橫須賀日本餐廳 (已結業)

同朋友去食放題, 諗住DBS有八五折, 比錢時服務員先話唔包放題, 有少少被騙的感覺囉$140一位, D刺身質素一般, 所以又唔係話好抵既, 唔食生野既就唔好去啦, 唔抵舖頭好細, 都幾逼夾. 有日本人去食.

同男朋友去食飯 ,本來諗住去尖沙咀的金田 ,不過Full左.太肚餓既之際 , 諗起朋友話食過間放題唔錯.所以就去左橫須賀喇去到之後好失望 ....環境: 真係好逼 同 搭"木台"既人隔左唔夠兩個拳頭坐得好唔舒服環境又好暗好辛苦食物:種類好少 , 得三張紙既野食 ,不過值得一讚既係三文魚sashimi,好肥美.天婦羅都唔錯.但係一叫就要叫個拼盤 , 冇得散叫.其他野都麻麻地.好似食味精咁.服務rder都要幾耐先到不過好少漏單,d staff 都幾友善總括黎講,唔係好抵,不值一試.

上網睇到呢度有芝士火鍋, 本來打算試...不過知道有放題...平日價只係$128加一...就試試啦...款式唔算多, 但味道都幾好! 壽司都係細細舊, 日本size~~一口一件~~刺身每片好細片...但都好新鮮~ 估唔到雞肉串燒超好味!! 下次我會食4串的~ 推介橫須賀煎餅(份量略大, 3-4人食會比較好)~ 天婦羅就比較普通, 希望餐廳可以改進...唔知道餐廳係唔係下午會落場呢...因為訂位果陣...打電話打到6時多才有人接聽.....服務都好好~裝潢很精緻~ 有好多日本酒樽~唯獨地方較細, 座位有點迫~呢度放題黎講以$141的價錢好合理!食放題的話下次會再去~應該會試下散叫, 因為好想食芝士火鍋呢~

好開心今日3 5 知己聚會地方幾好, 幾骨子食都唔錯, 值4星點左好多野食, 全部都好好特別係d 串燒, 天氣凍凍地, 最岩食下次會同男朋友試下坐卡位

上星期有gathering去果度128蚊有咁多野食都算ok啦~不過d熱食就冇想像中咁好d燒墨魚丸都係一般貨式..幾厚粉下..同築地銀果d差一截..haha牛柳粒食一碟就好..魚生唔錯..俾想像中新鮮..我覺得最好味係甜蝦烏冬就超唔掂.....似百佳果d烏冬仲要冇過冷河果d味...總體黎講食魚生果d都唔錯既以呢個價錢

在這間桌子不過20張的日本店, 居然有任食放題 ! 價錢都唔貴, 星期日至星期四成人都是$128,星期五及六就貴點$148 !如果係星期五&六,我就寧願食清葉了! 我地食6:30~8:30 , 8:00已經叫我地Last Order..我們2個人所以可以坐到卡位,如果唔係就要坐冇椅背的位子! 免費汽水或啤酒一杯刺身 : 刺身選擇多但唔得,冇咩味,好似雪左好耐咁! 壽司手卷 : 飯好似自己係屋企煮咁..一點都不像壽司飯! 串燒 : 有雞亦 , 雞軟骨, 雞腎串 , 茄子 , 多春魚 .......天婦羅拼盤..有蝦 , 茄子 , 南瓜 魚餅鯖魚秋刀魚金菇牛肉卷..幾好味! 大蒜牛柳粒..正...但一客好多..2個人食唔曬! 日式炸豆腐日式燒賣...日本店小有日式的燒賣 豬肉炒面..一客已經好大碟..點食呀?一共有3張紙提供,一張係刺身壽司手卷,一張係串燒,一張係熟食煮物!串燒同熟食係新鮮整的..所以都幾好,,如果$128只係食熟食都可以接受!

之前常常幫親橫須賀,但近排工作忙左,好耐都無去食嘢lu~放工之後同女友去食晚飯,我地一開始叫左好多嘢食!!**刺身**已經無之前食落咁新鮮,三文魚切到細細粒咁,D飯一夾就散!!!**和食**薯餅,小丸子同豬扒都炸得太黑了 ~天婦羅粉太厚,牛柳粒好似梅梅地同太咸喇! ~炒飯D飯太爛了,之後我地叫左個拉麵,一食落口仲酸酸地悿 點解D野食會變成咁嫁???唔知係唔係轉左人..........唉.........!!

日本菜絕對是港人恩物．．．何出此言？各位大可想想　一星期中　當中可有兩餐或以上都是光顧日本餐廳？平凡如你和我　無一否免亦廢話少說．．．光顧橫須賀的原因是公司有同事要繼續升學　而她的表姐亦於餐廳內工作　朝中有人好辦事下　順理成章　故相約一大班人嘗試這裡的任食放題就店內裝潢說　隱約看到老闆有費心思　我們一行十二人　就坐於他他米上　而牆上亦放著幾支日本酒　加上一張多年前一百日圓紙　不俗食物方面　就相較失色．．刺身雖新鮮　但雪味蓋過鮮味　壽司飯則如食神的豬紅般　’一夾就散　失敗’　燒秋刀魚則燒到過火位　火農了　較為可取的只有燒物串　當中雞腎串及牛肋骨較好　其他則實屬中下．．．橫須賀以港式日本餐廳來說　裝潢是好的　而食物就略帶失敗了　會否再光顧　相信未必　

mad: 食830-1030個場, 食物就ok la, 咁的價錢唔使點要求,不過中段去洗手間, 問個waitress係邊, 一輪咀講完我都唔知佢講咩,咁起身去到門口位攞匙再問一次應該點行, 嘩, d語氣差到不得了仲要加埋佢個皺眉樣,真係野點抵食都唔想再黎10點就last order, 1100都未食完就趕人走,雖然可能趕收工, 但都唔使態度咁差呀, 我地都起身走人, 使唔使收野收到好似掟野咁, 仲要黑晒口面, 多謝光臨都無句.我地係黎食野啫, 唔係黎受氣囉.

