橋香園雲南過橋小鍋米線

營業中

休息中

貼錢買難受！上層中年男伙記態度惡劣，落單時已經好唔耐煩咁，我算，心諗可能因為人多所以佢脾氣暴躁左少少。但事實證明我錯了，今次我叫左撈米線，最後黎左小鍋米線，所以我同送餐姐姐講麻煩換一碗俾我，中年男伙記聽到之後兇神惡煞咁行埋黎大大聲話係我落單時無講清楚，話唔會換俾我，最後係送餐姐姐重新幫我落單我先有返碗啱嘅米線食。其實地面嗰層較年長嘅伙記態度友善，雖然間中都有漏單情況，但我仍然keep住幫襯，但樓上嗰位實在太趕客了，所以就算米線味道不錯，我都未必再去了......

第一次去連餐牌都未睇到，一坐低就問我食咩，連有咩食都未知，啲店員好急。但同樣佢上菜都好快，5分鐘都唔洗就有🤣🤣🤣✨✨3餸米線 $55我叫咗豬潤，魚腐，尤魚，大麻辣。湯底冇乜特別，算係比較淡不過辣度ok。米線嘅質地係有少少煙um，同平時食既好唔同，我幾鍾意✨。芽菜韭菜嗰啲配菜份量都幾多👍🏻不過啲餸唔多，豬膶3塊、三件魚腐、3粒尤魚，味道普通。建議大家可以試其他餸🫣🫣順帶一提魷魚嚟到唔係魷魚係墨魚仔🦑

下午2:10分，踏出上環A出口，望到這餐廳。熱愛米線的我難拒心中念想，踏進這餐廳。已過飯後，人流稀疏，每位食客都能獨佔一張卡位。我叫了小鍋米線，肥牛及蘿蔔。侍應是澳牛style, 面無表情，字眼粗暴簡短。有位女食客應是首次光顧，問多兩句，男侍應已無禮打斷食客問題，並嫌棄她多問題。禮貌欠佳，令人側目。我碗米線到了，蘿蔔很咸，牛肉如預期中的韌，湯底很重味精。最大問題是餐廳裡好多蚊之，揮之不去。明明大街亦不見有蚊，很難不去了聯想，這些蚊之的源頭是來自廚房。揮不盡的蚊之，那有胃口繼續食。不推薦，無下次。

網上面見到有人推介咁啱又經過 所以就入去試吓個呀姐一路同人講電話一路幫我落單落到一半先收電話再落過一次單我都唔該前唔該後 佢態度都係超差又惡又無禮貌 好似得罪咗佢咁🤷🏻‍♂️落完單之後 撈米嚟咗湯米話走芫茜又無走到 之後女朋友夾曬啲茜俾我😂都知道同佢反映唔會有好結果廢事俾人加料啦🤷🏻‍♂️飲品叫咗杯柑桔蜜同菠蘿冰上枱果時我呆咗 第一次見綠色嘅柑桔味道無乜問題 比較淡不過見到都唔開胃囉🤢菠蘿冰又幾搞笑 係利賓納加菠蘿總括嚟講 米線味道唔錯不過份量比較少 CP值低服務態度極差💩食米線有大把更好嘅選擇唔會再去食

係咪轉左手定廚房換左人丫。啲味都唔同晒咁。啲魚皮餃食左半粒就頂唔順放棄。個湯底好似都唔同左咁。之前都算幾好架。冇食大半年點解會唔同晒咁。附近有南記。譚仔都好過佢。

過去一個月食左幾次外賣，已經是第二次比少一樣野，睇返張單又真係無落錯單，真係唔知知乜野事，唔通返到天氣咁熱返又要再返去攞過咩，真係唔會再係呢到叫外賣，堂食反而是可以

平日大概1點幾去到，唔使排隊，比較多客人選擇外賣，堂食位置唔多，全部都係4-6人卡位，入到店員話有位就坐得，好freestyle 單併米線42蚊起，基本上肉類需要再額加$2至$3，熱飲要加$6，凍飲加$9，價錢相對高少少🤏🏻小食價錢大概$2x至$3x，反而唔算貴，幾個人一齊食可以share雙併小鍋米線 $48我揀左中辣走莞茜，配料要海鮮魚卷同金獎腩肉（+$2），魚卷有2條，彈牙爽口，腩肉數量都唔少，食落幾淋唔會好油膩，但就比較薄切。湯底中辣帶點酸，酸味如果出啲就更好，飲左唔少湯，但都唔會好口渴🍜

