樺得園 (已結業)

最近睇完米紙，谷德昭介紹呢間漢堡包於是就約左大同收工之後一齊嚟試吓因為我唔食牛肉嘅關係我就叫咗魚柳包 try try 嚟到嘅時候就已經覺得好吸引一咬落去非常juicy我嘅大學同學叫咗牛肉漢堡佢都覺得漢堡好正 好juicy 肉質嫩滑佢表示佢會再返嚟幫襯見到有得加小食 我地就叫左個煙肉芝士炸薯條雖然呢隻薯條有啲幼唔係我嘅Favourite 但係overall 黎講呢個組合係冇得輸只要個薯條外脆內軟！推薦！我哋另外都好似有叫到洋蔥圈，不過我覺得還好 可試可唔試

好多唔同牛選擇叫咗個飛驒牛雙層漢堡啲配料都夾得好好肉質鬆軟 好多肉汁！全日早餐都唔錯 腸仔同漢堡扒都唔係普通貨色炒蛋較滑 裝修同食物外觀都靚 好值得一試價錢都可以接受 好過好多打卡cafe

今次好想食肉但又吳想食餐咁就食burger啦😉黯然銷魂漢堡最初覺得叫漢堡就係普通包底一上枱就 波蘿包有烘過所以更脆😉叫得黯然又點會無 叉燒➕蛋蛋味濃叉燒用既醬不算甜所以令叉燒更岩反本身甜既波蘿包不過叉燒 中門有肥脂肪🙈都大之後配上生菜，洋蔥，蕃茄令整件事更好食邊有會邊流汁所以女士們要小心🤣🥲結 : 值得推薦👍🏻整個包都睇到出用心計劃過🤝之後食食下，重有遞上濕紙市👍🏻❤️#黯然銷魂漢堡#樺得園

九龍城一間平民的漢堡飽店。餐廳食物性貴比好高，絕對係平民之選。漢堡質素真係超出價錢嘅水平。食物最推介飛驒牛漢堡，而牛扒就稍為遜色。整體環境都可以，都舒服。不過，繁忙時間真係好多人。想食得舒服啲，就唔好繁忙時間去試啦。

加廿八蚊跟餐小食心諗點都會細份啲，但夠膽死得3舊油爆洋蔥圈，都算，至少杯加五蚊嘅凍檸茶唔錯，就等睇下個包咩料。一等就半個鐘，煎咩扒要半個鐘啊，仲要唔俾催單，唔催你都唔好咁耐先俾嘢我食啊。講返個包，叫咗飛驒牛，普通，就係好普通，加埋要等半個鐘就好bad了。價錢廿八蚊嘅餐係唔抵食，包就好普通，至少我個飽係，同價位有好多選擇。夜晚食就要再加一。總結食物味道還好，未到會推薦嘅程度，加埋上面嘅嘢就唔推薦了。

好難得另一半主動提出今日去九龍城食W Burger， 雖然我哋都未曾食過，但係見網上嘅正評都唔少所以就決定入座啦未入門口已經見到出面兩張枱都坐咗客， 入到裏面就更加差唔多滿座， 眼見樓面只係得一位靚女姐姐好忙咁走嚟走去， 但係佢都好有禮貌咁招呼我哋坐低，只係同我哋講畀啲時間佢哋出菜，因為今日好多單，唔好催佢地就得！我哋就決定咗嗌龍城雞扒漢堡以及 蘑菇安格斯牛肉堡，兩客漢堡都轉咗套餐，有包埋一客小食/湯+一杯飲品，再加上一客迷你小食拼盤！其實由落單起計都唔係等咗好耐，而每一次食物上枱，侍應姐姐都講一次唔好意思，多謝你體諒。。首先講下份雞堡， 係出乎意料之外嘅好食， 尤其係雞扒嘅嫩滑程度以及調味都令到我地驚豔，我嘅另一半甚至話比起佢嗰份 蘑菇安格斯漢堡更出色 而蘑菇安格斯漢堡就稍為普通。。。另外點嘅小食拼盤亦不過不失，當中嘅雞翼味道亦十分唔錯！下次會再嚟試下其他款式嘅漢堡，希望佢亦都會有令我哋驚喜嘅表現啦！直到我哋離枱，成間餐廳都係滿座㗎， 要嚟食嘢嘅朋友仔都真係唔可以心急，要畀啲耐性等一等㗎！

