櫻桃麵飽西餅 (已結業)

到大圍食晚飯, 無意中發現呢間應該都有啲歷史嘅麵包店, 價錢親民到你唔信呀！呢個紫薯包, 細細隻, 雖然餡料唔多, 空氣感重, 不過叮返熱嚟當個下午茶小食都唔錯㗎, 仲只賣3蚊, 去邊度搵呀？另外仲買咗個菠蘿包, 不過拎到返屋企已經俾我砸扁咗...就無謂po相啦。菠蘿包係一般手掌咁大嘅size, 同樣係$3個, 抵食到不得了 , 叮熱後牛油皮依然帶脆, 偏甜, 不過波蘿包甜度較高亦無可厚非, 間中食下無緊要啦。臨走睇埋個蛋糕櫃, 各款蛋糕造型平實不花巧, 但細心留意, 蛋糕上嘅水果一啲都唔少喎, 半磅蛋只需$55-65, 既經典又經濟。