樓下冰室

營業中

休息中

我去過呢間餐廳去過兩次，只食過一次，但以後以後以後都唔會再幫襯！第一次我想叫＂叉燒煎蛋飯＂，餐牌上張相隻蛋係太陽蛋，我就問個呀姐可唔可以轉反蛋，個呀姐好惡咁話＂張相唧！反蛋嚟啦！！！！！相係比你睇下唧！要唔要呀！＂，我都係問一句，大佬你張相係咁，我點知你張相係用嚟參考？另外一方面，即係你都唔附合商品說明條例啦！第二次去，我撳咗張飛，佢叫到我嗰陣，我朋友未到，諗住佢唔比我入住啦，點知門口呀姐見到我一個人都照叫我入去坐，咁我就一路等我朋友。等咗５分鐘左右，另一個呀姐就好惡咁話＂喂！你未人齊唔好入嚟啦！仲要等幾耐呀！出番去！出番去！＂我話＂咁你地頭先唔好比我入啦！＂然後佢就趕我出去。好啦，我又再撳飛，但係我一撳又到我，然後我就同之前鬧我個呀姐講＂未人齊呀！＂，點知３０秒前趕咗我出嚟嘅佢已經唔認得我，又再喝我叫我入去，我又再講一次＂未人齊呀！頭先係你趕我出嚟呀！！＂個呀姐即刻唔出聲。之後我嬲到走咗，一世都唔會再去呢間垃圾餐廳！

特色蕃茄濃湯通粉配牛乳炒蛋（$55）可以揀螺絲粉/意粉/米線/湯飯亦可以揀辣/不辣今次我地揀左吉列豬扒🐷同招牌瑞士雞脾🍗兩樣都超出色吉列豬扒超大塊，而且炸得好香脆💯鹵水雞脾亦都好有份量，而且好入味😍蕃茄湯底亦標榜冇味精，成碗飲晒都唔會頸渴😋餐飲就要另加唔包係餐內

今日同老公行完太古城，咁岩見到鰂魚涌有間茶餐廳裝修好特別，行近睇見到入面裝修係彷舊式茶餐廳，有種八九十年代既感覺，係門口見到餐牌價錢都算叫做親民，於是就決定食呢間。雖然係彷舊式茶餐廳既裝修，但餐廳環境都都令人坐得幾舒服，最後左思右想，同老公嗌左一個滑蛋叉燒飯（$55），口水雞飯（$58），同埋嗌左一隻餐廳姐姐極力推薦瑞士雞髀，見佢特飲跟餐半價，於是再嗌左一杯紅豆冰同好有特色既華田脆脆（跟餐各$12。非常抵讚既係，落完單我諗唔夠5分鐘啲野已經齊曬！先講份量，兩個飯既個份量好夠，我一個小女子真係食唔曬，連大食積老公都嗌飽，叉燒蛋飯一開始見到好多豉油諗住會好咸，點知食落無想像中咸，甚至可以話係岩岩好，食得出唔係美極，李錦記果啲豉油黎！口水雞飯老公話幾香，唔會太辣，怕辣既朋友都可以試下，而且老公話第一次出街食野，啲餸係多過飯，抵讚，同埋話啲雞都幾滑，兩個飯都係有水準既瑞士雞髀又真係幾好食，果層滑嘟嘟又惹味的雞皮，加埋熟度剛剛好的嫩滑雞肉，係加分位！如果唔係太飽，真係想同老公再嗌多隻！嘢飲方面想講下杯華田脆脆，啲脆片同華田真係好夾，有好飲又有口感。整體而言，餐廳係水準之上，兩個人食埋單$167，

今日終於有機會下以自家秘製瑞士汁打出名堂嘅「樓下冰室」其實它在鰂魚涌區早已出名了一段時間，很多上班一族都識途。我們選擇了平日晚上來，不用等位可以直入。店內裝潢以懷舊主題為主，配合霓虹招牌、馬賽克地磚等，成功打造了70 年代的模樣。花膠雞米綫 $78足料到呢…..真材實料四件花膠原隻鷄脾用鹽醃過，咸鮮足味，啖啖肉，正呀！米缐掛上鷄湯，特別好味。蕃茄濃湯通心粉配牛乳炒蛋配豉油皇鷄脾 $55「蕃茄濃湯通心粉配牛乳炒蛋」番茄湯底超濃稠，好像是以100%蕃茄熬製出來一樣，通粉吸收了蕃茄湯的甜味，吃下去完全冇罪惡感。炒蛋加入蕃茄湯中又係另一風味，減少炒蛋給人的油膩感，仍然保持嫩滑，蛋香亦冇因此而減少，不知不覺就已經吃完一碗。「瑞士汁鷄脾」聲稱以頭抽、八角、桂皮等煮的滷水汁顏色相當深，其色完全地滲入鷄脾，鷄皮更是吸引，亮麗光澤均滿分。我吾客氣，要用手揸住隻脾食先夠爽，鷄肉滲著甜鮮瑞士汁，肉質有彈性，真心Like 。特飲各加$12我杯「紅豆冰」較削，紅豆和花奶比較不均，花奶多但淡口；紅豆太少亦略硬身，成杯感覺冇乜香味。「咸檬七」正常嘢 ,冇可能唔 ok