有一日放左工,係天橋接左張傳單,寫住''日本放題任點任食''好似幾正咁,之後就叫d朋友一齊試下,但原來我朋友之前試過話ok之後我地一行6人去食!-環境都算ok,有電視睇,但d坐位同空間就窄左d(我唸如果間鋪再多d人,都唔知點郁) -野食方面:刺身唔算太鮮味,吞拿魚好似染左d色落去咁,但第二次食個陣連色都無麥仲梅梅地悿.....赤貝同魷魚就好腥....三文魚還可以,但唔知點解要切到細細件咁(得2/3隻手指尾)落order個陣我地明明落30客但唔知點解比我地食個陣得20客,次次落親單都係咁,比足個陣就比d唔係咁ok既部位(尾位仲要薄切)-串燒:雞亦同牛肋牛都ok...但d鯖魚,多春魚,秋刀魚,同雞軟骨燒得燶左d,食落口有燶味,好乾-其他食物唔好食既野)-天婦羅唔似天婦羅,似炸蝦多d.........牛柳粒太咸仲梅梅地悿......燒餅又係有燶味...-野菜薯餅本來係ok既但炸得太黑......炒飯同湯面唔知點解要比咁大碟....仲有一樣野....我地order D 野食一黎就黎D飯同面......(可能係想d人快d食飽)服務方面:服務員既態度OK,服務都唔錯!!!未必會再去~~~~~

果日同幾個朋友仔去食.....有朋友仔去過...話都ok.....點知我去度之後.....我好衰.....彈到一蚊都唔值.....1.環境差...座位好迫...又冇椅背....2. 食物選擇少...得三張紙.....3.食物質素唔得....唔係一兩樣唔好食....係大部份食物都唔好食....好喊...又煎焦左....刺身少..唔緊要...但係又唔好食....又切得細件....4.服務差....汽水埋係一邊....又唔講野..就走左去....跟住竟然拿住個茶壺係人客個頭度經過...幾危險...侍應生又掛住成日傾計。...總之...勁差啦....唔好幫趁佢...

我地3人同行10:30pm經過見到門口大字$98宵夜時段就入去試下~好抵 嘢食冇咩特別~~炸嘢太多&炸出來的食物好黑~ order出唔齊~~有侍應幫我地吹單~~師父好大聲話有單~~但過咗半小時後我地再吹單~~個師父好大聲就話冇單~~太過份~~叫order20客甜蝦一係就冇出~~一係就比一半份量我地~~入咗3-4張單先至出得一張order比我地食~~ 天婦羅太多粉~~牛柳粒太咸~~服務ok~不過佢地就慘d~幫我地吹order仲要比人鬧 唔會再去

[ 口語化比較親切 ]舖頭比較細 , 最初都怕 d 野麻麻地但膽粗粗咁同 bf 去試下 ,我今日生日丫嘛 餐廳就收 128 蚊成人咁我係星期一夜晚 book 左位去既 ..每人包一杯野飲 , 有 7up , 可樂果 d 好既野雖然選擇唔太多 ,但刺身都算係新鮮既 !尤其帶子刺身 .. 真係幾好味男朋友讚不絕口呀 !!有個章魚丸子 ,諗住試下同街外面果 d 有咩分別 ,分別真係好大 ! 我唔可以同你講邊個好味 d但係呢到既章魚丸子 ,入面係 semi-soild 咁樣 ! 好有口感所以真係要試下 !!飲左個乳酪 soda , 都唔錯架 !!不過呢個另外加錢個喎 :] 普普通通雞軟骨啦 , 壽司上面既料 [ 飯一陣先講 ]蟹籽 Salad , 都算係普普通通而最 common 既刺身 , 唔算得上係非常新鮮不過佢個切法就正正方方咁 , 好奇怪但都算係 okay 架喇 !! 唔係咁好個多春魚啦 , over cook 左所以唔好味 ..個金菇牛肉卷好鬼 " un " , 咬左好耐都咬唔開喎 !D 壽司飯 , 真係唔係咁好喇我覺得唔夠黏囉 ,好似獨立一粒一粒咁 ,

朋友生日同一大班朋友慶祝~~我地上過哩個open rice找個好多間~~價錢$128加10%都可以接受~~所以決定去哩間試一試~ ~~ 地方~尖東太唔方便~~鋪位太細~~太迫服務~ok~入座前有清楚講解時間&收費~追單都跟得好足~~唔似出面大x保愛理不理 食品~大蒜牛柳都好好味一定要試~~~其他都係大路嘢食有咩特別 炒面炒飯太大碟~~串燒太咸~~刺身等太耐(可能得一個師父啦) 總算ok~~可以接受~~會再去食~~不過一定要記記得預約

上個星期同一大班舊同學去聚餐, 其中一個朋友仔提議左呢間, 話幾好食咁, 於是乎決定去橫須賀食我地係食晚餐時間, 任點任食果隻先計環境.... 唔係好得, 位笮, 又嘈, 又凍到死...再計食物... - 壽司唔得, 魚生唔算新鮮, 壽司又唔係咁ok....- 燒物... 除了牛肉, 一無事處!- 天婦羅... d炸粉太厚, 太油, 唔得- 燒魚... 唯一可取吧...總之一句講晒, 以後唔會再幫襯!!!