樓下冰室

營業中

休息中

好耐冇試過一口氣食咁多港式特色食物，今日同朋友突然唔想再食西餐，決定去樓下間冰室食下。喺餐廳見到某電視台前男主播 🙈🙈🙈個心當堂開心咗一下😂😂題外話來嘅，等我講吓食物先奶油脆豬仔包比我想像中大嚿，本身以為係澳門豬扒包嗰隻豬仔包，點知佢咁大舊讓我措手不及，不過整體包身都好脆👍👍 招牌瑞士雞髀，瑞士雞翼三隻必叫必叫必叫，瑞士汁好入味！我個人就覺得瑞士雞翼好食少少，因為肉質再滑啲，而且佢嘅價錢$40 3隻都唔貴，勁好食！炸韭菜餃子八隻冇諗過茶餐廳都有得叫炸韭菜餃子，佢嘅韭菜餃子都有肉汁，韭菜味好香，而且仲有八隻咁多，大家不妨試吓。焗芝士肉醬薯角呢個都好食喎，係咪因為全餐都冇食澱粉質呢？食下肉醬芝士薯角填飽個肚。佢嘅肉醬非常之多，仲有拉絲嘅芝士添！最後仲叫咗個娃娃菜清一清☺️☺️華田脆脆港式飲品，一定要飲！雖然係好甜好邪惡，但係配埋全餐真係好好食！菠蘿冰呢個就比較清新，而且菠蘿份量都OK，清甜！

久違嘅晚市堂食，嚟到生活圈附近嘅樓下冰室，懷舊冰室嘅陳設，店員們親切有禮，真係好加分！蕃茄濃湯意粉配牛乳炒蛋 招牌瑞士雞髀$57加豬潤 $8超濃蕃茄湯，見到介紹係每日用200斤鮮茄豬丶骨及雞骨熬成，的確係濃郁鮮甜；瑞士汁濃厚偏甜，鷄髀大大隻好入味，豬潤熟度啱啱好，意粉做到 al dente，份量好足！吉列豬扒配厚切牛乳炒蛋治及粟米雜果沙律 $60吉列豬扒似乎係呢度皇牌，聽到隔離枱有係食佢，夠大塊，超脆外層；厚切牛乳炒蛋治又係另一招牌菜，蛋香嫩滑，仲充滿牛油味！典型港式沙律，有粟米丶蘋果丶罐頭雜果粒，豐富。綠椰汁 $26開邊綠豆，椰汁夠香紅豆奶茶 $30本身奶茶底香醇，紅豆少少起沙，好飲！

昨天放工在鰂魚涌吃飯，這家餐廳裝修極具老香港懷舊特色冰室。冰室內掛滿了香港特色店舖的招牌，令人仿如進入了一間香港特色歷史博物館。⭐️蕃茄濃湯配牛乳炒蛋加招牌瑞士雞翼冰室每天用上大量新鮮蕃茄製成蕃茄濃湯，鮮甜美味，為招牌之一。滑溜兼充滿蛋味的牛乳炒蛋配上酸甜蕃茄濃湯通粉，好味又營養十足。冰室另一招牌之一是瑞士雞翼，雞全翼醃得剛剛好，鹹甜適中，雞肉嫩滑令人食不停口。⭐️雞湯浸什菜娃娃菜$40雞湯濃郁鮮味可口，娃娃菜有甜味，健康又有益。⭐️自家製蔥花叉燒滑蛋飯$57大大碗份量十足，叉燒肥瘦適中，配上香嫩滑蛋，再淋上醬油，簡直是絕配。⭐️熱檸水熱檸水能補充維他命C及增強免疫力⭐️綠椰冰$26其實是綠豆椰子冰，底部是綿細軟滑綠豆蓉，上面舖滿了甜蜜椰奶，乃是夏天消暑飲品。

