樂麵

營業中

休息中

今日去左試啱啱試業既拉麵專門店。佢地暫時得三款味道既拉麵，包括有胡椒豚肚湯、花雕醉雞湯、真熬雞白湯。今次我地試左胡椒湯同醉雞湯。胡椒湯一入口就有強烈既黑胡椒味，嗰種辣辣既感覺好濃烈但係易入口，應該係用左好高品質既黑胡椒先可以做到。胡椒湯係濃烈既辣味之後帶出濃郁既豬骨湯味，都唔太膩，豚肉同豬肚都煮得啱啱好，仲吸入晒湯頭既味道。整體黎講，呢個係比較重味既選擇。至於花雕醉雞湯一入口首先有一陣雞湯味之後就慢慢有花雕既清香湧出黎，醉雞湯黎講，呢個湯一啲都唔會苦反而帶點清甜，之後後勁既酒香雖然都濃烈但係冇搶到湯既清甜。雞肉切片，口感都算唔錯，但有啲唔夠入味。整體黎講冇胡椒湯底咁重味但係鍾意醉雞既朋友可以試試。麵方面由於冇晒永樂伊麵，我地唯有選擇藜麥拉麵，不過依然咁好味，正常軟硬度都好彈牙爽口。我地另外有點到一份煎餃子小食，味道尚算唔錯，不過等候時間偏長，同埋服務態度麻麻😂

兩姊妹又有好嘢介紹你.ᐟ‪‪.ᐟ‬‬我同妹妹👧🏻今日一齊去咗一間新開嘅拉麵店，試咗佢哋嘅👅期間限定-胡椒豬肚糖心蛋雞湯拉麵👅。湯頭非常濃郁，有豬骨同雞骨嘅香味，再加上胡椒味道，令人嘴唇發熱🔥。我同妹妹都覺得味道好正，拉麵嘅麵條非常有嚼勁，一問之下，原來先知道用咗藜麥拉麵🍜。呢一款拉麵同湯汁嘅配搭十分完美。豬肚肉非常嫩滑😳，糖心蛋嘅蛋黃流心😍總之一句講到尾呢碗胡椒豬肚糖心蛋雞湯拉麵非常美味，😌湯頭濃郁，配料新鮮，味道豐富。我同妹妹都好滿意呢個選擇。👯‍♀️如果你同我哋一樣鍾意胡椒同豬肚，一定唔可以錯過呢碗拉麵。不過，湯汁有啲咸，可能唔啱啲鹹味較淡嘅人口味。總括而言，係一個值得一試嘅拉麵店！

選擇困難症嘅我左揀右揀先決定左今日食拉麵，最後就去左新都會嘅「樂麵」。💞花雕醉雞湯(雞肉，鴨肉，醬油糖心蛋)天氣凍凍地，就想食下啲藥膳湯底，見到佢哋竟然有花雕醉雞湯，咁就合晒我心意💓。佢哋呢個花雕醉雞湯係悅和醬園，果然係名不虛傳，湯底嘅味道好濃！酒香味係我鍾意嘅，酒香帶點甜甜地。雞肉一啲都唔乾，仲好吸收湯底嘅味道，鴨肉同湯底出奇地夾，糖心蛋好香醬油味。💞永樂伊麵（加麵$25）呢個永樂伊麵，都幾掛湯，麵質方面幾有咬口，唔會太淋又唔太硬，不錯👍🏻

啱大家都知道葵芳係一個食物嘅天堂，今日介紹嘅呢一間餐廳仍然係試業嘅階段，鍾意食拉麵嘅，我一聽到有新餐廳開就，梗係去試吓。 依間餐廳好多人會專門黎到食佢哋嘅真熬雞白湯拉麵(  ｰ̀֊ｰ́)و♡「真熬雞白湯拉麵」是一道非常受歡迎的菜品。呢一碗拉麵嘅湯底，使用左經過長時間熬煮嘅真正鮮雞湯，主要材料有大量雞殼。湯汁鮮甜可口。( ˙▿˙　)佢哋嘅麵條用咗藜麥拉麵，感覺上比較健康。除此之外麵條非常有彈性，配以滑嫩的雞肉、豚肉同埋鴨肉。整體味道非常好。如果您喜歡拉麵，不妨到樂麵試一試啦！湯底評分❤️❤️❤️❤️❤️面底評分❤️❤️❤️❤️❤️整體評分❤️❤️❤️❤️❤️

