樂香園咖啡室 (已結業)

用餐時間連等候: 12:50-13:35明明去到人籠很長,有大約12,3個人在前, 但不消10分鐘已排到隊頭.環境, 不用多說, 中午的時候到茶記吃當然是人山人海吧. 但吃個便飯還是OKAY的.二話不說, 當然先叫上一個滑蛋叉燒飯, 友人想叫滑蛋蝦仁飯, 但已經賣完,看來存貸不多,要吃真的要早點到啦!先說說鎮店之寶吧, 對於一個雞蛋愛號者來說, 一看見滑蛋就難掩興奮!料和飯的比例剛好(我叫了少飯), 每一口都有飯加配料, 而且滑蛋做得很不錯. 叉燒適中, 不肥不瘦. 我叫了多蔥, 感覺更重口味一點. 再配一杯凍檸茶(茶底好,不會苦), 真是不得了.人在中環, 要50元左右,好好吃一餐,確實愈來愈艱辛.滑蛋叉燒飯: 9/10 ($36)凍檸茶: 8.5/10 ($18)

事隔幾日，又到了星期六，當然要處理事務，及好好犒賞自己，於是到了好耐沒有來的蛇竇。上次來蛇竇已是數年前的事，當然希望美食依舊，而時間上由於已到下午茶時間，所以沒有點飯，但當然叫了雞批和試她的蛋牛治。雞批：味道依舊，但可能不是新鮮出爐，已經凉了，有點美中不足，但仍十分足料蛋牛治：第一次食，十分滑溜，不是平凡之輩，有點生蛋的感覺，總之係不錯的選擇。配上冷飲，係可以過一下悠閒的時光。

今天就在中環附近一帶找好吃的來吃，這是第1間所到的地方，為要吃這裏有名的雞批，雖然雞肉較多，但那口感個人不太喜歡。終於看著地圖給我找到這店了。然後看看，便買了雞批，HKD8。外觀很大隻和扎實的感覺。入口的外表脆口，雞批內裏的很多雞肉，雞肉外還有雞皮, 那批內的漿汁濕濕的糊口，影響口感，個人便不太喜歡了。

蛇竇一向都係中環嘅窮人恩物，快靚正又抵食。平時次次都係食滑蛋叉燒，今次整個勁野，雞扒滑蛋。塊雞扒有我塊面咁大好crazy，醃得幾入味，啲蛋依然係咁滑咁好食。食完飽到上心口，我諗一個普通男仔食曬都好飽。

滑蛋叉燒飯，聽落平凡過平凡，普通過普通，從來都想像不到可以有幾好味，但當試完樂香園的滑蛋叉燒飯，熱騰騰的滑蛋如絲如綿，加上細切的蔥花，再灑下店內樽裝的豉油，盡管叉燒有點失惜，但整體效果給人意外的驚喜，吃罷後立即定下了下次的目標"食物" ：滑蛋蝦仁飯！

今日同事提出想食呢度，好在我地食飯時間夠彈性，所以2：00先出黎食！果然唔駛點等位，一陣就有張四人枱！第一次黎，見個個都係食呢個滑旦叉燒飯，梗係跟風唔蝕底啦！ 廚房姐姐超快手，唔駛五分鐘就有得食！ 滑旦既軟滑程度啱啱好，葱花夠香，叉燒又好味，簡直係全城最好味既滑旦叉燒飯！ 同事建議可以加豉油，我初頭都驚鹹，但原來加少少又真係香啲喎！ 一個人食晒食碟都堅係飽，食唔晒下次可以叫少飯！如果想黎傾計就唔好㨂呢度食，因為等位既人真係源源不絶！

話說舊上司(現任同事)突然說要拉了我去蛇竇，我返左中環都一段時間吧.... 竟然不知道哪裡是蛇竇實在覺得自己太孤陋寡聞了，所以就立刻二話不說拎銀包衝出去了遠處去到已見人龍，果然好像真的全個中環也知道哪裡是蛇竇! 所以就算多長的人龍也打退不了我~ 由於蛇竇的位置不多，不過大多食客都相當合作，吃完便離開~ 呢度傳聞最出名係雞批，不過而家又唔係三點三，點食喎..... 所以我地叫左2樣名物，就係奶茶同埋滑蛋叉燒飯勒。其實本人係好想食滑蛋蝦仁飯，不過誰知一去到已經聽到售罊 !!! 我同佢實在係緣份不夠!!! 先說這杯熱奶茶，當你望住個師傅係度搵絲襪嚟拉嘅時候，真係覺得好傳統~ 單靠視覺效果已經得出一個字：「滑」!  飲茶又真係~ 完全唔會搞到條脷好鞋，而且奶同茶都好Balance，茶味夠香~ 輪到名物滑蛋叉燒飯，老實講，淨係賣相都已經覺得啲蛋真係好滑 !!! 上到碟都好似仲未凝固咁，叉燒嘅香味亦非常濃，加上少少蒽花，紅綠黃嘅賣相真係好吸引! 叉燒完全唔似出面啲茶餐廳咁又韌又鞋，唔知係咪呢度啲客流量大，所以好似真係啲蜜糖都仲係叉燒嘅外層咁~ 難怪是這裡的名物啊! 同事叮囑我如果加豉油，更香濃，不