星期四唔想自己煮lunch食，太麻煩啦，於是去左屋企附近既樓下冰室自己一個人食午餐。樓下冰室經常有人排隊，好彩我早啲黎咋，一到12:00就開始不斷有客到。呢間最出名就係番茄濃湯同瑞士雞髀，一場黎到無理由唔食既。佢仲有好多唔同既食物，但我得一個人，食唔到甘多。最後我叫左特色番茄濃湯通粉配牛乳炒蛋、招牌瑞士雞髀、西多士同紅綠椰冰。特色番茄濃湯通粉配牛乳炒蛋、招牌瑞士雞髀特色番茄濃湯通粉配牛乳炒蛋通粉份量好多，番茄湯底好濃郁，食得出用上好多真番茄，炒蛋亦都好嫩滑。招牌瑞士雞髀瑞士汁好濃味，雞髀索晒啲味，啖啖肉，滿足。西多士糖漿自己落幾好喎，牛油好大舊，切開見到中間個層既花生醬好厚，而且係我鍾意既粒粒花生醬，超級飽肚。紅綠椰冰(加$15)我叫左少甜，以椰子冰作為基底，加左紅豆粒同綠豆粒，幾特別。

晚市一開返，即刻開波約齊班朋友聚一聚啦但，冰室既好處就係唔一定要食山珍海味，魚翅撈飯，而係就算簡簡單單一個常餐又好、碟頭飯都好，只要一班人食講下波經，回味下小時光，就足夠了。👇📌飛 哥 餐 - $50▪️ 經 典 沙 嗲 牛 肉 麵 -▪️ 牛 乳 炒 蛋 -▪️ 丹 麥 多 士 -▪️ 紅 豆 冰 - (+$10)▫️ 最經典莫過於呢個「飛哥餐」，佢個沙嗲牛肉麵沙嗲汁做得岩岩好，濃得黎唔會太鹹，牛肉嫩滑有咬口，配搭炒蛋同多士，份量十足夠哂飽肚；嗌埋多杯紅豆冰，非常滿足。📌番 茄 濃 湯 通 粉 - $57 ▪️ 牛 乳 炒 蛋 - ▪️ 瑞 士 雞 翼 - ▪️ 華 田 脆 脆 - (+$13)▫️ 另一重頭戲「番茄濃湯通粉」，番茄湯底質感厚身，完全唔係好稀身果隻，口感十足；而配搭炒蛋食落更加滑溜；加上經典瑞士汁雞翼，鹹甜適中，個汁較得幾好；最後嗌埋杯華田脆脆就必需咖啦。📌特 色 小 食 -   ▪️ 芝 士 煎 蛋 菠 蘿 包 - $28 ▫️ 最後口痕叫多個「芝士煎蛋菠蘿包」醒下胃，菠蘿包外層夠脆身，中間夾雜住一大塊芝士、煎蛋同埋蕃茄，整體清新得黎層次豐富，我幾鍾意。

今日做嘢好大壓力，就連午餐都沒有時間吃。所以下午茶嘅時間就衝左落去其中一間茶餐廳食。這間茶餐廳的招牌非常搶眼，每次搭車都經過，所以今日決定試一下他的食物和普通的茶餐廳沒有太大分別，最大分別的是他有一個很出名的豉油汁和茶餐廳必備的炸雞髀和紅豆冰！我就忍唔住嗌咗呢個餐！我發覺佢隻雞髀真係好大！而且炸得好乾水唔係間間茶餐廳做到！另外佢杯紅豆冰都好大杯我覺得奶味可以再重啲，但佢嘅紅豆蓉做得非常之好不會太甜另外有啲驚喜嘅係佢嘅薯格揸得好惹味，但有一啲薯仔嘅質素麻麻所以食落唔係咁好另外我個同事就要咗碗蕃茄面和凍檸茶，都係正常發揮，但不會吃完有一種味精感很重的感覺。整體來說是一個不錯的體驗，下次我都有機會再食～

放假去行柏架山，行山前食個靚早餐再起步💪🏽 平日午市多人排隊未有機會試，趁11點前去到食早餐😀招牌鮮茄濃湯叉燒通粉($44)配牛乳炒蛋、牛油多士及咖啡。早餐本身係配意粉，但聽聞湯底好好味，所以轉通粉索埋湯汁食😛 叉燒軟腍唔乾，滲透甜甜蜜汁味，蕃茄濃湯以新鮮蕃茄、豬骨、雞骨熬製，味道非常鮮甜，大讚👍🏽 多士、炒蛋同咖啡都很好，十分滿足嘅早餐😋餐廳裝潢好有以前懷舊冰室嘅感覺，牆上壁畫同裝飾都幾有特色

