橋香園雲南過橋小鍋米線

營業中

休息中

話說最近本人被公司調到中環上班, 因為太耐冇響中環返工嘅關係所以就跟同事order 呢間橋香園, 咁呢間橋香園都算係老字號呢嘅, 因為都知道呢間餐廳好耐了因為本人比較肚餓咁就叫左一個腩肉小辣加底再外賣返公司食, 一去到就發現湯同米線唔係分開裝就覺得有d 弊傢伙, 點知一返到公司開黎睇就發現米線浸到脹哂, 但都未糊, 而湯底雖然叫左小辣但好淡好淡, 連清湯都比不上, 腩肉就水平之內, 都ok 好食, 而且份量不少, 不過個加底就唔多值, 因為我見其他同事唔加底都係同我果碗差不多到最後我果碗就要45蚊, 覺得去南記食個酸辣小鍋米線會冇咁嬲

係附近番工，平時都好鐘意食呢間米線。鐘意食到係依家天氣咁熱都要去食佢。好可惜，同同事兩個人食咗兩三口，佢碗米線竟然有隻健康完整有弧度嘅指甲。我都唔敢相信，話係軟骨黎架姐，之後叫左老闆黎，老闆拎起左個隻'疑似指甲'，望左一望，就收起左同事碗面，話換過碗俾佢。係好有禮貌嘅，但我地仲點食得落，然後佢地話我碗面要俾錢因為逐碗逐碗整，我個碗冇問題。同事好嬲，好大聲話:"下你碗米綠有指甲，點食得落..."我廢事搞大年事，俾左錢就拉住同事走左(佢地最後係FREE左我杯檸樂)但個日我成個LUNCH都冇再食過野。佢地係一間好食嘅餐廳，但我覺得有指甲係入面真係有問題同埋有D唔識做。D員工態度都好好嘅，不過我唔會再幫襯。同事話佢仲好記得個隻指甲拮到佢上顎嘅感覺...

某日好想食米線嘅情況下又唔想去南記排隊然後搵到呢一間米線因應疫情好多人都買外賣而店內都有位置唔使等位👉🏼三拼撈薯粉薯粉份量比較多好抵食，送酸菜同肉碎撈起上嚟超級惹味。豬頸肉切得比較細條可以一口食完牛𦟌係凍嘅亦都好彈牙海鮮條好大條好有車仔麵嘅感覺👉🏼熱豆漿因為店家做緊推廣所以食米線送豆漿，我以為出邊嘅豆漿都會好甜但呢一杯唔會好甜而且都好有豆味上菜速度快而且坐得都幾舒服喺港島黎講算係唔錯又平民嘅米線選擇大家可以考慮黎試吓

橋香園的小鍋米線真的一試難忘，然後不經不覺成為橋香園的忠實fans已有五六年。以前lunch time和同事間中會去吃，現在很多時候都在自己位吃lunch，叫過無數次外賣，成為了熟客。今天叫的是雙拼，雞翼豬頸肉小鍋米線，$46。和南記一樣，橋香園的小鍋米線湯底真的很特別，又unique，不過味道不同。橋香園應該是西川味道，香、辣、酸，配合得很好，有少許牛肝菌的獨牡香味，讚到不得了！❤️雞翼有兩隻，很入味，不會過咸。豬頸肉切小條，入味又好吃。無論湯底、麵線、配料、配菜，都配合得很好，又好吃！😍必食！

😋 ins：eatwithsirui🔹是上环很适合快速解决午饭的地方啦，空间还算比较大，有两层🔸酸汤牛肉米线：汤超好喝的，加一点醋鲜鲜的，但是不建议加肥牛，不够细嫩，比较肥。🔹人均50，環境6/10，口味7/10，服務7/10

一個人落到上環食午餐，星期五唔想等咁耐位，就揀左呢間餐廳。呢間餐廳有雲南過橋米線，仲有飯麵。因為唔太肚餓，就揀左個兩餸麵，五香肉丁加炸菜米線，加$9有凍檸茶，正正常常咁。

放完幾日公眾假期，又是仍然要在上環區返工。 不過暫時返這區好處，就係上環有較多餐廳小店，而且食物價錢也不太貴。 今次去了在上環站A2出口斜對面，走走看看有什麼好食。 見到有間餐廳叫雲南道橋小鍋米缐， 從玻璃門看到店不太大，但環境也幾乾浄。 雖然餐廳專售米缐，但也有提供其他餐食。 入到去叫咗$32麵餐，選了煎雙蛋牛肉麵。 牛肉食落有有肉質感，也食得出有牛肉味道鮮味。 個湯底也不太鹹，飲落感覺少味精。 熱奶茶也算合格，茶味也香濃。

識我嘅朋友都知我鍾意食辣及米線，而最新搭咗兩次地鐵去上環，一行出地鐵站口就見到有間米線舖頭，終於忍唔住要去試吓。其實我都怕去咗唔好食嘅舖頭浪費咗我嘅食野Quota，所以入去之前都企喺門口望咗一陣先決定入去。入到去其實都算多吉位，應該都有一半，喺我諗緊食咩嘅時候，個負責樓面嘅姐姐同另一枱嘅一班女士講佢地嘅米線有幾好食，然後指住另一張枱嘅外藉男士話佢一個星期黎兩、三次，講到佢地嘅米線好勁咁款，但我心諗，咁好食點解夜晚七點都有一半吉位。其實我坐低後有一刻真係想拎袋走人，自己開頭估計係可能因為早兩日發燒關係而影響食慾啦，點知原來我第六感係無錯架！我叫咗個三餸米線，包括炸醬、雞翼及腐皮，而湯底就叫咗麻辣大辣先講一下湯底，坦白說，湯底係成碗米線嘅靈魂，一碗湯米線好唔好食，湯底佔嘅比例係一半！我叫麻辣大辣，唔麻又唔麻，只係得一個「咸」字可以形容！餸菜：炸醬好咸雞翼：好咸腐皮：好似橡筋咁埋單$48