話說今日同朋友放工後，想去食茶餐廳類型嘅嘢食，於是朋友提議去食蕃茄湯·瑞士汁雞翼呀。聽到有瑞士雞翼隻眼即刻發光，可以講話係雞翼發燒友😂所以見佢價錢平平哋又去試吓先1.瑞士雞翼（三隻）$38大大隻雞翼而且咬落去好Juice，淡淡瑞士雞翼汁，個人覺得個汁係濃郁嘅，不過在甜少少會更好！🤣2.蕃茄湯配湯飯（可以自由配搭不同粉麵）$55可以用蕃茄炒蛋撈飯嘅味道來形容，蕃茄汁好濃郁，撈落啲飯都幾正！鍾意食蕃茄嘅你，一定要試吓。另外，跟埋一份「麻辣脆雞粒」辣辣地有啲似某大台式牌子嘅炸雞🍗3.芝士焗西蘭花🥦$40味道有啲率色，因為芝士味道不是太出。4.西多士炸得啱啱好，不過真係好多，兩個人都食唔晒🤣5.薯角口感脆卜卜，唔會好乾，食落啱啱好。不過食太多就真係熱氣啦🥲

呢碗胡椒豬肚雞米線比一般嘅米線大碗呀，雞大約有7件左右，雞肉係屬於滑身嗰隻，啖啖肉。另外嗰啲豬肚，咬落去幾爽口，口感唔錯。配菜方面有知竹，黃芽白，湯底真係有胡椒嗰個香味呀，湯底配埋啲米粉食，幾好。奶醬多士，奶醬多士係即叫即整嘅，上到枱熱辣辣，咬落去有一種鬆軟嘅感覺，呢度啲多士算係整得出色，一碟有四件，分量都唔少喎。餐廳環境用咗懷舊嘅裝修風格，入到去好似去咗80年代咁，啲枱枱櫈櫈都係配合返牆上面嗰啲裝修風格。

鰂鱼涌揾食 , 家姐介紹樓下冰室杯奶茶好飲, 所以特登黎試試. 估唔到反而俾佢嘅番茄濃湯通粉 同 叉燒滑蛋飯吸引住. 番茄濃湯通粉 - 湯底濃郁 , 一試難忘叉燒滑蛋飯 , 大大碗 加上叉燒大大塊足料配合上醬油, 好味到無得頂煎肉餅+雞飯, 必試

兩個人喺鰂魚涌好肚餓，經過見到間冰室裝修都幾靚，睇完餐牌見到好多嘢食，咁就入去食啦。咁餐牌上面都真係好多嘢食，主菜小食飲品應有盡有，因為好肚餓所以都叫咗唔少嘢食。蕃茄濃湯通粉配牛乳炒蛋，牛肉豬潤叉燒，個蕃茄濃湯真係好濃郁，應該係用咗蕃茄煲咗好耐先可以做到嘅，魷魚炒蛋又係勁滑，啲餸嘅份量一啲都唔少，一個人食都會覺得多，所有嘢加埋真係一流。招牌胡椒豬肚滑雞泡飯，個湯真係好濃郁好重胡椒味，一定要讚下個滑雞，完全食唔出係冰鮮雞嘅味道，好滑，一啖湯一啖飯一啖餸，真係唔好講笑，成件事真係好好食。豬肚份量都唔少，啱晒我！招牌瑞士雞髀，隻雞髀真係好大隻，個瑞士汁同出邊食到嘅好唔同，都幾甜，有少少花椒八角嘅味道，食落都幾特別，加上好入味，所以真係好好食。焗芝士西蘭花，西蘭花有好多，上面有芝士，入邊都有唔少粟米粒，所以食落去己有咬口同埋幾甜，成件事配搭得幾好。紅豆咖啡，美祿脆脆，紅豆咖啡都幾特別，咁咖啡嘅同時亦都食到紅豆，呢個配搭真係未試過，都唔錯。美祿脆脆唔算太甜，係飲美樂嘅時候亦都食到上面嘅美祿脆脆，真係好正。

