樹屋泰菜 (已搬遷) 新店位置

無人講, 我講。兩個人晚市未到就霸左張枱, 點了泰式鳳爪、黃咖哩牛肉飯和泰式炒金邊粉。街市熟食中心例必有間泰國餐廳, 而它們的餐牌千篇一律, 味道卻各師各法。前菜泰式鳳爪材料正常, 味道卻辣到飛起, 想必是為了吸引人點啤酒飲料; 咖喱不過不失, 牛肉是火鍋牛肉片, 都好食, 友人譏諷我的妄想, "如果係牛腩會寫明囉"; 金邊粉是好食的泰式金邊粉, 另附調味料非常特別, 除了有青檸和乾辣椒, 還有砂糖(而非花生), 味道相融。花園街街市的熟食中心不是密閉空間, 開了冷氣, 加幾把牛角扇吹下吹, 食辣都不會流汗。

好耐冇出去食飯小聚，以前都有去呢間平民泰菜食下飯，吹下水。就個人以言，呢度算係經濟抵食既。同大家分享下燒雞奕乾身，肉唔乾，幾好食，性價比極高。燒三文魚鮫亦係一樣，個泰汁好開胃，佐酒一流。燒牛脷，應該係鹵好左，再燒返熱切片，所以亦唔會好油口或太乾，不過不失。最驚喜係個炸皮旦肉碎，熱熱地既皮旦，拌香辣肉碎，好好食。（本人係皮旦控）次次都點，百吃不厭另外仲有燒牛沙律，雞腳沙律都做得唔錯。以上既食評同價錢掛鈎，平民既價錢，咁既質數，我覺得係上上之選。飲下啤酒吹下水，好正。

大排檔式的泰國餐，好少去大排檔食泰國嘢，朋友帶我食好西，去旺角街市。今次我哋有一班人，所以可以嗌好多嘢，真係開心，心情好，重可以啤一啤。今次試咗個泰式雞煲，但係都係港式的雞煲比較好食，試吓無妨。朋友最愛炒粉絲，去到邊度都會叫，呢度都唔錯。呢度出名串燒，我叫咗個燒茄子&雜錦串燒，好香味道唔錯。蝦餅拼魚餅，呢度啲魚餅好好食，冇腥味，蝦餅&春卷就還可以。炒金邊粉，普普通通啦。生菜包，味道啱啱好，唔太辣。飛天通菜，菜好新鮮，正宗泰菜。好少去大排檔食飯，呢度比我感覺好好，坐得又舒服，食物又好味，一大班朋友，唔錯嘅選擇。

去到旺角好想食泰國菜朋友推介左去花園街街市好有驚喜💜 冇諗過街市熟食中心都會有高質泰菜一開始睇佢地menu嘅價錢 對野食冇咩期望諗住滿足食泰菜嘅慾望就夠點知又平又好食 完全係其他泰國餐廳嘅水準🤭我地仲叫左唔同小菜 一樣又平又好食但因為當時太肚餓 一張食物嘅遺照都冇影到😂另外有試佢地嘅野飲 本身想叫朋友大推嘅芒果沙冰但老闆話嗰排芒果貴 又唔夠甜整唔到芒果沙冰比我地😭最後叫左菠蘿沙冰 好足料 $18嘅價錢 幾十蚊嘅質素到今日都好深刻😋💜🤑 冬蔭公(細) $65

💛旺角泰菜黃店 依家每次出街都試新黃店梗係覺得黃店啲人都nice d🤣🤣叫左兩個dinner set $60一個set超平 又有前菜老闆(我估係🤣🤣)人超nice又有禮貌比左卡片我希望所有黃店都撐過個疫情💛💛

