櫻桃麵飽西餅 (已結業)

香港度度都係連鎖店，包舖唔係東海堂就美心，全部空氣做既！下午三點三買返幾個蛋撻下午茶不知幾爽，新鮮麵包出爐既香味成條街都聞到！要搵一間仲係幾蚊個飽既麵包舖變得好難，所以要多多支持呢類型舖頭！下午3，4點人頭湧湧，兩個姨姨收錢摩打手，今次黎買生日蛋糕，最中意呢類餅店唔花巧，有黑森林，雜果，芒果，栗子，傳統得黎又好有回憶既口味。簡左個黑森林一磅都係$120，真材實料，有蛋味既蛋糕特別好食，內餡cream再加提子味啫喱，外面朱古力碎係dark chocolate，驚喜！

這間店鋪雖然價廉但並不十分物美，很多時間午餐肉包的餐肉都已發臭及帶酸味，而且雞尾包餡料亦一樣，有時買回去已經難以下嚥。在這裡買食物，除非早上，不然就要看自己的運氣。 不過這次比較想說的是服務態度，鑑於這間店舖都是主打價廉，一分錢一分貨，有些質素較差也不無道理，可惜今日發生的問題，卻令我不會再到這間店舖購買。 是緣我在這間店舖買了兩個蛋撻，一個腸仔包。我付上了一張50大元，對方卻只找回我13元。我向對方聲稱找少了一張20元，更向對方展示銀包內並沒有任何1張20元紙幣在內。可惜的是竟然被對方稱我乘著人多，是否想趁火打劫，更誣蔑我早已把20元收到身上其他地方，最後更把我趕走。這件事令我震驚及非常憤怒。假若我是懷有異心，我何不說自己付了100/500/1000元？只是騙那微小的20元？ 20元對我而言並不是什麼大數目，但是我卻對被該店舖職員誣蔑及傷害我人格，感到非常痛心。我一直很欣賞這間店舖的蛋撻，但這件事不單令我損失無謂金錢，更在眾目睽睽之下假定我是騙子，假定我是想騙店舖的20元。我只是個小小的大圍街坊，卻被人無理冤枉。 請各位慎重考慮是否到這間店舖購買，假若真的要到此購買，我在

再見不到員工把方包用機器切開後把兩端的兩塊一反，混在正常的方包中出售。現在顧客購買方包時只見到孔子(洞子)。在包裝外看得出來有一些洞洞，那是因為師父在捍麵時沒有壓掉的空氣。外觀不良。日間仍然很擠迫，傍晚時間光顧會舒服D。

食開港式麵包小店嘅人，應該一行過鋪頭就聞到佢專屬嘅味道，係比較香濃嘅牛油味夾雜住少少香甜嘅味道，因為全部都係喺鋪頭裏面製作好嘅。比起連鎖店嘅蛋糕，呢間鋪頭嘅蛋味相對比較濃，所以切開之後望到黃色比較深。其實齋睇個樣外表係就係冇乜驚喜，但係見到咁多咁豐富嘅水果顏色又鮮豔，都幾滿足嘅，其實食落去啲芒果仲好鮮甜好滑，蜜瓜亦都唔錯，當然士多啤梨方面，係呢個價錢就唔會係畀日本嘅品種你啦，但材料之多可以話係對得住個價錢有突雖然忘記咗影相，但係裏面蛋糕其實係冇偷工減料嘅，第一層就係鮮黃色嘅芒果，第二層系白色薄薄地嘅忌廉，第三層呢係相對厚小小嘅蛋糕，中間仲有一啲cream同埋芒果果肉粒粒，口感嘅豐富嘅食落亦都唔會太飽滯。有時候當轉下口味，又或者支持下呢啲街坊小店，回味返呢種港式嘅專屬味道，都會發現到大集團意外嘅小驚喜嘅。