...據說呢間冰室標榜每日用大量新鮮蕃茄去整湯底，作為一個好鐘意食蕃茄嘅人，無可能唔抽啲時間去試試。..呢一朝特登早起，去食個早餐，再行返工😂😂😂😂..叫左個蕃茄餐肉通粉 + 炒蛋 +多士，飲品熱奶茶～埋單44 😬😂..名不虛傳，個茄湯真係好鮮甜好濃郁。食到好多切碎左嘅蕃茄肉係入面。佢話佢無味精嘅～ 我自己食完都信😂因為我例牌食完味精一定會極度口渴，呢度無呢個問題～餐肉微微煎香，吸收茄湯嘅精華😋好好食😋如果有得轉螺絲粉就好啦🥰..炒蛋正常水準，值得一提嘅係佢哋嘅多士同奶茶都「好似」比其他冰室大份😂特別係杯奶茶🤪拎上手重量起碼比平時多三分一杯⋯ 好彩茶底唔錯，我好快就飲清光～食完呢個早餐飽到我下午飯都無食😂😂😂...#蕃茄通關注組..

每次經過這裡都是人頭湧湧，不是等位置就是外賣，今天大年二十九，心想應該人不多吧，去試試，結果還是一樣～人多多。🙃坐下急不及待點了這裡的經典菜，鮮茄炒蛋湯通粉配瑞士雞腿，加即磨咖啡☕。當家的點了三寶飯，加檸檬🍋茶。等餐之時，環顧四周，懷舊的裝潢，像七八十年代的香港，掛著歌舞廳，即日放映等舊式招牌，很有特色。打開餐具抽屜，餐具光潔亮麗整齊，可見餐廳之用❤心。兩份餐上桌，真是不枉我專門坐車來。通粉很大一碗，炒蛋嫩滑，番茄湯裡有很多新鮮番茄🍅，而且很熱，一看就增強食慾，瑞士大雞腿一個，油亮飽滿，😋鮮甜多汁，吃得皮都不剩。😉當家的三寶飯也不錯，叉燒是餐廳自己燒的，毫不含糊，又香又嫩。大瑞士雞翼，加一個荷包蛋 🍳，夠飽足。🤗在長期抗疫的日子裡，這裡體現了獅子山精神，與香港市民共度時艱，提供了實惠美味的餐點，為我們加油加力。👍

胡椒滑雞米線，米線嘅湯底有胡椒味同酸菜味，由於湯底夠濃，個湯底同埋啲米粉一齊食會好好味，另外廚師放左好多芫茜，個湯底會有芫茜嘅香味。呢碗米線除咗有雞之外，亦都有好多配菜，配菜方面會有支竹，酸菜，黃芽白等等。粟米雜果沙律，食完碗米線之後，食呢個沙律清清地好健康呀，沙律裏面會有什果，粟米，蘋果番茄同埋有啲綠色嘅蔬菜，沙律醬份量足夠。華田脆脆呢間餐廳用咗懷舊嘅特色裝修風格，入到去會見到好多香港舊式嘅招牌，喺度食飯會別有一番風味。

位於鰂魚涌地鐵站附近既樓下冰室，位置方便，一出地鐵站就見到。入到去侍應姐姐好有禮貌咁同我地介紹咗好多出名既小食。招牌瑞士雞脾雞髀大大隻，肉質嫩滑，可以用刀輕輕切開，瑞士汁味道濃郁，雞脾索晒班瑞士汁既味道。厚切牛乳炒蛋治蛋治好有驚喜，目測淨係炒蛋已經有3cm高，一擺低我地已經嘩嘩聲，食落蛋味濃，而且非常飽肚。德國什腸有三款腸，有比較常見到既芝士腸同司華力腸，配沙律醬食比較特別。炸韮菜餃子🥟餃子炸得外皮脆，而食落入面有好多韮菜，老闆話佢地啲餃子係自家制，出面買唔到架。話梅柑桔蜜柑桔蜜試過，話梅柑桔都試過，話梅柑桔蜜未試過，朋友話味道幾特別，飲落好舒服。華田脆脆上層佈滿柯華田脆脆，下層就係凍冰冰既凍華田，飲落最底之前要食晒啲華田脆脆，如果唔係就會痴晒係啲冰到。雞湯浸什菇娃娃菜食完咁多煎炸野最後食返個什菇娃娃菜，清清地可以解油膩。