原隻菠蘿🍍炒飯🥣 $55雖然呢個無🙅🏻‍♀️海鮮🦐🐙🦑但即使佢係（細） 都好大碟 😎👅味道😈係偏鹹 但好食👍🏼👍🏼食曬d 飯🍚 個菠蘿🍍仲有好多可以刮🍴出嚟 真心抵食🤩椰香🥥黃咖喱🥘配牛肉🐂 $62個人認為🕵🏼‍♂️ 佢地做得幾好👩🏼‍🍳👨🏾‍🍳因為佢地用鐵⚙️嘅兜 裝住🍽又可以保溫🔥 又靚🌹到食物方面 我好鍾意😘佢個薯仔🥔佢地係有自己煎🍳過黎 先再放入去🥣好感好好咖哩🥘個汁 都調得好食 不過比較浠身💧總括黎講 價錢💵好對得住d 野食👍🏼🥄🥢好抵食 值得再去多次🕺🏼🚶🏼‍♂️🚶🏿‍♀️（呢間係小店黎 值得去支持）

V仔同麗妹好耐冇嚟樹屋啦⋯⋯。水準都保持到。夜麻麻兩條友夜工行完街，其他都要等位，好無奈，行過花園街街市，又想食啲熱野米諗起樹屋。今次叫左青咖哩配蒜茸包。抵食同好好味😋青咖喱什錦菜無配肉咁香不過啲青咖喱都好好味，點蒜茸包一流。另外加左串燒，都係佢嘅主力好味嘅嘢。加埋個金邊粉酸酸甜甜。就好夠了。最後都要左支象啤。兩個人夠晒皮。秋天涼涼地有少少辣剛剛好。師父無之前咁重手無咁辣，之前啲青咖喱係非常之辣。

銷售員A 和會計員M 今晚又來到旺角揾食，一直有同事介紹，係旺角花園街街市熟食中心，內有間泰菜水準不俗，今晚終於有機會親身一試。位處於舊式政府街市三樓的泰菜，第一件事要注意是沒有冷氣，今晚天氣嘗算涼快，夏天要來就要考慮一下。餐廳於周四晚八時多仍座無虛席，等候了15分鐘最後都要搭坐方才有位。泰式明爐烏頭 - 正常泰菜應有水準，不算好亦不算差。馬拉盞炒通菜-正常水準椰香黃咖哩牛肉-喜歡嚐辣的朋友，建議可以要中辣或以上，嘗試了小辣會認為較甜，然味道是好味的。銷售員回頭指數: 3分

好多人都推介呢個泰菜，本身都怕佢係花園街市，環境會有點不理想，但去到真係exceed expectation，好整潔，而且坐得又唔會好逼。食物比出面平，價錢十分親民。特別推介有泰式生蝦刺身，一樣有冰粒墊底，食落爽口新鮮，出面食90幾走唔甩，但呢到60幾就得，認真抵食! 黎到樹屋必點仲有燒雞翼，因為佢係即叫即燒，所以都等左成20分鐘。雞翼係全翼黎，燒到雞皮脆卜卜，肉汁多到滴哂出黎，可惜佢落左太多泰式辣醬喺雞翼上面，整都整唔走，冇左燒雞翼嘅原汁原味。冬蔭功料都算多，有蕃茄、菇、蝦等等，食極都仲多。味道偏甜既，但依然有酸辣味，好易入口。大家都覺得佢喺街市就怕左，我覺得好值得一試!

今晚同老公收早，七點到達仲有幾張枱可以揀，發現原來無冷氣，算吧反正好似唔係好熱，加上有幾部風機吹住，應該都頂得下。一坐低已經有侍應問飲唔飲啤酒，當然要啦～立刻降降溫。坐一坐，望一望。廚房一目了然，一位姐姐負責串燒烤鷄烤魚烤蒜蓉包。一位大廚，幾位幫手。最後點了 紅咖哩軟殼蟹加$12配蒜蓉包、串燒六串：豬牛鷄各兩串、馬拉盞通菜。上菜時間比較耐。等了五分鐘左右 先上通菜。其後，大概十五分鐘才到齊其餘兩碟餸。串燒 除左牛肉好硬，其他都無乜特別問題，軟殼蟹咖哩比較咸，配鬆軟蒜蓉包剛好。但淨食蟹就味道過濃。八晚左右已經全院滿座，除了本地人，還有自由行，兩三枱外國人幫襯，睇落唔似遊客，因為佢地好熟架步。總括而言，天氣無咁熱都可接受，但以七八月既夏天黎坐，會比較辛苦，就要自備風扇仔先得。

