櫻月

營業中

休息中

✨極品海膽蝦餃子香脆腐皮包住鮮蝦造成餃子再配上新鮮海膽同飛魚子味道豐富 夠晒香口 配搭創新有趣✨櫻花蝦茄子田樂 燒茄子配上自家秘製麵豉蝦醬 再灑上鹹鮮櫻花蝦 簡單好味✨七味魷魚下足熱辣辣炸起 炸皮薄脆 魷魚鬚彈牙✨西京雞沙律西京雞肉質軟嫩 沙律爽脆 醬汁清新帶微酸 好開胃✨朴葉牛舌用日本朴葉包住牛舌 經烤焗後牛舌會帶有朴葉獨特香氣牛舌口感軟腍 唔錯✨軍雞炒飯炒飯粒粒飽滿 加左雞肉粟米等配料調味用左醬油 上碟後加上蛋黃醬 幾惹味✨岩手県夢之和牛橫隔肌拉麵拉麵上枱會用火槍炙燒和牛 迫出和牛油脂 增加香氣 之後再加黑椒同岩鹽作調味和牛肉質軟嫩 肉味香濃 滿滿油脂甘香湯底清香 牛味濃郁突出 唔油膩拉麵爽滑 糖心蛋流心程度唔錯✨YEBISU 啤酒氣泡厚密細致 麥香味重 清爽帶甘 ✨遠野小町SPARK酒香醇厚帶甘 加上輕盈氣泡感 好清爽總結：食物可以 種類選擇夠多環境別緻 小店座位唔多 但氣氛唔錯人少少有多啲時間可以同師傅交流吓服務唔錯 價錢可以 值得支持

今次同朋友到筲箕灣食飯❤️ 店內細細五臟俱全設有9個坐位，吧枱上貼有綠色優雅古典花紋小瓷磚，整店設計走型格路線😎 坐喺吧枱可以見到師傅鐵板功力煎食物～🥟極品海膽蝦餃子 $88呢個餃子用腐皮製作，包住海蝦肉、配上新鮮海膽及飛魚籽，入口脆卜卜好鮮甜！🍆櫻花蝦茄子田樂 $48用秘製鹹蝦味噌醬製作，表面在撒上炒香的櫻花蝦，茄子烤得入口即溶，麵豉蝦醬味道香濃～🦪朴葉焗蠔 $138 一蠔兩食採用日本新鮮直抵本港嘅廣島蠔，用日本朴葉包裹著廣島蠔焗製，再噴上日本清酒，廣島蠔好肥美，入口滿滿蠔香！一啲都唔腥。然後配上蠔湯，味道帶有濃郁嘅蠔味！🍢岩鹽上面放串燒牛舌 $78肉質幼嫩爽口彈牙！雞腳筋 $28估唔到又幾彈牙，唔會好痴牙～軍雞雞心 $32🍜平目魚裙邊拉麵 $128鰹魚湯底鰹魚味濃郁！呢個拉麵一啲都唔油！可以安心飲用成個湯底😍 好似飲緊魚湯咁🤭 拉麵質感彈牙！配上溫泉蛋🥚燒香嘅平目魚裙邊～

🌟餐廳：櫻月 SakuraTsuki Izakaya & Bar📍地址：筲箕灣筲箕灣道269A號地下D及E號舖💰價位：$201-400⏰營業時間：星期一休息；星期二至日12:00-15:00/18:00-23:00📱電話：98753918想食高質日式料理又想食拉麵，今日就黎到SakuraTsuki Izakaya & Bar 櫻月，一嚐好友極力推介既高質居酒屋！店主以來自日本及世界各地之優質食材配上店主暨主廚秘製烹調，秘研出多款特色居酒屋美食，亦提供各類清酒及店主精心調配秘製日本特色雞尾酒，打造成別樹一格之日式料理居酒屋～餐廳內設九個坐位，裝潢有別於一貫局酒屋格調，吧檯上貼有綠色優雅古典花紋小瓷磚，以型格路線再襯上紅色坐椅，更特意將主廚位置與客人吧檯相連設計，令食客更容易與主廚作直接交流～欣賞主廚除重視食物味道以外，同樣重視與食客之間溝通，再配日式雞尾酒，令食客有賓至如歸既感覺。———————————————————🔹 極品海膽蝦餃子清甜鮮蝦配腐皮，再配以甘甜鮮美既加拿大新鮮海膽及充滿濃郁香氣既飛魚子， 將昂貴食材搭配出超有創意既料理，啖啖豐富鮮美，令人回味無窮，絕對係佐酒佳餚！———

朋友話呢間拉麵好食。我哋入到去，見到牆上寫嘅食物好多都想食，包括緣份推介。同廚師傾完後，我哋俾咗個預算，就變成「廚師發板」。每一道菜都有驚喜。我唔食魚生都有其他選擇。一定飽。 當中有幾道串燒如鷄掌心粒肉，我叫佢做「give me five」，真係好少食到。仲要廚師親手切和串，花功夫。仲有另一個部位，也是不同吃法。我唔透露菜名保持神秘感。當中岩手縣的夢之和牛非常好味，肉質有咬口。後再來一串飛驒牛簡直無得頂，入口即化。我哋已經好飽，故請廚師減少炒飯份量。炒飯當中有秘制調味，先聞到已經好香。我哋去店原意為吃拉麵。忍唔住都要試。廚師破例容許我哋要很細份量。就算只有筍和大葱，這碗味增湯非常濃厚，跟其他店的很不一樣。廚師仲教我哋如何品嘗一碗拉麵，真係學到嘢。吃飽後，廚師另一技藝調酒。飯後酒係佢個人創作，不能影相透露。一杯shooter, 入口清新，酒精度連我這個酒力微薄都覺得恰到好處。為整晚嘅晚餐做了個美好嘅總結。下次我會再去試拉麵。

