樹記腐竹全駿記 (已搬遷) 新店位置

間中會去大埔搵食，但每次經過樹記，都係人頭湧湧，大排長龍！我想試佢個腐竹x意大利Gelato雪糕杯好耐架喇！今日路過竟然得5個人排隊，我唔理三七廿一即刻走埋去排隊啦喂！D職員手腳都好快，雖然冇咩笑容，但你唔會覺得佢惡或者冇禮貌 行到埋去先知道原來佢仲有出雪條，分別係抹茶皮腐竹雪條，同埋朱古力皮腐竹雪條，不過我緊係試咗佢個原味先啦！終於食到啦！（淚光）好好味呀！腐竹味好香濃，而且一D都唔假，味道食落好似腐竹糖水咁，甜得黎唔漏，質感都幾滑幾creamy，雖然咁細杯$18蚊真係幾貴，不過真材實料，而且本地老字號，仲識得搞搞新意思，簡直老少咸宜，值得支持啦！

之前同朋友去特登入去大埔就係為咗食樹記新出嘅雪糕雪條，老字號出名 做腐竹 應該好多人都知。但係冇諗過 腐竹gelato & 腐竹味雪條 竟然都諗得出，有呢個概念嗰個人真係要俾佢一個讚。 咁我哋就試咗個gelato 同埋 綠茶皮腐竹味雪條，首先講 gelato ,口感比較似一般雪糕，而且味道比較清淡 食到淡淡既腐竹味 感覺有少少似豆腐雪糕啦,呢個覺得冇乜特別。 但係另外嘅綠茶皮腐竹味雪條 正 唔會太甜 綠茶皮裏面係雪糕質地 口感實在有咬口 唔會好快溶 味道清甜 帶有好濃既腐竹味 你食緊雪條 但係就好似飲緊腐竹糖水一樣 。呢個係香港人 自家製嘅味道出色

之前睇某本雜誌，介紹大埔樹記腐竹竟然出雪條，一直都好想試，但未有機會經過。今日終於等到了，一見到即刻沖去俾錢買。之前睇雜誌，聲稱每日雪條限量發售，售完即止。十分幸運，俾我哋買到。雪條有兩種口味：朱古力及抺茶。我哋買咗朱古力試。其實朱古力味雪條，即係朱古力脆皮雪條，朱古力脆皮入面，係豆腐味雪糕。本人覺得朱古力味較濃，遮蓋了豆腐雪糕味道，但整體感覺十分良好。尤其是炎炎夏日，食一條冰凍雪條，份外賞心樂事！

2017.09.02 😊【認識真•樹記全駿記】樹記 是一間主要售賣荳製品的食品廠老字號面對同行的抄襲 什至假冒 背後面對多少辛酸很難想像🌊樹記腐竹 起初是在深水埗開業 有超過60年歷史其後因為一些家族糾紛結業及後孔家的後人眼見可惜 一間深受街坊支持的老店就此完結🤰於是另覓新址 在大埔區重新出發 再次建立起形象樹記腐竹全駿記 取其音 希望是全力以赴 往前進新人事可謂是新作風搬了新址 除左要重新儲回一批熟客外亦要花下不少心思挽回被仿冒店帶來的負面影響現時大埔店主要是由孔小姐主理鮮腐竹 腐皮 等荳類製品是由舊鋪開始就已經有售此外為了打入年輕一輩市場 更創新的在炎夏推出了腐竹意大利雪糕 腐竹雪條 (抹茶及朱古力口味)🍨腐竹雪條2個口味對小妹來說都是件新鮮事若然不是孔小姐的大膽一試 相信亦好難會有人會用上這個食材跟相像中不太一樣的是 沒我相像中的死甜😱感覺上很清爽的甜度 不會很膩的外層的脆皮就像蛋糕的糖皮而抹茶及朱古力口味2者比較我更為喜歡前者 清新的抹茶味🍵令到包裹其中的腐竹雪糕口味更為突出堅持不加防腐劑 用心製作 相信這份香港人精神 就是吸引到一眾街坊的魅力吧各位在享受的過程🙋也不要忘記感激

當初，真的很好奇為什麼顧客們要排隊買腐竹或是其他產品？在分秒必爭的香港地，究竟有什麼吸引力令顧客不惜去大埔買東西？直到有一次，朋友送我一包樹記腐竹；當然立即煮最喜歡白果腐竹薏米雞蛋糖水。未煮好時，濃濃豆香已經洋溢在空氣中；煮好後，囗感及香氣更是令人難忘。之後，陸續嘗試他們的新產品。其中，就是近日甜點寵兒 - 腐竹雪糕。微甜順滑的雪糕，彷如在享受腐竹糖水。夏天時，迷戀得每天最少吃一杯。幸好低糖低脂低卡路里，貪吃後也不用太緊張。除了外層盒蓋，內層也有一層保護膜。讚👍🏻各位，我不客氣了！要好好享受一下舌尖上的「滑雪」時光！

唔知係咪鋪頭真係甘出名。好似人人經過都要買特別而家又係夏天，雪糕去到已經賣哂甘冇所謂既。咪試下朱古力腐竹雪條話就話雪條，其實入面都係雪糕。腐竹味好重，好fresh。但又配落朱古力度成件事好唔多夾。濟腐竹雪糕就夠啦