呢間泰國菜係旺角街市入面（好似係頂樓），路過比朋友介紹就黎左黎食啦😌街市環境就冇得挑剔既，但又唔係平時個d咁hea，木製枱凳都好有樹屋feel🤤都叫做有心思既🤪今次黎食既都係d出名地道既泰國野食，先黎既就要試下個冬陰公湯（細），呢個細既份量都足夠分到四碗，料就唔算多既，蕃茄，菇，兩隻蝦同香草等等。味道就偏甜既，酸辣味都唔係好出，唔食得辣既我相信都食到（因為我都係譚仔酸辣既程度），不過個人就想酸同辣味出d，勝過甜味第二個就係波蘿炒飯（細），基本上冇乜特別地合符水準，飯身唔太乾唔太濕又唔會話好酸，正常發揮，但價錢就平過出面一倍！已經夠哂吸引啦🤑🤑最後就係泰式金邊粉（細），就咁食本身就淡味d，但隔離有辣粉同砂糖可以自行調味，岩哂想食唔同辣度同甜度既人🤤so far so good👍🏻最後要提既就係呢到既份量都唔少野，佢好多都有得揀大同埋細而呢到叫既全部都係細，員工一般都建議食細既都夠3-4個人分👍🏻so far就係好抵抵抵食既泰國野，想平平地頹頹地食餐泰國野既真係可以黎試下👍🏻

約朋友聚舊，朋友推薦下來到位於街市內的樹屋吃泰菜。首先，環境由於位於街市，無論環境上、座位都不會很光鮮，但反而有種地道的味道，來到的時候，都見到一台是外國人，想必也會吸引旅客前來。至於，食物我們點了蝦餅、菠蘿炒飯、炒金邊粉、串燒。蝦餅和串燒都很好吃，感覺是剛弄好，蝦餅很有口感，串燒還會配黃咖哩，很好吃😋肉的質感不錯。而菠蘿炒飯我以為會是整隻菠蘿上，但只有炒飯，有少少失望，味道尚可。至於炒金邊粉也還可以。

已經唔知幾次回頭食樹屋，每次係旺角諗唔到食咩都會黎，因為成日都好掛住呢到既清邁香葉雞煲同香葉肉碎炒飯，雞煲勁惹味，大量既檸檬葉去煮，雞肉件件都超嫩又足料！香葉肉碎炒飯第一次食都好驚喜，好有鑊氣，九層塔好香，成個飯都好有鑊氣好香！燒魚燒得又香又嫩滑又大條，加埋個汁係絕配！咖哩蟹粉配多士，蟹粉份量多到加點一份多士都食唔哂！咖哩味唔會太辣又夠香，諗起都流哂口水！

我同男朋友也喜歡這間泰國菜。平靚正泰式肉碎煎蛋飯好足料，好香好好味。泰式魚皮好爽口，好特別燒三文魚，點泰式辣醬，好juicy,正爆好足料，蝦好新鮮，辣度剛剛好，好好飲。員工服務好，叫下單，好快手。

聽講樹屋泰菜一向都好受外國遊客歡迎，呢晚我呢個本地人終於去左試嚕！一出lift就係典型街市熟食中心既格局，而第一間見到既食店就係樹屋泰菜。啲枱枱櫈櫈全部都係木造，好襯樹屋呢個主題👌🏻叫左幾樣大路菜式，質素平凡，圖片如下：1. 泰式生蝦🍤2. 泰式明爐烏頭3. Pad Thai幾樣野裡面令我最失望係呢個pad thai。一黎唔知點解坐正佢炒餸隔離個位碟野都唔夠熱，二黎個重點係佢冇花生碎！！還我花生碎！還我花生碎！還我花生碎！去泰國食既pad thai全部都有花生碎，所以我估唔係我一直以黎食既都非常唔正宗掛(?) 4. 泰式咖啡沙冰令我驚喜既係，呢杯沙冰真係好好飲！係我飲過最濃既沙冰之一！推介推介‼️