今日去鰂魚涌工作，晚上行經樓下冰室，記得食過其他分店都很不錯，所以不用想，同事亦沒有意見，所以今晚就樓下冰室啦。餐廳裝潢充滿港式懷舊經典，十分有味道，看看餐牌先。金牌咖喱牛腩飯$58咖喱味香濃，汁夠濃稠，牛腩腍軟入味，下飯一流。招牌瑞士雞髀 $30看看餐牌瑞士雞肶好吸引，我忍唔住叫了招牌瑞士雞髀，瑞士汁十分入味，雞肶肉都好嫩滑。瑞士雞翼三隻$38同事就愛吃雞翼，三隻share啱曬，同樣吸引，雞翼好大隻，肉嫩滑。自家製蔥花叉燒滑蛋飯 $55我就點了招牌蔥花叉燒滑蛋飯，叉燒份量十分多，蛋又滑又香，味道好。焗芝士西蘭花 $40再點了一個蔬菜，滿滿的芝士鋪滿西蘭花，新鮮爽脆。紅綠椰冰$28話梅柑桔蜜 （凍）$24酸甜冰爽，很解膩。

朋友又要加班了，這次去了他公司附近找吃的，實行邊吃邊等，吃飽了就可以等他來付錢就可以了！特色番茄濃湯通粉配牛乳炒蛋配瑞士雞翼（５５元）這個是這裡的特別，那肯定要試一下，而且一次過能吃到這裡所有的招牌，真的挺不錯！特色番茄濃湯喝起來真的有非常濃的番茄味，酸酸甜甜的，非常開胃，配上通粉，每一口都能拌有大量的湯汁一起來吃，真的挺推薦！而且這個還配有牛乳炒蛋，炒蛋的份量還可以，吃起來挺嫩滑的，蛋香十足，拌上湯汁特別香！最後是瑞士雞翼，這裡特別用上頭抽瑞士汁，所以剛送到就已經聞到非常香了，雞翼吃起來非常入味，頭抽瑞士汁非常香滑，雞翼也煮得剛剛好，嫩滑多汁！吉列豬扒配厚切牛乳炒蛋治及栗米什果沙律（５８元）這個套餐感覺也挺不錯的，份量挺夠，而且配的也不是簡單的東西！吉列豬扒是挺厚肉的，炸得非常香脆，吃起來豬扒還保留到肉汁！而栗米什果沙律，這個配有多款生果，吃起來挺清新又香甜，剛好解一解豬扒的油膩感！最後是第二主角—厚切牛乳炒蛋治，這個是實物比圖片更加澎湃的感覺，多士超級厚，內裡是滿滿的滑蛋，但吃起來完全都不覺得老，十分嫩滑，蛋香十足，再配上搽上了牛油的鬆軟多士，真的能吃不停口！焗芝士肉醬薯角（３８元

樓下冰室選用頭抽瑞士汁豉油，再加八角，桂皮等多種香料調校而成，糖度適中帶有陣陣香料味，層次豐富。雞髀近骨的位置略爲𠝹開，令雞肉更易吸收瑞士汁的味道。頭抽瑞士汁雞髀肉質嫩滑，肉汁豐富，絕非一般！當我睇緊叫咩嘢食嘅時候，就係枱頭見到呢句，我哋就俾佢吸引咗😆下午茶餐：招牌瑞士雞髀🍗+粟米什果沙律🥗+凍咖啡$45🍗瑞士雞髀真係名不虛傳，瑞士汁好入味，甜甜地又香，雞肉好嫩滑多肉汁，招牌冇誤！🥗粟米什果沙律，調味岩岩好唔會太酸又開胃😌🧊凍咖啡好重咖啡味，奶又滑，應該都係用黑白淡奶👍🏻焗芝士肉醬熱狗🌭️$38超大條腸仔，份量都唔細，啖啖肉，肉醬芝士又多，好足料！不過個包就太脆，個人中意食軟熟啲嘅包😆飛女餐：個名都特別過人😂招牌瑞士雞翼撈公仔麵+牛乳炒蛋+丹麥多士+凍阿華田脆脆 $72瑞士雞翼就同瑞士雞髀一樣啦，都係好入味，佢個公仔麵除咗加咗啲瑞士汁之外，仲有啲蔥油可以一齊食，唔同風味😋牛乳炒蛋好滑，好重蛋味🍳丹麥多士好鬆脆，夾埋個蛋一齊食一流💯阿華田脆脆都好濃👍🏻小朋友一定好鍾意❤️推介飛女餐同瑞士雞翼雞髀💯💯