以前中午成日嚟食滑蛋蝦仁飯同滑蛋叉燒飯，今早試下佢嘅早餐。火腿通粉，份量好細，火腿好少，但有紋嘅通粉尚算有口感，湯底也不太咸。煎雙蛋好滑，蛋黃好香，多士也十分脆，但茶味略嫌不夠濃。

樂香園咖啡室是香港歷史悠久的茶餐廳, 又有(蛇竇)稱號, 行過其門口, 心想未試過, 但已食過午飯, 怎麼辦 ?想起其名物 - 雜批($8), 於是買來一試。口感相當不俗, 暖暖的雜批香口非常, 很香牛油味, 餡料有午餐肉粒, 熟蛋和青豆, 比較乾身；如和一般雞批比較, 側是雜批比較出色, 雞批很多時除雞肉外還有雞皮, 嚴重影響口感, 濕濕的糊口不好吃；樂香園的雜批結論是值得一試。

其實我每次中午嚟親呢度唔係叫滑蛋叉燒飯就係滑蛋蝦仁飯，唔知仲有咩午餐 通常首選係滑蛋蝦仁，但有時晏咗少少就會賣晒。今日12點鬆D到達，有得食佢嘅滑蛋好香蛋味而且十分滑溜 但有時略嫌師傅灑多咗鹽。蝦仁好爽口，但份量少而且蝦身偏細。

好彩夠早到（１２：２０），走果陣見倒出面有人排隊!我叫左叉燒滑蛋飯,有好多片叉燒!! 叉燒切得夠薄但又唔會太over, 認真,對我尼講叉燒厚薄度好重要,如果呢個飯叉燒切得太厚反而會無咁好食的. 叉燒甜咸適中,又系淨瘦的,無肥無根,好合我口味! 滑蛋... 好滑, 唔系想講阿媽系女人,但真系好味,尤其是配上上高的蔥花,好好.個滑蛋我覺得無落牛油? 反而咁仲好,又唔系配厚多士唔想太漏. 將滑蛋同埋飯同埋叉燒一齊食好一流. 唯一投訴系某部分雞蛋食倒好咸,鹽落得唔夠均勻.飯: 系我最鐘意的硬質地,但又唔會生米實,好perfect 埋單$34大元,既好味又便宜! 一定會encore.朋友叫左滑蛋蝦仁飯,我見倒D蝦仁寥寥可數.. 距話D蝦系玻璃蝦仁,感覺中伏...  

由於在澳洲任職旅遊版記者的親友來了香港，工作中之午飯時間，我走了出來一起午餐。談及對於打工仔的「蛇王」和「蛇竇」，老外記者十分感興趣，於是我們帶他一去大開眼界!我們在門口等了20分鐘左右，他首先發問：「原來給人蛇王的地方是這樣吵吵鬧鬧的?」我回了一苦笑。我點了粟米魚柳飯 ($34)，魚柳是剛炸出來，熱騰騰的，可是一點都不軟滑。飯是很硬身的，幸好有大量汁液，因此白飯不致難咽。粟米汁薄身，$34來說很飽肚了!旅遊版記者點了雞扒加滑蛋飯($44)，滑蛋是全碟飯的精髓，十分軟滑可口，絕不炒至過老。雞扒香口，大大件，一碟飯份量很大，最後都沒有吃完!吃完飯，旅遊版記者不會和平凡世俗一樣愛去山頂、金紫荊，而是去上環的古董街，拍一下街上的五彩塗鴉，拍一下形形色色的中國古玩，便一天了! 

On our way to PMQ in the morning to see the 1600 pandas, boyfriend and I stopped here to grab two Chinese buns to eat along the way.Menu is all in Chinese but wait staff was patient to tell you what the buns were.I ordered a char siu bun as I love it in the morning. Bread was sweet and tasty. Filling was stuffed and tasted good.Boyfriend ordered the mixed meat bun as he was curious. Bun was smallest of all the buns. But size was deceiving! Inside was not just a meatball but green peas and half a

首次經過此店，點了個熱奶茶外賣。見到新店裝修較光猛，失去原鋪的懷舊冰室感覺。眼見由樓面到水吧是全女班，頓時對奶茶不敢抱太大期望。等了差不多12分鐘奶茶還未出，覺得不對路，一問之下似乎漏了單。奶茶試了一口，非常難飲，平時對奶茶的劣評只是苦澀或不夠香⋯⋯ 但對這杯奶茶，這評價實在誇讚了！我只嘗到苦味的水！只是水而已，完全沒有茶味，或是混了許多水的茶？更嘗不到奶味！何謂奶茶？本人實在摸不著頭腦。再飮第二囗已吐了出來，將整杯倒了。竟想不到此類老冰室的奶茶如此難喝！是本人有史已來飲過最難飮的奶茶。怪不得店外的訪問剪報也沒有標榜其奶茶吧。冰室的奶茶如此水準，為何還可繼續生存？？

今早跟友人去了一趟。叫了一個通粉早餐，飲奶茶。茶味不足，通粉淡而無味。我記得以前在鏞記對面的時侯，水準還不錯。搬到此處後，無論在此食物的質素，或服務水平，都不復從前。