，真係好飽，成個人暖sai

之前和朋友聊天說起社企樂農，一直都想找時間去試試，約了兩個星期終於有時間了。淮山蟲草花糙米飯，以荷葉籠仔飯形式上菜，香氣濃郁，特別是淮山的味道非常突出，軟軟的口感配上粒粒分明的米飯，讓不愛吃飯的我吃掉一半。流沙餃，其實是薯仔和蕃茄餡料，真的有流沙效果，外皮雖然不厚，但吃幾隻也會蠻飽。紫菜荔苸卷，炸得外脆內軟，很愛芋泥綿綿的口感，一點都不會油膩。

社企餐廳樂農一直是心水之列,只是下午營業時間不長,以前週末下班後到訪總有點兒急趕,現在可趁輪休之便到來一試。電梯門一開只看到一個凍櫃,裡面陳列一些餃子在內,某年農曆新年曾收過姨姨在此購買的馬碲糕,相信新年期間應是放滿糕點之處。營業時間剛開始,比我還早的人客卻可不少,可惜遲來一步坐不到窗邊沙發,店裡還有如貴賓房的大圓桌在最盡頭,用作為食團聚會實在一流。原來星期六沒有三餸午餐只有單點,在大大本餐牌裡左看右看,熱到快中暑的夏日還是未想吃飯,樂農流沙餃($50)就是最好選擇。侍應生送來碗像是生菜湯的東東,我只看到生菜沒有餃子唷。八隻流沙餃躲藏在生菜下,餃皮看似煙韌其實軟軟,幸好薄而不穿,仍能將流沙餡料包裹得好好的。流沙餡就是蕃茄薯仔粒,還有讓感覺變得流沙的薯仔茸,薯茸沙沙口感及蕃茄的清甜,食感比肉餃清新很多,看似不多的幾粒餃子原來也蠻能飽肚的。 也許湯底也用作燙生菜,因而湯底帶有清甜生菜香,只是幾條生菜暗黃顏色不太好看,難道是燙得太久關係??入座後每位$10一位茶錢可選普洱或鐵觀音,像茶樓一樣以茶壺送上,鐵觀音夠熱也有茶香,如配上素點心則如飲茶一樣了;如再點飲品則可免除茶錢,換句話說點一杯飲品

這幾天都不斷食肉，今日想清清地食下素，結果在灣仔搵到這間餐廳。進餐廳後才發現原來是社企搞的，聘用聽障人士， 所以可多使用手語。先來一個前菜，燒汁茄子燒汁茄子 ($28)－茄子應該是煎好後再放上少少燒汁，非常鮮甜主菜叫了不少食家推介的生煎蓮藕餅生煎蓮藕餅 ($68) － 蓮藕味不特出，蓮藕餅內加了粟米甘荀還有薯仔，再煎香，咬落似在吃薯餅， 份量頗多，味道也算不錯。平日吃中菜我多數會叫咕嚕肉，來到這裏我當然要試一試咕嚕惹味球啦。咕嚕惹味球($78) － 超讚，非常好食，㕑師用𤠣頭菇加雞蛋再沾粉漿，炸脆後用三色彩椒、鳳梨和西芹拌炒。炸漿薄薄的，非常香脆，內裏猴頭菇既爽口又帶一點煙韌，加上酸酸甜甜的獻汁，相當惹味。這是我誠意推介的菜式。餐廳整體食物水準好高，下次想清清腸胃時一定會再來，而且一定要食咕嚕惹味球 。

昨晚第一次到灣仔樂農食晚餐，地點很好找，員工服務好好又細心。點了雪耳南瓜羹(比較無咁鹹）,樂農小炒皇(味精太多),松草花淮山雜菌糙米飯(餸超味精只能食下面的飯)，但個人認為其實材料已經好足，味道可以清淡一些，鹽可以少放點及味精可免免免免了。