生酮左整整一星期，實在係煮到厭。腩夫話去九龍城試吓生酮漢堡。我兩眼即刻發光，佢又可以食下正常嘢😂雖然係星期日，但都係等咗5分鐘就有位啦。我叫咗個飛驒牛肉生酮漢堡（走醬），加咗個風味雞翼，當然比腩夫食啦，仲有凍檸茶走甜。另外嗌咗黯然銷魂漢堡，加咗紐倫堡腸。另外仲見到有生酮夾餅，本着不妨一試嘅心態嗌咗。首先嚟咗飲品同埋生酮夾餅，店員會問你需唔需要羅漢果糖花生醬。我有諗住不如又試吓啦😁😁😁夾餅外貌好似格仔餅，仲放咗舊牛油喺上面。加埋羅漢果糖花生醬一齊食，你咁多日冇食過澱粉質同甜野之下，佢變得好好食。腩夫試咗一啖，話留返俾我食。但係見到我食淨啲花生醬，唔知係佢肚餓定係覺得啲花生醬好食，其他食物未嚟嘅時候，佢就係咁撩啲花生醬嚟食😂😂😂飛驒牛肉漢堡好快就嚟到，但係外型好迷你🤣。雖然我係走醬，但係都好juicy。唔係食過好多生酮餐廳，所以形容詞都比較貧乏啲，整體黎講都幾好食。食緊漢堡期間，風味雞翼同埋紐倫堡腸都嚟咗。黯然銷魂漢堡真係等咗一段時間，嚟到嘅時候佢係菠蘿包做包皮叉燒係勁熱辣辣。但係佢嚟到嘅時候我已經食晒我自己嘅嘢，所以不斷係咁問腩夫好唔好食😂🤣，佢話非常值得一試，感覺好新穎。

因為近排對生酮有啲研究，出街搵食都會注意下，今次嚟呢間有賣生酮漢堡嘅店試下。全日早餐不嬲唔抵食，係食個環境，呢個都唔例外，味道一般。個夾餅係幾出色，但佢比漏左牛油我，個沙律又冇落油醋。另一個叫左個生酮200g牛肉漢堡，其實做得好唔錯，雖然呢個生酮包皮味道冇乜，可以做好啲，但佢個醬同牛肉好味。但係有個致命位係呢次令我對間餐廳失望，就係佢塊漢堡扒未焗熟，要知道雖然佢係牛肉，但唔係牛扒，牛肉唔熟會有病菌。而且紅色生嗰到仲要凍。佢之後同我焗返，但始終唔熟，仲要拆散過個包。最後個女服務員仲怪我冇同佢講全熟，但其實常識都知漢堡扒係要全熟啦，佢仲要同個客爭勝。總結雖然味道還可以，但希望佢下次問我要幾成熟，真係唔知佢「特色」係漢堡扒食生。

有朋友介紹話 , 這家的 burger 好食 , 於是我就來一嚐究竟 ~一入這家餐廳就非常興奮 , 因為餐廳都擺設了很多 Marvel 的超級英雄 , 特別醒神 ~本來食 burger 配汽水就最夾 , 但見到有 "自家製梅酒" 就破例試一次 ~自家製梅酒 : 味道清香醇厚 , 梅味重 , 酸度一般 , 飲落順喉 , 因為加了冰 , 所以更感清爽 ~Chili Beef Burger with Cheese 辣味牛肉芝士漢堡 : 兩片包質感鬆軟且烘得香口 ; 牛肉漢堡扒又厚又大 , 而且煎得香口 , 肉味香濃且勁 juicy, 除了漢堡扒之外 , 還有生菜、酸瓜片、蕃茄、洋蔥 , Cheddar cheesr, 配上惹味香辣的水牛城醬 , 好味又過癮 ~本篇完 ~

漢堡店真係好多間🍔🍔🍔但好食又令人印象深刻真係唔多有無諗過「包皮」都可以揀?仲要唔限於揀麵包種類而係揀唔同嘅食材做包皮🤤🤤例如可以揀菠蘿包唔要包?✅✅✅用金文拔芝士夾住漢堡扒食又得甚至2款「包皮」蘿蔔包+芝士一次過食曬都得!!!🧀🧀🧀都咪話唔新奇漢堡肉質鮮嫩唔在講菠蘿包嘅香甜原來可以提昇肉嘅咸香🥯🥯🥯🥯🥯🥯芝士做包皮都幾有咬口層次感增加唔少❤怕肥?仲可以有生酮嘅選擇!🐷好似我個all day breakfast Waffle啦、花生醬啦全部都係keto架！🧇🧇🧇🥜🥜🥜窩夫味道一啲都無失真重杏仁同椰子香質地軟糯入口舒服🥰🥰🥰生酮原來都可以好享受小食類嘅雞扒沙律都不容忽視啲雞皮好脆雞肉好多汁咁嘅價錢超抵食🐔🐔🐔🐔呢間係一間絕對會返轉頭嘅鋪頭晚上9點幾依然坐爆要排隊！🤣