天氣熱，路過想起樹記有雪條出咗，試下先。20元1枝，分別係朱古力腐竹雪條，同抹茶腐竹雪條，收得20元一枝，size都算正常，我選了抹茶味，食落腐竹味係有嘅，都香口，下次再試朱古力味。

朱古力腐竹雪條($20)-話說司令一心諗住去食腐竹既Gelato，點知去到老闆娘話冇曬，真係喊出黎😢。點知老闆娘突然又話有雪條，係抹茶同朱古力味，原本心諗，係咪玩嘢啊我黎食腐竹雪糕無啦啦要轉左食朱古力、抹茶雪條😂，講左一大輪，原來兩款味都係配腐竹雪條，哦咁一場黎到冇理由唔試試佢。裡面既腐竹雪糕好香好重腐竹味，正啊，不過外面包既朱古力皮就一般，都係推薦大家去食腐竹Gelato啊😫，唯有下次再戰。

去到大埔，天時暑熱，體感40度咁款… 順便去埋樹記雖然係60年嘅老字號，但強烈感受到新舊融合，除左一般嘅鮮枝竹、素鴨、腐皮、生根、響鈴等腐竹製品，仲有腐竹雪糕、雪條，吸引左唔少年青人前來。腐竹雪糕 $18/80ml諗都冇諗過腐竹都可以製成雪糕呢！強調100%天然，低脂、低糖、低熱量，本土製造自家包裝，幾可愛。顏色係淡淡嘅奶白色，質地有少少似雪硬哂嘅雪芭，攤一陣解凍先食會較軟，烈日當空都唔會溶得好快。食落淡香嘅腐竹味，口感未算幼滑，甜度唔高，獨食也不膩。抹茶皮腐竹雪條 $20 (原價$23)除左抹茶味，仲有朱古力皮，其實真係幾新奇！以一層抹茶皮包住腐竹雪糕，抹茶味道唔濃，層皮就係平時做蛋糕嗰種糖皮，厚厚地，食落淋淋地，唔係脆皮。裡面嘅腐竹雪糕同杯裝嘅質地都幾唔同，比較厚身同腐竹味濃啲，溶嘅速度快好多。唔係話好特別，我一試便好了

長老們今天一早弄醒我，話帶我去買靚腐竹，不過要去到大埔，真的好遠呀！千辛萬苦，轉車轉車再轉車，終於到大埔站啦！還要行一段長路，好……熱……好……辛……苦……呀！以為是舊式裝修的豆製品舖，點知裝修又幾時代喎！有 Facebook 㗎！老閭真識做生意，見長老買了腐竹，就介紹我地食佢新出的抹茶脆皮雪條，不過今天不想食抹茶，所以買了黑芝麻豆漿，但後來又發現佢地有一款低糖腐竹意大利雪糕，咁勁，咁緊係買杯來試啦！黑芝麻豆漿：豆漿滑，不過黑芝麻味唔出，唔太甜低糖腐竹意大利雪糕：好得意呀！意大利雪糕?感覺像食緊腐竹糖水，不過因為低糖所以唔太甜

難得今日大埔一天遊.....下午茶唔駛問.....當然來哩度食返杯雪糕啦......終於有機會試下樹記既雪糕了✌🏻️接近下午5時......仍然有條龍......亞姐亦好快手快腳，好快就到我們😁杯裝腐竹雪糕，size有點少......味道好勁腐竹味，食完好似食了成碗腐竹糖水般😆不錯不錯.....而新出的腐竹雪條，有抹茶脆皮及朱古力脆皮.....內是腐竹雪糕，由於擔心朱古力味會蓋過腐竹味，所以選了前者抹茶味.....雪條以抹茶朱古力脆皮，包住腐竹雪糕，結果連我哩個甜魔也覺抹茶脆皮太甜🙈

約Friend食飯前，仲有時間剩，周圍行下，醒起呢度有間賣腐竹出名既樹記，同埋只有呢間先有自家出品既雪糕，咁就去睇下，不過諗起一陣仲要食晚餐，所以最後冇食雪糕，下次會再試其他，今次只係買左以下3款：真空素雞，素鴨腐竹 (呢款煲完腐竹糖水有腐竹食) ~

腐竹糖水雪糕你喺出面食過未？ 我就未啦， 但係反而街坊老店樹記腐竹就有得食， 建議進食之前等待十至十五分鐘，等雪糕變與口感會更好， 雪糕味道清新， 淡淡豆香味道唔算太重， 佢仲要係低糖低脂低熱量

因為好好食，所以本來買比朋友食個杯都自己食埋。叫佢豆腐雪糕不如叫佢腐竹雪糕。$18唔貴唔貴，細細杯，不過好好食，好濃嘅腐竹味，又唔會太甜，我食完一杯，就搶咗我朋友個杯嚟食。

每次想食，都要一早黎排隊通常都要等幾個字我會買素雞，煎香食，送飯一流如果中意食腐皮，我建議買腐皮碎，一袋有排食，每次煮麵放少少好香好滑的，唔好煮太耐另外，買過腐竹黎煲糖水，煲都溶哂，飲落好有黃豆味，好滑