收工諗住食個茶餐，去到鰂魚涌地鐵站對面有間門面裝修都唔錯既冰室，裝修好懷舊，似去咗60-70年代嘅茶餐廳，睇佢既餐牌都片主力都係蕃茄湯底，同埋瑞士雞翼咁。但我對佢地嘅下午茶都好有興趣，佢嘅下午茶供應由2:00至6:30。今次我一於試吓佢嘅香濃蕃茄湯餐，佢標榜冇添加味精，叫咗配香炸魚柳，熱檸檬蜜，仲叫多個奶油脆豬。食物上枱，佢嘅香濃蕃茄真係與別不同，唔單止濃，仲有好多蕃茄肉係湯入面，佢仲係湯面加上滑炒蛋，，食完覺得充滿大量嘅維他命C吖。至於魚柳，好大條，咬落熱辣辣脆卜卜，入面魚柳仲好滑同juicy, 加埋沙律醬，食到lam lam 脷至於個奶油脆豬，成個有手掌咁大個，咬落外皮脆，我特別叫多煉奶，啖啖甜到漏 價錢都唔貴 $20/個（散叫）

係正地鐵站對面，成日都見到，今次終於去咗試😆**********花膠雞米線（$78）米線轉泡飯零味精👍🏻湯底清甜，超級健康雖然係冰室食花膠雞，用料絕不取巧，厚厚嘅花膠，而且數量都唔少，加上半隻雞，成為豐富嘅晚餐**********麻辣番茄湯米線🍅🍜配牛乳滑蛋配招牌瑞士雞髀🍗（$57）🌟推介🌟叫哂餐廳嘅招牌食物😆麻辣番茄湯🍅酸酸微微，真材實料，落番茄去煮湯麻辣口味增加刺激感👍🏻招牌瑞士雞髀🍗瑞士汁無得彈🤩，雞髀入味得嚟，肉質仲係滑捋捋**********阿華田脆脆師傅落阿華田粉超重手，濃郁可口加埋脆脆，飲之餘仲可以咬吓😆唔錯

冰室就喺鰂鱼涌地鐵站出口對面，位於一座舊樓嘅地鋪，淨係睇街景都充滿時代感。餐廳地面鋪上綠白格仔地磚，裡面有霓虹燈裝飾同好多舊式招牌，好有60年代今宵大廈時代嘅情懷。餐廳以番茄濃湯同瑞士汁系列食物為主打，而且好多唔同款嘅套餐，真係令人花多眼亂呀。招牌瑞士雞髀瑞士汁好濃稠，有好香嘅八角同桂皮味道。雞髀大大隻，d汁滲入曬雞皮同雞肉，肉質嫩滑，不愧係招牌菜色!招牌瑞士雞翼瑞士雞翼d肉會再嫩d,但我就比較鐘意雞髀可以大啖食嘅感覺。樓下三寶飯有瑞士雞翼、厚切叉燒同煎蛋。叉燒望落晶瑩剔透，肥瘦之中，肉質幾稔，但可以再入味d。姜蔥幾多，但上桌時豉油比較少。問餐廳姐姐另外攞左一碗甜豉油，係熱辣辣出煙的，倒埋入去就夠曬味。鮮牛肉豬潤番茄濃湯通粉番茄湯底真係好足料，好多鮮番茄粒，而且通粉好掛湯。鮮牛肉正常水準，牛乳炒蛋都幾滑。紅豆冰、凍檸茶來到冰室點少得紅豆冰，紅豆份量多而且唔太甜，唔錯。

招牌瑞士雞翼 Swiss Chicken Leg $30瑞士雞髀好肥美 超級大隻煮得唔會過熟 咬起上嚟好多肉汁 肉質好滑個瑞士汁甜度適中又唔會過鹹絕對明白點解係樓下冰室嘅招牌菜👍🏻西多士 French Toast $32外皮炸得好脆 但麵包咬落仍然非常軟熟 而且入邊夾住滿滿嘅花生醬 識落層次豐富 最好嘅嘢係蜜糖係獨立包裝分開咁落 要減肥嘅OL可以自己決定落幾多就唔怕肥啦🤣經典沙嗲牛肉麵 Classic Satay Beef Instant Noodle in Soup $50沙嗲牛肉非常入味即食麵煮到剛熟啱啱好 配上超滑既牛乳炒蛋同香脆金黃牛油多士 $50絕對超值💯黎茶餐廳點少得經典飲品 - 話梅柑桔蜜：上火喉嚨痛痰多最啱- 檸檬菜蜜：有潤肺止咳 好喝又對身體有益處