第一次寫食評！12點放學後去揾家姐食lunch~ 近排對素食充滿興趣 就去左lee間試下 因為見平平地 又幾多好評45蚊就有6選三ge餸+白紅米飯+是日湯（加10蚊可以加涷飲or熱）我叫左:三絲蓮藕+是日蔬菜+木耳炒豆卜(差5多名）三絲蓮藕：薄切 爽口 所謂的三絲好少蔬菜:烚生茶 5熱 係烚定的 還可以另外個個原來冇曬 佢冇同我講就比左個類似----粟米鮮竹粒：其實幾好味 鮮竹超多 好彈牙好有豆香xdd不過得個幾粒粟米 齋左dd家姐叫左:xxx蘿蔔+白汁南瓜香芋+ 粟米鮮竹粒xxx蘿蔔:個汁麻麻地 家姐話有d苦 可能5係當造na白汁....：好味！南瓜and芋頭都好夠林！白汁應該係用豆乳代替湯:木瓜xxx湯 幾好味 家姐好like 不過因為我鐘意有湯jar 所以覺得普通xdd 總結:雖然好似簡簡單單咁 但係其實佢個量都好多 對於好我同家姐咁細食 就食5曬大食ge人應該冇問題 可以添飯下次要同家姐share一個餐!5錯ge素食！工作人員都好好 有笑容 外賣杯野飲又5洗加錢xddlee間有請一d聾啞人士又係社企 真係5錯 可以多多支持！ 下次寫食評要影相先～

今日妹妹突然想轉下口味，而且我又身處灣仔所以佢揾咗間係附近而評分又好嘅叫我去攞定位。上到去都成力7成滿，本來係安排我坐在長枱，不過後來佢哋主動轉張8人圓枱比我(但我哋得5人), 看到餐牌先發現係社企，仲會有簡單手語介紹幾特別。柯打咗個是日例湯冬瓜清補湯$35/窩 (大約可以有6-7碗) --- 好清甜千與千層$68 --- 甜甜酸酸又好嫩好正如果再大碟d就更正 。生煎蓮藕餅$68 ---冇乜味道唔講唔知食緊蓮藕 羅漢齋炒麵$68 --- 好大碟好足料好味道 。紫菜荔芋卷$68 --- 紫菜幾脆鮮百合什菌炒甜豆$68 --- okay。 原籠松草花淮山雜菌糙米飯$68 --- 可能面d汁太少係底d飯比較乾，我食咗半碗都已經飽咗。店員非常勤快而細心，知道我要影相會放係我前面唔使我伸長手咁辛苦，而最欣賞係有個女店員會用雙手捧杯茶比我媽咪，非常有禮貌 。因為茶位@$10再加一總體價格其實都唔算平，不過服務同食物水準都算唔錯而且又係社企，係值得支持嘅！--

是日高溫，胃口欠佳，麵食、快餐一概沒有興趣，勝在有附近〈樂農〉，素菜清淡易入口。已經不止一次光顧，齋菜不是驚為天人，但有種簡約的家常品道，加上又是社企非牟利餐廳，美味及善舉，一次滿足我兩個願望。齋菜6選3，配件芝麻糕，再挑選一個窗邊座位，感覺何其舒適，原來一餐午飯都可以這麼優哉悠哉。 雲耳青瓜豆乾：夏日多以青瓜雲耳作涼拌小吃，但我相信熱食同樣不錯，而且雲耳青瓜營養豐富。雲耳淋身、青瓜爽口，更獨愛豆乾那種煙韌口感，是日最愛！麻婆豆腐：其實不算那麼出色，辣味欠奉，豆腐易碎，但光顧多次，這款菜式比較少見，而且再眾多清淡菜式中算比較刺激味蕾，還是一試。是日鮮蔬：沒有甚麼特別，就是白烚西生菜一碟，強調健康的人士可以選擇。香濃芝麻糕：最出色，最期待！每次必嚐，芝麻味夠濃，糕身煙韌，沒有精緻的賣相，卻有實在的味道！當泰昌餅家同樣賣$5一件的時候，我覺得這裡的芝麻糕好多得多，如果可以開拓出外賣糕點的生意，我定必支持。

