影片
港鐵柴灣站 E 出口, 步行約7分鐘
繼續閱讀
營業時間
星期一至日
07:00 - 23:00
以上資料只供參考, 請與餐廳確認詳情
和太太細女在屋企附近食午餐，隨意食。檳城都來過好幾次，對於美食沙漠🏜️的柴灣來講，無麼要求啦。我哋各自叫了一個餐，兩個有餐包、餐湯及飲品，另外一個京都豬扒飯是單點。先上了餐包餐湯🥣，餐包夠熱軟霖唔錯，而中湯淡而無味，羅宋湯還可以。咖喱雞扒飯：雞扒調味ok, 咖喱汁比較稀。京都豬扒飯：味道調較得比較酸牛扒沙律：牛扒超靭，切唔開又多筋，一向好鍾意食牛嘅細女都唔吼，食咗兩啖就停手。好差。食咗幾次，感覺越食越差，短期內不會來了。
繼續閱讀
每日都有不同款式嘅午市套餐 都幾多選擇 有西式扒餐、中式碟頭飯、焗飯/意粉👍🏻每個套餐都包中/西湯、牛油餐包、飲品🥄我哋鍾意飲西湯 通常係羅宋湯 都幾多材料 唔算好濃味 不過都過得去🍞餐包微暖 甜甜地 仲有舊牛油搽✨蒜蓉汁雞扒拼蜜糖腸跟薯菜 $56🐓雞扒比較細塊 脆皮腸系比起廚師腸大條d🥕雜菜系翠玉瓜同紅蘿蔔🍟薯條份量都幾多 但都唔太脆 似系炸完放咗一排✨咖喱牛肉意粉 $58🥘咖喱唔辣 系港式咖喱😆都幾好送飯/意粉牛腩偏瘦會比較韌🥩仲有兩舊牛筋 只有一舊細薯仔🥔🍝意粉質地麻麻 太過淋煮得過耐👎🏻可能撈飯會好啲✨焗芝士菠蘿豬扒飯 $56係經典嘅好食😍下面飯底係蛋炒飯🍅蕃茄同🍍菠蘿酸酸甜甜好開胃👍🏻d汁夠撈晒成個飯不過豬扒太細塊 已經切開左都係得4塊左右👎🏻雖然味道屬正常水平 不過不失 服務亦非常一般但餐廳大部份都係卡位 坐得算舒服而且每個餐又有湯又有飲品 一定夠飽 價錢算好抵食啦！味道：🌕🌕🌕🌘🌑環境：🌕🌕🌕🌗🌑服務：🌕🌕🌕🌑🌑價錢：🌕🌕🌕🌕🌗回頭率：🌕🌕🌕🌕🌑📍檳城餐廳 (柴灣)柴灣環翠道11號興華廣場1樓109B號舖
繼續閱讀
超伏！本身門口寫住話有學生優惠價$42 一個餐（寫明着校服就有呢個優惠,), 放學後連同幾個同學仔一齊去食lunch, 之後埋單嘅時候佢話個餐要比$62, 仲話我地因為係落單嘅時候冇同佢講話係學生, 明明着住校服點解話我地吾係學生呢? 再與員工理論, 啲員工態度超級差, 完全吾理, 一味只講話這個優惠要落單前講明先會有, 著住校服都吾會比到哩個優惠, 係要著住校服落單前講我係學生先有哩個優惠, 擺明玩野, 咁吾想比優惠就吾好寫出來啦, 擺明呃D學生入去食, 之後又要收人正價, 員工態度超超超差, 完全吾講理由, 擺明恰學生, 以後都不會幫襯
繼續閱讀
第一次去咗食呢間餐廳 見到門口有個牌寫住學生價全部$42 見到好似幾平幾抵就入咗去 點知道入咗去啲姐姐完全冇理過你 求其搵咗個人同佢搭枱 之後就開始落嘢食 叫咗個西冷牛扒 牛扒啲筋好多 又老又奀😅 嗌嘢食嘅時候 問佢有咩飲 佢好冇禮貌咁話：「咪平時飲開嗰啲囉 你平時冇飲嘅咩？」之後去到買單嘅時候 佢要我比$62 話因為我冇講話我係學生所以要比正常價錢 但係我着緊校服 相信正常人見到校服都肯定係學生啦 同時門口個牌亦都有寫住話只要着住校服就有呢個優惠🥵 真係唔好去呢間餐廳 想入去受氣就你鍾意啦😶🌫️
繼續閱讀
這一天，剛到那間要坐電梯、按15字才到的「屋邨地舖」，嚐過雖然加了葱油汁仍然爆脆的「葱油生炸雞髀」，大家都有點意猶未盡。下山來到屋邨商場，看到這 “Since 1969” 的餐廳招牌，就被吸引著了：吓？比我還老？我當然不知道屋邨的歷史，相信1969是指店子在這條邨的「成立年份」，而非這經過重建的商場。商場只有一層，「幅員」卻不小；到處一逛，裡面竟另外還有一間酒樓、兩家快餐店、兩家屬於同一集團的相鄰 (相信是共用廚房) 南亞食肆、兩家連鎖式經營的冰室⋯⋯另外下面還有一家粉麵店！如此擁擠的市場，怎麼求生呢？仍是下午茶時段，最好是再吃些輕食，賴以過渡斷食的晚上。這裡有咖央多士、流心西多可選，很配合純粹口痕未治的我倆。那就進去吧！坐到卡位後，抬頭除了看到出奇地有特色的「紅鳥籠」裝飾，還發現原來這招牌已被飲食集團收歸所有，英文簡稱是YLK⋯⋯想起了讀書時代，在新城市廣場一期也有一家YLK，當時該是其全盛時期吧。若您不知道那三個英文字即是指哪一間，那便好好享受您的年青吧！點餐後，同伴開始進行一般是進店前已完成的動作：開OR App (非植入式廣告！)，看看評價。吓？2比8的一面倒負評？這餐豈非⋯⋯不過既然來了，打翻牛奶哭也沒用，反正是淺嚐，就看看端來的是怎樣的風景。不消一會，兩份茶餐都上桌了，倒是正正常常。若問味道如何，我會說「中規中矩，與其他茶記不相上下，流心西多甚至可說不俗」。2比8的懸殊比例，在此找不到根據。環顧四周在午茶與晚市交界、已漸多的客人，吃的由炒河、碟頭飯、湯麵甚至鐵板餐都有，賣相都十分proper；而客群看來都是街坊為主，若這兒有「伏」，能令附近坊眾來訪嗎？那麼，那佔大多數的「喊臉」，有甚麼共通點？一個簡短而具刺激情緒作用的食評標題、沒有附照片、沒有高過第一級別的食家、其檔案沒有其他食肆的食評。不只這家店，其他食肆的負評都有這些特質，相信不少食友都有這些觀察。而以這商場的食肆密度、競爭激烈度去思想這件事，又會得出怎樣的推論？是否會包含一些不懷好意的行為？這純粹是鄙人的猜想而已。今天，我慶幸我倆嚐了這表面上「喊臉」居多的食肆，用自己的五感 (和荷包！) 做了最忠實的fact check。如果您看完這篇分享，也願意用更開放的心胸，對待這些處於「評論窘境」的店子，慷慨多給一次機會，就是我2021年所做到最開心的事之一！
繼續閱讀