放工落鰂鱼涌揾朋友食飯，朋友帶入茶記冰室佢話係OL之選，冰室走懷舊風冷氣開放十足，地方寬落乾净多卡位，晚市亦很多單身狗揾食。🌟蕃茄濃湯通粉配牛扒$55 🌟綠椰冰$12湯底濃郁红海一片，吾講得笑味道清甜吾酸十分好味，有別其他茶記蕃茄湯底吾怪得佢稱皇，牛扒香煎嫩滑一個正字推介食👍🏻飲品椰香濃加上绿豆爽十分匹配仲夏之選。🌟鲜茄焗豬扒飯$60 🌟華田爆脆$12焗豬上枱仲很熱辣辣，先講個汁茄味濃郁芝士恰好吾会太多食到很溜，蛋炒飯底粒粒分明豬扒很大件好淋入味勝過大X樂一哥焗豬，再飲一口爆脆，華田味濃又有脆脆，口感超爽，好似飲得嘅甜品😝🌟瑞士汁雞翼沙律$58我地仲share 左個招牌瑞士汁翼后，雞翼很大隻上色掛汁滷得好入味吾太咸，瑞士汁雞肶、雞翼亦是鎮店之寶，冰室D餐大碟夾抵食系打工仔糧尾之選。

因為工作至夜深，唯有買外賣晚餐返屋企食。經過樓下冰室，佢冇晚餐，要 a la carte 咁叫，由於鍾意食蕃茄湯底，所以就叫左個瑞士雞比配特色蕃茄濃湯螺絲粉($55)，見佢可以選擇辣唔辣，就加左辣同埋要大辣。由於要拎返屋企都一段路程，所以就分湯(加兩蚊)。冇叫野飲。唔知係咪始終都係外賣，冇響即場食咁好食，加左辣之後蕃茄味亦好似沖淡左，唔夠濃。不過比起一般坊間既蕃茄湯底，都仍然係正既。瑞士雞比有D鞋，但醃得好入味，食到lam lam 脷。

之前一直去開荃灣的兩間分店，很喜歡吃他們的蕃茄湯底通粉及瑞士汁雞翼和雞髀，出荃灣之外另一分店就在鰂魚涌，今日身在港島，心又很想到樓下冰室吃晚飯，於是就乘搭幾個站地鐵到鰂魚涌，而樓下冰室就在地鐵出口正正對面馬路，十分方便！鰂魚涌分店的裝修亦富有懷舊特色，而且亦明亮舒適。來到必點蕃茄湯餐！《特色蕃茄濃湯通粉配牛乳炒蛋 （轉螺絲粉）任選一款配菜 $55》我就選了瑞士雞翼（2隻）！蕃茄味香濃又鮮味，沒有渴感，而且湯中還有不少蕃茄蓉，能嚐得出真材實料，不加味精。加上螺絲粉掛湯，每口都很美味。瑞士汁雞翼，真的很入味，而且雞翼大隻又嫩滑，好吃！《蕃茄濃湯通粉配牛乳炒蛋+2餸 （$54）》點了豬膶及素食，素食即是菇和菜。蕃茄濃湯底無得輸，配通粉都很掛湯好吃。豬膶可能會乾身一點，而配素菜感覺健康。《粟米雜果沙律 $55》大碟又多雜果，入口不膩又開胃。《招牌瑞士雞髀 $30》兩隻瑞士雞翼不夠喉，所以再點一隻瑞士雞髀！同樣入味好吃，最喜歡香濃的瑞士汁味道，雞俾肉又滑。《新鮮菠蘿冰$24》懷舊冰室才有這款飲品，味道清甜又解渴。《華田脆脆 $24》感覺很滿足！

今晚到了位於鰂魚涌的樓下冰室吃晚餐，這間鄰近太古坊，午膳時間很多人，晚餐比較少人，坐得比較舒適。今次為了叉燒滑蛋飯而來，個人很喜歡這個飯，覺得叉燒的甜和滑蛋及醬油的咸很搭，很下飯，今次試試這一間!自家製蔥花叉燒滑蛋飯HKD55 - 很推介，個人覺得這間做得很不錯，賣相100分，大大碗，性價比高。蛋不會過熟，做得到滑的口感，也有蛋香，叉燒大大塊很足料，但不是很淋，是偏瘦的叉燒，配上醬油和飯，一啖一啖可以吃很多。特色蕃茄濃湯通粉配牛乳炒蛋加豬潤 配招牌瑞士雞脾HKD55 + HKD 8 - 炒蛋夠滑，不過放在湯會容易散，建議盡快吃，蕃茄湯不是很濃，算是夠蕃茄味。瑞士雞脾瑞士汁很夠味和香，甜甜的，果然是招牌瑞士汁，配飯的話可以吃很多，雞脾夠入味不過不是很嫩，但整體是好吃的。焗芝士西蘭花HKD40 - 芝士不是太濃，淡淡的芝士配上西蘭花，正常水平。新鮮菠蘿冰 套餐+ HKD 12 - 入口清涼，不會過甜和死甜，是用上新鮮菠蘿，很適合夏天。