第一次寫食評就要寫負評。晚上一入去就同中佬伙記講1位，之後佢好無禮貌又惡既語氣話掃安心唔，嘟針紙，我話我知。我心諗駛唔駛咁惡呀，又無話唔掃，之後佢部針紙機嘟唔到，咪同佢講囉，佢又依依俄俄咁，好似係我搞到部機咁，無野呀，係你部機問題喎。。好啦，坐低左，叫3餸小鍋米線，話走青無走，話唔要辣就比辣，咩料呀。。見佢對其他客就另一個樣，有講有笑有禮貌。。簡直雙面人。。勁假。。得罪你咩。。唔會再幫襯

以前時不時會嚟幫襯，因為啲米線同餸真係幾好食。今日再食好期待，點知今日失晒水準，雖然啲餸都仲係幾好食，但米線完全冇味，好似冇落到鹽咁，結果我食晒啲餸就算，剩番晒啲米線。除咗食物差咗，仲要連服務都唔好，今日上咗上層，冷氣有啲凍。👧：唔好意思 冷氣有啲大可唔可以較細小小👨🏼‍🦲：冇得較細👧：咁我轉去第二道坐得唔得👨🏼‍🦲：唔出聲👧：我轉去個邊坐得唔得場內大量吉位👨🏼‍🦲：你去呢度坐我換位期間👨🏼‍🦲：食野地方就緊係大冷氣嫁啦留意番，佢語氣係超級西個隻。食物差咗仲要受氣，真係no next time

除了是一名米線控，更是粗身薯粉迷的我，每次見到薯粉加錢先有得轉，有些更是有紋的薯粉都覺得有少少灰。這間轉薯粉不用加錢而且粗身薯粉！橋香園在中上環有兩間分店，一在上環，一在中環，兩間都食過，但覺得中環湯底好似好食少少。今次在上環這間要了海鮮魚卷薯粉小辣店舖好細心分開湯和麵，遲咗去拎外賣都唔洗擔心浸耐左！海鮮魚卷魚肉質感都算厚實，外皮外貌和口感好少少似腐皮，雖然知道炸過但感覺上不會過油膩健康少少。湯底要了小辣因之前去中環分店食中辣覺得辣咗少少，小辣剛剛好。不過今次在上環這間食小辣覺得唔太夠香、湯底亦唔夠中環那間濃味。

其實我最愛嘅都係紅薯粉，但經外賣平台冇得揀薯粉，Remark咗轉薯粉但都送左米線，咁我諗外賣都真係冇得揀薯粉了(?)唔緊要，米線我都OK。😌金獎腩肉無錫骨蘿白米線 - 中辣 （$69 連運費）湯底之前去堂食都係叫開小辣，今日想挑戰下中辣，佢何湯底算係有層次嘅湯底，似雲貴香湯底，不過老實全盛時期嘅雲貴香更好食（而家嘅雲貴香就差咗了⋯）金獎腩肉身為肥肉愛好者嘅我我基本上食任何一間麻辣米線都會叫腩肉，一間小鍋米線嘅腩肉做得好唔好係佢係咪好米線嘅關鍵。呢間叫得自己金獎腩肉真係唔試唔得啦。 有啲人鐘意食瘦嘅，我就鐘意食肥嘅，呢間夠肥，但又唔會真係成夠肥膏，讚！調味都做得唔錯。無錫骨同事介紹嘅，其實係豬軟骨，甜甜地帶丁點酸味，炆得幾好，夠軟冧，白蘿蔔通常食親都係甜的，唔似浸咗糖水，係蘿蔔本身嘅甜。米線 - 呢間米線偏彈牙，唔錯。

