檸檬冰室 (冠天閣)

營業中

休息中

檸檬冰室嘅晚市小菜好抵食！今晚同屋企人嚟食 dinner，叫咗三個餸都好好味🥰清蒸倉魚 配絲苗白飯🐟🍚 鮮味十足，魚肉好嫩滑！搭配簡單的調味，完美保留魚的鮮美🤤 勁大條魚一個人都食唔晒😆南乳藕片炒腩片 配絲苗白飯🥓🍚 南乳醬汁好香濃！藕片脆嫩，腩片醇厚，整道菜口感豐富，配上絲苗白飯的清香完美平衡味道～菜心苗炒牛肉🥩 配飯食必點😍 牛肉鮮嫩多汁，菜心清脆爽口，美味又有營養💚無冰奶茶🥤香濃醇厚，口感絲滑，好唔錯👍鮮磨蛋白杏仁茶🥛口感滑順，杏仁的香氣濃郁，值得一試😙

放lunch去咗呢間食茶記，裝修幾光猛新穎，好吸引眼球，感覺好乾淨👍🏻我點了豆腐肉碎蒸蛋飯，味道非常鮮美，豆腐的滑嫩與肉碎的鮮香相結合，增添了蒸蛋的細膩口感，搭配白飯一流。豆腐都比得好多，大大塊，蒸出黎嘅效果好滑好硬身，口味偏清淡，冇加好多匙油，再+$15套餐，包含的湯揀咗中湯，係清淡嘅豬骨湯😆另外再加咗3隻瑞士雞翼，色澤好均勻好深色，聞落味道都幾香，甜甜鹹鹹，好入味，雞翼唔算柴，味道唔錯！

觀塘檸檬冰室一向是我覺得平靚正的香港茶餐廳！提供茶餐廳美食、無論小菜、燒味、意粉及鐵板餐都好吸引，環境寬敞且衛生舒適💛燒鵝髀燒鵝髀燒至微燶邊，紅潤有光澤；脂肪比例剛好肉質嫩滑多汁，好滋味菠蘿🍍咕嚕肉鮮香菠蘿🍍開胃可口，嫩滑咕嚕肉入味細緻充滿酸甜味！海南雞飯雞肉肥瘦均勻，滑溜溜配酸辣醬味道層次豐富，送埋油飯一流飲料加錢$8 便有特色杏仁蛋白茶養生又美味！杏仁控的我覺得是一個好好的糖水， 滿足感更多！

星期日午饭時間1點店内坐满3分2食客，通道比较窄，職員经常推车送餐经过，有時撞到凳腳。午饭套餐有很多選擇，份量都大碟。未落order職員已推車逐台送上餐湯（羅宋湯或莲藕湯）。自助熱水洗筷子。

今日同幾個朋友嚟檸檬冰室食飯，餐廳出名份量多又好味，性價比高，長期都好多人🤩 今日六點前嚟到已經坐滿人，仲可以食到下午茶餐，好抵呀！麻辣口水雞（半隻）🌶️🐔配白飯及中湯 半隻雞份量十足，一個人食唔晒😍😍 口水雞味道一流 麻辣適中，雞肉鮮嫩多汁，配上白飯和中湯，好滿足！咖哩吉列豬扒飯🍛🐖 港式咖哩好高質！香氣撲鼻而來，吉列豬扒超大塊‼️非常厚身，外酥內嫩，淋上濃郁的咖哩醬，每一啖都充滿滿足感，完美的搭配！乾炒牛河🥩 下午茶必點！好有鑊氣，麵條滑順，牛肉鮮嫩，搭配香蔥和豆芽，見到都流口水🤤瑞士雞翼配薯角🍗🍟 瑞士雞翼好嫩口好入味，搭配薯角的香脆口感，好適合與朋友分享！👍👍西多士🍞香甜可口，即叫即制 外脆內軟，搭配糖漿、牛油非常美味🫶🏻

完全唔覺烘嘰多士，已經叫咗大火。多士完全唔脆，連溫度都欠奉，好失望，係少少脆都冇，情願佢比方包我。之前食過幾次晚餐都好高質，估唔到而家差咗咁多。凍奶茶不過不失。

🐮沙嗲牛肉麵+炒滑蛋+丹麥多士🥚👍牛肉份量算多， 有6-7片左右👍沙嗲汁好入味，同公仔麵好夾~👍滑蛋夠滑都夠味，唔洗落鹽都得👍丹麥多士烘底後都好好味🍞花生醬西多士🍞FEEL到即叫即炸因為上枱真係熱辣辣架~外脆內軟好好味

又帶爸媽食好嘢😋😋 今晚收工想食中菜小炒，即刻諗到「檸檬冰室」，選擇多，價錢抵又好味！晚市二人餐$168必點！有飯有湯有2碟菜有飲品😍🥬菜心炒牛肉健康好味之選👍 牛肉切片鮮嫩，搭配爽口菜心，炒得好有鑊氣，有營養又唔會油膩😚🍆茄子排骨煲勁好味嘅煲🔥 排骨經過長時間的燉煮 好入味！肉質軟嫩，茄子吸收了肉汁的精華，軟糯可口，好開胃👍🦐鐵板海鮮炒烏冬$75海鮮有魷魚、蝦、青口、扇貝、魚等等，好新鮮，加上彈牙烏冬，吸收了海鮮的鮮香，口感豐富，每一啖都好滿足😚 搭配椰菜增加了色彩和口感的層次