又貴又難食。叫左花雕酒，加餃子餃子算快既，10分鐘左右到口感算係正常，個味微淡，鐘意淡味既就無問題。個麵等左成20分鐘先到。人多，慢慢煮，好似唔係問題？我見個場勁大個煮麵池先放得2個麵咋。你咁大既池，放8個麵都得啦試業還試業，得3款麵都要搞咁耐唔合理慢都算啦。終於都黎了。好大碗喎。好大個碗，但只裝左1/3野。我習慣試湯先食麵，一試湯，得第一啖有好淡既花雕酒味，之後已經得番雞湯味。麵，都係無味既。餸，好少。公平啲講，佢啲鴨同雞肉係滑既，味道都算吸到雞湯味，雖然我是叫花雕雞湯。啲配菜，我第一次見有拉麵店用洋蔥，仲要痴埋一舊舊，整唔散。咁既價錢，不如去下一層既x流食好過。

真熬雞白湯——>豚肉，鴨肉，雞肉，醬油溏心蛋❇️一送到上枱前，好大碗阿好有滿足感，雞白湯味道好濃，拉麵都好食阿，估唔到一間小小既店係可以咁出色，最鐘意溏心蛋，自己真係覺得無人地整得咁好食，同埋想講價錢真係好抵食，因為有多款鮮肉阿，唔洗食死一種肉🥚醬油溏心蛋 $15❇️食半邊又點夠架，一定要加碼啦，好食到停唔到口，好濃既半熟蛋漿，好有流心既質感阿🥟日式煎餃一客❇️見呢度有小食，點了一客餃子來試下啦，一送到上前真係好香，煎餃外面脆脆地，煎到金黃色，肉質好豐富，咬落去，啲料爆晒出黎仲有汁阿，好好食🥤芬達橙汁 ❇️呢度飲品顏擇都幾多，好夠氣，好飲阿，仲有得加冰，能夠保持冰凍效果相當掂

👅真熬雞白湯豚肉拉麵一個有鴨肉，雞肉，豚肉，醬油溏心蛋既拉麵，配料好多，亦都好好食！鴨肉係鴨胸，但係好嫩；雞肉都係雞胸嘅位置，但係完全唔會鞋口；豚肉就更加滑嫩，加埋啲香蔥同埋筍，淨係啲配料都夠晒豐富，湯底來講就好香雞湯味，真係用新鮮嘅雞去煮出嚟，所以好濃味，拉麵嘅麵質亦都好煙韌，好有口感！👄醬油溏心蛋（+15）我哋另外有加到糖心蛋，雖然只係得一隻，但都已經好夠，開邊夠晒方便，見到啲蛋黃流晒出黎咁濟，好濃蛋香，好正！👀日式煎餃（+25）依個煎餃就非常之抵食，有好多隻，每隻都剪得好脆，又夠晒熱，餡料都好豐富，好好味！

📍 樂麵見到新都會開左新嘢，就同🐷媽去試吓，不過試完真係未必有下一次🥲肉質真係唔得，CP值好低！💡如果真係想黎可以用網上平台拎定飛就唔洗等咁耐！—————————————————————❣️ 真熬雞白湯 $98 先試啖湯，雞白湯底好濃好creamy，唔錯！糖心蛋都幾好食！配料都真係幾豐富，有豚肉、鴨肉、雞肉都有，不過豚肉好怪、鴨肉好蘇、雞肉冇味🤢麵雖然係特製藜麥拉麵，又有得揀軟硬度，🐷揀正常都超級淋🥲不過呢啲味精真係好重，番到屋企係咁飲水.❣️ 濃口胡椒豬肚湯 $108湯底係幾唔錯，好胡椒豬肚，辣辣哋幾唔錯，不過同上面一樣肉同麵都真係唔得.❣️ 日式煎餃 套餐+$25 有6 隻，每隻餃子嘅餡料都多，漲卜卜嘅，味道同平時餃子唔同，不過🐷講唔出但係好食嘅！口感都好！—————————————————————不專業評分👅好味指數: 5/10 💰性價比: 5/10👍🏻推薦: 5/10 —————————————————————🏡地址: 樂麵 (葵芳)葵芳興芳路223號新都會廣場2樓270號舖🕑營業時間：11:30 - 22:00—————————————————————