今日去開上環做野，下午茶時間路過地鐵站見到呢一間舖。想食碗酸辣米線開下胃，就入左去。舖頭細，坐位迫，唔緊要，最緊要啲野好食。叫左碗金牌腩肉，豬大腸，冬菇酸辣米線，46蚊加凍檸茶要加9蚊。食任何湯粉面，我覺得個湯底係最緊要。點知。。。。無味嘅。。真係接受唔到酸辣米線個湯底咁淡茂茂囉。至於啲餸。。。Ok la,正正常常但又唔覺特別好咪囉。最後，食左啲餸，成碗米線冇食過，下午茶埋單$55走人，唔會有下次囉。

晚餐時段上湯韮菜豬肉水餃 ，$35，全日同價喝第一口湯時覺得看似淡白色的湯味道濃得驚人，老實說是好喝的，但不用幾口就會發現那全是味精產物。真不懂，吃水餃的人不就是追求清清地嗎，他們搞得像出前一丁豬骨湯一樣做什麼。吃完後前所未有地口渴，好久都沒吃過味精重手成這樣的東西，我寧可他們隨便丟幾條芽菜加鹽做湯底還比較好。水餃是好吃的，侍應也很友善，全店東西也偏平價，如果只是為了平平地一餐填飽肚子是勉強ok的。

今日放假約左朋友去蘇豪行街行街之前當然要醫下肚先啦買完經過呢間野作為麵痴黎講未食過當然要入去試下啦！間鋪比較細間同環境比較窄平時返工日子係爆哂人要排隊望一望個餐牌其實都幾多餸揀而價格喺中上環呢頭黎講都算正常既我叫左肥牛腩肉腐竹米線同埋食麵一定要多西多蔥先正！等左10分鐘度就到肥牛屬於正常火鍋貨色好就好在唔會食到有雪味腐竹煮得剛剛好唔會話煮到爛哂重點推介係個腩肉腩肉林身之餘煮得好入味而且脂肪比例剛剛好好有肉味唔會覺得好肥膩既感覺“金獎腩肉”果然名不虛傳！

在香港商業地區的平價食肆吃午餐，不會期望有好的環境和服務，但作為顧客亦不期望貼錢買難受，而這家米線店給人的感覺是你欠了他們錢。上層一個一個臉上寫著＂你全家都欠我很多錢＂的中年男侍應，不旦Ｘ口Ｘ面，語氣不耐煩而沒禮貌，更會責罵客人怎麼會不認得哪碗米線是自己的。眼見不只我一枱，有數枱客人都被那樣對侍，亦有客人被他不禮貌對待後和他大聲講話。我亦聽到他和另一個侍應說＂咪由得佢地投訴囉＂。如此的服務態度，我以後不會再來了，儘管我是蠻喜歡他們的米線的，但香港好吃的米線又不是只有他們一家。希望其它覺得他們服務態度有問題的客人也不要再去幫襯。香港人，比Ｄ骨氣同要求啦。

同朋友都鍾意嚟橋香園食米線，特別係小鍋米線 ❤️橋香園有兩層，但老實講坐就一定唔係坐得好舒服㗎喇，但係唔為傾計只為快快脆脆解決一餐惹味lunch揀橋香園係唔錯嘅特別推薦佢嘅牛肝菌同無鍚骨小鍋米線，真係好惹味小插曲：試過朋友冇帶現金埋單，店員竟然主動叫朋友出去㩒完錢先返嚟俾，好有人情味啊 👍🏻

入面既伙記低素質態度惡劣而且冇人品。上環附近所有餐廳都收曬我寧願挨餓都唔會再行入去呢間猥瑣既食店一步。伙計塊面黑過黑面神好似我欠佢幾十萬，大耳窿咁唔講我以為佢係黑社會。

今天去了上環，剛到午餐時間，因趕時間，諗住隨便搵間茶餐廳食野，找了好幾間地道茶餐廳，發覺價錢都幾貴，完全不地道，普通一個茶餐，平均都要 $48（地道式係好舊裝修，街坊式），估唔到價錢重貴過好多市區。準備離開搭 mtr, 剛見到橋香園，有幾多麵餐選擇，價錢都覺得合理，當然要開餐啦 。呢間係專食米線，我冇選米線，選係一般大衆化的麵餐 。叫了雪菜肉絲煎蛋米粉 + 熱檸水 ，先說米粉份量好足夠，雪菜肉絲味道不會太咸，重要係煎雙蛋（一般都係得一隻蛋）都幾意外。整體味道幾 ok , 唔會覺得好重味精 ，食完都覺得好飽 。熱檸水檸檬片足夠，原來這間麵餐水準都 ok wow ，以上環區來講，呢間已算抵食 。補充：如果 11 時前幫襯 ， 麵餐只需 $30 。