大圍櫻桃餅店常見人龍買麵包餅食，今天大約二時來到，見顧客不太多，便入內逛逛，看看有什麼可買作下午茶。這店的麵包比較細，所以價錢亦較便宜。各式各樣的傳統麵包如豬仔包、雞尾包、菠蘿包和墨西哥包等等也可在這裡找到。今天不太想吃麵包，我便走到餅櫃看看有什麼可買作小食。傳統蛋捲、蛋糕仔、蛋撻等也可找到！今天不知怎樣，還是找不到想吃的東西。最後我走到凍餅櫃前，看見顏色繽紛的蛋糕如粟子蛋糕和笀果蛋糕等和各種凍餅。最後我終於被櫃內我已好久沒有吃過的芒果布甸所吸引，於是便買了兩個回家吃。芒果布甸賣相不錯，顏色吸引。雪凍了的布甸味道不錯，不會太甜，滑滑布甸非常容易入口，而那些面上的小芒果粒更有些𡁻口。整體八元一個芒果布甸已算便宜，味道又中規中矩，作為夏天的小食已感滿足。

買左兩個蛋撻仲有芒果布甸 自從佢搬左位就少左食 可能係但他已經焗完左一陣 攤凍左所以冇咁好食. 但酥皮依然好脆 有層次 但感覺不比以前好. 覺得個酥皮底搏薄左 拎住個撻啲邊已經係咁跌 中間蛋漿唔會太甜 攤左一陣都依然係咁順 冇話凍左啲就變硬左佢其他飽都唔貴 係街坊價!

每次步出大圍站都會行經該店總被新鮮出爐既麵包味吸引其實這裡出爐次數應該什密幾次唔同時間經過亦發現新鮮出爐的麵包可能因為位置比較方便，所以買的人較多散貨散得多，所以出多幾次爐更新鮮-不過可惜店員無論是男是女我發覺都冇一個做到「基本禮貌」其實買個麵包真的不用什麼服務可言不過試過發現找錯錢，好聲好氣和店員講店員首先是沒有回應，然後將欠缺的錢大力地拍在枱面上-其實幫襯你買個麵包，唔講求「服務」已經唔旨意你會講多謝不過自己找錯錢，對唔住唔講都算仲要發客人脾氣真係不得了-我亦試過被拒收較舊的硬幣和紙幣雖然店家有店家立場不過我的錢也是被找回來的啊我相信店家有需要定期到銀行唱錢或入錢，舊的錢銀行是接受並提供更換的而一般市民不會為了一張舊的紙幣特地到銀行排隊更換的啊-假若將來有天這店的生意愈來愈少什至不見了我相信定必與麵包質素無關主因十居其九是因為人如果店主有心做好這門生意真的要好好管教一下店員工作的方式

到大圍食晚飯, 無意中發現呢間應該都有啲歷史嘅麵包店, 價錢親民到你唔信呀！呢個紫薯包, 細細隻, 雖然餡料唔多, 空氣感重, 不過叮返熱嚟當個下午茶小食都唔錯㗎, 仲只賣3蚊, 去邊度搵呀？另外仲買咗個菠蘿包, 不過拎到返屋企已經俾我砸扁咗...就無謂po相啦。菠蘿包係一般手掌咁大嘅size, 同樣係$3個, 抵食到不得了 , 叮熱後牛油皮依然帶脆, 偏甜, 不過波蘿包甜度較高亦無可厚非, 間中食下無緊要啦。臨走睇埋個蛋糕櫃, 各款蛋糕造型平實不花巧, 但細心留意, 蛋糕上嘅水果一啲都唔少喎, 半磅蛋只需$55-65, 既經典又經濟。

櫻桃搬到新址之後，面積細咗。D顧客要迫住在三條人龍之間。一條龍是拿住個夾選購麵包的顧客，一條龍是付款的顧客，一條龍是買蛋撻的顧客。最不滿的是方包。切方包的員工把方包用機器切開後把兩端的兩塊一反，混在正常的方包中出售。顧客購買方包時只見片片白色，回家打開后就發現這塊(有時甚至是兩塊)不正常的。一條方包在出爐後是要攤涼數小時，甚至要經過運輸之後才切開，所以方包的外皮是沾了塵，不甚衞生清潔的。如果有顧客喜歡方包的兩端，櫻桃大可以把它們集中來包裝出售。

第一次去噶时候真系比价钱吓到，买左芒果冻饼同埋绿茶芝士都好好味！加埋先十五蚊真系抵到爆！而且食起身味道都好浓郁，芒果冻饼仲有芒果切片添，下次再去试试巨地其他的出品至得！