今日準備喺葵芳劇場度睇話劇，睇之前就嚟到新都會搵食，見到依間食拉麵嘅就入嚟試吓，我就叫咗一個花雕醉雞湯拉麵，第一次見拉麵係依個湯底，好特別呀😳呢個拉麵有雞肉同鴨肉，兩款嘅肉質都好鮮嫩，應該係用慢煮嘅方法，所以完全唔會老，成個湯底都好香花雕味，真係好似整醉雞咁樣，用花雕酒去煮呢個湯底，但係又唔會太濃酒味，鹹味都啱啱好，真係好正！餓底既我叫埋拉麵，替玉，要加底😤拉麵本身嘅麵質好好，係粗麵，我都揀咗比較硬身嘅煮法，但都煙煙韌韌，好有口感，再加呢個麵底都好多，同樣咁好既麵質，只係加$15，好抵！另外叫埋支可樂飲，可樂係玻璃樽嘅可樂，特別冰凍，呢度仲有一個玻璃杯入邊放滿冰，可樂斟入去係更加冰涼嘅口感！

我爸爸本身係一個可樂迷，今日睇到朋友去咗呢一間餐廳食飯之後去返到嚟屋企叫我幫佢出一個食評！話一定要話俾其他人知呢間餐廳有玻璃樽嘅可樂😂玻璃瓶可樂的口感和味道與其他包裝形式嘅可樂有所不同。由於玻璃樽密封性好👍🏻，唔會令二氧化碳流出，因此玻璃樽可樂嘅氣泡會比較細膩而且持久。另外，由於玻璃瓶不會釋放出塑料或金屬味道💁🏻‍♀️，因此可樂的味道也會更加純正同自然。同時，玻璃瓶可樂仲有一種獨特嘅口感和手感🙆🏻‍♀️，令人感到比較有質感同高雅。呢一個都係我爸爸中意玻璃樽嘅原因🥰。想試下玻璃樽可樂？不妨黎拉麵店試下！

我同老公去咗呢間拉麵店，估唔到兩個都令我哋驚艷。1️⃣花雕醉雞湯拉麵2️⃣真熬雞白湯拉麵🔸花雕醉雞湯拉麵🔸佢嘅湯底係用悅和醬園嘅花雕酒煮出嚟嘅，味道好獨特，食落去滋味好好，令人回味無窮。當中嘅材料有雞肉片、鴨肉片同糖心蛋，好多層次，好好味。🔸真熬雞白湯拉麵🔸係店家自家熬製嘅雞湯，入面有豚肉、鴨肉、雞肉同醬油溏心蛋，味道好濃郁。湯汁入面嘅各種肉類都好好味，食落去一點都唔會覺得膩。.•¨🌸🍓•.♬･:🌸🍓‧·* ♪♬🌸🍓 .•¨.•*¨🌸🍓整體嚟講就呢間拉麵店嘅湯底都好好味😚，而且配料都好豐富。雖然價錢都唔平，過一碗但我同老公都覺得好值得一試。如果你鍾意試啲唔同口味嘅拉麵，呢間店絕對係一個好選擇。仲有玻璃樽汽水！扺讚，因為好飲好多。