朋友已經係repeater guest 今日佢帶我食門口裝修好有日本既居酒屋一樣地方唔係大，容納只有10位以內難得今日去到唔洗等。老闆除左對食物既要求高之後對食客要求都好執着會教你點樣食先食到佢個層次牛舌拉麵 ❤️❤️❤️❤️🤍($148)一啖湯一餸。一個師父能夠係對食客既食法有要求。係對食物既尊重。想你地欣賞佢既藝術品而唔係求其。我相信香港無乜店有咁既要求。仲有佢會有hidden menu,2130後仲燒串環節如果唔係佢包左場，我應該會繼續座。總結就係師父好有熱誠，務求你地欣賞佢既作品。respect!!!!

因為住呢區搵食撞入去一次，自此食到返唔到轉頭😂不同時段有不同的menu，鋪頭細細得10個位左右，預先book定位就安全d以前久不久都去食拉麵，現在轉型做居酒屋仲多左好多唔同的選擇，簡單講下我每次的必食menu:-➡️芝士年糕，從來無吃過可以燒到鬆軟的口感，一試愛上的賣飛佛➡️紅酒漬喬頭，我從來都覺得喬頭係臭的，但呢個前菜不但唔臭仲好清甜，送酒一流➡️雞腳筋和雞尾串燒，口感好特別，前者爽口，後者香滑➡️軍雞雞翼，外皮燒到好香脆但又一點都不油膩➡️河豚乾，又係好正的下酒菜，比常見的燒魷魚多一點香甜，肉質又無咁韌仲有每次去都要睇牆上的緣份推介，全部都係限量的新鮮食材菜式，可遇不可求，真的要講有冇緣份。同埋老闆仲有好多隱藏menu的cocktails ，配合口味和點的菜色，次次都有不同驚喜價值來說，如果晚飯只係食個拉麵就百幾蚊落樓。而吃居酒屋menu就都唔諗住平架喇，話雖如此，但食物質素真的對得起價錢有餘，老闆小情侶又好nice，每個月一兩次食好啲，獎勵下自己飲下酒chill下，真心寫意

等左半年，終於以居酒屋形式開返我已經搬走左幾個月，朋友話佢開返，即刻返去支持下燒雞翼必食，我未食過燒得咁香脆又均勻嘅雞翼，裡面超多汁，一啲都唔會乾燒年糕口感好有層次，都係其他地方唔會食到炸櫻花蝦餅好彈牙蝦味都好夠，師傅入貨識揀👍🏻拉麵一如既往嘅好食，已經寫過兩次，唔再多講，食過佢嘅拉麵之後我已經冇興趣食其他拉麵傷心嘅係款少左，鹽味雞絲please😢以前師傅整拉麵已經好用心，依家多左燒野炸野，都好感受到佢製作每一份菜式都擺咗好多心機雖然小貴，但係每次食完都有種好感激師傅嘅感覺

之前食過櫻拉麵開番見到門口寫住開15:00-late 餐牌啲野食分左兩個時段 所以入去之前問下先老闆話其實想食串燒只要唔係繁忙時間 時間許可佢都可以做 最好打電話book檯同佢講聲先🤩見到上排好多酒 老闆話有緣份就有得飲cocktail 好驚喜！😍軍雞雞翼 見好多人食 我又試下先😋😋😋真係好特別！雞心雞腎都好好食 ！鐵板炒野菜仲食左個鐵板牛舌心 正到唔記得影相😋最後都要食番個拉麵🍜可惜食唔到銀杏同青椒仔老闆話平時多數收12點 下次再嚟食late dinner先🍸😎

看到了食評，想嘗試他們的串燒，到步發覺餐牌並沒有串燒，詢問下原來9點後才有另外餐牌有串燒，唯有點幾個店裡的特別小吃，還是不錯的。店裡大概有10個位，主要食拉麵。

久違了的櫻拉麵，等了半年終於回歸了。現在變了櫻月居酒屋。味道依然好味，現在要搵用心製作的美食實在困難，希望老闆繼續努力！牛舌拉麵係我至愛，次次都食，好彩居酒屋仍有得食！

好多細微位都做得好好，雞翼燒完會即時冷卻表面令個皮脆d。前菜個螢光魷魚醬油漬，好鮮甜。每串串燒都燒得好香脆又唔燶。串燒肉好多汁，幾好食。師傅會好耐心咁解釋點樣食法，睇得出每道菜式都用左好多心機煮。串燒會放響板粉紅岩鹽板上面，可以根據自己喜好去加鹽。呢個食法幾好！環境唔錯，好岩拍拖黎食，bar 枱張凳好好坐，好似梳化咁。餐具都好精緻，碟係好靚嘅櫻花。個抽氣系統做得好好，完全無油煙走到過黎，食完成餐飯都無串燒味響d衫度。見到隔離枱個拉麵都好靚，下次會再黎食。

佢裝修前一直都有食，等足六個月終於可以食番我至愛嘅牛舌芯拉麵！現在是居酒屋形式，可以一邊飲酒一邊食，仲可以同老闆吹下水！店中食物比以前更有進步，前菜芝士酒盜青瓜配紅酒 😋👍， 雞軟骨餃子，串燒牛舌心👍，朴葉焗蠔，化皮义燒拉麵（好邪惡）！ 食得非常滿足！正！ 性價比高， 真心抵食！