超鐘意食雲南小鍋米線, 因為就算唔要餸菜料都有芽菜, 韭菜, 酸菜, 芫茜, 蔥, 肉碎, 花生. .. 配料, 撈一撈已經好惹味😋今日去左上環港鐵站出口 - 橋香園雲南過橋米線🍜 叫左碗4餸小鍋米線🍜餸料揀左金獎腩肉 + 豬大腸 + 豬紅 + 香甜蘿白! 份量超級多, 仲有滿滿既芫茜🥬 湯底味道濃郁👍🏻 👍🏻金獎腩肉 - 切到薄薄一片, 肥瘦適中, 口感非常好😋👍🏻香甜蘿白 - 超級腍, 無渣, 好清甜😋👍🏻小鍋米線 - 配菜非常多, 米線仲好滑😋

做完facial已經差不多九點 快快脆趕及十點前食個晚餐誤打誤撞去左呢間位於上環地鐵站出口對面既「橋香園」 老實講店外完全不起眼只不過突然心思思想食雲南米線 於是就膽粗粗試一試啦-三餸米線：配料選了（1）豬大腸（2）豬頸肉（3）魚腐 最正係豬大腸 滷得非常入味 肉質軟稔 完全無豬騷臭味 好好食😋👍🏻其餘兩餸則普普通通 不過不失 米線口感滑而少許煙韌 不錯 湯底選了清湯就無咩特別-豬耳🐷🐷：口感夠爽脆 正 微辣夠刺激但又唔會辣到脷都麻木 我呢個唔食得辣既人都食到好過癮啊😂😂 將豬耳放入湯裡熱一熱仲好味 辣味融入清湯中 令湯變得好開胃 微微啦很暖胃 ❤️-蒸餃（忘記影相）：鍾意皮薄薄地唔會太厚 裡面滿滿既韭菜豬肉餡 味道不錯 但也不是很驚喜

疫情期間，經外賣app已經叫過好多次！今日終於唔懶寫下食評！橋香園有兩間舖，一間中環威靈頓街，一間上環！我個人覺得上環嗰間服務好好所以一直支持！先講食物後講服務叫過好多次，長話短說，墨丸一般！以下係我精挑細選既配搭紫菜蘿蔔豬紅豬頸肉牛肝菌冬菇薯粉呢幾個餸都好出色，所以我一直都係甘嗌，唯獨要特別講既係。。。佢地有撈粉同湯粉，第一次我唔小心揀佐撈粉，黎到無湯，當時心唸無湯既喂。。不過都幾惹味，之後某天reorder先見previous record 係揀佐撈粉，甘緊係無湯啦(我誤會了), 不過都好好食的！今次揀湯粉！都好好食！啲餸一流！薯粉入味好正！額外要讚既係，大家經app未必揀到想食既餸，我試過一次，平時佢有豬紅但app無，我就試下喺app order ,但notes話轉豬紅，結果黎到，真係有豬紅！🥰🥰🥰😭😭感動！令我一直幫襯！

閑話唔多講，直接入主題。你間舖頭嘅牛肝菌你一定要事，係一定要試。如果你本身係一個鍾意食菇嘅朋友，牛肝菌絕對啱你食，佢嘅牛肝菌充滿陣陣既菇味，而且口感亦都非常特別，絕對唔能夠紙上談兵，就話到俾你知有幾咁好食佢嘅牛肝菌，一定要親身去食先知道有幾好食。我本身都係鍾意食辣嘅，呢間舖頭嘅米線當然有唔同嘅辣到可以選擇，不過佢嘅辣超級香，亦都充滿麻嘅味道，令人齒頰留香，足以繞梁三日。佢既辣除咗值得稱讚之外，佢嘅辣豬肉碎，亦都好出色，充滿陣陣嘅肉香味，如果未食過嘅朋友仔相信第一次食，就已經諗定下一次幾時會去食啦。今次你去開，老闆亦都極力推薦試吓佢嘅汁撈魷魚，話係新菜式喎。食落去發覺佢嘅特製醬汁同魷魚嘅味道10分融合，可以帶出魷魚嘅鮮味，再配合埋魷魚嘅口感，呢啲菜式可以話係完美傑作。總結，如果你係未食過嘅朋友，第一次去食嘅話，一定要試佢嘅牛肝菌，如果你係去過嘅朋友，又未食過牛肝菌嘅話，一定要係去食佢嘅牛肝菌。利申：牛肝菌打手。