🌈室內環境方面:非常舒適和溫馨，以木質元素為主，燈光柔和，音樂輕鬆，讓整個空間更加舒適。座位安排得很合理，讓用餐者有足夠的私人空間，適合和家人或朋友一起用餐。🌈食物方面:胡椒豬肚湯拉麵係呢間拉麵店嘅一款招牌菜，以豬肚同胡椒為主要原料熬製而成。湯汁濃郁，豬肚入口爽滑，令人回味無窮。拉麵筋道有嚼勁，搭配湯汁更加美味。如果你鐘意辣味同豬肚，咁呢款胡椒豬肚湯拉麵絕對係一個唔可以錯過嘅好選擇！🌈特別之處:呢間拉麵店嘅湯底係從凌晨開始熬製，湯底加左勁多雞殼，雞殼係煮嘅過程中，廚師要不斷撇去表面的浮油泡沫，讓湯底更加純淨同濃郁。

我在星期六的下午5點去食，無需排隊。店員服務態度還算ok, 但一入店已覺得衛生有問題，將下列明各問題1. 地面極度濕滑，非常危險，只要有小朋友or老人家必須小心，同埋唔知點解個廚房門長期開住，d貨又放到成地都係，基本上你無番多少輕功都唔好行太快2. 空氣異常濕焗，好大可能係佢哋搞open kitchen 但抽風不足導致，變相亦令地面變得濕滑。3. 相信亦都係抽風問題，導致枱面黐立立，連落單紙都變得濕晒，飲食業黎講都幾大問題，依個環境係極度容易滋生細菌。4. 依點係令到我覺得最大問題，就係對員工既訓練，我不下數十次見到廚師係open kitchen 撳電話，一撳完係冇消毒冇洗手嘅情況下直接觸碰肉類及器具，連喺客人面前都咁，我不敢想像喺廚房入面會有幾衛生。食物方面我兩個人去食叫唔同湯底，我食完成碗我另一半個碗先岩岩到，依個安排係咩玩法，重點係一黎你唔係爆場，二黎open kitchen 個幾個人都唔係同你急，慢慢做慢慢撳電話，強! 味道方面湯底係濃郁，但唔太特別，分量唔大，鴨我食左一啖無食，臊到嘔，基本上依個價位我去番食壽司郞會無咁嬲。題外話我隔離個枱客人 2大人1小朋友 都等到唔想等，直

上次來食過，之後一直念念不忘，今日假期終於有機會來喇，今晚既八點幾都好多人，上次來既時侯都無咁多，果然好食係唔同啲，排隊等了一陣，都好快有位了，職員態度也很友善，服務周到🖖🏻🫶🏻豚肉 一枚$25🫶🏻因我食量比較大，所以叫多了一份豚肉，豚肉好新鮮，肉質好嫩，就係鐘意食呢一種食量大既我，每次食拉麵都會🫶🏻加麵，佢係選用永樂伊麵+$25，價錢方面真係好抵食，啲麵好滑溜🫶🏻豚肉，豚肚，醬油溏心蛋🫶🏻佢呢個拉麵原來唔係成日有，過一排就會轉款，上次我係食另一款，不過已經唔係好記得，但今次再食返，仍然覺得好食，記憶中果種味道同感覺，依舊咁好食，仲保持到水準，唔怪得愈來愈受歡迎，拉麵既湯味好濃郁，原汁原味，完全唔係味精，真係好食第二次食仍然有驚喜，以後會多多幫襯🤞🏻

依家餐廳好有心思，我哋叫咗一個花雕醉雞湯拉麵，係一個港日合作嘅拉麵，呢度會有食法嘅教學，首先上枱嘅時候聞一聞拉麵嘅香味，之後再就咁飲一啖拉麵嘅湯，感受花雕嘅酒香，再之後先至將所有配料同拉麵同埋湯底撈勻一齊食，味道好有層次，配料除咗有雞肉鴨肉，仲有好多洋蔥同埋大蔥，好鮮味，口感好好，再加埋醬油溏心蛋，流心嘅蛋黃撈埋落啲面度一齊食，更加香，成個湯底都好濃郁，比較稠，啱晒啲食得重味嘅人士！另外我哋叫咗支樽裝嘅汽水，係玻璃樽嘅汽水，平時都已經好少見，餐廳仲會好貼心咁比一個裝滿冰嘅玻璃杯我哋，飲住冰凍嘅可樂再食拉麵，超正！