樹記大牌檔 (已結業)

個fd 想去食南山大排檔，我只好一齊去男人浪漫一下…一黎到見到64蚊一個菜加湯加飯加野飲，抵到呢…我相信出面而家d 大排檔都做唔到呢個價。個湯我冇問到咩湯黎，不過都係中湯，豬骨煲既…唔算好好味，不過不失。之後到兩個餸，一個係沙嗲金菇肥牛煲，另一個係魚香茄子煲。因為係煲既關係，兩個都好有鑊氣。沙嗲肥牛個味好濃：牛肉，粉絲，金菇，所有係個煲度既野都有一份沙嗲味。牛肉薄薄地，唔算好un，仲有d 爽口。一路食一路撈飯，真係即刻想叫多兩個飯。魚香茄子都係，肉碎入面發出陣陣魚香，一大煲魚香精華完全保持係個煲入面。茄子好易入口，食落一d 都唔硬，仲林林地，好好食。食下一件又一件好快就冇哂。食左咁多野，最後又點少得玻璃樽既可樂？本來都唔想叫可樂，但佢又真係咁多隻玻璃樽飲品入面最大支個隻。見到玻璃樽我直頭興奮到連飲管都唔用，直接"對" ! 雖然玻璃樽裝既都係可樂，但係用玻璃樽個感覺硬係比較乾脆，比較爽快！而家好多時都已經冇乜機會可以搵到呢d 樽裝可樂，所以係度飲得好痛快～！如果有朋友唔介意係大排檔環境食野，樹記又真係唔錯既選擇，得閒可以過黎試試。d 伙記都好nice，服務好周到。

魚雲先炸後放麻辣初嘗不覺怎樣，隨後感到口中淡淡滲出香麻感覺，令人食不停口，讚囗不絕，回味無窮，值得一試。挑戰麻辣者不妨試試！（食者心得：先吃煱內配菜，隨後才吃脆卜卜的魚雲，然後口中漸漸滲出麻辣清香！一試回味無窮！）

放工相約朋友於南山村樹記打冷，我們點了菜心蝦仁雞柳，芝士雞翼、椒鹽三味(椒鹽鮮魷，椒鹽九肚魚和椒鹽魷魚) 、可樂和蘿蔔朱骨湯，菜心蝦仁雞柳炒得好香，芝士雞翼好入味芝士夠濃、而椒鹽三味有鑊氣，略嫌椒鹽魷魚鹹了少許，最後蘿蔔朱骨湯味道尚可，期間老闆娘見到我們交流i-pad 使用方法，大家一同寒暄交流，開心的鄰里互動，今餐多謝好友請客。

樹記大牌檔 由九龍仔14座已經有幫櫬食有游水海鮮 靚湯 大廚小炒 日日爆棚 回味折徙置區 而家搬咗上冬菇亭 雖然無冷氣有風扇 而家秋涼剛剛好 回憶吓 想當年 無加1 免茶芥 送例湯豆腐嫩滑 燒腩勁多 10幾嚿兩個人 食唔晒 仲包啲走有鑊氣  大排檔風味餐加 9元 仲有支大可樂 “据”晒午市嘅飯 炒麵 夜晚食都無加錢 低食白飯魚煎疍飯 38元 啲飯有啲硬 亞仔就話 OK虾醬通菜鮮尤炒麵 指定要通菜要加3元 虾醬略咸咗啲送西洋菜紅蘿蔔豬骨湯經濟實惠 冬天會多啲來

價廉物美.抵:食○K啦.飯盒23元又有汽水'例湯送.唯一學生多時送外賣耐`D. 黃金虾蛋王鮮美.豆腐嫩滑.餅極之鬆化脆口.話梅骨清香..現時舊式大排檔風味小炒越來越小可以一試無訪

野都幾好食 大眾化 不過就冇冷氣 炸蠔餅夠脆幾香口 抵食夠砰 風沙雞皮脆肉滑 黃金蝦都煮得幾好蛋黄牛油味夠濃 蒜蓉粉絲蒸扇貝好好味 120蚊有4個餸抵食 碟頭飯都係23蚊起 但係就冇冷氣 不過大牌檔都差夠格喇