記得前年生日正日在爸媽陪伴下進入海洋公園遊玩, 因為生日正日是免費入場。當年還下着大雨, 而今年亦不例外, 同樣相約爸媽去海洋公園, 亦同樣下着大雨, 內心不斷地問:「點解去玩先嚟落?」好像小孩子般撒嬌, 雖然天氣不似預期, 但兩老仍無懼風雨, 仍然應邀出席, 不禁令我想起「願意為你付出時間的人, 便是珍惜你的人。」我深深知道他們很珍惜與我相處的時刻…..幸兒中午時天氣變得晴朗, 藍藍的天空展現在眼前, 讓我們玩過痛快, 感恩! 離開時, 大家拖着疲累的身軀, 但仍相約了哥哥一家與我吃晚飯慶祝, 你們為了我真的連疲累也不覺嗎? 本應哥哥揀選了一間高級意大利餐廳, 但西餐只是我的愛好, 而非兩老所愛, 雖今日是我的生日, 但我知今日的主角並不是我, 而是你們, 沒有你們相愛、照顧和教導, 又怎會有我呢? 所以自己生日的主角應是父母! 最終我決定選擇中式素菜, 相信你們必定喜歡。樂農是一間社企非牟利素食餐廳, 聘用了聽障朋友。它以戴上助聽器的紅蕃茄公仔作為食店標誌設計, 並配綠色的店名, 又紅又綠, 很有朝氣。內裏地方不算大, 採用啡色配青綠色的木製傢俱, 平實簡樸, 亳不花巧, 當中有大

搜尋灣仔區食肆，見這素菜館竟有不少好評，同伴便說要試試。門口搶眼的戴耳筒蕃茄標誌象徵店裏的聼障員工,原來此店是一所社企。桌椅簡潔以綠色為主，店裏顧客不多，但有些熟客，還有給大伙客人用的房間。坐下先點茶,只有鐵觀音、普洱及水三種選擇竟然每位10元再加一,如點飲品便可扣一位茶錢,比茶盅奉上馳名靚茶的蓮香居更貴,我們暗暗打了個突。店裏的菜式是有心思的,不是傳統的「齋口唔齋心」,其中例如素菜餃子、豆漿火鍋和椒鹽豆腐腰果等都頗吸引。因爲不太習慣沒有肉的餐單，看了好一陣餐牌才決定點最多人推介的招牌南乳齋煲、原籠荷香淮山蟲草花糙米飯和梅菜湯餃。侍應沒有催促點菜，唯一跟普通餐廳不同的是點菜都用手指餐牌示意。招牌南乳齋煲最先上桌，熱辣辣冒著煙和氣泡，但入口竟是甜的，南乳味只作爲少少點綴，味道太平易近人又不惹味，不太合我們的口味，裏面的菜蔬倒是很豐盛，大大隻冬菇有好幾顆。梅菜湯餃上桌時不太熱，皮比較厚，梅菜微甜加上蔬菜絲味道討好。蟲草花糙米蒸飯最後上桌，蟲草花試了好幾條才吃出一點菇味，其他菇粒和淮山足料，整個菜較清淡，糙米飯糊糊的，我不時會加一口南乳齋湊著吃，或者要喝一口茶才能吃出蒸飯的味道。蔬菜外食總是

這是四人餐, 還有薑汁蕃薯大菜糕, 紅豆糕, 芝麻糕. 其中芝麻糕最好味, 好好濃.梅子千層是炸腐竹加上酸汁, 腐竹還脆脆地, 配酸汁很開胃.翡翠湯清清地, 有切碎金菇飲落不錯.西蘭花炒金姑熱騰騰, 淡淡地南乳齋煲食不出南乳味, 菜也有點黃, 似翻熱普通餸, 這味麻麻.蓮藉餅好味道, 炸過硬硬地, 點醋很開胃.

是日午餐：炆南乳齋，菜甫雜錦，是日鮮蔬南乳齋：夠入味，不會死鹹，每件都炆得鬆軟菜甫雜錦：蔬菜爽脆新鮮，油不多但成功做到爆香效果是日鮮蔬：蠔油生菜，結實大片，菜葉夠多樂農是全素食的社企餐館，菜式簡單更見對食材的要求。主打素食，但並非偽叉燒火腿之流，而是真材實料的以小菜路線，把新鮮蔬菜的美味完整展示。便當都會配紅米飯，馬上健康值加分！無預約服務，必須親身下單，但是速度還是很不錯，通常出電梯到拿到外賣需時約五分鐘。非常適合迎接一周開始的Green Monday喲！