又到ʜᴀᴘᴘʏ ғʀɪᴅᴀʏ出動覓食二訪樺得園🍔一行9人 午餐預先訂咗枱 坐低揀咗一陣先點餐 ᴍᴇɴᴜ除咗有ʙᴜʀɢᴇʀ仲有ᴘᴀsᴛᴀ可選 生酮食品也一應俱全 · ┈┈┈┈┈┈ · ꕥ · ┈┈┈┈┈┈ · ✿ 燒牛肉沙律🥗 (套餐小吃)：一大片燒牛肉😻加沙律菜 ✿ 黯然銷魂漢堡 $𝟖𝟖 (+$𝟐𝟖 升級套餐)：製作比較需時喔⏱蜜汁叉燒+菠蘿包+流心蛋+洋蔥🧅 叉燒超厚大 好嫩滑ᴊᴜɪᴄʏ菠蘿包熱辣辣 外皮脆脆 不過蜜汁太多 加上個包本身都甜 成件事就好甜 一定要用佢個紙袋夾住食 滋味好多！小心食到尾ᴅ汁就會開始漏喔 由於叉燒&菠蘿包都好巨型 最後包食剩了1/3 ✿ 餐飲 · ┈┈┈┈┈┈ · ꕥ · ┈┈┈┈┈┈ · 同事點的夏威夷燒雞漢堡也很吸引 雖然望落無黯然銷魂咁大份 但食晒都滿足🤤人均~💲120 Follow my instagram 📍tr.eatday

結論: 幾抵食不過食物普通，唔洗專登去試最近網上見好多人推介呢間餐廳嘅burger，早幾日放假專登去一試究竟，雖然冇話好失望，但食物的確係比較普通，冇乜特別。叫左個夏威夷漢堡(跟餐有一個小食同飲品)，100g嘅牛肉漢堡唔會好乾，但亦都冇乜牛味，不過勝在有塊菠蘿中和下冇咁漏。另外佢嘅包係自家製，食落比平時甜少少，不過冇話令整體味道有所提升。小食叫左炸洋蔥圈，不過略嫌炸粉有啲厚。價錢都算抵，3樣嘢加埋都唔洗100蚊，如果經過可以去試下，不過就唔需要專登去九龍城試啦。

第五波疫情尾，終於可以再周圍去尋食……上星期母親節來到九龍城食泰國菜重拾九龍城的美食今天星期日返完教會再次駕車到九龍城覓食，大約12:00左右到W Burger 剛剛開門，門口已經有條人龍我們剛剛坐到門口戶外最後一張枱一會已經聽到叫外賣至少等1小時，門口長期有人在等位全餐廳已坐滿，我們order食物時，也告訴我們要等長少少時間Menu有點雜亂……我們搞錯叫了個all day breakfast 以為有個漢堡包🍔，原來只係得塊漢堡扒🤦🏻‍♀️

某一人碌ig見到呢個菠蘿包漢堡包就即刻bookmark咗要試！今日同同事嚟開附近做嘢就食埋個tea先收工4點幾鐘去到唔算太多人唔洗等位～我哋叫咗：菠蘿包漢堡包菠蘿包外皮好吸引～焗得好脆好似新鮮出爐嘅菠蘿包咁超好食！！非常推介呀！個漢堡扒都好厚肉地，正！同埋生酮人士友善嘅芝士漢堡包個包皮係兩塊好厚嘅芝士食落又唔會太漏同漢堡扒係perfect match！！呢到仲有好多得意burger每次嚟都可以試唔同款！

生酮飲食文化，其實喺世界好多個不同嘅城市都好流行，相信好多人都唔陌生。不過奇怪嘅係，香港唔係唔流行，但相對Keto friendly 嘅餐廳真係唔多……感覺就好似，大概早10年嘅時候，興起食素，不過就好難搵到veggie friendly 嘅餐廳，或者市面上只係得傳統嘅素食餐廳。希望在此，多推介一下關於生酮嘅餐廳，假以時日，Keto friendly 嘅餐廳都可以普遍起來 ⭐️響九龍城就有其中一間 💁🏽‍♀️ 樺得園 W Burger 佢唔係全生酮，不過佢有生酮 menu 除咗生酮 burger menu 之外，仲發現佢有生酮waffle 🧇 配佢自家製羅漢果糖花生醬！👍🏽第一次嘗試生酮burger 🍔個麵包皮，surprise me ⭐️好味喎！口感好似豆腐扒外表睇落同普通嘅burger 麵包皮冇分別，會可能以為黑麥包Size 相對細，個麵包嘅大細有如我手掌心咁大不過，佢反而冇自家Keto sauce for burger如果有就Perfect啦！生酮friendly 值：20%