今日同朋友去觀塘行街，經過見到檸檬冰室有午餐，就試一試佢。我叫左個蜜味排骨配豉油王雞髀飯，份量好多，味道不錯，朋友叫左麻婆豆腐飯，同平時其他餐廳既整法有小小唔同，味道都ok既既，午餐有配湯同飲品，略嫌飲品味道太淡，其他都可以。

全港有好幾間分店嘅檸檬冰室原來唔係淨係得個名，佢哋檸檬系列嘅食物同飲品真係超好食！小菜係大排檔嘅質素，好食過普通茶餐廳冰室好多，喺觀塘區仲係人手落單保留人情味，難怪吸引附近街坊好捧場！檸檬蜜汁排骨炒得好乾身，但充滿檸檬汁，個檸檬味好天然少少酸唔會好似化學糖漿咁。排骨多肉少骨，外脆內淋好餸飯，加咗$12轉餐有湯同白飯，中湯清甜冇味精好正檸檬牛油雞翼質地好似越南菜嘅牛油炸雞翼，大大隻好酥脆，用檸檬汁再兜一兜酸酸地勁清新鮮薄荷青檸沙冰上枱嘅時候勁驚喜超大杯，仲要真心係新鮮薄荷唔係薄荷糖漿，打咗薄荷葉入去好香！加埋青檸又係酸酸地，沙冰棉滑唔會太甜，超級推薦鮮茄菠蘿焗厚豬扒飯又係出色之作，個蕃茄汁唔會死鹹，真係食得出新鮮蕃茄味，豬扒厚身鬆化，唯一美中不足炒飯冇蛋，不過贏在個蕃茄汁已經收貨海南雞餐又係冇得彈，真係冇誇張，款款都咁正，佢個海南雞肉質結實緊緻，拆得技巧高超，成隻雞髀都留返原形🤩 隻雞少少鹹香，唔點豉油同辣醬都好好味無冰奶茶一見到個擺盤覺得有啲似著名燒味舖，碎冰放喺外面冰鎮住杯奶茶，奶茶香滑非常唔錯

屋企附近開咗檸檬冰室，今次同朋友去食下午茶。餐廳有多款食物選擇，我地試過大部分都唔錯，份量都唔細。🍜叉燒燒腩瀨粉：湯底用瑤柱製作，味道清甜，配瀨粉很好味。燒腩皮香脆，叉燒微甜，味道適中。🍗瑞士汁雞翼/雞脾配沙律/薯角：雞翼/雞脾 很軟腍，瑞士汁甜甜地很入味。薯角香脆可口，沙律都唔少食完很滿足。🧀鮮菌芝士焗海鮮意粉：有青口，蝦，魷魚，魚同菇，配意粉白汁一齊焗，芝士味道唔太濃，係正常味道。🍞奶油豬配奶茶：包皮微脆，如果多奶油會更好。我喜歡飲奶茶，茶味香濃，提神很好。另外有多款特飲，不過我都係鐘意飲檸檬茶同奶茶😆

上完堂，行過附近，上去檸檬冰室食lunch。午餐多款而且都叫得落&affordable叫左牛筋腩飯set，仲有薯仔，好味。不過食食下見到有條好短既毛，似眼睫毛。本來諗住一條半條就算數，但咁唔好彩俾我見到3條唔同款既毛⋯⋯咁就⋯post出黎俾大家睇下

今晚同2個朋友嚟到觀塘「檸檬冰室」食晚餐，性價比高，係好多人嘅食堂🫶🏻 晚上7點已經要排隊等位，好受歡迎！我哋叫咗個好抵食嘅2人餐加1個炒飯😍 餐湯（節瓜湯）🥣開胃湯品😚 清甜可口鮑魚雞煲🥘結合了鮑魚的鮮美與嫩滑雞肉，醬汁濃郁，十分適合搭配白飯享用😍😍 鮑魚夠入味彈牙肉碎豆腐蒸水蛋🍳滑嫩可口，豆腐的柔嫩與肉碎的鮮香結合，蒸出來的水蛋滑順無比🥰蛋白杏仁茶（熱）🥛檸檬水（熱）🍋香蔥鰻魚炒飯色香味俱全，鰻魚鹹香十足，炒飯粒粒分明，口感豐富，好惹味

揚洲炒飯 完全無調味咁 唯獨可以講應有嘅材料都放晒入去 然之後撈亂佢叫做炒咗 個芝士肉醬焗意粉 芝士成餅野又硬又燶 一吉落去隻叉唔夠力 建議用刀協助食用可以咬一啖芝士餅野再加一啖烚意粉平衡下啲味

昨晚試下去冠天閣呢間檸檬冰室食晚飯。叫咗二人餐，另加錢要咗杯紅豆冰，飲到一半見紅豆混有一條鴛鴦色頭髮一半白，一半啡！好嘔心🤢🤮唔食嘞去埋單，問收銀員有冇微信支付，晦氣機械式的回答！呀靚仔，可能你做到好攰，問你一句啫！唔使咁晦氣嘅！点解香港人涌晒去深圳都唔鍾意留港消費，咪就係有你囉！